Poems

ಪ್ಲೀಜ್

ಜೆರಿ ರಾಸ್ಕಿನ್ಹಾ, ಆಂಜೆಲೊರ್

ಸಂಪಾದಕೀಯ್:

ದುಬ್ಳ್ಯಾಚೊ ಸಂಬಂಧ್ ಕೊಣಾಕ್ ಜಾಯ್?

ವಾಂಜೆಲಾಂತ್ಲ್ಯಾ ಆಟ್ ಭಾಗಿಂತ್  ‘ಭಾಗಿ ದುರ್ಬಳೆ ತಾಂಚೆ ಜಾವ್ನಾಸಾ ಸರ್ಗಿಂಚೆಂ ರಾಜ್’ ಮ್ಹಣ್ ಸಾಂಗ್ಲ್ಯಾರೀ  ಧರ್ಮಾಚ್ಯಾ ನಾಂವಾನ್ ಘಾಲ್ಲ್ಯಾ ಕಾಯ್ದೆ ಆನಿ ನೆಮಾಂ ವರ್ವಿಂಚ್ ದುಬ್ಳ್ಯಾಕ್ ಜಂಜಾಟ್ ಭೊಗುಂಕ್ ಮೆಳ್ಚೆಂ ಆಮಿ ಪಳೆವ್ನಚ್ ಆಸಾಂವ್.  ಪರ್ನಿ ಇಗರ್ಜ್ ಕಾಡ್ನ್ ನವಿ ಬಾಂಧುಂಕ್ ಇತ್ಲೊಚ್ ದುಡು ಕುಟ್ಮಾನ್ ಕಡ್ಡಾಯ್ ಜಾವ್ನ್ ದೀಂವ್ಕ್ ಜಾಯ್ ಮ್ಹಣ್ ಕಾಯ್ದೊ ಘಾಲ್ತಾನಾ ದುಬ್ಳ್ಯಾ ಕುಟ್ಮಾಂನಿ ಉಪಾಶಿಂ ರಾವುನ್, ಭುರ್ಗ್ಯಾಂಚ್ಯಾ ಶಿಕ್ಪಾಚೆ ಫೀಸ್ ಬಾಂಧಿನಾಸ್ತಾಂ, ಇಗರ್ಜ್ ಬಾಂಧುಂಕ್ ದುಡು ದಿಂವ್ಚೆ ದಾಖ್ಲೆ ಆತಾಂಯ್ ಅಸಾತ್. 

ಹಾಂಗಾ ಕವಿನ್ ದುಬ್ಳ್ಯಾ ಕ್ರಿಸ್ತಾಂವ್ ಕುಟ್ಮಾನ್ ಭೊಗ್ಚ್ಯಾ ವೆಗ್ಳ್ಯಾಚ್ ಸಮಸ್ಯಾ ವಿಶಿಂ  ಕವಿತಾ ಲಿಖ್ಲ್ಯಾ.  ಗ್ರೇಸ್ತಾಚ್ಯಾ ಭುರ್ಗ್ಯಾಚೆಂ ಫಿಲ್ಯಾದ್ ಜೊಡುಂಕ್ ಕೊಣೀ ತಯಾರ್ ಆಸ್ತಾ.  ದಿಲ್ಲೆಂ ಪಾಟಿಂ ಮೆಳ್ತಾ ಮ್ಹಳ್ಳಿ ಗ್ಯಾರಂಟಿ ಅಸ್ತಾ. ಪುಣ್ ಆಯ್ಚ್ಯಾ ವ್ಯಾಪಾರಿ ಕಾಳಾರ್ ದುಬ್ಳ್ಯಾಚ್ಯಾ ಬಾಳಾಚಿ ಜವಾಬ್ದಾರಿ ಆನಿ ಕುಟ್ಮಾ ಸಂಬಂಧ್ ಕೊಣಾಕ್ ಜಾಯ್?  ಪುಣ್ ಬಾಪ್ತಿಜ್ಮಾವೆಳಾರ್ ವಾತ್ ಧರುಂಕ್ ಪೊದೊರ್ನ್ ಮೊದೊರ್ನ್ ಜಾಯಿಚ್ ಮ್ಹಣ್ ಕಾಯ್ದೊ ಆಸಾ ಮ್ಹಣ್ತಾನಾ, ಕಿತೆಂಚ್ ದಿಂವ್ಚೆಂ ನಾಕಾ, ಫಕತ್ 'ನಾಂವಾ ಖಾತಿರ್' ಪುಣೀ ಯೇವ್ನ್ ವಾತ್ ಧರ್ನ್ ಸಾಯ್ನ್ ಕರ್ನ್ ವಚಾ ಪ್ಲೀಜ್ ಮ್ಹಣ್ ಭಿಕ್ ಮಾಗ್ಚೆಂ ಏಕ್ ದೃಶ್ಯ್ ಸೊಂಪ್ಯಾ ಪಂಗ್ತಿಂನಿ ಕವಿನ್ ದೊಳ್ಯಾಂ ಮುಖಾರ್ ಹಾಡ್ಲಾಂ.

ಆಯ್ಲೆವಾರ್ ಪ್ರಕೃತೆ ವಿಶಿಂ ಥೊಡಿಂ ಸಂಭ್ರಮಿಕ್ ಕವಿತಾಂ ವಾಚುಂಕ್ ದಿಲ್ಲ್ಯಾ ಕವಿ ಜೆರಿ ರಾಸ್ಕಿನ್ಹಾನ್ ಹ್ಯಾ ಪಾವ್ಟಿಂ ವೆಗ್ಳ್ಯಾಚ್ ಠರಾವಣೆಚಿ ಕವಿತಾ ಆಮ್ಕಾಂ ದಿಲ್ಯಾ. ಕವಿತಾ ಸೊಂಪಿ ತರೀ ವಿಶಯ್ ಗಂಭೀರ್ ಅಸಾ!

-ಆಂಡ್ರ್ಯೂ ಎಲ್ ಡಿಕುನ್ಹಾ

ಕವಿತಾ:

 

 

 

 

 

 

ಪ್ಲೀಜ್

ಪ್ಲೀಜ್...
ಮ್ಹಜ್ಯಾ ಭುರ್‍ಗ್ಯಾಚೆಂ
ಕೊಣಿ ಪುಣಿ
ಫಿಲ್ಯಾದ್ ಜೊಡಾ!

ಭಾಂಗರ್ ನಾಕಾ
ಲೊಕಟೋಯ್ ನಾಕಾ,
ಆಯ್ತಾರಾ
ದುಸ್ರ್ಯಾ ಮಿಸಾ ಉಪ್ರಾಂತ್
ಏಕ್ ಘಡಿ
ಇಗರ್‍ಜೆಕ್ ಯೆಯಾ
ವಾತ್ ದರ್‍ನ್
ಉಪ್ರಾಂತ್ ಸಾಯ್ನ್ ಕರ್‍ನ್
ವಚಾ!

ಶಿಕ್ಪಾಕೀ
ಕುಮೊಕ್ ನಾಕಾ
ಫಕತ್ ಪೊದೊರ್‍ನ್ ಆನಿ ಮೊದೊರ್‍ನ್
ಆಸ್ಲ್ಯಾರ್ ಪುರೊ!
ಪ್ಲೀಜ್...!

ಮ್ಹಜ್ಯಾ ಭುರ್‍ಗ್ಯಾಚೆಂ
ಕೊಣಿ ಪುಣಿ
ಫಿಲ್ಯಾದ್ ಜೊಡಾ!
ಪ್ಲೀಜ್!

-ಜೆರಿ ರಾಸ್ಕಿನ್ಹಾ, ಆಂಜೆಲೊರ್

संपादकीय:

दुबळ्याचो संबंध कोणाक जाय?

वांजेलांतल्या आट भागींत ‘भागी दुरबळे तांचे जावनासा सर्गिंचें राज’ म्हण सांगल्यारी धर्माच्या नांवान घाल्ल्या कायदे आनी नेमां वरवींच दुबळ्याक जंजाट भोगुंक मेळचें आमी पळेवनच आसांव. पर्नी इगर्ज काडन नवी बांधुंक इतलोच दुडू कुटमान कड्डाय जावन दीवंक जाय म्हण कायदो घालताना दुबळ्या कुटमांनी उपाशीं रावून, भुरग्यांच्या शिकपाचे फीस बांधिनासतां, इगर्ज बांधुंक दुडू दिंवचे दाखले आतांय असात.
 
हांगा कवीन दुबळ्या क्रिस्तांव कुटमान भोगच्या वेगळ्याच समस्या विशीं कविता लिखल्या.  ग्रेस्ताच्या भुरग्यांचें फिल्याद जोडुंक कोणी तयार आसता. दिल्लें पाटीं मेळता म्हळ्ळी गॅरंटी आसता. पूण आयच्या व्यापारी काळार दुबळ्याच्या बाळाची जवाब्दारी आनी कुटमा संबंध कोणाक जाय?  पूण बाप्तिज्मावेळार वात धरुंक पोदोर्न मोदोर्न जायीच म्हण कायदो आसा म्हणताना, कितेंच दिंवचें नाका, फकत 'नांवा खातीर' पुणी येवन वात धर्न सायन कर्न वचा प्लीज म्हण भीक मागचें एक दृश्य सोंप्या पंग्तिंनी कवीन दोळ्यां मुखार हाडलां.

आयलेवार प्रकृते विशीं थोडीं संभ्रमीक कवितां वाचुंक दिल्ल्या कवी जेरी रास्कीन्हान ह्या पावटीं वेगळ्याच ठरावणेची कविता आमकां दिल्या. कविता सोंपी तरी विशय गंभीर असा!

-आंडऱ्यू एल डिकुन्हा

कविता:

प्लीज

प्लीज...
म्हज्या भूर‍ग्याचें
कोणी पुणी
फिल्याद जोडा!

भांगर नाका
लोकटोय नाका,
आयतारा
दुसऱ्या मिसा उपरांत
एक घडी
इगर‍जेक येया
वात दर‍न
उपरांत सायन कर‍न
वचा!

शिकपाकी
कुमोक नाका
फकत पोदोर‍न आनी मोदोर‍न
आसल्यार पुरो!
प्लीज...!

म्हज्या भुर‍ग्याचें
कोणी पुणी
फिल्याद जोडा!
प्लीज!

-जेरी रास्कीन्हा, आंजेलोर



  A   B   C   D   E   F   G   H   I   J   K   L   M
 
  N   O   P   Q   R   S   T   U   V   W   X   Y   Z