ಕವಿತಾ ಬರೊಂವ್ಚೆ ಸರ್ತೆಂತ್ ಗೊಂಯ್ಚೆಂ ಅಶ್ಮಿ ಪಯ್ಲೆಂ ತರ್ ಕಾರ್ಕಳ್ಚೆಂ ಶ್ರೀಲಕ್ಷ್ಮಿ ದುಸ್ರೆಂ.
ಮಂಗ್ಳುರ್‍ಚ್ಯಾ ಆಶ್ಲಿನ್ ಆನಿ ಗೊಂಯ್ಚ್ಯಾ ದಿವ್ಯಾಕ್ ತಿಸ್ರೆಂ ಇನಾಮ್
ಕವಿತಾ ಟ್ರಸ್ಟಾನ್ ಮಾಂಡುನ್ ಹಾಡಲ್ಲ್ಯಾ ಚಾರ್ಲ್ಸ್ ಆನಿ ತೆರೆಜಾ ರೊಡ್ರಿಗಸ್ ಸ್ಮಾರಕ್ ಆಟ್ವ್ಯಾ ಅಖಿಲ್ ಭಾರತ್ ಕೊಂಕಣಿ ಕವಿತಾ ಬರೊಂವ್ಚೆ ಸರ್ತೆಂತ್ ಗೊಂಯ್ಚ್ಯಾ ವಿ.ಡಿ. ಆನಿ ಎಸ್. ವಿ. ವಾಗ್ಳೆ ಹೈಸ್ಕುಲಾಂತ್ ಧಾವೆ ಕ್ಲಾಶಿಂತ್ ಶಿಕ್ಚ್ಯಾ ಅಶ್ಮಿ ದಶರಥ್ ನಾಯ್ಕಾಕ್ ತಿಚ್ಯಾ 'ತಿ' ಕವಿತೆ ಖಾತೀರ್ ಪಯ್ಲೆಂ ಇನಾಮ್ ಫಾವೊ ಜಾಲಾಂ. ತಿಕಾ ರುಪಯ್ 2000 ನಗ್ದೆಸವೆಂ, ಯಾದಸ್ತಿಕಾ ತಶೆಂ ಪ್ರಮಾಣ್ ಪತ್ರ್ ಲಾಭ್ತಲೆಂ.
ದುಸ್ರೆಂ ಇನಾಮ್ ಜಾವ್ನ್ ರುಪಯ್ 1000, ಯಾದಸ್ತಿಕಾ ತಶೆಂ ಪ್ರಮಾಣ್ ಪತ್ರ್ ಕಾರ್ಕಳ್ಚ್ಯಾ ಎಸ್. ವಿ. ಟಿ. ಗರ್ಲ್ಸ್ ಪಿ.ಯು. ಕೊಲೆಜ್ ಹಾಂಗಾಸರ್ ನೊವೆ ಕ್ಲಾಶಿಂತ್ ಶಿಕ್ಚ್ಯಾ ಶ್ರೀಲಕ್ಷ್ಮಿ ಶೆಣೈ ಹಿಚ್ಯಾ 'ಅಮ್ಮ' ಕವಿತೆ ಖಾತೀರ್, ಆನಿ ತಿಸ್ರೆಂ ಇನಾಮ್ ಜಾವ್ನ್ ರುಪಯ್ 750, ಯಾದಸ್ತಿಕಾ ತಶೆಂ ಪ್ರಮಾಣ್ ಪತ್ರ್ ಗೊಂಯ್ಚ್ಯಾ ಮಾಂದ್ರೆ ಹೈಸ್ಕುಲಾಂತ್ ಧಾವೆ ಕ್ಲಾಶಿಂತ್ ಶಿಕ್ಚ್ಯಾ ದಿವ್ಯಾ ಸೋಮನಾಥ್ ಪಾರ್ಸೆಕಾರ್ ಹಿಚ್ಯಾ 'ಬೆಬೊ' ತಶೆಂಚ್ ಮಂಗ್ಳುರ್ ಸೈಂಟ್ ಆಗ್ನೆಸ್ ಹೈಸ್ಕುಲಾಂತ್ ನೊವೆ ಕ್ಲಾಶಿಂತ್ ಶಿಕ್ಚ್ಯಾ ಆಶ್ಲಿನ್ ಕ್ರೆಸ್ ಫೆರ್ನಾಂಡಿಸ್ ಹಿಚ್ಯಾ 'ಯೋರೆ ಪಾವ್ಸಾ' ಕವಿತೆಂ ಖಾತೀರ್ ವಾಂಟುನ್ ಗೆಲಾಂ.
First - Ashmita Dasharath Naik, Second - Sreelaxmi Shenoy
ಹಿಂ ಇನಾಮಾಂ ಹ್ಯಾಚ್ ಜನೆರ್ 11, 2015 ಬಾರ್ಕೂರ್ ಚೌಳಿಕೆರೆಂತ್ ಚಲ್ಚ್ಯಾ 'ಕವಿತಾ ಫೆಸ್ತ್ - 2015' ಸಂದರ್ಭಾರ್ ವಾಂಟ್ತಲೆ.
ಅಶ್ಮಿಚಿ 'ತಿ' ಕವಿತಾ ಚಲಿಜಿವಾಚ್ಯಾ ಸಮಸ್ಯಾಂಚೆರ್ ಭೊರ್ ಘಾಲ್ತಾ ತರ್, ಶ್ರೀಲಕ್ಷ್ಮಿಚಿ 'ಅಮ್ಮ' ಕವಿತಾ ಆವಯ್ಚ್ಯಾ ಮೊಗಾಚಿಂ ಗುಣ್‌ಗಾನ್ ಕರ್‍ತಾ. ದಿವ್ಯಾಚಿ ಕವಿತಾ 'ಬೆಬೊ' ಮಾಣ್ಕ್ಯಾಚಿ ಆಪುರ್ಬಾಯೆಚಿ ಕಾಣಿ ಸಾಂಗ್ತಾ ತರ್, ಆಶ್ಲಿನಾಚಿ ಕವಿತಾ 'ಯೋರೆ ಪಾವ್ಸಾ' ಪೃಥ್ವಿಚೆಂ ರಕ್ಷಣ್ ಕರುಂಕ್ ಸಕನಾತಲ್ಲ್ಯಾ ಮನ್ಶಾನ್ ಪಾವ್ಸಾಕ್ ಆಶೆಂವ್ಚೆಂ ಚಿತ್ರಣ್ ಆಟಾಪ್ತಾ.
ಆಟ್ವ್ಯಾ ವರ್ಸಾಚ್ಯಾ ಹೆ ಸರ್ತೆಂತ್ 116 ಭುರ್ಗ್ಯಾಂನಿ ವಾಂಟೊ ಘೆತಲ್ಲೊ. ಕವಿತಾಂಚಿ ವೊರವ್ಣಿ ಮೆಲ್ವಿನ್ ರೊಡ್ರಿಗಸ್, ವಿತೊರಿ ಕಾರ್ಕಳ್ ಆನಿ ಎವ್ರೆಲ್ ರೊಡ್ರಿಗಸ್ ಹಾಂಣಿ ಕೆಲ್ಲಿ. ಪಯ್ಲ್ಯಾ ಹಂತಾರ್ ವೀಸ್ ಕವಿತಾ ವಿಂಚುನ್ ಕಾಡುನ್, ತ್ಯಾ ಭುರ್ಗ್ಯಾಂಲಾಗಿಂ ಫೊನಾಚೆರ್ ಸಂಭಾಷಣ್ ಚಲೊವ್ನ್, ಇನಾಮಾಂ ಖಾತೀರ್ ಚೊವ್ಗಾಂಕ್ ವಿಂಚುನ್ ಕಾಡ್ಲಾಂ.
कविता बरोंवचे सर्तेंत गोंयचें अश्मी पयलें तर कार्कळचें श्रीलक्ष्मी दुसरें.
मंगळूरच्या ऍशलीन आनी गोंयच्या दिव्याक तिसरें इनाम.
कविता ट्रस्टान मांडून हाडल्ल्या चारल्स आनी तेरेजा रोड्रीगस स्मारक आटव्या अखील भारत कोंकणी कविता बरोंवचे सर्तेंत गोंयच्या वी.डी. आनी एस. वी. वागळे हैस्कुलांत धावे क्लाशींत शिकच्या अश्मी दशरथ नायकाक तिच्या 'ती' कविते खातीर पयलें इनाम फावो जालां. तिका रुपय २००० नगदे सवें, यादस्तिका तशें प्रमाण पत्र लाभतलें.
दुसरें इनाम जावन रुपय १०००, यादस्तिका तशें प्रमाण पत्र कार्कळच्या एस. वी. टी. गरल्स पी.यू. कॉलेज हांगासर नोवे क्लाशिंत शिकच्या श्रीलक्ष्मी शेणै हिच्या 'अम्मा' कविते खातीर, आनी तिसरें इनाम जावन रुपय ७५०, यादस्तिका तशें प्रमाण पत्र गोंयच्या मांद्रे हैस्कुलांत धावे क्लाशिंत शिकच्या दिव्या सोमनाथ पार्सेकार हिच्या 'बेबो' तशेंच मंगळूर सैंट आग्नेस हैस्कुलांत नोवे क्लाशिंत शिकच्या ऍशलीन क्रेस फेर्नांडीस हिच्या 'योरे पावसा' कवितें खातीर वांटून गेलां.
हीं इनामां ह्याच जानेर ११, २०१५ बार्कूर चौळिकेरेंत चलच्या 'कविता फेस्त - २०१५' संदर्भार वांटतले.
Third - Divya Parsekar, Ashlin Fernandes
अश्मिची 'ती' कविता चली जिवाच्या समस्यांचेर भोर घालता तर, श्रीलक्ष्मिची 'अम्मा' कविता आवयच्या मोगाचें गूणगान करता. दिव्याची कविता 'बेबो' माणक्याची आपुरबायेची काणी सांगता तर, ऍशलीनाची कविता 'योरे पावसा' पृथविचें रक्षण करुंक सकनातल्ल्या मनशान पावसाक आशेंवचें चित्रण आटापता.
आटव्या वर्साच्या हे सर्तेंत ११६ भुरग्यांनी वांटो घेतल्लो. कवितांची वोरवणी मेल्विन रोड्रिगस, वितोरी कार्कळ आनी एवरेल रोड्रिगस हांणी केल्ली. पयल्या हंतार वीस कविता विंचून काडून, त्या भुरग्यांलागीं फोनाचेर संभाषण चलोवन, इनामां खातीर चोवगांक विंचून काडलां.