ಕೊಗುಳ್ ಮೌನ್ ಜಾತಾನಾ

ಕೊಗ್ಳೆನ್ ಗಾಯ್ಲಿಂ ಗಾಣಾಂ
ಫುಲ್ಲಿಂ ಕೊಂಕ್ಣಿ ಮನಾಂ
ಆತಾಂ ಕೊಗುಳ್ ಗಾಯ್ನಾ
ಮನಾಂನಿ ಫುಲಾಂಚಿ ಸಾಯ್ ನಾ

ನೀರವ್ ಮೌನ್ ಕಾಳ್ಜಾಂನಿ
ನಾದ್ ಚಾಕ್ಲಲೆ ಮತಿಂನಿ
ಉತ್ರಾಂ ನಾದಾಂಚೆ ಕೊಗ್ಳೆನ್ ತಿಂ
ಗುಂತಲ್ಲಿಂ ಸಂಗೀತ್ ಲ್ಹಾರಾಂನಿ

ನೆಕೆತ್ರಾಂಣಿ ಪರ್ಜಳ್ ನಾ
ದರ್ಯಾ ಬಗ್ಲೆನ್ ಗಾಯಾನ್ ನಾ
ಕೊಗುಳ್ ನಾತ್ಲಲ್ಯಾ ರುಕಾ ಫಾಂಟ್ಯಾಂನಿ
ಸುಕ್ಣ್ಯಾ ಸಾವ್ಜಾಂಚೊ ಆವಾಜ್ ನಾ

ಕೊಗ್ಳಿನ್ ಮೋಗ್ ಕೆಲೊ ಸಂಗಿತಾಚೊ
ಸೊಭಿತ್ ಸಾತ್ ಸ್ವರಾಂಚೊ
ತುಟ್ಲೊ ಕಸೊ ಗಾಂಚ್
ಸಂಗೀತಾಚೊ ಆನಿ ಆಮ್ಚೊ?

ಕೊಣೆಂ ಮಾರ್‍ಲೊ ಫಾರ್
ರಾವೊಂಕ್ ಕೊಗ್ಳೆಚೊ ಸ್ವರ್
ಆಯ್ಕೊಂಕ್ ಇತ್ಲೊ ಮಧುರ್
ತಿತ್ಲೋಯ್ ಕಸಲೊ ಮೊಸೊರ್?

ಕೆದ್ನಾಂ ಯೇತ್ ಆಸೊರ್
ನಿತ್ಳಾಂವ್ಕ್ ಕಾಳ್ಜಾ ಕೊಚೊರ್
ಕೊಗುಳ್ ಜಾಲಿ ಅಮರ್
ಶಾಸ್ವತ್ ಕರುನ್ ಬೆಜಾರ್!

-ಜೆರಿ ರಾಸ್ಕಿಞ್, ಆಂಜೆಲೊರ್

Hi Melwyn It is timely and thought provoking. Liked it a lot.

Congratulations to Mr. M P Rodrigues. It is indeed a great honour for your debut effort. Hope more & more poems shall come from you in the furure.

Our wishes to Cyril G Sequeira, Valli Vogga. Richard helino. All the very best and good health to all of you.

ಕವಿಬಾಬ್ ಎಮ್. ಪಿ. ರೊಡ್ರಿಗಸ್ ಹಾಂಚೊ ಫುಡ್ಲೊದ್ ಕವಿತಾಪುಸ್ತಕ್ "ರುಮ್ಡಿ ಫುಲಾಂ" ಹಾಕಾ ಕರ್ನಾಟಕ ಕೊಂಕ್ಣಿ ಸಾಹಿತ್ಯ್ ಅಕಾದಮಿಚಿ ಪ್ರಶಸ್ತಿ ಲಾಭ್ಲ್ಯಾ ತಿ ಭೋವ್ ಸಂತೊಸಾಚಿ ಆನಿ ಅಭಿಮಾನಾಚಿ ಗಜಾಲ್. ಕವಿ ಎಂ. ಪಿ. ಬಾಬಾಕ್ ಉಲ್ಲಾಸ್ ಆನಿ ಪುಸ್ತಕ್ ಪ್ರಕಾಶಿತ್ ಕೆಲ್ಲ್ಯಾ ಕವಿತಾ ಪ್ರಕಾಶನಾಂಚಾ ಚೆಪ್ಯಾಚೆರ್ ಖಂಡಿತ್ ಜಾವ್ನ್ ಅನ್ಯೇಕ್ ಪಾಕ್ !

ಗಲ್ಫಾಕ್ ಪಾವ್‌ಲ್ಲ್ಯಾ ತೆದ್ನಾಂ ಥಾವ್ನ್ ಖಂಚಾಯ್ ಜಮಾತೆನಿ ಮೊಜೆ ಕಾನ್ ನೀಟ್ ಕರುನ್ , ದೀಷ್ಟ್ ಹಾಲಾಯ್ನಾಸ್ತಾ , ದೊಳ್ಯಾಂಚ್ಯಾ ಆಸ್ಡ್ಯಾಂಕ್ ಕುರ್ವೊಂಕ್ ದಿನಾಸ್ತಾನಾ ಉಲೊವ್ಪ್ ಆಯ್ಕೊಂಕ್ ಬಸ್ಲಾಂ ಮುಳ್ಳ್ಯಾರ್ ತೆಂ ಸಿರ್ಫ್ ಬಾಬ್ ಎಮ್.ಪಿ ಚೆಂ.ಕಿತ್ಲೆಂ ಮೊವಾಳ್ ತಾಚೆಂ ಉಲೊವ್ಣೆಂಗಿ ತಿತ್ಲೆಂಚ್ ನಿಷ್ಪಕ್ಷ್‌ಪಾತ್ ಪೈಸಲ್ ತಾಚೆಂ.ಕೆದಾಳಾಯ್ ಚುಕೊನ್ ಉಲೊಯ್ಲೊ ಜಾಂವ್ದಿ , ಕೊಣಾಕಿ ದುಖಾಯ್ಲೆಂ ಜಾಂವ್ದಿ ಹಾಂವ್ ನೊಕೊ.ಆಸಲ್ಯಾ ಎಕಾ ವ್ಯಕ್ತೀ ಥಾವ್ನ್ ಭಾಯ್ರ್ ಪಡ್‌ಲ್ಲ್ಯಾ " ರುಮ್ಡಿ ಫುಲಾಂ " ಕ್ ಪ್ರಶಸ್ತಿ ಮೆಳ್‌ಲ್ಲಿ ತಿ ಕೊಂಕ್ಣಿ ಸಮುದಾಯಕ್ ವ್ಹರ್ತ್ಯಾ ಆಭಿಮಾನಾಚಿ ಗಜಾಲ್.

ಬಾಬ್ ಎಮ್.ಪಿ ಕ್ ಮೊಜೆ ಪರ್ಭಿಂ ಅನಿ "ರುಮ್ಡಿ ಫುಲಾಂ" ಚೊ ಪರ್ಮಳ್ ಸಂಸಾರ್‌ಭರ್ ವಿಸ್ತಾರೊಂದಿ ಮುಣೊನ್ ಮಾಗ್ತಾಂ.

ಅಮರ್ ವಿಲ್ಫಿ

ತಾಚಿಂ ಉತ್ರಾಂ, ತಾಚಿಂ ಸೂತ್ರಾಂ,
ತಾಚಿಂ ಮಂತ್ರಾಂ, ತಾಚಿಂ ತಂತ್ರಾಂ
ಹಾಡ್ತಾಲಿಂ ಚಿತ್ರಾಂ ಮತಿ-ಕಾತಿಂನಿ
ತಾಚ್ಯಾ ಪದಾಂಚೊ ಸುವಾದ್, ಸಂಗೀತಾಚೊ ಆವಾಜ್
ಹಾಡ್ತಾಲೊ ಹುರುಪ್ ತ್ರಾ ಜಿವ್ಯಾ ಕೂಡಿಂನಿ
ತಾಚಿಂ ಚಿಂತ್ನಾಂ ಜೀವನಾಂತ್ಲ್ಯಾ ಘಡಿತಾಂಚೆರ್
ತಾಚೆಂ ವಿವರಣ್ ಸದಾಂ ಸಂಗ್ತಿಂಚೆರ್
ಉಭಾರ್ತಾಲ್ಯೊ ಆಸ್ಡ್ಯೊ ಹರ್ಯೆಕಾ ದೊಳ್ಯಾಂನಿ
ತಾಣೆಂ ಧರಿನಾಸ್‌ಲ್ಲಿ ವಾಟ್ ನಾ
ತಾಣೆಂ ಚಿಂತಿನಾಸ್‌ಲ್ಲೊ ವಿಷಯ್ ನಾ
ಚಾಲು ಘಡಿತಾಂಚೆರ್ ಸಯ್ತ್ ನಿಗಾ ದವ್ರುನ್
ತಾಣೆಂ ಬರವ್ನ್ ಗಾಯ್ಲಿಂ ಪದಾಂಚ್ ಪದಾಂ

ತೀನ್ ಹಜಾರಾ ವಯ್ರ್ ಪದಾಂಚೊ ತಾಳೊ
ಹರ್ಯೆಕಾ ಪದಾಕ್ ತಾಚೊಚ್ ಸ್ವಂತ್ ತಾಳೊ
ಸಂಗೀತ್ ವ್ಹಾಜಾಂತ್ರಾಂಕ್ ದೀವ್ನ್ ಉಮಾಳೊ
ಫುಲಯ್ಲೊ ಪದಾಂಚೊ ಸುಗಂಧ್ ಕಳೊ
ಬರಯ್ಲಿಂ ನಾಟಕಾಂ, ಪಡ್ದ್ಯಾರ್ ಪಿಂತುರಾಂ
ಮಟ್ವ್ಯೊ, ಸಾಂಖಳ್ ಕಾಣಿಂಯೊ; ಕಿತೆಂ ವಿಚಿತ್ರಾಂ
ಕೊಂಕ್ಣಿ ಸಾಹಿತ್ಯಾತ್ ಆಪಡ್ನಾಸ್‌ಲ್ಲಿ ಸಂಗತ್ ನಾ
ಕರ್ನ್ಯಾಂನಿ ಕೊಂಕಣಾಂತ್ ಆಪಡ್ನಾಸ್‌ಲ್ಲಿ ವ್ಯಕ್ತಿ ನಾ
ಕೊಂಕ್ಣೆಚೆಂ ಭಂಡಾರ್, ಸಾಹಿತ್ಯಾಚೊ ಶಿಂವೊರ್
ವಿಲ್ಫಿ ರೆಬಿಂಬಸ್ ಏಕ್ ಕೊಂಕ್ಣೆಚೊ ಕುಂವರ್
ಸಾತ್ತೆಸಾಟ್ ವರ್ಸಾಂಚಿ ತಾಚಿ ಜಿಣಿ ಕಷ್ಟಾಂಚಿ
ತರೀ ಮುಖಮಳಾರ್ ಸದಾಂಚ್ ಹಾಸ್ಯಾಚಿ

ದೇವಾನ್ ವ್ಹೆಲೆಂ ತುಕಾ ಆಮ್ಚ್ಯೆ ಥಾವ್ನ್ ತರೀ
ತುಜೊ ತಾಳೊ ವಿಸ್ರೊಂಚೊನಾಂತ್ ನಿರಂತರಿಂ
ತುಜ್ಯೊ ಕೊವ್ಳ್ಯೊ ಭರ್ಲ್ಯಾತ್ ಹರ್ಯೆಕಾ ಘರಾಂನಿ
ತುಜಿಂ ಪದಾಂ ಗಾಯ್ತಾತ್ ಹರ್ಯೆಕಾ ಕಾರ್ಯಾಂನಿ
ತುಜೆಂ ಮುಖಮಳ್ ದಿಸ್ತಾ'ಮ್ಕಾಂ ಹರ್ಯೆಕಾ ಪದಾಂನಿ
ಕೊಂಕಣ್ ಕೊಗುಳ್, ಕೊಂಕಣ್ ರಾಯ್, ಖಂಚ್ಲಾಯ್ ಕಾಳ್ಜಾಂನಿ
ದೇಶ್ ವಿದೇಶಾಂತ್ಲೊ ಲೋಕ್ ಹಾಜರ್ ತುಜ್ಯಾ ಮರ್ಣಾಕ್
ಆದೇವ್ಸ್ ಮಾಗೊನ್ ಸದಾಂ ದವ್ರುಂಕ್ ಸ್ಮರಣಾಂತ್ ಲೋಕಾಚಿ ಖೆಟ್, ಯಾಜಕಾಂಚಿ ರಾಸ್ ದು:ಖಾಂನಿ ಭರು
ನಿಕೆಪಿಲೆಂ ತುಕಾ ತುಜ್ಯಾ ಬಾಪಾಚ್ಯಾ ಸಾಮ್ಖಾರ್‌ಚ್
ಮಾಗ್ತಾಂವ್ ಸಾಸ್ಣಿಕ್ ಶಾಂತಿ ತುಕಾ ಸದಾಂಚ್ ಮೆಳೊಂ
ಮೀನಾ ಭುರ್ಗ್ಯಾಂಚೆರ್ ಆಶೀರ್ವಾದ್ ಸದಾಂಚ್ ವ್ಹಾಳೊಂ

-ಆಸ್ಟಿನ್ ಪ್ರಭು, ಚಿಕಾಗೊ

Good tribute to Wilfybab Melvyn, He will remain with us forever, with his music... voice.... who can forget him??? Love Lasts beyond a lifetime, it lives forevermore…. A timeless flowing in the heart, like waves upon the shore…. And like the tide that comes And goes, hoping that you find, While memories of your loved one grow, the sadness fades behind May the thoughts of those who care, Comfort Rebimbus family during This time of sorrow May his soul rest in peace 'Konkan Kogul' no more…. Unbelieveable……great loss to Konkani world…… Carol Martis and family

Konkani world lost a great person. Wilfy loved, lived and cherished music. His unending love for music narrated in one of his song...Mog haun tozo korthan, kalzanth tuka borlan, jiyethan ani Morthan, sangeethan tuja sangeetha..May God grant eternal rest to him and comfort all his dear and near ones.

It is great loss to konkani. but even though he died, his voice will never die. that what Wilfy left his greatest gift to konkani world for every generations to come. Long live his memory. May his soul rest in peace.

In the passing away of Wilfy Rebimbus we lost a great Konkanni lover, a great poet, a great musician and a versatile Konkanni writer. He was an all-rounder. Humility was his trade mark. It is ironic that two of our greatest Konkanni song composers and singers- Jerome D'Souza and Wilfy Rebimbus- ended their earthly journey at the age of 67.

"ಹುಟ್ಟು ಆಕಸ್ಮಿಕ, ಮರಣ ಶಾಶ್ವತ" ಮ್ಹಳ್ಳಿ ಸಾಂಗ್ಣಿ ಸರ್ವಾಂಕ್ ಲಾಗು ಜಾತಾ ಮ್ಹಳ್ಳೆಂ ಸತ್ ಆಮಿ ಜಾಣಾಂವ್ ತರೀ, ಕಿತ್ಯಾಕ್‍ಗೀ ವಿಲ್ಫಿ ರೆಬಿಂಬಸಾಚ್ಯಾ ಅಕಾಲಿಕ್ ಮರ್ಣಾವರ್ವಿಂ ಉಬ್ಜಾಲ್ಲೊ ರಿತೊ ಜಾಗೊ (vacuum) ಭೋವ್ ವ್ಹಡ್ ಮಾಪಾಚೊ, ಕೊಣಾಂಯ್ಚಾನ್ ಭರುಂಕ್ ಅಸಾಧ್ಯ್ ತಸಲೊ ಮ್ಹಣ್ ಭೊಗ್ತಾ. ಸರ್ವ್ ಕೊಂಕ್ಣಿ ಲೊಕಾಂಚ್ಯಾ ದೈನಿಕ್ ಜಿವಿತಾಂತ್ ಆಪ್ಲ್ಯಾ ಗಿತಾಂದ್ವಾರಿ ಮಿಸ್ಳೊನ್ ಆಯಿಲ್ಲ್ಯಾ ವಿಲ್ಫ್ಯಾಬಾಚೆಂ ನಾಂವ್ ಅಮರ್ ಜಾಂವ್!

ವಿಲ್ಫಿ ಆಜ್ ಆಮ್ಚೆ ಮಧೆಂ ನಾ ತೆಂ ಚಿಂತುಂಕ್ ಜಾಯ್ನಾ. ತೊ ಆಜ್ ಆಮ್ಚೆ ಥಾವ್ನ್ ಪಯ್ಸ್ ವಚೊಂಕ್ ನಾ. ತೊ ಆಜ್ ಅಮರ್ ಜಾಲಾ. ಕೊಂಕಣ್ ಪ್ರಜಾ ಸದಾಂಕಾಳ್ ತಾಚಿ ಯಾದ್ ಆಪ್ಲ್ಯಾ ಕಾಳ್ಜಾಂತ್ ದವರ್ತೆಲಿ.

ಕೊಂಕ್ಣಿ ಸಂಗೀತ್ ಶೆತಾಚೊ ದಂತ್ ಕಥಾ ಜಾವ್ನ್ ಆಸ್ಲೊಲೊ ಕೊಂಕಣ್ ಕೊಗುಳ್ ವಿಲ್ಫಿ ರೆಬಿಂಬಸ್ ಆಜ್ ಆಮ್ಕಾಂ ಸಾಂಡುನ್ ಗೆಲಾ ಆನಿ ಸಂಗೀತ್ ಪ್ರೇಮಿ ಅನಾಥ್ ಜಾಲಾ. ಅಸಲೊ ಸಂಗೀತ್ಗಾರ್ ಕೊಂಕ್ಣೆಂತ್ ಎಕ್ಲೊಸ್ ಆಸ್ಲೊಲೊ ಆನಿ ಫುಡೆಂಯ್ ತಾಚೆ ತಸಲೊ ಕೊಂಕ್ಣಿ ಸಂಗೀತ್ಗಾರ್ ಕೊಂಕ್ಣೆಂತ್ ಉದೆಂವ್ಚೊ ನಾ. ಹಿ ಖಬರ್ ಆಯ್ಕೊನ್ ದೊಳ್ಯಾಂತ್ಲ್ಯಾನ್ ಆಪಾಪಿಂಚ್ ದುಃಖಾಂ ಗಳೋಂಕ್ ಲಾಗ್ಲಿಂ. ಸರ್ವೆಸ್ಪರ್ ದೇವ್ ತಾಕಾ ಸಾಸ್ಣಾಚಿ ಶಾಂತಿ ದೀಂವ್ ಆನಿ ತಾಚಾ ಕುಟ್ಮಾಕ್ ಹಿ ದೂಖ್ ಸೊಸೊನ್ ವರೊಂಕ್ ತಾಂಕ್ ದೀಂವ್..

I was shocked looking at daijiworld.com at around 11.30 am Today 9th,March 2010, I read the news and called many of my friends to convey the massage that we lost a legend of our time,a great human being, a multy talented personality, a star of Konkani community, a down to earth soul.........no more, but live fore ever with his creation to the end of the world.
May Almighty Lord grant him eaternal peace,may Lord give strength to bear the great loss to his family,friends and dear and near one.

Sad, really sad...We took toddler's steps thinking Konkani was Wilfy and Wilfy was Konkani, we grew up giving vent to our joy with his songs anywhere and everywhere. .. He so much belonged to us.. .Long live Sir Wilfy Rebimbus! Thanks Melvyn for your thoughts.

It is real shocking and sad to know, Our Konkan Kogul is no more. Our Heartfelt sympathies to His Wife, Children, Family and all Konkanis.

I have no words to express as I shocked to read this sadest news of my life after my parents. May his soul rest in peace and may God Almighty grant Meena, Veena, Vishwas and their family members enough strength to bear this great loss. Konkani World lost a legend!

ಬಾರ್ಕೂರ್. ಮಂಗ್ಳುರಾಚೆ ವಾಟೆವಯ್ಲೊ ಲ್ಹಾನ್ಸೊ ಗಾಂವ್. ಸೈಮಾನ್ ನಟಿಲ್ಲೊ. ನ್ಹಂಯಾಂನಿ ಸಜಿಲ್ಲೊ. ಅಶಾ ಹ್ಯಾ ಸುಪುಲ್ಲ್ಯಾ ಗಾಂವಾಂತ್ ವಚ್ಪಾಚೆಂ ಭಾಗ್ಯ್ ಮ್ಹಾಕಾ ಲಾಭ್ಲೆಂ ಆನಿ ಮ್ಹಜ್ಯಾ ಜಿವಾಚೆಂ ಸಾರ್ಥಕ್ ಜಾಲೆಂ.

ತಾಚೆಂ ಅಶೆಂ ಜಾಲೆಂ - ಟೀಚೆರಿನ್ ಸಾಂಗಲ್ಲೆಂ ಮ್ಹಣ್ ಹಾಂವೆಂ ‘ಶೆಣಿಲ್ಲ್ಯೊ ಯಾದಿ’ ಅಶಿ ಏಕ್ ಕವಿತಾ ಬರೊವ್ನ್ ಟಿಚೆರಿ ಕಡೆನ್ ದಿಲ್ಲಿ. ಅಕಸ್ಮಾತ್ ಕಾಂಯ್ ಮ್ಹಯ್ನ್ಯಾಂನಿ ಮ್ಹಾಕಾ ಏಕ್ ದೀಸ್ ಫೊನ್ ಆಯ್ಲೊ ಆನಿ ಮ್ಹಜ್ಯಾ ಕಾನಾರ್ ಮ್ಹಜೊ ವಿಸ್ವಾಸೂಚ್ ಬಸನಾ ಜಾಲೊ. ಮ್ಹಜೆ ತೆ ಕವಿತೆಕ್ ಅಖಿಲ್ ಭಾರತೀಯ್ ಕವಿತಾ ಸರ್ತಿಂತ್ ಪಯ್ಲೆಂ ಇನಾಮ್ ಮೆಳಿಲ್ಲೆಂ. ದೋನ್ ದಿಸಾಂ ಉಪ್ರಾಂತ್ ಮ್ಹಾಕಾ ತೆಂ ಇನಾಮ್ ಘೆವ್ಪಾ ಖಾತೀರ್ ಕವಿತಾ ಫೆಸ್ತ್ ಹೆ ಕಾರ್ಯಾವಳಿಂತ್ ಯೆವ್ಪಾಚೆಂ ನಿಮಂತ್ರಣ್ ಆಯ್ಲೆಂ. ತಿ ಕಾರ್ಯಾವಳ್ ಜಾವ್ಪಾಚಿ ಆಶಿಲ್ಲಿ ಬಾರ್ಕೂರ್ ಹ್ಯಾ ಗಾಂವಾಂತ್

ಬಾರ್ಕೂರ್. ಕಸೊ ಆಸ್ತಲೊ ಕಾಂಯ್ ಹೊ ಗಾಂವ್? ಕಶೆ ಆಸ್ತಲೆ ಥಂಯ್ಚೊ ಲೋಕ್? ಅಶಾ ಪ್ರಸ್ನಾಂಚೆ ಗಾಂಠ್ವಲ್ ಘೆವ್ನ್ ಹಾಂವ್ ಆನಿ ಮ್ಹಜಿ ಮಮ್ಮಾ ಮಡ್ಗಾಂವಾ ರೈಲ್ವೆಂತ್ ಬಸ್ಲಿಂ. ವಾಂಗ್ಡಾ ಖೂಬಶಿಂ ಭುರ್ಗಿಂ ಆಶಿಲ್ಲಿಂ. ತಿಂವೂಯ್ ತೆಚೆ ಕಾರ್ಯಾವಳಿಕ್ ವತಾಲಿಂ. ಮಡ್ಗಾಂವ್ಚ್ಯಾನ್ ಬಾರ್ಕೂರ್ ಹಿಂ ಪಾಂಚ್ ಸ ವೊರಾಂ ತಾಂಚ್ಯಾ ವಾಂಗ್ಡಾ ಹಾಸಂತ್, ಖೆಳತ್, ನಾಚತ್ ಗಾಯ್ತ್ ಕಶಿಂ ಗೆಲಿಂ ಹೆಂ ಕಳ್ಳೆಂಚ್ ನಾ.

ಥಂಯ್ ಪಾವ್ತಾ ಮ್ಹಣಸರ್ ತಿನ್ಸಾಂಜ್ ಜಾಲಿ. ಗಾಂವ್ ಕಸೊ ಹೆಂ ಕಳ್ಪಾಕ್ ಮಾರ್ಗ್ ನಾಶಿಲ್ಲೊ. ಪುಣ್ ಮನ್ಶಾಂ ಮಾತ್ ಖೂಬ್ ಬರಿಂ. ಆಯೋಜಕಾಂನಿ ಆಮ್ಕಾಂ ಸ್ಟೇಶನಾ ವಯ್ಲ್ಯಾನ್ ಬರ್‍ಯಾ ಹೊಟೆಲಾಂತ್ ವ್ಹರುನ್ ಪಾವಯ್ಲಿಂ. ಸಕಾಳೀಂ ಆಮ್ಕಾಂ ಕಾರ್ಯಾವಳೀಚ್ಯಾ ಜಾಗ್ಯಾರ್ ಪಾವೊವ್ಪಾಚಿ ತಜ್ವೀಜ್ ಕೆಲಿ. ರಸ್ತ್ಯಾ ವಯ್ಲ್ಯಾನ್ ಕಾರ್ಯಾವಳಿಚ್ಯಾ ಮಾಟ್ವಾಂತ್ ಆನಿ ತಾಚೆ ಭೊಂವ್ತಣ್ಚೊ ವಾಠಾರ್ ಇತ್ಲೊ ಸೊಬಿತ್ ಕಿ ಖರ್‍ಯಾನಿಂಚ್ ಸೈಮಾಚೆಂ ವರದಾನ್ ತಾಂಕಾಂ ಮೆಳ್ಳಾಂ ಮ್ಹಣುಂ ಯೆತಾ.

ಕಾರ್ಯಾವಳೀಕ್ ವಾಪರಲ್ಲಿ ದರೆಕ್ ಗಜಾಲ್, ದರೆಕ್ ವಸ್ತು ಮನ್ಶಾಂಚೆಂ ಸೈಮಾ ಕಡೆನ್ ಆಶಿಲ್ಲೆಂ ನಾತೆಂ ದಾಖೊವ್ನ್ ದಿತಾಲಿ. ದೀಸಭರಾಚಿ ಕಾರ್ಯಾವಳ್ ಸೊಬಿತ್ ಸುಂದರ್ ಜಾಲಿ. ದರೆಕೆ ಗಜಾಲಿಂತ್ ನವೆಪಣ್. ದರೆಕೆ ಗಜಾಲಿಕ್ ಸೊಬಿತಕಾಯೆಚಿ ಝಾಲರ್. ಸಗ್ಳೆಂಚ್ ಅಪ್ರೂಪ್. ಆನಿ ಅಶ್ಯಾ ಹ್ಯಾ ವಾತಾವರಣಾಂತ್ ಮ್ಹಾಕಾ ಮಾನೆಸ್ತಾಂ ಕಡ್ಲ್ಯಾನ್ ಮ್ಹಜೆ ಕವಿತೆ ಖಾತೀರ್ ಇನಾಮ್ ಘೆವ್ಪಾಚಿ ಸಂದ್ ಮೆಳ್ಳಿ. ಹಾಂವ್ ಧನ್ಯ್ ಜಾಲೆಂ.

ಹಾಚೆ ಆದಿಂ ಹಾಂವೆಂ ಜಾಯ್ತಿಂ ಇನಾಮಾಂ ಮೆಳಯ್ಲ್ಯಾಂತ್. ಖೂಬ್ ಕಾರ್ಯಾವಳಿ ಪಳಯ್ಲ್ಯೊ. ಪುಣ್ ಬಾರ್ಕೂರ್‍ಚಿ ಹಿ ಕಾರ್ಯಾವಳ್ ಆಯುಶ್ಯಾಂತ್ ಕೆನ್ನಾಂಚ್ ವಿಸರ್‍ಚೆಂ ನಾ.

ಶೆಣಿಲ್ಲ್ಯೊ ಯಾದಿ ಕವಿತೆ ಖಾತೀರ್ ಫಾವೊ ಜಾಲ್ಲೆಂ ಇನಾಮ್ ಘೆಂವ್ಕ್ ಗೆಲ್ಲೆಂ ಖರೆಂ, ಪುಣ್ ಕೆನ್ನಾಂಚ್ ಶೆಣ್ಚ್ಯೊ ನ್ಹಯ್ ಅಶ್ಯೊ ಯಾದಿ ಅಣ್ಭವಾಂಚ್ಯಾ ಗಾಂಠ್ವಲಾಂತ್ ಭರುನ್ ಘೆವ್ನ್ ಆಯ್ಲೆಂ.

ಕವಿತಾ ಹೊ ಕವಿಚೊ ಪ್ರಾಣ್ ಜಾತಾ ತೆನ್ನಾ ತಿ ಪ್ರಾಣ್‍ವಾಯುಬರಿ ತಾಕಾ ಖಿಣಾ ಖಿಣಾಕ್ ಜಗಯ್ತಾ. ಕವಿತಾ ಜಗಪ್ ಹೊ ಏಕ್ ಸುಖದ್ ಅನುಭವ್. ಜಗಪ್ ಆನಿ ಕವಿತಾ ಹಾಚೆ ಭಿತರ್‍ಲೆಂ ಅಂತರ್ ಉಣೆಂ ಜಾಯ್ತ್ ವತಾ ತಿತ್ಲೊ ಕವಿ ಸರಭೊಂವ್ತಣ್ಚ್ಯಾ ಭಾವ್‍ವಿಶ್ವಾಂತ್ ಬುಡೊನ್ ವೆತಾ... ಹ್ಯಾ ಶಬ್ದ್ ವಿಶ್ವಾಂತ್ ಆಸ್ತಾ ಸೂರ್, ತಾಲ್ ಆನಿ ಲಯ್.

ತಶೆಂ ಪಳೊಂವ್ಕ್ ಗೆಲ್ಯಾರ್ ಕವಿತೆನೂಚ್ ಆಯ್ಜ್ ವೆರ್ ಸಾಮಾನ್ಯ್ ಮನ್ಶಾಕ್ ಜಗ್ಪಾಚೊ ಮಂತ್ರ್ ದಿಲಾ. ಕಾಬಾಡ್ ಕಷ್ಟ್ ಕರ್ಪಿ ಮನ್ಶಾಚ್ಯಾ ವೊಂಟಾರ್ ಕಾವ್ಯ ಅಳಂಗ್ ಕಿರ್ಲುನ್ ಆಯ್ಲಾಂ. ತಾಣೆಂ ತೆಂ ಜಿಬೆರ್ ಘೊಳಯ್ಲಾಂ. ಮನಾ ಮನಾಂತ್ ಖೆಳಯ್ಲಾಂ. ಆನಿ ದುಸ್ರ್ಯಾಂಕ್ ಆನಂದ್ ಸಾಗರಾಂತ್ ನ್ಹಾಣಯ್ಲ್ಯಾತ್. ಹೆ ಗಜಾಲಿಕ್ ಲಾಗುನಚ್ ಮನೀಸ್ ಕದೀಮ್ ಕಾಳಾಸಾವ್ನ್ ಕಾವ್ಯ್ ನಿರ್ಮಿತ್ ಆಯ್ಲಾ ಆನಿ ತಾಅಚೆಂ ಸಾದರೀಕರಣ್ ಲೋಕ್ ಉತ್ಸಾಹಾನ್ ಕರೀತ್ ಆಯ್ಲಾ. ಲೋಕಕಾವ್ಯ ಆನಿ ತಾಚೆಂ ಲೋಕ್ ಮಾನ್ಸಾಂತ್ ಆಶಿಲ್ಲ್ಲೆಂ ಸ್ಥಾನ್ ಆಮ್ಚ್ಯಾಂನಿ ವೆಗ್ಳಾಂವ್ ನಜೊ. ಜನ್, ಸೋಕಾರಾತ್, ಆಲ್ಲಯ್, ಫುಗ್ಡಿ, ಗಿತಾಂ, ಧಾಲೊ ಗಿತಾಂ, ಲಗ್ನಗಿತಾಂ, ಶಿಗ್ಮೊಗಿತಾಂ ಆನಿ ಹೆರ್ ಲೋಕಗಿತಾಂನಿ ಭೌಸಾಕ್ ಜಗ್ಪಾಚೊ ಮಂತ್ರ್ ದಿಲಾ. ತಾಕಾ ಥಯ್ ಥಯ್ ಕರುನ್ ನಾಚಯ್ಲಾ. ತಾಕಾ ಅಭಿವ್ಯಕ್ತ್ ಜಾವ್ಪಾಕ್ ಕಾವ್ಯಾನೂಚ್ ಮಜತ್ ಕೆಲ್ಯಾ.

ಆಯ್ಜ್ ಅಕ್ಷರ್ ಸಾಹಿತ್ಯಾನೂಯ್ ಹೆಂಚ್ ಕೆಲಾಂ. ಕವಿ ಕಾವ್ಯಲೇಖನ್ ಕರ್‍ತಾ. ಆಪ್ಲಿ ಸಹಾನುಭೂತಿ ತೊ ಕಾವ್ಯಾಂತ್ಲ್ಯಾನ್ ಅಭಿವ್ಯಕ್ತ್ ಕರ್‍ತಾ. ತಾಚೆಂ ತೆಂ ಕಾವ್ಯ ಸರ್ವಸಾಮಾನ್ಯಾಕ್ ಜಗಯ್ತಾ. ಉಟಯ್ತಾ ಆನಿ ಪೆಟಯ್ತಾ ಲೆಗೀತ್. ಸಂಸಾರಾಂತ್ ಆಯ್ಜ್ ವೆರ್ ಜ್ಯೊ ಕ್ರಾಂತಿ ಜಾಲ್ಯಾತ್ ತ್ಯಾ ಸಗ್ಳ್ಯಾಯ್ ಕ್ರಾಂತ್ಯಾಂನಿ ಕಾವ್ಯಾಂತ್ ಮುಖೆಲ್ ಭೂಮಿಕಾ ವಠಯ್ಲ್ಯಾ. ಕಾವ್ಯ ಹೆಂ ತ್ಯಾ ಕ್ರಾಂತ್ಯಾಂಚೆಂ ಪ್ರೇರಣ್ ಸ್ಥಾನ್. ವಂದೆ ಮಾತರಂ, ಸಾರ್ಕ್ಯಾ ಗಿತಾನ್ ಭಾರತವಾಸಿಯಾಂಕ್ ಎಕಾ ಸುತಾನ್ ಗುಂಥುನ್ ಹಾಡ್ಲ್ಯಾತ್. ದೇಶಾ ವಿಶಿಂಚೊ ಅಭಿಮಾನ್ ಜಗಯ್ತಾ ಆಸ್ತಾನಾಂಚ್ ಆಮ್ಚ್ಯಾ ಶಿರಂತರಾಂನಿ ನವ ತೇಜ್ ರಿಗಯ್ಲಾಂ.

ಕವಿತಾ ಹಿ ಮನ್ಶಾ ಮನ್ಶಾಕಡೆನ್ ಆನಿ ಮನ್ಶಾಚ್ಯಾ ಮನಾ ಕಡೆನ್ ಸಂವಾದ್ ಸಾದ್ತಾ. ಕವಿತೆಚೆ ಶಬ್ದ್ ಥೇಟ್ ಕಾಳ್ಜಾಂತ್ ವಚುನ್ ವಾಸ್ತವ್ಯ್ ಕರ್‍ತಾತ್. ಕವಿತಾ ವ್ಹಡ್ ಆಸುಂ ವಾ ಲ್ಹಾನ್, ತಿಚ್ಯಾಂತ್ಲಿ ಅಂತರಶಕ್ತ್ ಮನ್ಶಾಕ್ ಭಿತರ್‍ಲ್ಯಾನ್ ಹಾಲಯ್ತಾ. ಚಿಂತ್ಪಾಕ್ ಲಾಯ್ತಾ, ಉರ್ಬಾ ದೀವ್ನ್ ತಿ ತಾಕಾ ಕೃತಿ ಕರ್ಪಾಕ್ ಲಾಯ್ತಾ. ಮ್ಹಣೂನಚ್ ಘಡ್ಯೆ ಸಂಸಾರಾಂತ್ಲ್ಯಾ ಸಗ್ಳ್ಯಾ ದೇಶಾಂಚಿಂ ರಾಷ್ಟ್ರಗಿತಾಂ ಹಿಂ ಕಾವ್ಯರುಪಾಂತ್ ಆಸಾತ್.

ಕೊಂಕಣಿ ಕವಿಂನಿ ಆಯ್ಜ್ ವೆರ್ ಸಭಾರ್ ಕಾವ್ಯಾಂ ಬರಯ್ಲ್ಯಾಂತ್. ಚಾರ್ ಪ್ರಾಂತಾಂನಿ ವಾಂಟುನ್ ಗೆಲ್ಲ್ಯಾ ಹ್ಯಾ ಕಾವ್ಯಾನ್ ಮನಾಂತ್ಲ್ಯಾ ಹಾವೆಸಾಂಕ್, ಕಲ್ಪನಾಂಕ್ ಆನಿ ಜಿಣ್ಯೆಂತ್ಲ್ಯಾ ಜಿವ್ಯಾ ಖಿಣಾಂಕ್ ವಾಟ್ ಕರುನ್ ದಿಲ್ಯಾ. ಆಖಿಲ್ ಭಾರತೀಯ್ ಆನಿ ರಾಜ್ಯ್ ಪಾಂವ್ಡ್ಯಾರ್ ಜಾವ್ಪಿ ಕಾವ್ಯ ಸಮ್ಮೇಳನಾಂನಿ ಆನಿ ಕವಿಚೆ ಅಭಿವ್ಯಕ್ತ್ ಜಾವ್ಪಿ ಶಬ್ದ್ ಉಮಾಳೆ ಆಯ್ಕಲ್ಯಾತ್. ಕಾವ್ಯಾಚೆರ್ ರಂಗ್ಲೆಲ್ಯೊ ಚರ್ಚಾ ಆಮಿ ಪಳಯ್ಲ್ಯಾತ್. ಪುಣ್ ಹೆ ಕಾರ್ಯಾವಳಿ ಪಾಸುನ್ ವೆಗ್ಳೊ ಉಪಕ್ರಮ್ ಮಂಗ್ಳುರ್ಚಿ ಕವಿತಾ ಟ್ರಸ್ಟ್ ಹಿ ಕಾವ್ಯಾ ಖಾತೀರ್ ವೊಂಪಿಲ್ಲಿ ಸಂಸ್ಥಾ ಘಡೊವ್ನ್ ಹಾಡ್ತಾ. ಆಂದುಂ ವರ್ಸಾ ಹಿ ಕಾರ್ಯಾವಳ್ ಬಾರ್ಕೂರ್ ಹ್ಯಾ ಸೈಂಭಾನ್ ನಟಿಲ್ಲ್ಯಾ ಗಾಂವಾಂತ್ ಜಾಲಿ. ದೀಸ್ ಭರ್ ಚಲ್ಪಿ ಹೆ ಕಾರ್ಯಾವಳೀಚೆಂ ಖೆರಿತ್ಪಣ್ ಮ್ಹಣ್ಲ್ಯಾರ್ ಕಾವ್ಯಾಚೆರ್ ಚರ್ಚಾ, ಲೋಕನಾಚ್, ಕವಿ ಸಮ್ಮೇಳನ್, ಮ್ಹಾಲ್ಘಡ್ಯಾ ಕವಿಂಕ್ ಪುರಸ್ಕಾರ ಭೆಟೊವ್ನ್ ಭೋವ್ಮಾನ್ ಆನಿ ಗಿತಾಂಚೆಂ ಸಾದರೀಕರಣ್. ಮೆಲ್ವಿನ್ ರೊಡ್ರಿಗಸ್ ಹಾಂಚೆ ಕಲ್ಪನೆಂತ್ಲ್ಯಾನ್ ಸಾಕಾರ್ ಜಾಲ್ಲಿ ಹಿ ಕಾರ್ಯಾವಳ್ ವೆಗ್‍ವೆಗ್ಳ್ಯಾ ಪ್ರಾಂತಾಂತ್ಲ್ಯಾ ಕವಿಂಕ್ ಎಕ್ಟಾಂಯ್ ಹಾಡ್ತಾ. ಕವಿತೆ ವಾಂಗ್ಡಾಚ್ ಏಕ್ ಭಾವ್ ಸಂವಾದ್ ಥಂಯ್ ಘಡೊನ್ ಯೆತಾ.

ವಿಶಿಷ್ಟ್ ಅಶಾ ಎಕಾ ಸಾಹಿತ್ಯ್ ಪ್ರಕಾರಾಚೆರ್ ಕಾರ್ಯಾವಳ್ ಘಡೊವ್ನ್ ಹಾಡಪ್ ಹಿ ಕೊಂಕಣಿಚಿ ಆಯ್ಚಿ ಗರಜ್. ಪಂದ್ರಾ ವರ್ಸಾಂ ಪಯ್ಲಿಂ ದಾಮೋದರ್ ಮಾವ್ಜೊಚ್ಯಾ ಪ್ರಯತ್ನಾಂತ್ ಮಾಶೆಂ, ಕಾಣ್ಕೋಣ್ ಹಾಂಗಾ ಮಿನಿ ಕಥಾ ಸಮ್ಮೇಳನ್ ಘಡೊವ್ನ್ ಹಾಡಿಲ್ಲೆಂ. ತಾಚೆ ಉಪ್ರಾಂತ್ ದೋನ್ ಸಮ್ಮೇಳನಾಂ ಜಾಂವ್ಕ್ ಪಾವ್ಲಿಂ. ಆತಾಂ ತಾಂಚೇಂಯ್ ಪುನರ್ಜೀವನ್ ಜಾಂವ್ಕ್ ಜಾಯ್. ಕಾದಂಬರಿ, ಆನಿ ನಾಟಕಾಚೆರೂಯ್ ಚರ್ಚಾ ಘಡೊವ್ನ್ ಹಾಡುನ್ ತ್ಯಾ ತ್ಯಾ ಸಾಹಿತ್ಯ ಪ್ರಕಾರಾಂಚೊ ಸರ್ವಾಂಗಿ ವಿಕಾಸ್ ಕಸೊ ಸಾದುಂ ಯೆತಾ ಹಾಚೆರ್ ಚಿಂತನ್ ಜಾಂವ್ಕ್ ಜಾಯ್.

ಮಂಗ್ಳುರಕಾರಾಂನಿ ಕೊಂಕಣೀ ಕವಿತೆಚ್ಯಾ ಮಳಾರ್ ಚಲಯಿಲ್ಲ್ಯಾ ಹ್ಯಾ ಉಪಕ್ರಮಾಕ್ ಥಳಾಚೆಂ ಬಂದನ್ ಘಾಲಿನಾಸ್ತಾಂ ಕೊಂಕಣಿಚ್ಯಾ ವೆಗ್‍ವೆಗ್ಳ್ಯಾ ಪ್ರಾಂತಾಂನಿ ತೊ ಪಾವೊವ್ಪಾಚಿ ಗರಜ್ ಆಸಾ. ಅಶೆಂ ಜಾಲೆಂ ಜಾಲ್ಯಾರ್ ಕೊಂಕಣೀ ಕಾವ್ಯ್ ಅಧಿಕ್ ಬಳೀಷ್ಟ್ ಜಾಂವ್ಕ್ ಪಾವ್ತಲೆಂ.

ತಯಾರ್ ರುಪಾಂ ಭಾಯ್ರ್ ಸದಾಂ ಆತುರಾಯೆಚಾ ಖಬ್ರೆ ಪಿಂತುರಾಂಕ್ ರಾಕೊನ್ ರಾಂವ್ಚ್ಯಾ ಮನ್ಸ್ಯಾ ಸಂಯ್ಬಾಚಿ ಸಾದಿ ಆಪುರ್‍ಬಾಯೆಚಿ ಕವಿತಾ. ಪೂಣ್ ಆಪುಣ್‍ಂಚ್ ಖಬರ್ ಜಾಂವ್ಚಿ ಆನಿ ತೀ ಪಳೆವ್ನ್ ಬೋವ್‍ಶಾ ವಿಕ್ರತ್ ಸುಖ್ ಭೊಗ್ಚಿ ಆಶಾ ಮಾತ್ ತಯಾರ್ ರುಪಾಂ ಭಿತರ್ಲೀಚ್. ಆಪುಣ್ ಕವಯತ್ರಿ ನಯ್ ಮ್ಹಣ್ಚ್ಯಾ ಕವಯತ್ರಿಕ್ ಮ್ಹಜೆ ಖಾಲ್ತೆ ಪ್ರಣಾಮ್.

ಬ್ರೇಕಿಂಗ್ ನ್ಯೂಸ್! ಪ್ರಸ್ತುತ್ ವಿದ್ಯಾಮಾನಾಂಚೆರ್ ವಿಣ್ಲೆಲಿ ಕವಯಿತ್ರಿ ಶಕುಂತಲಾ ಆರ್. ಕಿಣಿ ಹಾಂಚಿ ಸೊಭಿತ್ ಕವಿತಾ ವಾಚುನ್ ಚಡ್ ಖುಶಿ ಜಾಲಿ. ಕವಯಿತ್ರಿಕ್ ಖೂಬ್ ಉಲ್ಲಾಸ್.

ಮಂಗ್ಳುರ್‍ಚ್ಯಾ ಕವಿತಾ ಫೆಸ್ತಾವಿಶಿಂ ಖೂಬ್ ಆಯ್ಕಲ್ಲೆಂ. ಮೆಲ್ವಿನ್ ಆನಿ ಸಾಂಗಾತ್ಯಾಂಚಿ ತಳ್ಮಳ್, ಕವಿತೆಚೊ ಮೋಗ್, ಕೊಂಕಣಿಚೊ ತಾಂಚೊ ಉಮಾಳೊ -ಹ್ಯೊ ಸಭಾರ್ ಗಜಾಲಿ ರಾಜಯ್ ಕಡ್ಲ್ಯಾನ್ ಆಯ್ಕಲ್ಲ್ಯೊ. ತಶೆಂಚ್ ದಾಯ್ಜಿ ಡೊಟ್ ಕೊಮಾಚೆರ್ ವಾಚಿಲ್ಲ್ಯೊ. ಪುಣ್ ತಾಚೊ ಪ್ರತ್ಯಕ್ಷಾಂತ್ ಅಣ್ಭವ್ ಘೆವ್ಪಾಚಿ ಸಂದ್ 10 ಜನೆವರಿಕ್ ಬಾರ್ಕೂರ್ ಮೆಳ್ಳಿ.

ಮಂಗ್ಳುರ್‍ಚ್ಯಾ ಕವಿತಾ ಟ್ರಸ್ಟಾನ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ತಶೆಂಚ್ ಬಾರ್ಕೂರ್‍ಚ್ಯಾ ದ ಎಕ್ಸಪ್ರೆಶನ್ಸ್ ಹೆ ಥಳಾವೆ ಸಂಸ್ಥೆಚ್ಯಾ ಜೋಡ್ ಪಾಲ್ವಾನ್ ಹಿ ಖಾಶೆಲಿ ಕಾರ್ಯಾವಳ್ ಘಡೊವ್ನ್ ಹಾಡಿಲ್ಲಿ. ಕವಿತಾ ಫೆಸ್ತ್ ನಾಂವಾನೂಚ್ ಹ್ಯಾ ಸಾಹಿತ್ಯಿಕ್ ಉಪಕ್ರಮಾಚಿ ಕಲಾತ್ಮಕ್ ಆಂಖಣಿ ಮತಿಂತ್ ಯೆತಾ. ಖರ್‍ಯಾನಿಂಚ್, ಎಕಾ ಅಲೊಕಿಕ್ ಸಾಹಿತ್ಯಿಕ್ ಉಪಕ್ರಮಾಚೊ ಆಸ್ವಾದ್ ಆಮ್ಕಾಂ 10 ಜನೆವರಿಕ್ ಘೆವ್ಪಾಕ್ ಮೆಳ್ಳೊ. ಏಕ್ ಸುಂದರ್ ಸೊಬಿತ್ ತಶೆಂಚ್ ಅರ್ಥಪೂರ್ಣ್ ಆಯೋಜನ್ ಆನಿ ಉತ್ಕೃಷ್ಟ್ ಸಂಘಟನ್ ಹಾಂಚೊ ಸುಮೇಳ್ ಹ್ಯಾ ಫೆಸ್ತಾಕ್ ಸಾದಿಲ್ಲೊ.

ಎರಿಕ್ ಸೋನ್ಸ್, ನವೀನ್ ಡಾಯಸ್, ಪ್ರವೀಣ್ ಕಾರ್ವಾಲೊ, ಓಲ್ವಿನ್ ಆಂದ್ರಾದ್ ಆನಿ ಮೆಲ್ವಿನ್ ರೊಡ್ರಿಗಸ್ ಹ್ಯಾ ಕೊಂಕಣಿಚ್ಯಾ ಪಾಂಚ್ ಪಂಡ್ವಾಂನಿ ಬಾರ್ಕೂರ್ ಹ್ಯಾ ಮಾಣ್ಕುಲ್ಯಾ ಗಾಂವಾಂತ್ ಕೊಂಕಣಿ ಕವಿತೆಚೊ ಜೊ ಭೋವ್ ಮಾನ್ ಕೆಲೊ ತೊ ಖರ್‍ಯಾನಿಂಚ್ ತೋಖ್ಣಾಯೆಚೊ. ಹ್ಯಾ ಪಾಂಚ್ ಪಂಡ್ವಾಂಕ್ ತೆಂಕೊ ದಿವ್ಪಾಕ್ ಮೊಟಿ ಫೌಜ್ ಉಬಿ ಆಶಿಲ್ಲಿ. ತಾಂಚೆ ಬಗರ್ ತೆಂ ಕವಿತೆಚೆಂ ರಾಷ್ಟ್ರೀಯ್ ಪಾಂವ್ಡ್ಯಾವಯ್ಲೆಂ ಫೆಸ್ತ್ ಆಯೋಜಿತ್ ಕರಪ್ ಶಕ್ಯ್ ನಾಸ್ಲೆಂ. ತಾಂತುಂತ್ ಕಿಶೋರ್ ಗೊನ್ಸಾಲ್ವಿಸ್, ಆವ್ರೆಲ್ ರೊಡ್ರಿಗಸ್, ಆಂದ್ರು ಡಿಕುನ್ಹಾ, ವಿಲಿಯಮ್ ಪಾಯ್ಸ್ ಆನಿ ವಿಕ್ಟರ್ ಮಥಾಯಸ್ ತಶೆಂಚ್ ಹೆರಾಂಚೊ ಆಸ್ಪವ್ ಜಾತಾ.

ಹ್ಯಾ ಫೆಸ್ತಾಚೆಂ ಉಗ್ತಾವಣ್ ಆಗ್ಳೆ ವೆಗ್ಳೆ ಶೈಲಿಂತ್ ಜಾಲೆಂ. ಆಮಿ ಬಶಿಂತ್ಲ್ಯಾನ್ ಸಕಾಳಿಂ ಭಾಯ್ರ್ ಸರ್‍ಲಿಂ. ಬಶಿಂತ್ ಮಂಗ್ಳುರಾಸಾವ್ನ್ ಬಸ್ ಭರ್ ಲೋಕ್ ಆಯಿಲ್ಲೊ. ಬಾರ್ಕೂರಾಂತ್ಲ್ಯಾ ಕವಿತೆಚ್ಯಾ ಫೆಸ್ತಾ ಮಾಟ್ವಾಂತ್ ಜೆನ್ನಾಂ ಆಮಿ ಭಿತರ್ ಸರ್‍ಲೆ ತೆನ್ನಾಂಚ್ ಭೊಂವ್ತಣಿಚೆ ಸೈಂಭಿಕ್ ಗಿರೆಸ್ತಕಾಯೆನ್ ಆಮ್ಚಿಂ ಮನಾಂ ಜಿಖ್ಲಿಂ. ಎಕಾ ಕುಳಾಗರಾಂತ್ಲ್ಯಾ ಘರಾ ಮುಖಾರ್ ಆಂಗ್ಣಾಂತ್ ಮೊಡ್ಲಾಂನಿ ಸಜಯಿಲ್ಲೊ ಏಕ್ ವ್ಹಡ್ ಮಾಟೊವ್ ಯೆವ್ಕಾರಾಕ್ ರಾವಿಲ್ಲೊ. ಮಾಚಿಯೆಚೆ ಫುಡ್ಲೆ ವಟೆನ್ ಮುಸಳ್, ಪಾಯಲ್, ವಾಯನ್, ಅನ್ನಾಟೆಂ, ಗಿನ್ನಾಟೆಂ ಅಶಿಂ ಕಿತ್ಲಿಶಿಂಚ್ ಪಾರಂಪಾರಿಕ್ ಆಯುಧಾಂ ಮಾಂಡುನ್ ದವರಿಲ್ಲಿಂ. ಉಗ್ತಾವಣ್ ಸುವಾಳ್ಯಾಂತ್ ತ್ಯಾಚ್ ಸಭಾರ್ ಆಯುಧಾಂಚೆರ್ ಫುಲಾಂಚ್ಯೊ ಪಾಕ್ಳ್ಯೊ ಉಡೊವ್ನ್ ಮಾನೆಸ್ತಾಂನಿ ಫೆಸ್ತಾಚೆಂ ಉಗ್ತಾವಣ್ ಕೆಲೆಂ. ಮಾಚಿಯೆರ್ ಫಾಟ್ಲ್ಯಾನ್ ಹೆರ್ ಕಡೆನ್ ಜೊ ಪ್ಲಾಸ್ಟಿಕಾಚೊ ಬ್ಯಾನರ್ ದಿಷ್ಟಿ ಪಡ್ಟಾ ತಸೊ ನಾಶಿಲ್ಲೊ, ತರ್ ಮೊಡ್ಲಾಂನಿ ಏಕ್ ಸೊಭಿತ್ ವೇದಿ ಸಗ್ಳ್ಯಾ ಕವಿಂಚಿ ವಾಟ್ ಪಳಯ್ತಾಲಿ.

ಬಾರ್ಕೂರ್ ಜಾಲ್ಲ್ಯಾ ಹ್ಯಾ ಕವಿತಾ ಫೆಸ್ತಾಂತ್ ಉಗ್ತಾವಣ್ ಸುವಾಳ್ಯಾ ಉಪ್ರಾಂತ್ ಥಳಾವ್ಯಾ ಪಾರಂಪಾರಿಕ್ ಲೋಕನೃತ್ಯಾಚಿ ಸುಪುಲ್ಲಿ ವೊಳಕ್ ಜಾಲೆ ಉಪ್ರಾಂತ್ ಜಾಲ್ಲ್ಯಾ ‘ಹಾಂವ್ ಕವಿತಾ ಕಿತ್ಯಾಕ್ ಬರಯ್ತಾಂ?’ ಹ್ಯಾ ಸತ್ರಾಂತ್ ಪ್ರಕಾಶ್ ಪರಿಯೆಕಾರ್, ಆಂದ್ರು ಡಿಕುನ್ಹಾ, ಆನಿ ಎಚ್ಚೆಮ್ ಪೆರ್ನಾಲ್ ಹಾಂಣಿ ವಾಂಟೊ ಘೆತ್ಲೊ. ಹ್ಯಾ ಸತ್ರಾಂತ್ಲ್ಯಾನ್ ಕವಿಚಿ ಕವಿತಾ ಬರೊಂವ್ಚೆ ಪಾಟ್ಲಿ ಪೋಟ್ ತಿಡಕ್, ತಾಚಿ ತಳ್ಮಳ್, ಅನ್ಯಾಯ್ - ಅತ್ಯಾಚಾರ್ ವಿಶಿಚೊ ಪ್ರತಿಕಾರ್ ಅಶಾ ಮುದ್ದ್ಯಾಂಚೆರ್ ಭಾಸಾಭಾಸ್ ಹ್ಯಾ ಸತ್ರಾಂತ್ ಜಾಲಿ ಜಾಲ್ಯಾರ್, ದೋನ್ ಕವಿ ಸಮ್ಮೇಳನಾಂನಿ ಕವಿತಾಂಚೊ ಪಾವ್ಸಚ್ ಪಾವ್ಸ್ ಬಾರ್ಕೂರ್‍ಚ್ಯಾ ಕವಿತಾ ಫೆಸ್ತಾಕ್ ಪಡ್ಲೊ ಜಾತುನ್ ಸಮೇಸ್ತ್ ರಸಿಕಾಂಚಿಂ ಮನಾಂ ಭಿಜುನ್ ಗೆಲಿಂ. ಜ್ಯೇಷ್ಠ್ ಆನಿ ತರ್‍ನಾಟ್ಯಾ ಕವಿಂಚ್ಯಾ ಕಾವ್ಯ್ ಮೈಫಿಲಿಂತ್ ಗೊಂಯ್ಚ್ಯಾ, ಮಂಗ್ಳುರ್‍ಚ್ಯಾ, ಮುಂಬಯ್ಚ್ಯಾ ಕಾಂಯ್ ವೆಂಚಿಕ್ ಕವಿಂನಿ ವಾಂಟೊ ಘೆತ್ಲೊ. ದೋನೂಯ್ ಕಾವ್ಯ ಮೈಫಿಲಿಂನಿ ಕವಿತೆಚಿಂ ವಿಂಗಡ್ ವಿಂಗಡ್ ರುಪಾಂ, ಶೈಲಿ, ಸಾದರಿಕರಣಾಚಿ ಖೆರಿತ್ ರೀತ್ ಆನಿ ತರೆಕವಾರ್ ಆಶಯ್ ವಿಶಯಾಂಚ್ಯೊ ದರ್ಜೆದಾರ್ ಕೊಂಕಣಿ ತಶೆಂಚ್ ಹೆರ್ ಭಾಸಾಂತ್ಲ್ಯೊ ಕವಿತಾ ಆಸ್ವಾದಾಕ್ ಮೆಳ್ಳ್ಯೊ.

ಹ್ಯಾ ಫೆಸ್ತಾಂತ್ಲ್ಯಾನ್ ವೆಗ್ಳ್ಯಾ ವೆಗ್ಳ್ಯಾ ವಠಾರಾಂತ್ಲ್ಯಾ ಕೊಂಕಣಿ ಕವಿತಾಂಕ್ ಎಕ್ಟಾಂಯ್ ಹಾಡ್ಪಾಚೆಂ ಮೊಲಾಧಿಕ್ ಕಾರ್ಯ ಜಾತಾ. ಹೆಂ ಫೆಸ್ತ್ ಮೆಲ್ವಿನ್ ಬಾಬ್ ಆನಿ ಹೆರಾಂನಿ ಗೊಯಾಂತೂಯ್ ಹಾಡ್ಚೆಂ ಅಶಿ ತಾಚೆ ಕಡೆನ್ ಮಾಗ್ಣಿ.

ನವೊ ಬೊವೊರ್, ನವಿಂ ಮನ್ಶಾಂ, ಸೀತಾ ನೈಂಚಾ ಥಡಿರ್ ಸಾದಾರ್ ಜಾಲ್ಲೆಂ ಕವಿತಾ ಫೆಸ್ತ್, ಆಜೂನ್ ಪಾಟಿಂ ವಾವ್ರಾಕ್ ಲಾಕ್ತಾನಾ ಮ್ಹತಿಂತ್ ಜಿವೆಂ ಜಿವೆಂ ರಿವೈಂಡ್ ಜಾತಾನಾ ಅತ್ವೊಚ್ ಅನ್ಬೊಗ್. ಹೊ ಆವ್ಕಾಸ್ ಪಾವೊ ಕೆಲ್ಲ್ಯಾಂಕ್ ಹಜಾರ್ ಸಲಾಮ್. ಕಾಯ್ಕಿಣಿಚೆಂ ಉಲ್ವೊಪ್, ಅಂನತ್ ಸಾಯ್ಬಾಚೊ ಸತ್, ಎಚ್.ಎಮಾಚೆಂ ಮಾರ‍್ಮಿಕ್ ಚಿಂತಾಪ್, ತರ‍್ಣ್ಯಾ ಕವಿಚಿ ಜಾಂಣ್ತಿಂ ಕವಿತಾಕ್, ಬಾರ‍್ಕುರ‍್ಚಿ ದರ‍್ತಿ ಆನಿಂ ವಾರೆಂ ಚಾ

Kavitaa Fest was a brilliant act. All of Melvyn's dedication and his collaborator's energy level was there to be seen. The poetic trumpet sounded by Hemacharya, the 'guddaya mhaka guddaya' roaring by Andrew, HM's absolute class (both the times he took centre stage), Prakash's chipping in with the verses, Elyar's poetic pearls, Melvyn's articulate raison d'etre of poetry writing & relishing it, Anant's vibrant intusion in grasping poetry and wow! Jayant's eloquent delivery interspersed with the anecdotes of kannada greats, that left every one captivated - all this and much more along with the presence of poets was one big kavitaa treat. Kavitaa did win. Kudos!!

ಮಾನೇಸ್ತ್ ಜಯಂತ್ ಕಾಯ್ಕಿಣಿನ್ ಕವಿತೆಚಾ ಸಂದರ್‍ಬಾರ್ ಅನ್‍ಏಕ್ ಮಹತ್ವಾಚಿ ಗಜಾಲ್ ಸಾಂಗ್ಲಿ. ವೆಕ್ತ್ ಆನಿ ಅವೆಕ್ತ್. said and unsaid. ಕಶೆಂ ಹ್ಯಾ ದೊನಾಂಮಧೆಂ ಹಳ್ಟ್ ಸಾಂಬಾಳ್ಳ್ಯಾರ್ ಬರಿ ಕವಿತಾ ಜಾತಾ. ವೆಕ್ತ್ ಚಡ್ ಜಾಲ್ಯಾರ್ ಕವಿತಾ ಕಶಿ ವಾಚಾಳಿ ಜಾತಾ ಆನಿ ಅವೆಕ್ತ್ ಚಡ್ ಜಾಲ್ಯಾರ್ ಕವಿತಾ ಕಶಿ ಅಮುರ್‍ತ್ ಜಾತಾ. ಹೆಂ ತಾಣೆಂ ಪಯ್ಲ್ಯಾ ಕವಿತಾ ಫೆಸ್ತಾಂತೀ ಸಾಂಗ್‍ಲ್ಲೆಂ. ಆಜ್‍ಯೀ ತಿತ್ಲೆಂಚ್ಚ್ ಪ್ರಸ್ತುತ್.