Poems
ಭೊಂವ್ಡಿ
ಜೆರಿ ರಾಸ್ಕಿಞ್, ಆಂಜೆಲೊರ್
ಸಂಪಾದಕೀಯ್:
ಚಲಿಯೆಚ್ಯಾ ಉಸ್ವಾಸಾ ಶಿರಾಂಕ್ ಸೈತ್ ಪಾರ್ಕುಂಚೊ ಕವಿ
ಜೆರಿ ರಾಸ್ಕಿಞ್ ಸಿಂತಿಮೆಂತಾಳ್ ಕವಿ. ಚಲಿಯೆಚಿ ಸೊಭಾಯ್, ತಿಚಿ ಚಾಲ್ ಆನಿ ತಿಚ್ಯಾ ಹರ್‍ಯೆಕಾ ಉಸ್ವಾಸಾಚ್ಯಾ ಶಿರಾಂಕ್ ಸೈತ್ ತೊ ಆಪ್ಲ್ಯಾ ಕವಿತಾಂನಿ ಧರ್‍ತಾ. ಏಕ್ ಸ್ತ್ರೀ, ದೆವಾನ್ ರಚ್ಲಲಿ ಉಂಚ್ಲಿ ರಚ್ನಾ. ತಿಚ್ಯಾಕಯ್ ಉಂಚ್ಲೆಂ ಹ್ಯಾ ಸಂಸಾರಾಂತ್ ಕಿತೆಂಚ್ ನಾ ಮ್ಹಳ್ಳೆಂ ತಾಚೆಂ ಚಿಂತಪ್ ಸಭಾರ್ ಪಾವ್ಟಿಂ ತಾಚ್ಯಾಚ್ ತೊಂಡಾ ಥಾವ್ನ್ ಹಾಂವೆಂ ಆಯ್ಕಲಾಂ.
ಹಾಂಗಾಸರ್ ದಿಲ್ಲೆ ಕವಿತೆಂತ್ ಗಾದ್ಯಾ ಮೆರೆರ್ ಚಲ್ಚೆ ಚಲಿಯೆವರ್ವಿಂ ಪ್ರಕೃತೆಂತ್ ಕಿತೆಂ ಘಡ್ಲೆಂ ಮ್ಹಳ್ಳೆವಿಶಿಂ ಕವಿನ್ ವರ್ಣಿಲಾಂ. ಉತ್ರಾಂಚಿ ಸೊಭಾಯ್ ಸೈತ್ ಚಲಿಯೆಚ್ಯಾ ಸೊಭಾಯೆ ತಿತ್ಲಿಚ್ ಊಂಚ್ ಆಸಾ.
ಹಿ ಕವಿತಾ ವಾಚ್ಚ್ಯಾ ತುಮ್ಕಾಂ ವೆಗ್ಳ್ಯಾಚ್ ಎಕಾ ಸಂಸಾರಾಚೆ ಭೊಂವ್ಡೆಕ್ ವೆಚೊ ಅನ್ಭೋಗ್ ಜಾತಲೊಚ್!
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಭೊಂವ್ಡಿ
ಹಜಾರ್ ಪಾಂಯ್ಜಣಾಂಚಿ ಭಿಜ್ಲಲಿ ಚಲಿ
ಜೆನ್ನಾಂ ಗಾದ್ಯಾ ಮೆರೆಂನಿ ಚಲ್ಲಿ
ದಿಗಂತಾರ್ ಉಟ್ಲಲ್ಯಾ ಧೊಣ್ವಾಚಿಂ
ರಂಗಾಳ್ ಫಿಂತಾಂ ಪಳೆ ಹಾಲ್ಲಿಂ
ಆನಿ ಆಕಾಸಾರ್ ಸೊಲ್ಫಾಂಚಿಂ ನಕ್ತಿರಾಂ ಧಲ್ಲಿಂ
ಆಹಾ!
ತ್ಯಾ ಪಾಂಯ್ಜಣಾಂನಿ ಕಸ್ಲಿಂ ಗಿತಾಂ ಗಾಯ್ಲಿಂ?
ಕಸಲಿಂ ಭೊಗ್ಣಾಂ ಮ್ಹಜಿಂ ಚೊಯ್ಲಿಂ?
ಕಸಲಿಂ ಸಪ್ಣಾಂ ಮತಿಂತ್ ರೊಯ್ಲಿಂ?
ಚಿಂತ್ನಾಂ ಹಜಾರ್ ಸಂಸಾರ್
ಉತ್ರೊಂಕ್ ಲಾಗ್ಲಿಂ
ಅಶೀಂಯ್ ಭೊಂವ್ಲಿಂ ಅಶೀಂಯ್ ಭೊಂವ್ಲಿಂ
ಸಗ್ಳ್ಯಾನಿತ್ಲ್ಯಾನ್ ಪಾವ್ಲಿಂ
ಕಸಲಿ ಭೊಂವ್ಡಿ?
ಬಾಯೆ, ಸವ್ಕಾಸ್ ಮೆಟಾಂ ಕಾಡ್!
-ಜೆರಿ ರಾಸ್ಕಿಞ್, ಆಂಜೆಲೊರ್
Copyright © Kavita Trust (R) 2026 . All Rights Reserved.