Poems

ದಾಕ್ಷೆಣೆಚೊ ಮುದೊ

ಚಾ. ಫ್ರಾ. ದೆಕೊಸ್ತಾ

कविता:

दाक्षेणेचो मुदो

वादाळाचे मर्जेबरी गर्जो तुज्यो कुसत्यो घाली
म्हजे तांकी तेंबेटेचेर सदांनीत मारी धोली
दितां दितां गळ्ळ्यो साली, दीवन दीवन कुट्टें खाली
दीना तर देकता खंतीन, तुजो दोळो कोंग्या तेदो
गळतां मोगा एकेच दिष्टीन हांवगो दाक्षेणेचो मुदो

आंकुड्टाना देकलें तुका नागड्या धोवांत झाडां भरशीं
कुडीवयलें वोडलें चामडें मोगान व्हेलें तुजेसरशीं
सादें आंगलें पुणय करशी, हिंवचे पुणय दीस सारशी
बदलाक तुंवें गुमट केलें, नाचून पिटो केलो गादो
चिंतून कंगाल हांवगो सादो, हांव दाक्षेणेचो मुदो

रगत दिलें दान तुका, तुंवें कपलाक तिळे पुसले
हाडां दिलीं हुलपावन तुंवें पिटो करून दांत घासले
केस म्हजे चेप्यार तुज्या, पाखां भाशेन सजोन बसले.
आजून देकता दोळो तुजो, दोळो येदो कोंग्या तेदो
कितें दिंवचें म्हणून रडटां, हांवगो दाक्षेणेचो मुदो

- चा. फ्रा. देकोस्ता


ಕವಿತಾ:

ದಾಕ್ಷೆಣೆಚೊ ಮುದೊ

ವಾದಾಳಾಚೆ ಮರ್ಜೆಬರಿ ಗರ್ಜೊ ತುಜ್ಯೊ ಕುಸ್ತ್ಯೊ ಘಾಲಿ
ಮ್ಹಜೆ ತಾಂಕಿ ತೆಂಬೆಟೆಚೆರ್ ಸದಾಂನೀತ್ ಮಾರಿ ಧೊಲಿ
ದಿತಾಂ ದಿತಾಂ ಗಳ್ಳ್ಯೊ ಸಾಲಿ, ದೀವ್ನ್ ದೀವ್ನ್ ಕುಟ್ಟೆಂ ಖಾಲಿ
ದೀನಾ ತರ್ ದೆಕ್ತಾ ಖಂತೀನ್, ತುಜೊ ದೊಳೊ ಕೊಂಗ್ಯಾ ತೆದೊ
ಗಳ್ತಾಂ ಮೊಗಾ ಎಕೆಚ್ ದಿಷ್ಟೀನ್ ಹಾಂವ್-ಗೊ ದಾಕ್ಷೆಣೆಚೊ ಮುದೊ

ಆಂಕುಡ್ಟಾನಾ ದೆಕ್ಲೆಂ ತುಕಾ ನಾಗ್ಡ್ಯಾ ಧೊವಾಂತ್ ಝಾಡಾಂ ಭರ್ಶಿಂ
ಕುಡೀ ವಯ್ಲೆಂ ವೊಡ್ಲೆಂ ಚಾಮ್ಡೆಂ ಮೊಗಾನ್ ವ್ಹೆಲೆಂ ತುಜೆ ಸರ್ಶಿಂ
ಸಾದೆಂ ಆಂಗ್ಲೆಂ ಪುಣಯ್ ಕರ್‍ಶಿ, ಹಿಂವಾಚೆ ಪುಣಯ್ ದೀಸ್ ಸಾರ್‍ಶಿ
ಬದ್ಲಾಕ್ ತುಂವೆಂ ಗುಮಟ್ ಕೆಲೆಂ, ನಾಚೂನ್ ಪಿಟೊ ಕೆಲೊ ಗಾದೊ
ಚಿಂತೂನ್ ಕಂಗಾಲ್ ಹಾಂವ್-ಗೊ ಸಾದೊ, ಹಾಂವ್ ದಾಕ್ಷೆಣೆಚೊ ಮುದೊ

ರಗತ್ ದಿಲೆಂ ದಾನ್ ತುಕಾ, ತುಂವೆಂ ಕಪ್ಲಾಕ್ ತಿಳೆ ಪುಸ್ಲೆ
ಹಾಡಾಂ ದಿಲಿಂ ಹುಲ್ಪಾವ್ನ್ ತುಂವೆಂ ಪಿಟೊ ಕರೂನ್ ದಾಂತ್ ಘಾಸ್ಲೆ
ಕೇಸ್ ಮ್ಹಜೆ ಚೆಪ್ಯಾರ್ ತುಜ್ಯಾ, ಪಾಖಾಂ ಭಾಶೆನ್ ಸಜೊನ್ ಬಸ್ಲೆ.
ಆಜೂನ್ ದೆಕ್ತಾ ದೊಳೊ ತುಜೊ, ದೊಳೊ ಯೆದೊ ಕೊಂಗ್ಯಾ ತೆದೊ
ಕಿತೆಂ ದಿಂವ್ಚೆಂ ಮ್ಹಣೂನ್ ರಡ್ಟಾಂ, ಹಾಂವ್-ಗೊ ದಾಕ್ಷೆಣೆಚೊ ಮುದೊ

- ಚಾ. ಫ್ರಾ. ದೆಕೊಸ್ತಾ



  A   B   C   D   E   F   G   H   I   J   K   L   M
 
  N   O   P   Q   R   S   T   U   V   W   X   Y   Z