Poems
ಮ್ಹಾನ್ ಮನೀಸ್
ಮನು ಬಾಹ್ರೇನ್
ಕವಿತಾ:
ಮ್ಹಾನ್ ಮನೀಸ್
ರಾನಾಂತ್ಲ್ಯಾ
ಪರ್ವತಾರ್ ದಿಸ್ಚೆ
ಝಿರಿಯೆಚೆ ಸಂಧಿಂತ್ ಲಿಪೊನ್ ಆಸ್ಚ್ಯಾ
ಫಾತ್ರಾಚ್ಯಾ ಇಡ್ಯಾಂತ್ಲ್ಯಾನ್
ವ್ಹಾಳೊನ್ ಹಾಂವೆ ವೆತಾನಾ, ಮ್ಹೆಳ್ಚೆ
ಭುಮಿಕ್ ನ್ಹಾಣವ್ನ್ ನಿತಳ್ ಉದ್ಕಾನ್,
ದೆಂವ್ತಾನಾ, ವಾಟೆರ್ ಭೆಟ್ಚ್ಯಾ `ಫಾತ್ರಾಂಕ್' ಘೆವ್ನ್
ಮೊಲಾಧಿಕ್ ರೂಕ್ ಝಾಡಾಂಕ್ ಆಪ್ಟೊನ್
ತಾಂತ್ಲ್ಯಾನ್ ಭಾಯ್ರ್ ಸರ್‍ಲಲ್ಯಾ ರೊಸಾನ್
ಮ್ಹಜೆಂ ಅಮೃತಾಚೆಂ ಉದಕ್ ಪಿಯೆವ್ನ್
ತ್ಯಾಚ್ ಉದ್ಕಾನ್ ನ್ಹಾಲ್ಲೆಲ್ಯಾನ್
ಪಿಡಾ ನಿಸ್ರೊನ್, ಬರೆಂ ಜಾಲ್ಲ್ಯಾನ್
ಲೊಳೊನ್ ಆಯಿಲ್ಲೆ, ಮ್ಹಜ್ಯಾ ಉದ್ಕಾನ್
ರೂಪಾಂತರ್ ಜಾಲ್ಲೆ, ಫಾತರ್ ಹಾಡುನ್
ಸರ್ಶಿಂ ಏಕ್ ದೀವ್ಳ್ ಬಾಂಧುನ್
ದಿಸ್ಪಡ್ತೊ ಗ್ರಾಸ್ ಜೊಡ್ತಲೆ ಮನೀಸ್
ಮ್ಹಾನ್
-ಶ್ರೀ ಮನು, ಬಾಹ್ರೇನ್
(ಷರೊ: ಕಿತ್ಲಿಂ ಹಜಾರ್ ವರ್ಸಾಂ ಕಳಿತ್ ನಾ ಜಾಲ್ಯಾರಿ ರಾನಾಂತ್, ಉದ್ಕಾವರ್ವಿಂ ವಿವಿಧ್ ರುಪಾಂಕ್ ಬದ್ಲಿ ಜಾಲ್ಲೆ ಜಾಯ್ತೆ ಫಾತರ್ ಧಾರಾಳ್ ಆಸ್ತಾತ್. ಹೆಂ ಹಾಂವೆಂ ಖುದ್ಧ್ ದೆಖ್ಲಾಂ ಆನಿ ಅಸಲಿಚ್ ಏಕ್ ಶಿಳಾ ಮಾರಿಗುಂಡಿ ರಾನಾಂತ್ ಹಾಂವೆಂ ದೆಖ್ಲ್ಯಾ. ಅಸಲೆ ಉದ್ಕಾಝರಿಂತ್ ಯಾ ನಂಯ್ತ್ ನ್ಹಾಲ್ಲ್ಯಾಂಕ್ ಪಿಡಾ ಆಯಿಲ್ಲಿ ನಾ ಆನಿ ಆಮ್ಚೆ ಹಿಂದು ಭಾವ್ ದೆವಾಚಿಂ ಮ್ಹಯ್ಮಾಂ ಮ್ಹಣ್ ಹೆಂ ಮಾಂದ್ತಾತ್. ಧರ್ಮಸ್ಥಳ, ಸುಬ್ರಹ್ಮಣ್ಯ, ಕೊಲ್ಲೂರು, ಶಬರಿಮಲೆ - ಅಸಲ್ಯಾ ಸುವಾತೆಂನಿ ಗೊಡಾ-ಮಿಟಾ-ಲವಣಾಂನಿ ಭರ್‌ಲ್ಲ್ಯೊ ನಂಯೊಂ ವ್ಹಾಳ್ತಾತ್.)
Copyright © Kavita Trust (R) 2026 . All Rights Reserved.