Poems

ಭುಮಿ ವೈಕುಂಠ್

ಜೆರಿ ರಾಸ್ಕಿಞ್, ಆಂಜೆಲೊರ್


ಸಂಪಾದಕೀಯ್:

ಹಾತ್ ಪಾವನಾಂತ್, ದೊಳೆ ಪಾವನಾಂತ್!

ಆಯ್ಚೊ ಸಂಸಾರ್ ನಿರಾಸ್‌ವಾದಾಚ್ಯಾ ದರ್ಯಾಂತ್ ಬುಡೊನ್ ಗೆಲ್ಲ್ಯಾ ವೆಳಾರ್ ಆಶಾವಾದಾಚಿ ವಾತ್ ಪೆಟಂವ್ಕ್ ಮನ್ಶಾಂಚಿ ಕಮೀ ಪಡ್ಲ್ಯಾ. ಹ್ಯಾಯಿ ವಗ್ತಾ, ಖಂಯ್ಚಿ ಕೊಣ್ಣಾ ವಿಶೇಸ್ ಉರ್ಬಾ ಪಾಂಗ್ರುನ್ ಹೆ ಕವಿತೆಂತ್ಲಿ ವೆಕ್ತಿ ತುಜ್ಯಾ ವಿಸ್ವಾಸಾಕ್ ಪಾಕಟೆ ಖೊವಯ್ತಾ. ಅಸಲ್ಯಾ ವೆಕ್ತಿಂಚಿ ಕಿತ್ಲಿ ತೋಖ್ಣಾಯ್ ಕೆಲ್ಯಾರಿ ಉಣೆಂಚ್!

ಜೆರಿ ರಾಸ್ಕಿಞ್ ಪಯ್ಲೆಚ್ ಪಾವ್ಟಿಂ ಕವಿತಾ ಕುಳಾರಾ ಪಾವ್ಲಾ. ಸುರ್‍ವಾತೆಕ್‌ಚ್ ಏಕ್ ವಿಶೇಸ್ ತಶೆಂ ಬಳ್ವಂತ್ ಪಾವ್ಲ್ ತಾಣೆ ಕಾಡ್ಲಾಂ. ಭಾಯ್ಲೆ ದೆಕುಕ್ ಹಿ ಕವಿತಾ ಸಾದಿ ತಶೆಂ ಭೊಗುಂಕ್ ಪುರೊ. ಪುಣ್ ಹೊ ಬಿಯಾಳೊ ಖಂಯ್ಚ್ಯಾ ನಮುನ್ಯಾಚೊ ಮ್ಹಣ್ ಆಮಿ ಸೊಧುನ್ ಕಾಡ್ಲೆಂ ಜಾಲ್ಯಾರ್ ಹೆ ಕವಿತೆನ್ ಆಮ್ಚ್ಯಾ ದೊಳ್ಯಾಂ ಸಾಮ್ಕಾರ್ ಉಬೊ ಕರ್‍ಚ್ಯಾ ಸಂಸಾರಾಚಿ ಸೊಭಾಯ್ ಚಾಕೊಂಕ್ ಆಮ್ಕಾಂ ದೋನ್ ದೊಳೆ ಪಾಂವ್ಚೆನಾಂತ್; ಹಿ ಸೊಭಾಯ್ ಪೊಟ್ಲುನ್ ಧರುಂಕ್ ಆಮ್ಚೆ ದೋನ್ ಹಾತ್ ಪಾಂವ್ಚೆನಾಂತ್.

-ಮೆಲ್ವಿನ್ ರೊಡ್ರಿಗಸ್

ಕವಿತಾ:

ಭುಮಿ ವೈಕುಂಠ್

ತುಂಚ್ ಮ್ಹಜಿ ಭುಂಯ್‌ಗೋ
ತುಂಚ್ ಮ್ಹಜೆಂ ವೈಕುಂಠ್
ವೊಂಪ್ತಾಂ ಇಲ್ಲೊ ಬಿಯಾಳೊ
ಬಗ್ಲೆಕ್ ಫಕತ್ ಎಕೇಕ್ ಕುಂಟ್

ಕಿರ್‍ಲೊಂದಿತ್ ಬಿಯೊಗೋ
ವಾಡೊಂದಿತ್ ರೂಕ್ ಫುಲಾಂ ಝಾಡಾಂ
ಭರೊಂ ಸಗ್ಳೊ ಸಂಸಾರ್
ಶ್ಹೆರಾಂತ್ ಪೆಂಟೆಂತ್ ಆನಿ ನಾಡಾಂತ್

ದೆವಾನ್ ದಿಲ್ಲ್ಯೊ ಉದ್ಕಾ ಝರಿ
ಪಾಳಾಂ ತಾಂಚಿಂ ಭಿಜಂವ್ದಿತ್
ವಾಡೊನ್ ಅಂತ್ರಳಿಂ ದೆಖ್ತಾನಾ
ತಾಂಚೋಯ್ ಬಿಯಾಳೊ ಕಿರ್‍ಲಂವ್ದಿತ್

ಆಕಾಸಾಚ್ಯಾ ತಾರಾಂಪರಿಂ, ದರ್ಯಾವೆಳೆಚೆ ರೆಂವೆಪರಿಂ
ಬಿಯಾಳೊ ಆಮ್ಚೊ ಭರೊಂದಿ
ಮ್ಹಜೆಬರಿ ಸಕ್ಕಡ್ ಭಾಂವ್ಡಾಂಕ್
ಭುಮಿ ವೈಕುಂಠ್ ಮೆಳೊಂದಿ.

-ಜೆರಿ ರಾಸ್ಕಿಞ್, ಆಂಜೆಲೊರ್



  A   B   C   D   E   F   G   H   I   J   K   L   M
 
  N   O   P   Q   R   S   T   U   V   W   X   Y   Z