ಕವಿ ಆಂದ್ರೂ ಡಿಕುನ್ಹಾಚ್ಯಾ 'ಆಂಜುರಾಚೆಂ ಪಾನ್' ಪುಸ್ತಕಾಕ್ ಅಕಾಡೆಮಿ ಪುರಸ್ಕಾರ್
ಕವಿತಾ ಟ್ರಸ್ಟಾನ್ ಪರ್ಗಟ್ ಕೆಲ್ಲ್ಯಾ ಕವಿ ಆಂದ್ರೂ ಎಲ್. ಡಿ'ಕುನ್ಹಾಚ್ಯಾ 'ಆಂಜುರಾಚೆಂ ಪಾನ್' ಕವಿತಾ ಪುಸ್ತಕಾಕ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ ಪುಸ್ತಕ್ ಪುರಸ್ಕಾರ್ ಲಾಭ್ಲಾ. ಹೊ ಪುರಸ್ಕಾರ್ ಹ್ಯಾಚ್ ಮ್ಹಯ್ನ್ಯಾಚ್ಯಾ ೨೨ ತಾರಿಕೆರ್ ಧಾರವಾಡಾಂತ್ ಚಲ್ಚ್ಯಾ ಎಕಾ ಕಾರ್ಯಾವೆಳಿಂ ಹಾತಾಂತರ್ ಕರ್ತಲೆ. ಉದೆತೊ ಕವಿ ಜೊಸಿ ಸಿದ್ದಕಟ್ಟೆ ಹಾಕಾ ಯುವ ಸಾಹಿತ್ಯ ಪುರಸ್ಕಾರ್ ಫಾವೊ ಜಾಲಾ.
ಆಂದ್ರೂ ಡಿಕುನ್ಹಾ, ಜೊ.ಸಿ. ಸಿದ್ದಕಟ್ಟೆ
ಹ್ಯಾ ಕವಿಂ ಸಾಂಗಾತಾ ಕಾದಂಬರಿಕಾರ್ ಎಡ್ವಿನ್ ಜೆ. ಎಫ್. ಡಿಸೋಜಾ ಹಾಚ್ಯಾ 'ಕಾಳೆಂ ಭಾಂಗಾರ್' ಕೃತಿಯೆಕ್ ತಶೆಂ ಫಾ. ಫ್ರಾನ್ಸಿಸ್ ರೊಡ್ರಿಗಸ್ ಹಾಂಚ್ಯಾ ಪ್ರಬಂಧಾಂಚ್ಯಾ ಪುಸ್ತಕಾಕ್ ಹೊ ಪುರಸ್ಕಾರ್ ಲಾಭ್ಲಾ. ಯುವ ಪುರಸ್ಕಾರಾ ಖಾತೀರ್ ಶಾಂತಾ ಕಳೆ ಆನಿ ನಿವೇದಿತಾ ಸಾವಂತ್ ಹಾಂಚಿ ವಿಂಚವ್ಣಿ ಜಾಲ್ಯಾ.
ಗವ್ರವ್ ಪುರಸ್ಕಾರಾ ಖಾತೀರ್ ನಾಟಕಕಾರ್ ಜೊನ್ ಎಮ್. ಪೆರ್ಮನ್ನೂರ್, ಎನ್. ಬಿ. ಕಾಮತ್ ಆನಿ ಬಾಬು ಗಾವ್ಡ ಹಾಂಕಾಂ ವಿಂಚ್ಲಾಂ.
ಕನ್ನಡ ಆನಿ ಸಂಸ್ಕೃತಿ ಮಂತ್ರಿ ಉಮಾಶ್ರೀ, ಧಾರವಾಡಾಚೊ ಜಿಲ್ಲಾ ಉಸ್ತುವಾರಿ ಮಂತ್ರಿ ದಿನೇಶ್ ಗುಂಡೂರಾವ್, ಕರ್ನಾಟಕ ಸ್ತ್ರೀಯಾಂಚ್ಯಾ ವಿಶ್ವವಿದ್ಯಾಲಯಾಚಿ ಉಪಕುಲಪತಿ ಮೀನಾ ಚಂದಾವರ್ಕಾರ್ ಹಿಂ ಹ್ಯಾ ವೆಳಾರ್ ಹಾಜರ್ ಆಸೊನ್ ಪುರಸ್ಕಾರ್ ದಿತಲಿಂ.
ಪಾಟ್ಲ್ಯಾ ತೀನ್ ವರ್ಸಾಂ ಥಾವ್ನ್ ಕವಿತಾ ಟ್ರಸ್ಟಾಚ್ಯಾ ಪುಸ್ತಕಾಂಕ್ ಸರಾಗ್ ಅಕಾಡೆಮಿಚೊ ಪುರಸ್ಕಾರ್ ಲಾಭ್ಲಾ ಹಿ ಏಕ್ ಮಹತ್ವಾಚಿ ಗಜಾಲ್.