Poems

ಡಣಾ ಡಣಾ

ಮ್ಯಾಕ್ಸಿಮ್ ಲೋಬೊ


ಸಂಪಾದಕೀಯ್:

ವಿಘ್ನಾಂ ಅನ್ವಾರಾಂನಿ ಝೆಂಜ್ರೊನ್ ಗೆಲ್ಲ್ಯಾಂಕ್ ಸಮಾಧಾನ್

ಮನ್ಶಾಕುಳಾಚೊ ಸೊಡ್ವಣ್ದಾರ್ ಕಸೊ ಹೆ ಧರ್ತೆಕ್ ಆಯಿಲ್ಲ್ಯಾ ಸ್ವಾಮಿ ಜೆಜುಚೆ ತಾಕ್ತೆಚಿ ಝಳಕ್ ಹಿ ಕವಿತಾ ಥೊಡ್ಯಾ ಪಂಗ್ತಿಂನಿಂಚ್ ದಿತಾ. ತೇಂಯ್ `ಡಣಾ ಡಣಾ' ಆವಾಜ್ ಕರುನ್. ಮನ್ಶಾಕೂಳ್ ವಿಘ್ನಾಂ ಅನ್ವಾರಾಂನಿ ಝೆಂಜ್ರೊನ್ ಗೆಲ್ಲ್ಯಾ ಹ್ಯಾ ಕಾಳಾರ್; ಜೀವ್ ಮ್ಹಳ್ಳೆ ತೆ ಅಸ್ಕತ್, ಅಬಳ್ ಜಾವ್ನ್ ಗೆಲ್ಲ್ಯಾ ಹ್ಯಾ ಕಾಳಾರ್ - ಹಿ ಕವಿತಾ ನವೆಂ ಏಕ್ ಶಿಮ್ಟಿ ನೆಕೆತ್ರ್ ಕಶೆಂ ವಾಟ್ ದಾಕಯ್ತಾ - ಶಾಂತಿ ಸಮಾಧಾನಾಚಿ.

ಕ್ರಿಸ್ಮಸಾಕ್ ಜೊಕ್ತಿ ಕವಿತಾ ಕಶಿ ಮ್ಯಾಕ್ಸಿಮ್ ಲೋಬೊನ್ ಹಿ ಲಿಖ್ಲ್ಯಾ. ಮರ್ಣಾಂಕ್ ಧಾಂವ್ಡಾವ್ನ್ ಜಿವಾಕ್ ಜೀಕ್ ಲಾಭ್‌ಲ್ಲಿ ಸುವಾರ್‍ತಾ ಹಿ ಕವಿತಾ ಪಾಚಾರ್‍ತಾ. ವ್ಯಕ್ತಿಂಚೆ ಅಸ್ಮಿತಾಯೆಕ್ ಪ್ರಾಣ್ ಲಾಭ್‌ಲ್ಲೆವಿಶಿಂ ಹಿ ಕವಿತಾ ಖುಶಿ ಪಾಚಾರ್‍ತಾ.

ಮ್ಯಾಕ್ಸಿಮ್ ಲೋಬೊ ದೀಸ್ ವೆತಾಂ ವೆತಾಂ ಆಪ್ಲ್ಯಾ ಕವಿತಾಂನಿ ಬಳ್ವಂತ್ ಜಾವ್ನ್‌ಚ್ ಯೆತಾ. ಫುಡಾರಾಂತ್ ಉತ್ತೀಮ್ ಕವಿ ಜಾಂವ್ಚೆ ದಿಶೆನ್ ತಾಣೆ ಕಾಡ್ಚಿಂ ಹಿಂ ಪಾವ್ಲಾಂ ವಾಖಣ್ಚೆ ತಸಲಿಂ.

-ಮೆಲ್ವಿನ್ ರೊಡ್ರಿಗಸ್

ಕವಿತಾ:

ಡಣಾ ಡಣಾ

ಅಸ್ಕತ್, ಅಬಲ್, ಜಿವಾ ಕಣಾ
ಆಕಾಂತ್, ಅವ್ಘಡ್, ಸೃಷ್ಟೆ ಮನಾ
ಕೂಡ್ ಗಾಡುಂ, ಅತ್ಮ್ಯಾ ವಿಘ್ನಾಂ
ದ್ವಂದ್ವ್, ದುಸ್ಪಟ್, ಅಂತಕರಣಾ

ತೆನ್ನಾಂ,
ಡಣಾ ಡಣಾ ಡಣಾ ಡಣಾ
ಮಧ್ಯಾನೆ ಫಾಂಕ್ಲಿಂ ಸೃಷ್ಟೆ ಕಿರ್ಣಾಂ
ಉನ್ನತಿ ಕಿರ್ಕೊಳ್ ವರ್ತಂವ್ಚಿಂ ಗಾಣಾಂ
ಊಂಚ್ ಉಬ್ಚಿಂ ಕುಸ್ಕುಟ್ ಮನಾಂ

ವಿಚಿತ್ರ್ ಮಿಸ್ತೆರ್ ಹಕೀಗತ್ ಸಾಸ್ಣಾಂ
ವ್ಯಕ್ತಿ ಅಸ್ಥಿತ್ವಾ ಲಾಭ್ಲಿಂ ಪ್ರಾಣಾಂ
ಭೇದ್ ಭಾವ್ ಖಂಯ್ಚ್ಯಾ ಕಾರಣಾಂ
ಸ್ವಾತಂತ್ರ್ ಭುರ್ಗಿಂ, ಜಾಯಾ ಜಾಣಾಂ

ಡಣಾ ಡಣಾ ಡಣಾ ಡಣಾ
ಮನ್ಶಾ ಜಿವಿತ್ ಕಡ್ಚೆಂ ಮೆಣಾ
ದೇವ್ ಮನೀಸ್ ಜಾಲ್ಲ್ಯಾ ಖಿಣಾ
ಜೀಕ್ ಜಿವಾಕ್, ಮೆಲಿಂ ಮರ್ಣಾಂ!

-ಮ್ಯಾಕ್ಸಿಮ್ ಲೋಬೊ



  A   B   C   D   E   F   G   H   I   J   K   L   M
 
  N   O   P   Q   R   S   T   U   V   W   X   Y   Z