Kavita Khobro

ಕವಿತಾ ಟ್ರಸ್ಟಾಚಿ ಕವಿತಾ ಸಾದರ್ ಸರ್ತ್: ಕೇರಳ ಥಾವ್ನ್ ಸಾತ್ ಜಣಾಂ ಫೈನಲಾಕ್

ಕವಿತಾ ಟ್ರಸ್ಟ್ ಆನಿ 'ಮಹಿಮಾ' ಕಾಸರ್‌ಗೋಡ್ ವಾರಾಡೊ ವಾರ್ತಾಪತ್ರ್ ಹಾಂಣಿ ಸಾಂಗಾತಾ ಮೆಳುನ್ ಮಾಂಡುನ್ ಹಾಡಲ್ಲ್ಯಾ ಅಖಿಲ್ ಭಾರತ್ ಭುರ್ಗ್ಯಾಂಚ್ಯಾ ತಶೆಂ ಯುವಜಣಾಂಚ್ಯಾ ಕೇರಳ ಪಾಂವ್ಡ್ಯಾಂತ್ ಸಾತ್ ಜಣಾಂ ಫೈನಲಾಖಾತೀರ್ ವಿಂಚುನ್ ಆಯ್ಲ್ಯಾಂತ್. ಹ್ಯಾಚ್ ಒಕ್ಟೋಬರಾಚ್ಯೆ 15 ತಾರಿಕೆರ್ ಕುಂಬ್ಳೆ ಸೈಂಟ್ ಮೊನಿಕಾ ಇಗರ್ಜೆ ಇಸ್ಕೊಲಾಚ್ಯಾ ಸಭಾಸಾಲಾಂತ್ ಚಲಲ್ಲ್ಯಾ ಹ್ಯಾ ಕೇರಳ ಪ್ರಾಥಮಿಕ್ ಪಾಂವ್ಡ್ಯಾಚ್ಯೆ ಸರ್ತೆಂತ್ ಕೊಲ್ಲಂಗಾಣ, ಬೆಳಾ, ಕುಂಬ್ಳೆ ಆನಿ ಕಯ್ಯಾರ್ ಥಾವ್ನ್ ತೀಸ್ ಸ್ಪರ್ಧಿಕಾಂನಿ ವಾಂಟೊ ಘೆತಲ್ಲೊ.

ಸುರ್‍ವೆರ್ ವಾತ್ ಜಳೊವ್ನ್ ಕಾರ್ಯಾಚಿ ಸುರ್‍ವಾತ್ ಜಾಲಿ. ವೆದಿಚೆರ್ ಕುಂಬ್ಳೆ ಫಿರ್ಗಜೆಚೊ ವಿಗಾರ್ ಫಾ. ಮಾರ್ಸೆಲ್ ಸಲ್ಡಾನ್ಹಾ, ಕವಿತಾ ಟ್ರಸ್ಟ್ ಸ್ಥಾಪಕ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸ್, ಟ್ರಸ್ಟಿ ಆಂಡ್ರ್ಯೂ ಎಲ್. ಡಿಕುನ್ಹಾ, ಮಹಿಮಾ ಪತ್ರಾಚೊ ಸಹಸಂಪಾದಕ್ ರಾಜು ಉಕ್ಕಿನಡ್ಕ, ಮಹಿಮಾ ಪತ್ರಾಚ್ಯಾ ಸಂಪಾದಕೀ ಮಂಡಳೆಚೆ ಸಾಂದೆ ಸ್ಟೇನಿ ಲೋಬೊ ಆನಿ ರೋಶನ್ ಕಯ್ಯಾರ್ ಹಾಜರ್ ಆಸಲ್ಲೆ. ರಾಜು ಉಕ್ಕಿನಡ್ಕಾನ್ ಯೆವ್ಕಾರ್ ಮಾಗ್ಲೊ. ವೆದಿಚೆರ್ ಹಾಜರ್ ಆಸಲ್ಲ್ಯಾ ಸೈರ್‍ಯಾಂಚಿ ತಾಣೆ ವೊಳಕ್ ಕರುನ್ ದಿಲಿ. ಅಸಲೊ ಏಕ್ ಸ್ಪರ್ಧೊ ಪಯ್ಲೆ ಪಾವ್ಟಿಂ ಕೇರಳಾಂತ್ ಘಡೊವ್ನ್ ಹಾಡಲ್ಲ್ಯಾ ಕವಿತಾ ಟ್ರಸ್ಟಾಚೊ ತಾಣೆ ಉಪ್ಕಾರ್ ಮಾಂದ್ಲೊ. ಆಂಡ್ರ್ಯೂ ಎಲ್ ಡಿಕುನ್ಹಾ ಉಲೊವ್ನ್ ಇತ್ಲ್ಯಾ ವ್ಹಡಾ ಸಂಖ್ಯಾನ್ ಹ್ಯಾ ಸ್ಪರ್ಧ್ಯಾಂತ್ ಭಾಗ್ ಘೆಂವ್ಕ್ ಭುರ್ಗಿಂ ಮುಖಾರ್ ಸರ್‍ಲ್ಯಾಂತ್ ಜಾಲ್ಯಾರ್, ಹಿ ಕವಿತೆಚಿ ಜೀಕ್ ಆನಿ ಹಾಚೆ ಪಾಟ್ಲ್ಯಾನ್ ವಾವ್ರ್ ಕೆಲ್ಲ್ಯಾ ಸಮೇಸ್ತಾಂಕ್ ಹೊಗ್ಳಿಕ್ ಫಾವೊ ಮ್ಹಣ್ ತೊ ಮ್ಹಣಾಲೊ. ಫಾ. ಮಾರ್ಸೆಲ್ ಸಲ್ಡಾನ್ಹಾನ್ ಆಪ್ಣಾಚಿ ಕವಿತಾ ವಾಚುನ್ ಸಾಂಗ್ಲಿ. ಆಪುಣ್ ಕವಿ ನ್ಹಯ್, ರವಿ ನ್ಹಯ್ ಮ್ಹಣುನ್ ಸಾಂಗುಂಕ್ ಸುರು ಕೆಲ್ಲ್ಯಾ ತಾಣೆ ಆಪ್ಲ್ಯಾ ಕವಿತಾದ್ವಾರಿಂ ಕೊಂಕಣಿಚಿ ಹೊಗ್ಳಿಕ್ ಉಚಾರ್‍ಲಿ ಮಾತ್ರ್ ನ್ಹಯ್, ಸರ್ವಾಂನಿ ಎಕಾ ಮನಾನ್ ಕೊಂಕಣಿ ಖಾತೀರ್ ಕಮರ್ ಬಾಂದುನ್ ವಾವ್ರುಂಕ್ ಉಲೊ ದಿಲೊ.

ಸ್ಟೇನಿ ಬೆಳಾನ್ ಕಾರ್ಯೆಂ ಚಲೊವ್ನ್ ವೆಲೆಂ. ಮೆಲ್ವಿನ್ ರೊಡ್ರಿಗಸಾನ್ ಸರ್ತೆಚಿಂ ನೆಮಾಂ ಸಾಂಗ್ಲಿಂ. ಆಂಡ್ರ್ಯೂ ಎಲ್ ಡಿಕುನ್ಹಾ, ಎವ್ರೆಲ್ ರೊಡ್ರಿಗಸ್ ಆನಿ ಸ್ಟೇನಿ ಬೆಳಾ ವೊರಯ್ಣಾರ್ ಜಾವ್ನ್ ಆಸಲ್ಲೆ.

ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ ಚಾಫ್ರಾ ದೆಕೊಸ್ತಾ ಸ್ಮಾರಕ್ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರ್ ಸರ್ತೆಂತ್ ಜಿಕ್ಲಲಿಂ:
1. ಎನ್ಸನ್ ಕ್ರಿಸ್ ಡಿಸೋಜಾ, ಕಯ್ಯಾರ್
2. ಹರ್ಶಿತಾ ಫ್ರೀಸಿಯಾ ಲೋಬೊ, ಬೆಳಾ
3. ಮೆಲಿಶಾ ಪ್ರಿನ್ಸಿಟಾ ಕ್ರಾಸ್ತಾ, ಬೆಳಾ
4. ರಿಶಾ ವೀನಲ್ ಮಾರ್ಟಿಸ್, ಸೀತಾಂಗೋಳಿ
5. ಪ್ರಿಯಾಲ್ ಕ್ರಾಸ್ತಾ, ಬೆಳಾ

ರೋಹನ್ ಆನಿ ಲವೀಟಾ ಮೊಂತೇರೊ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರ್ ಸರ್ತೆಂತ್ ಜಿಕ್ಲಲಿಂ:

1. ಫೆವಿನಾ ಎಸ್ವಿ ಕ್ರಾಸ್ತಾ, ಕಯ್ಯಾರ್
2. ಸಾಂಡ್ರಾ ಪ್ರೀಮಲ್ ಮಾರ್ಟಿಸ್, ಕಯ್ಯಾರ್

 


कविता ट्रस्टाची कविता सादर सर्त: केरळ थावन सात जणां फैनलाक

कविता ट्रस्ट आनी 'महिमा' कासर‌गोड वाराडो वार्तापत्र हांणी सांगाता मेळून मांडून हाडल्ल्या अखिल भारत भुरग्यांच्या तशें युवजणांच्या केरळ पांवड्यांत सात जणां फैनलाखातीर विंचून आयल्यांत. ह्याच ओक्टोबराच्ये १५ तारकेर कुंबळे सैंट मोनिका इगर्जे इस्कोलाच्या सभासालांत चलल्ल्या ह्या केरळ प्राथमीक पांवड्याच्ये सर्तेंत कोल्लंगाण, बेळा, कुंबळे आनी कय्यार थावन तीस स्पर्धिकांनी वांटो घेतल्लो.

सुर‍वेर वात जळोवन काऱ्याची सुर‍वात जाली. वेदिचेर कुंबळे फिर्गजेचो विगार फा. मार्सेल सल्डान्हा, कविता ट्रस्ट स्थापक अध्यक्ष मेल्विन रोड्रिगस, ट्रस्टी आंडऱ्यू एल. डिकुन्हा, महिमा पत्राचो सहसंपादक राजू उक्किनड्का, आनी महिमा पत्राच्या संपादकी मंडळेचे सांदे स्टेनी लोबो आनी रोशन कय्यार हाजर आसल्ले. राजू उक्किनड्कान येवकार मागलो. वेदिचेर हाजर आसल्ल्या सोयऱ्यांची ताणे वोळक करून दिली. असलो एक स्पर्धो पयले पावटीं केरळांत घडोवन हाडल्ल्या कविता ट्रस्टाचो ताणे उपकार मांदलो. आंडऱ्यू एल डिकुन्हा उलोवन इतल्या व्हडा संख्यान ह्या स्पर्ध्यांत भाग घेवंक भुरगीं मुखार सर‍ल्यांत जाल्यार, ही कवितेची जीक आनी हाचे पाटल्यान वावर केल्ल्या समेस्तांक होगळीक फावो म्हण तो म्हणालो. फा. मार्सेल सल्डान्हान आपणाची कविता वाचून सांगली. आपूण कवी न्हय, रवी न्हय म्हणून सांगुंक सुरू केल्ल्या ताणे आपल्या कविताद्वारीं कोंकणिची होगळीक उचार‍ली मात्र न्हय, सर्वांनी एका मनान कोंकणी खातीर कमर बांदून वावरुंक उलो दिलो.

स्टेनी बेळान काऱ्यें चलोवन वेलें. मेल्विन रोड्रिगसान सर्तेचीं नेमां सांगलीं. आंडऱ्यू एल डिकुन्हा, एवरेल रोड्रिगस आनी स्टेनी बेळा वोरयणार जावन आसल्ले.

नेल्सन आनी लवीना रोड्रिक्स चाफ्रा देकोस्ता स्मारक अखिल भारत कोंकणी कविता सादर सर्तेंत जिकललीं:
1. एन्सन क्रिस डिसोजा, कय्यार
2. हर्शिता फ्रीसिया लोबो, बेळा
3. मेलिशा प्रिन्सिटा क्रास्ता, बेळा
4. रिशा वीनल मार्टीस, सीतांगोळी
5. प्रियाल क्रास्ता, बेळा

रोहन आनी लवीटा मोंतेरो अखिल भारत कोंकणी कविता सादर सर्तेंत जिकललीं:

1. फेविना एस्वी क्रास्ता, कय्यार
2. सांड्रा प्रीमल मार्टीस, कय्यार

 


Please fill in the form below with your feedback/ suggestions about this article.
Fields marked with * are necessary
Your Name:  *
E-mail:  *
Present Place:  *
Country:  *
Phone:
Address:
Your Message:  *
Security Validation
Enter the characters in the image above
 
Disclaimer: Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com/konkanipoetry.com will not be responsible for any defamatory message posted under this article.

Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.

Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.

ಕವಿತಾ ಸಾದರ್ ಸರ್ತ್: ಕೇರಳ ಥಾವ್ನ್ ಸಾತ್ ಜಣಾಂ ಫೈನಲಾಕ್

ಕೊಂಕಣಿ ಕವಿತಾ ಸಾದರ್ ಸರ್ತ್: ಉಡುಪಿ ಥಾವ್ನ್ ಸ ಜಣಾಂ ಫೈನಲಾಕ್

ಕವಿತಾ ಸಾದರ್ ಸರ್ತ್: ಮುಂಬಯ್ ಥಾವ್ನ್ ಆಟ್ ಜಣಾಂ ಮಂಗ್ಳುರ್ ಫೈನಲಾಕ್

ಅಖಿಲ್ ಭಾರತ್ ಕವಿತಾ ಸಾದರ್ ಸರ್ತ್: ಕಾಂದಿವ್ಲಿ ಥಾವ್ನ್ ಸ ಜಣಾಂ ಮುಂಬಯ್ ಫೈನಲಾಕ್

ವಿಲ್ಸನ್ ಕಟೀಲಾಚ್ಯಾ 'ಎನ್‍ಕೌಂಟರ್' ಪುಸ್ತಕಾಕ್ ವಿಮಲಾ ವಿ ಪೈ ವಿಶ್ವ ಕೊಂಕಣಿ ಪುರಸ್ಕಾರ್

ಕವಿತಾ ಸಾದರ್ ಸರ್ತ್: ಬಂಟ್ವಾಳ್ ಥಾವ್ನ್ ಚೊವ್ಗಾಂ ಭುರ್ಗಿಂ, ದೊಗಾಂ ಯುವಜಣಾಂ ಫೈನಲಾಕ್

ಮಥಾಯಸ್ ಕುಟಮ್ ಪುರಸ್ಕಾರ್ ಜೊಡ್ಪಿ ಕವಿ ಯೂಸುಫ್ ಅಬ್ದುಲ್ಲಾ ಶೇಖ್ ಆನಿ ನಾ

ಜೆರಿಮೆರಿಂತ್ ಕವಿತಾ ಟ್ರಸ್ಟಾಚಿ ಕೊಂಕಣಿ ಕವಿತಾ ಸಾದರ್ ಸರ್ತ್ ಆನಿ ಕವಿಗೋಷ್ಟಿ

ಕವಿತಾ ಸಾದರ್ ಸರ್ತ್: ಮಂಗ್ಳುರ್ ಥಾವ್ನ್ ದೊಗಾಂ ಭುರ್ಗಿಂ, ತೆಗಾಂ ಯುವಜಣಾಂ ಫೈನಲಾಕ್

ಕವಿತಾ ಟ್ರಸ್ಟಾಚಿ ಕವಿತಾ ಸಾದರ್ ಸರ್ತ್: ಮಿರಾರೊಡಾಂತ್ ಪಾಂಚ್ ಜಣಾಂಚಿ ವಿಂಚವ್ಣ್


More News »