ಕವಿತಾ ಟ್ರಸ್ಟಾಚಿ ಕೊಂಕಣಿ ಕವಿತಾ ಸಾದರ್ ಸರ್ತ್: ಬಂಟ್ವಾಳ್ ಥಾವ್ನ್ ಪಾಂಚ್ ಜಣಾಂ ಫೈನಲಾಕ್
ಕವಿತಾ ಟ್ರಸ್ಟಾನ್ ಹ್ಯಾಚ್ ಸಪ್ಟೆಂಬರ್ 22, 2019 ತಾರಿಕೆರ್ ಮೊಡಂಕಾಪ್ ಇಗರ್ಜೆ ಇಸ್ಕೊಲಾಚ್ಯಾ ಸಾಲಾಂತ್ ಕೊಂಕಣಿ ಕವಿತಾ ಸಾದರ್ ಸರ್ತ್ ಮಾಂಡುನ್ ಹಾಡಲ್ಲಿ. ಐ.ಸಿ.ವೈ.ಎಮ್. ಮೊಡಂಕಾಪ್ ಘಟಕಾಚ್ಯಾ ಸಹಯೋಗಾನ್ ಮಾಂಡುನ್ ಹಾಡಲ್ಲ್ಯೆ ಹ್ಯೆ ಸರ್ತೆಂತ್ ಸೊಳಾ ಭುರ್ಗ್ಯಾಂನಿ ತಶೆಂಚ್ ಚೊವ್ಗಾಂ ಯುವಜಣಾಂನಿ ಭಾಗ್ ಘೆತಲ್ಲೊ.
ಸುರ್‍ವೆರ್ ಐ.ಸಿ.ವೈ.ಎಮ್. ಘಟಕಾಚಿ ಅಧ್ಯಕ್ಷಿಣ್ ಅನಿಶಾ ಫ್ರೆಂಕ್ ಹಿಣೆಂ ಸರ್ವಾಂಕ್ ಯೆವ್ಕಾರ್ ಮಾಗ್ತಚ್, ಫಿರ್ಗಜೆಚೊ ವಿಗಾರ್ ಫಾ. ವಲೇರಿಯನ್ ಸೊಜಾನ್ ಕವಿತಾ ಸರ್ತೆಂತ್ ಭಾಗ್ ಘೆಂವ್ಚ್ಯಾಂಕ್ ಹುಮೆದ್ ಭರ್‍ಚಿಂ ಉತ್ರಾಂ ಸಾಂಗ್ಲಿಂ. ಹ್ಯಾ ಸಂದರ್ಭಾರ್ ಉಲಯಿಲ್ಲ್ಯಾ ಟ್ರಸ್ಟಿ ಎಂಡ್ರ್ಯೂ ಎಲ್. ಡಿಕುನ್ಹಾ ಸಾದ್ಯಾ ಭುರ್ಗ್ಯಾಂಥಾವ್ನ್ ಕವಿತೆಂತ್ ಆಸಕ್ತ್ ದವರ್‍ಚಿಂ ಭುರ್ಗಿಂ ಕಿತ್ಯಾಕ್ ವೆಗ್ಳಿಂ ಮ್ಹಣುನ್ ಸಾಂಗ್ಲೆಂ. ಮೆಲ್ವಿನ್ ರೊಡ್ರಿಗಸಾನ್ ಸರ್ತೆಚಿಂ ನೆಮಾಂ ಸಾಂಗ್ಲಿಂ.
ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ ಚಾಫ್ರಾ ದೆಕೊಸ್ತಾ ಸ್ಮಾರಕ್ ಭುರ್ಗ್ಯಾಂಚಿ ಕವಿತಾ ಸಾದರ್ ಸರ್ತ್:
ಭಾಗೆಲಿ ಭುರ್ಗಿಂ: 16
ಪಯ್ಲೆಂ: ಆಲ್ರೀಶಾ ವೆಲಾನಿ ರೊಡ್ರಿಗಸ್, ಗುರ್ಪುರ್
ದುಸ್ರೆಂ: ವಿಯೊನ್ ಪ್ರೆಸ್ಟನ್ ಲೋಬೊ, ಮೊಡಂಕಾಪ್
ತಿಸ್ರೆಂ: ರಿಯೊನಾ ಫೆರ್ನಾಂಡಿಸ್, ಮೊಡಂಕಾಪ್
ರಿಸರ್ವ್: ಜೊಸ್ವಿಟಾ ಡ್ಯಾನಿಕಾ ನೊರೊನ್ಹಾ
ರೋಹನ್ ಆನಿ ಲವೀಟಾ ಮೊಂತೇರೊ ಯುವಜಣಾಂಚಿ ಕವಿತಾ ಸಾದರ್ ಸರ್ತ್:
ಭಾಗೆಲಿ ಯುವಜಣಾಂ: 4
ಪಯ್ಲೆಂ: ಸುಶ್ಮಿತಾ ತಾವ್ರೊ,
ದುಸ್ರೆಂ: ಒಲಿಟಾ ಪಿಂಟೊ
ಹ್ಯೆ ಸರ್ತೆಕ್ ಮೊಡಂಕಾಪ್ ನ್ಹಯ್ ಆಸ್ತಾಂ ಗುರ್ಪುರ್, ಬಾಂಬಿಲ್, ನಿರ್ಕಾಣ್ ಥಾವ್ನ್ ಭುರ್ಗಿಂ ಆಯಿಲ್ಲಿಂ. ಭಾಗ್ ಘೆತಲ್ಲ್ಯಾ ಸರ್ವಾಂಕ್ ಕವಿತಾ ಟ್ರಸ್ಟಾಚಿಂ ಪುಸ್ತಕಾಂ ವಾಂಟ್ಲಿಂ ಆನಿ ಪ್ರಮಾಣ್ ಪತ್ರಾಂ ದಿಲಿಂ. ಎವ್ರೆಲ್ ರೊಡ್ರಿಗಸ್, ವಿಲಿಯಮ್ ಪಾಯ್ಸ್ ಆನಿ ಎಂಡ್ರ್ಯೂ ಎಲ್. ಡಿಕುನ್ಹಾ ಹಾಂಣಿ ವೊರಯ್ಣಾರ್ ಜಾವ್ನ್ ಸಹಕಾರ್ ದಿಲೊ.
कविता ट्रस्टाची कोंकणी कविता सादर सर्त: बंटवाळ थावन पांच जणां फैनलाक
कविता ट्रस्टान ह्याच सप्टेंबर २२, २०१९ तारकेर मोडंकाप इगर्जे इस्कोलाच्या सालांत कोंकणी कविता सादर सर्त मांडून हाडल्ली. ऐ.सी.वै.एम. मोडंकाप घटकाच्या सहयोगान मांडून हाडल्ल्ये ह्ये सर्तेंत सोळा भुरग्यांनी तशेंच चोवगां युवजणांनी भाग घेतल्लो.
सुरवेर ऐ.सी.वै.एम. घटकाची अध्यक्षीण अनिशा फ्रेंक हिणें सर्वांक येवकार मागतच, फिर्गजेचो विगार फा. वलेरियन सोजान कविता सर्तेंत भाग घेंवच्यांक हुमेद भरचीं उतरां सांगलीं. ह्या संदर्भार उलयिल्ल्या ट्रस्टी एंडऱ्यू एल. डिकुन्हा साद्या भुरग्यां थावन कवितेंत आसक्त दवरचीं भुरगीं कित्याक वेगळीं म्हणून सांगलें. मेल्विन रोड्रिगसान सर्तेचीं नेमां सांगलीं.
नेल्सन आनी लवीना रोड्रिक्स चाफ्रा देकोस्ता स्मारक भुरग्यांचीं कविता सादर सर्त:
भागेली भुरगीं: १६
पयलें: आलरीशा वेलानी रोड्रिगस, गुर्पूर
दुसरें: वियोन प्रेस्टन लोबो, मोडंकाप
तिसरें: रियोना फेर्नांडीस, मोडंकाप
रिसर्व: जोस्विटा डॅनिका नोरोन्हा
रोहन आनी लवीटा मोंतेरो युवजणांची कविता सादर सर्त:
भागेली युवजणां: ४
पयलें: सुश्मिता तावरो,
दुसरें: ओलिटा पिंटो
ह्ये सर्तेक मोडंकाप न्हय आसतां गुर्पूर, बांबील, निर्काण थावन भुरगीं आयिल्लीं. भाग घेतल्ल्या सर्वांक कविता ट्रस्टाचीं पुस्तकां वांटलीं आनी प्रमाण पत्रां दिलीं. एवरेल रोड्रिगस, विलियम पायस आनी एंडऱ्यू एल. डिकुन्हा हांणी वोरयणार जावन सहकार दिलो.