Poems

ಉಜೊ

ಚಾ.ಫ್ರಾ. ದೆಕೊಸ್ತಾ

ಕವಿತಾ:

 

 

 

 

ಉಜೊ

ಕಾಳಕಾಂತ್ ವೊಲಿ ಆಂಕುಡ್ಟಾನಾ
ಚಂದ್ರಾಚೆ ಲೆಗುನ್ ದಾಂತ್ ಝಡ್ಟಾನಾ
ಕಾಳ್ಜಾಂತ್ ಕಸೊ ಪೆಟ್ಟಾ ಉಜೊ
          ತುಜ್ಯಾ ಮೊಗಾಚೊ!

ಪಾವ್ಸಾಂತ್ ಗುಲೊಬ್ ಶಿರ್ಶಿರ್ತಾನಾ
ಕಾಂಟೊ ಫುಲಾಕ್ ವೇಂಗ್ ಮಾರ್ತಾನಾ
ಕಾಳ್ಜಾಂತ್ ಕಸೊ ಉಡ್ಟಾ ಉಜೊ
          ತುಜ್ಯಾ ಮೊಗಾಚೊ!

ಪಾಕ್ಳಿ ಮಸ್ತಿಲಿ ತರ್ನ್ಯಾ ಫುಲಾಚಿ
ತಾಂಬ್ಸಾಣ್ ವಾಡ್ಲಿ ಗೊರ್ಯಾ ಗಾಲಾಚಿ
ತೆ ತಾಂಬ್ಸಾಣೆಂತ್ಲ್ಯಾನ್ ಉಟ್ಲೊ ಉಜೊ
          ತುಜ್ಯಾ ಮೊಗಾಚೊ!

ಸಿಲ್ಕಾಚಿ ಸಾಡಿ ನ್ಹೆಸುನ್ ವೆತಾಲಿ
ತಲ್ಕಾಪರಿಂ ತುಂ ಚಲೊನ್ ವೆತಾಲಿ
ಸಾಂಗಾತ್ ಜಾಲೊ ತುಜ್ಯಾ ಪಾಲ್ವಾಚೊ
          ಮ್ಹಜ್ಯಾ ಗಾಲಾಚೊ!

ಆದಿಂ ಕಳ್ಳೆಂ ನಾ, ಕಳನಾ ಆತಾಂ
ಗಾಲಾರ್ ಘಾಸ್ತಾನಾ ಸಿಲ್ಕಾಚಿ ಸುತಾಂ
ಕಾಳ್ಜಾಂತ್ ಕಸೊ ಉಡ್ಟಾ ಉಜೊ
          ತುಜ್ಯಾ ಮೊಗಾಚೊ!

-ಚಾ.ಫ್ರಾ. ದೆಕೊಸ್ತಾ



  A   B   C   D   E   F   G   H   I   J   K   L   M
 
  N   O   P   Q   R   S   T   U   V   W   X   Y   Z