Kavita Khobro
ಯೂಸುಫ್ ಅಬ್ದುಲ್ಲಾ ಶೇಖಾಕ್ 2013 ವರ್ಸಾಚೊ ಮಥಾಯಸ್ ಕುಟಮ್ ಕವಿತಾ ಪುರಸ್ಕಾರ್
’ಓ-ರೆ ಸೋಯ್’ ಖ್ಯಾತಿಚ್ಯಾ
ಯೂಸುಫ್ ಅಬ್ದುಲ್ಲಾ ಶೇಖಾಕ್ 2013 ವರ್ಸಾಚೊ ಮಥಾಯಸ್ ಕುಟಮ್ ಕವಿತಾ ಪುರಸ್ಕಾರ್
’
ಗೊಂಯ್ಚ್ಯಾ ವಾಸ್ಕೊಂತ್ ವಸ್ತಿ ಕರ‍್ಚೊ ಯೂಸುಫ್ ಶೇಖ್
1948 ವರ್ಸಾ ಜಲ್ಮಲ್ಲೆ. ಮುಂಬಯ್ ವಿಶ್ವವಿದ್ಯಾಲಯಾ ಥಾವ್ನ್ ಎಮ್.ಎಸ್ಸಿ. ಶಿಕಪ್ ಜೊಡಲ್ಲ್ಯಾ ತಾಂಣಿ ಆಪ್ಲೆಂ ಸುರ‍್ವಿಲೆಂ ಶಿಕಪ್ ವಾಸ್ಕೊಂತ್ಲ್ಯಾ ಸೈಂಟ್ ಜೋಸೆಫ್ಸ್ ಇನ್ಸಟಿಟ್ಯೂಟ್ ತಶೆಂ ಮಡ್ಗಾಂವ್ಚ್ಯಾ ಚೌಗುಳೆ ಕೊಲೆಜಿಥಾವ್ನ್ ಕೆಲ್ಲೆಂ. ದೂರದರ್ಶನಾಚ್ಯಾ ವೆವೆಗ್ಳ್ಯಾ ಹುದ್ದ್ಯಾಂನಿ ವಾವ್ರ್ ಕೆಲ್ಲ್ಯಾ ತಾಂಣಿ ದೂರದರ್ಶನಾಚ್ಯಾ ಶಿಲ್ಲೊಂಗ್, ಗೌಹಾಟಿ ತಶೆಂ ಪಣಜಿ ಕೇಂದ್ರಾಂನಿ ಅಧಿಕಾರಿ ಜಾವ್ನ್ ಕಾಮ್ ಕೆಲಾಂ. ಆಕಾಶ್‌ವಾಣಿಚ್ಯಾ ಕೇಂದ್ರಾನೀಂಯ್ ವಾವ್ರ್ ಕೆಲ್ಲ್ಯಾ ತಾಂಣಿ ಕರ್ನಾಟಕ, ಮೇಘಾಲಯ, ಅಸ್ಸಾಮ್ ತಶೆಂ ಗೊಂಯ್ಚ್ಯಾ ಕೇಂದ್ರಾಂನಿ ಸಮರ್ಪಿತ್ ವಾವ್ರ್ ಕೆಲಾ. ಆಕಾಶ್ವಾಣಿ ಮಂಗ್ಳುರ್ ಕೇಂದ್ರಾಂತ್ ಆಸ್ತಾನಾ ಜಾಯ್ತ್ಯಾ ಮಂಗ್ಳುರ್ಗಾರಾಂಚಿಂ ತಾಂಕಾಂ ವೊಳಕ್ ಜಾಲ್ಲಿ. ಜಾಯ್ತ್ಯಾ ಕೊಂಕಣಿ ಕವಿಂಕ್ ತಶೆಂ ಲೇಖಕಾಂಕ್ ತಾಂಚೆಥಾವ್ನ್ ಹುಮೆದ್ ತಶೆಂ ಉರ್ಬಾ ಲಾಭಲ್ಲಿ. ಕನ್ನಡ ಲಿಪಿ ಶಿಕೊನ್, ಹಾಂಗಾಚ್ಯಾ ಕೊಂಕಣಿ ಬರ್ಪಾವಳಿಚಿ ಜಾಣ್ವಿಕಾಯ್ ತಾಂಣಿ ಆಪ್ಣಾಯಿಲ್ಲಿ ಆನಿ ಕನ್ನಡ ಲಿಪಿನಯ್ ಬರೊಂವ್ಕ್ ತಾಂಣಿ ಸುರು ಕೆಲ್ಲೆಂ.1982
ಇಸ್ವೆಂತ್ ವೆಲಿಂಗ್ ಹಾಂಗಾಸರ‍್ಚ್ಯಾ ಶೆಣೊಯ್ ಪ್ರಕಾಶನಾಥಾವ್ನ್ ತಾಂಚೆಂ ಕೊಂಕಣಿ ಕವಿತಾಂಚೆಂ ಪುಸ್ತಕ್ ‘ಗಾಂಟಿ’ ಪರ್ಗಟ್ ಜಾಲ್ಲೆಂ. 2004 ವರ್ಸಾ ಮಾಪುಸಾಚ್ಯಾ ಕೊಂಕಣಿ ಶಾಂತಿ ಪ್ರಕಾಶನಾನ್ ತಾಣೆಂ ಅನುವಾದ್ ಕೆಲ್ಲ್ಯಾ ಭಾಗೆವಂತ್ ಖುರಾನಾಚೊ ತಿಸಾವೊ ಅಧ್ಯಾಯ್ ಪರ್ಗಟ್ ಕೆಲ್ಲೊ. 2005 ಇಸ್ವೆಂತ್ ಫೊಟೊಫ್ಲೆಕ್ಸ್ ಇಂಡಿಯಾ ಹಾಂಣಿ ತಾಂಚೆಂ ’ರಂಗ್-ಘಾಯ್’ ಪುಸ್ತಕ್ ಪ್ರಕಾಶಿತ್ ಕೆಲ್ಲೆಂ. ಹ್ಯಾ ಭಾಯ್ರ್ ರಾಷ್ಟ್ರೀಯ್ ನಾಮ್ಣೆಚ್ಯಾ ಜಾಯ್ತ್ಯಾ ನೆಮಾಳ್ಯಾಂನಿ ತಾಚ್ಯೊ ಕವಿತಾ ಪರ್ಗಟ್ ಜಾಲ್ಯಾತ್. ತಾಚ್ಯೊ ’ಓ-ರೆ ಸೋಯ್’, ‘ಮುರ್ಗಾಂವ್ಚ್ಯಾನ್ ಡೊನಾಪಾವ್ಲಾ’ ಆನಿ ‘ಆತ್ಮೊ ಆಮ್ಚೊ ಏಕ್’ ಕವಿತಾ ಗೊಂಯ್ಚ್ಯಾ ಪಾಠ್‍ಪುಸ್ತಕಾಂನಿ ಆಟಾಪ್ಲ್ಯಾತ್.ಆಕಾಶ್ವಾಣಿ ಖಾತೀರ್ ತಾಂಣಿ ನಿರ್ಮಾಣ್ ಕೆಲ್ಲ್ಯಾ ‘ಪೊದೆರ್’ ಡೊಕ್ಯುಮೆಂಟರಿಕ್ ರಾಷ್ಟ್ರೀಯ್ ಪುರಸ್ಕಾರ್ ಲಾಭ್ಲಾ. ಗೊಂಯ್ಚ್ಯಾ ಸಾಹಿತ್ಯ್ ಅಕಾಡೆಮಿಚೊ ಕಲಾ ಪುರಸ್ಕಾರ್, ಗೊಂಯ್ಚ್ಯಾ ಕೊಂಕಣಿ ಭಾಷಾ ಮಂಡಳಾ ಥಾವ್ನ್ ಅತ್ಯುತ್ತಮ್ ಪುಸ್ತಕ್ ಪುರಸ್ಕಾರ್ ‘ಗಾಂಟಿ’ ಪುಸ್ತಕಾಕ್, ಫಾ. ಸ್ಟೀವನ್ಸ್ ಕೊಂಕಣಿ ಕೇಂದ್ರಾಥಾವ್ನ್ ಆಂತೊನಿಯೊ ಪಿರೇರಾ ಕೊಂಕಣಿ ಪುರಸ್ಕಾರ್ ತಾಂಕಾಂ ಲಾಭ್ಲ್ಯಾತ್.
ಆಪ್ಲ್ಯಾ ಪದಾಂ ಖಾತೀರಯ್ ಯೂಸುಫ್ ಶೇಖ್ ಫಾಮಾದ್ ಜಾಲ್ಯಾತ್. ತಾಚಿಂ ಪದಾಂ ಮಂಗ್ಳುರು, ಪಣಜಿ ತಶೆಂ ಮುಂಬಯ್ಚ್ಯಾ ಆಕಾಶ್ವಾಣಿ ಕೇಂದ್ರಾಂನಿ ಪ್ರಸಾರ್ ಜಾಲ್ಯಾಂತ್. ತಾಂಚಿಂ ದೇಶಭಕ್ತಿಚಿಂ ತಶೆಂ ಹೆರ್ ಗಿತಾಂ ಡೆಲ್ಲಿ ಆನಿ ಪಣಜಿ ದೂರದರ್ಶನಾಚೆರ್ ಪ್ರಸಾರ್ ಜಾಲ್ಯಾಂತ್.
ಗೋವನ್ ಪೊಯೆಟ್ಸ್ ಫೋರಮಾಚೆ ತೆ ಅಧ್ಯಕ್ಷ್ ಆಸಲ್ಲೆ ತಶೆಂಚ್ ಗೋವನ್ ಪೊಯೆಟ್ಸ್ ಸರ್ಕಲಾಚೆ ಕಾರ್ಯದರ್ಶಿ ಜಾವ್ನ್ ತಾಂಣಿ ವಾವ್ರ್ ಕೆಲಾ. ಜಾಯ್ತ್ಯಾ ಸಂಘ್-ಸಂಸ್ಥ್ಯಾಂನಿ ಆಪ್ಲೊ ವಾವ್ರ್ ಭೆಟಯಿಲ್ಲ್ಯಾ ತಾಂಣಿ ಪಾಟ್ಲ್ಯಾ ಪಂಚೆಚಾಳೀಸ್ ವರ್ಸಾಂ ಥಾವ್ನ್ ಕೊಂಕಣಿ ಕಾವ್ಯಶೆತಾಂತ್ ಎಕಾ ನ್ಹಯ್ ಎಕ್ಯೆ ರಿತಿನ್ ಆಪ್ಲೆಂ ಯೋಗದಾನ್ ದಿಲಾಂ.
ಕನ್ನಡಾಚೊ ನಾಮ್ಣೆಚೊ ವಿಮರ್ಶಕ್ ತಶೆಂ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ವಿಜೇತ್ ಲೇಖಕ್ ರಹಮತ್ ತರೀಕೆರೆ ‘ಕವಿತಾ ಫೆಸ್ತ್’ ಸಂದರ್ಭಾರ್ ಹೊ ಪುರಸ್ಕಾರ್ ಯೂಸುಫ್ ಶೇಖಾಕ್ ಭೆಟಯ್ತಲೆ.
'ओ-रे सोय’ ख्यातिच्या
यूसूफ अब्दुल्ला शेखाक २०१३ वर्साचो मथायस कुटम कविता पुरसकार
’ओ-रे सोय’ ख्यातिच्या यूसूफ अब्दुल्ला शेख हांकां कविता ट्रस्ट हांणी दिंवच्या मथायस कुटम कविता पुरस्कारा खातीर विंचला. कोंकणी काव्यशेताक महत्वाची देणगी दिल्ल्या एक्ये व्यक्तीक हो पुरसकार फावो जाता. हो पुरस्कार रुपय १०,०००, यादस्तिका तशें प्रशस्तेपत्र आटापता. २०१४ जनवरी १२ तारिकेर मंगळूरच्या टौनहॉलांत चलच्या आटव्या ‘कविता फेस्त’ संदर्भार हो पुरस्कार यूसूफ अ. शेखाक दितले. हो पुरस्कार दुबायच्या मेरीट फ्रायट सिस्टम्स हाचो मॅनेजींग डैरेकटर जोसेफ मथायसान आपल्या कुटमाच्या नांवार दिंवचो. ह्या आदीं मुंबयच्या अरुणा राव, मंगळूरच्या काव्यदास (लियो डिसोजा), गोंयच्या काशिनाथ शांभा लोलियेंकार, केरळाच्या शिवानंद शेणै तशें गोंयचा राजय पवाराक हो पुरस्कार फावो जाला.
गोंयच्या वास्कोंत वस्ती करचो यूसूफ शेख १९४८ वर्सा जल्मल्ले. मुंबय विश्वविद्यालया थावन एम.एस्सी. शिकप जोडल्ल्या तांणी आपलें सूरविलें शिकप वास्कोंतल्या सैंट जोसेफ्स इन्सटिट्यूट तशें मडगांवच्या चौगुळे कोलेजिथावन केल्लें. दूरदर्शनाच्या वेवेगळ्या हुद्द्यांनी वावर केल्ल्या तांणी दूरदर्शनाच्या शिल्लोंग, गौहाटी तशें पणजी केंद्रांनी अधिकारी जावन काम केलां. आकाशवाणिच्या केंद्रानींय वावर केल्ल्या तांणी कर्नाटक, मेघालय, अस्साम तशें गोंयच्या केंद्रांनी समर्पीत वावर केला. आकाशवाणी मंगळूर केंद्रांत आसताना जायत्या मंगळुर्गारांचीं तांकां वोळक जाल्ली. जायत्या कोंकणी कविंक तशें लेखकांक तांचेथावन हुमेद तशें उरबा लाभल्ली. कन्नड लिपी शिकोन, हांगाच्या कोंकणी बर्पावळिची जाण्विकाय तांणी आपणायिल्ली आनी कन्नड लिपिनय बरोवंक तांणी सुरू केल्लें.
१९८२ इस्वेंत वेलिंग हांगासर्च्या शेणोय प्रकाशनाथावन तांचें कोंकणी कवितांचें पुसतक ‘गांटी’ पर्गट जाल्लें. २००४ वर्सा मापुसाच्या कोंकणी शांती प्रकाशनान ताणें अनुवाद केल्ल्या भागेवंत खुरानाचो तिसावो अध्याय पर्गट केल्लो. २००५ इस्वेंत फोटोफ्लेक्स इंडिया हांणी तांचें ’रंग-घाय’ पुसतक प्रकाशीत केल्लें. ह्या भायर राषट्रीय नामणेच्या जायत्या नेमाळ्यांनी ताच्यो कविता पर्गट जाल्यात. ताच्यो ’ओ-रे सोय’, ‘मुर्गांवच्यान डोनापावला’ आनी ‘आत्मो आमचो एक’ कविता गोंयच्या पाठपुसतकांनी आटापल्यात.
आकाशवाणी खातीर तांणी निर्माण केल्ल्या ‘पोदेर’ डोक्युमेंटरीक राषट्रीय पुरसकार लाभला. गोंयच्या साहित्य अकाडेमिचो कला पुरसकार, गोंयच्या कोंकणी भाषा मंडळा थावन अत्युत्तम पुसतक पुरसकार ‘गांटी’ पुसतकाक, फा. स्टीवन्स कोंकणी केंद्राथावन आंतोनियो पिरेरा कोंकणी पुरसकार तांकां लाभल्यात.
आपल्या पदां खातीरय यूसूफ शेख फामाद जाल्यात. ताचीं पदां मंगळुरू, पणजी तशें मुंबयच्या आकाशवाणी केंद्रांनी प्रसार जाल्यांत. तांचीं देशभक्तिचीं तशें हेर गितां डेल्ली आनी पणजी दूरदर्शनाचेर प्रसार जाल्यांत.
गोवन पोयेटस फोरमाचे ते अध्यक्ष आसल्ले तशेंच गोवन पोयेटस सर्कलाचे काऱ्यदर्शी जावन तांणी वावर केला. जायत्या संघ-संस्थ्यांनी आपलो वावर भेटयिल्ल्या तांणी पाटल्या पंचेचाळीस वर्सां थावन कोंकणी काव्यशेतांत एका न्हय एक्ये रितीन आपलें योगदान दिलां.
कन्नडाचो नामणेचो विमर्शक तशें साहित्य अकाडेमी प्रशसती विजेत लेखक रहमत तरीकेरे ‘कविता फेसत’ संदर्भार हो पुरसकार यूसूफ शेखाक भेटयतले.
- ಕೊಂಕಣಿ ಕವಿತಾ ಸಾದರೀಕರಣ್ ಸರ್ತೆಂತ್ ನಿನಿಶಾ, ಎಲ್ವಿನ್ ಆನಿ ಪ್ರೀತನ್ ಪಯ್ಲಿಂ
- ಬಿರಿಬಿರಿ ಪಾವ್ಸ್ ಸೀಸನ್ 5 ಗೋವಾ ಒಡಿಶನ್ಸ್
- ಬಿರಿಬಿರಿ ಪಾವ್ಸ್ ಸೀಸನ್ 5 ಮಂಗ್ಳುರ್ ಒಡಿಶನ್ಸ್
- ’ಸಾಹಸಿ ಆನಿ ದಯಾಳಿ ಜಿವಿತಾಂ' ಪುಸ್ತಕ್ ಲೋಕಾರ್ಪಣ್
- ಮೀರಾ ರೋಡಾಂತ್ ಕವಿತಾ ಕಾರ್ಯಾಗಾರ್ ಆನಿ ಸಾಹಿತ್ಯ್ ಮಂಚ್ ಕಾರ್ಯಾವಳ್
- ಕುಡಲ್ ದೇಶಸ್ತ್ ಕೊಂಕಣಿ ಸಮುದಾಯಾ ಖಾತೀರ್ ಕವಿತಾ ಪಾಠ್
- ಡೆನಿಸ್ ಆನಿ ಮೇರಿ ಡಿಕುನ್ಹಾ ಸ್ಮಾರಕ್ ಅತ್ಯುತ್ತಮ್ ಕೊಂಕಣಿ ಕವಿತಾ ಪುಸ್ತಕ್ ಇನಾಮ್
- ಪಿ. ಜಿ. ಕಾಮತ್ ಕೊಂಕಣಿಚೊ ಚಾಬೂಕ್ ಕವಿ: ಎಚ್ಚೆಮ್ ಪೆರ್ನಾಲ್
- ಸೃಷ್ಟಿಶೀಳತೆಕ್ ಗೊವಾಯ್ ಜಾಲ್ಲಿ ’ಯುವ ಸಾಹಿತಿ’ ಕಾರ್ಯಾವಳ್
- ಎಚ್ಚೆಮ್ ಪೆರ್ನಾಲಾಚೆ ಅಭಿನಂದನ್ ಕಾರ್ಯಾವಳಿಂತ್ ಕವಿತಾ ಟ್ರಸ್ಟ್ ಭಾಗೆಲಿ
Copyright © Kavita Trust (R) 2026 . All Rights Reserved.
Comment on this article
Arun D'Souza, KSA
Tue Dec 3, 2013Dear Yusuf Sheikh
Congratulations for the Kavita Trust Poetry Award.
We do remember your poetry recitation here in Mangalore, when you were with Akashavani Mangalore.
Your o re soi was a big hit with the poets and i would like to listen to it once again.
Simon Lobo, Mangalore, KSA
Tue Dec 3, 2013Congratulations Yusuf Sheikh for being awarded the Poetry Award by Kavita Trust.
Kavita Trust activities managed by Melwin are commendable and has taken initiatives to promote writing poems among novice and young people.
Wish you the best and looking forward for many new initiatives on Poetry by Kavita Trust.
Austin Prabhu, Chicago, USA
Tue Dec 3, 2013Congratulations Yusuf Sheikh and wish you all the best in your future endeavors. God bless you always.
Title : ಯೂಸುಫ್ ಅಬ್ದುಲ್ಲಾ ಶೇಖಾಕ್ 2013 ವರ್ಸಾಚೊ ಮಥಾಯಸ್ ಕುಟಮ್ ಕವಿತಾ ಪುರಸ್ಕಾರ್
Please fill in the form below with your feedback / suggestions.
Fields marked with * are necessary
Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com / konkanipoetry.com will not be responsible for any defamatory message posted under this article.
Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.
Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.