Poems

ಜುಗು ಜುಗು ಜಗತ್

ಮೆಲ್ವಿನ್ ರೊಡ್ರಿಗಸ್

 

ಜಿವಿತಾಚೊ ನಾರೊ: ಜುಗು ಜುಗು ಜಗತ್

 

 

ಜುಗು ಜುಗು ಜಗತ್

ಜುಗು ಜುಗು ಜಗತ್,
ಜುಗು ಜುಗು ಜಗತ್
ಜುಗು ಜುಗು ಜುಗು ಜುಗು
ಜುಗು ಜುಗು ಜಗತ್
ಜೀವ್ ಝೆಂಜ್ರೊನ್ ಝರ‍್ಲೊ
ಸ್ವಾಸ್ ಸಂಸ್ರಾಕ್ ಹಾರ‍್ಲೊ
ವಚುಂಕ್ ಜಾಲೊ ವಗತ್.

ಪಿಸೊಳ್ಯಾಚೆಂ ಆಯುಷ್ಯ್ ಕೆದಿಂ
ತಾಚೆ ಮುಟಿಂತ್ ನಾಸ್ತಾ
ಪಾಕಟ್ಯಾಂಚ್ಯಾ ಪೊಕೊಳ್ ಧೈರಾ
ಕೂಡ್ ಉಬುನ್ ಆಸ್ತಾ
ಪಿಟೊ ಜಾಲ್ಯಾರ್ ಸುಕಿಂ ಪಾಕಾಂ
ಕೂಡ್ ಕಿತ್ಯಾಕ್ ಫಕತ್
ಜುಗು ಜುಗು ಜಗತ್.

ಕೆಂಳ್ಬ್ಯಾ ಮುಳಾ ಬಸ್ಲಾಂ, ಮಾತ್ಯಾರ್
ಬೊಂಡಿಯೆ ಫುಲಾಂ ಝಡ್ಲಿಂ
ತಾಂಚೇಂಯ್ ಮ್ಹೊಂವ್ ಸೊಂಪ್ಲೆಂ ಆತಾಂ
ಮಾತ್ಯೆ ಸಾರ‍್ಯಾಂತ್ ಬುಡ್ಲಿಂ
ತರೀ ವ್ಹಯ್ಲ್ಯಾನ್ ಪಾಣೆಂ ಕೆಳಿಂ
ರಂಗ್ಲ್ಯಾಂತ್ ದೀಂವ್ಕ್ ಸಾಂಗಾತ್
ಜುಗು ಜುಗು ಜಗತ್.

-ಮೆಲ್ವಿನ್ ರೊಡ್ರಿಗಸ್

जुगू जुगू जगत

जुगू जुगू जगत,
जुगू जुगू जगत
जुगू जुगू जुगू जुगू
जुगू जुगू जगत
जीव झेंज्रोन झरलो
स्वास संस्राक हारलो
वचूंक जालो वगत.

पिसोळ्याचें आयुष्य केदीं
ताचे मुटींत नासता
पाकट्यांच्या पोकोळ धैरा
कूड उबून आसता
पिटो जाल्यार सुकीं पाकां
कूड कित्याक फकत
जुगू जुगू जगत.

केंळब्या मुळा बसलां, मात्यार
बोंडये फुलां झडलीं
तांचेंय म्होंव सोंपलें आतां
मात्ये सार्‍यांत बुडलीं
तरी व्हयल्यान पाणें केळीं
रंगल्यांत दीवंक सांगात
जुगू जुगू जगत.

-मेल्विन रोड्रीगस



  A   B   C   D   E   F   G   H   I   J   K   L   M
 
  N   O   P   Q   R   S   T   U   V   W   X   Y   Z