ಕವಿತಾ ಟ್ರಸ್ಟಾಚಿ ಕೊಂಕಣಿ ಕವಿತಾ ಸಾದರ್ ಸರ್ತ್ : ಕೇರಳ ಥಾವ್ನ್ ಸ ಜಣಾಂ ಫೈನಲಾಕ್
ಕವಿತಾ ಟ್ರಸ್ಟ್ ಹಾಂಣಿ ಮಾಂಡುನ್ ಹಾಡ್ಚ್ಯಾ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರ್ ಸರ್ತೆಚೊ ಕೇರಳ ಪಾಂವ್ಡೊ ಹ್ಯಾಚ್ ಒಕ್ಟೋಬರ್ 6, 2019 ತಾರಿಕೆರ್ ಆಯ್ತಾರಾ ದೊನ್ಪಾರಾಂಚ್ಯಾ ಸಾಡೆ ತೀನ್ ವೊರಾಂಚೆರ್ ಕೇರಳ, ಬೆಳಾಂತ್ಲ್ಯಾ ಸೈಂಟ್ ಬಾರ್ತೊಲೊಮೇವ್ ಕೊನ್ವೆಂಟ್ ಇಸ್ಕೊಲಾಚ್ಯಾ ಸಭಾಸಾಲಾಂತ್ ಚಲ್ಲೊ. ಹಿ ಸರ್ತ್ ಕಾಸರ್‌ಗೋಡ್ ವಾರಾಡ್ಯಾಚೆಂ ಪತ್ರ್ ’ಮಹಿಮಾ’ ಹಾಚ್ಯಾ ಸಹಕಾರಾನ್ ಚಲ್ಲಿ. ಹ್ಯೆ ಸರ್ತೆಕ್ ಬೆಳಾ, ಕಯ್ಯಾರ್, ಪೆರ್ಮುದೆ, ನಾರಂಪಾಡಿ ವಠಾರಾಂತ್ಲ್ಯಾ ಭುರ್ಗ್ಯಾಂನಿ ತಶೆಂ ಯುವಜಣಾಂನಿ ವಾಂಟೊ ಘೆತಲ್ಲೊ.
ಕವಿತಾ ಟ್ರಸ್ಟ್ ಸ್ಥಾಪಕ್ ಮೆಲ್ವಿನ್ ರೊಡ್ರಿಗಸಾನ್ ಕವಿತಾ ಟ್ರಸ್ಟಾವಿಶಿಂ ತಶೆಂ ಸರ್ತೆಚ್ಯಾ ನೆಮಾಂವಿಶಿಂ ಮ್ಹಾಯೆತ್ ದಿಲಿ. ರಾಜು ಸ್ಟೀವನಾನ್ ವೆದಿವಯ್ಲೆಂ ಸುಂಕಾಣ್ ಧರ್‍ಲೆಂ. ಸರ್ತೆ ಉಪ್ರಾಂತ್ ಭಾಗ್ ಘೆತಲ್ಲ್ಯಾ ಸರ್ವಯ್ ಭುರ್ಗ್ಯಾಂಕ್ ಪ್ರಮಾಣ್ ಪತ್ರಾಂ ತಶೆಂಚ್ ಕವಿತಾ ಟ್ರಸ್ಟಾಚಿಂ ಪುಸ್ತಕಾಂ ವಾಂಟ್ಲಿಂ. ಹ್ಯಾ ಸಂದರ್ಭಾರ್ ವೆದಿಚೆರ್ ಸಿ. ನಿವೇದಿತಾ, ಮುಕೆಲ್ ಶಿಕ್ಷಕಿ, ’ಮಹಿಮಾ’ ಪತ್ರಾಚೊ ಸಂಪಾದಕ್ ರಾಜು ಉಕ್ಕಿನಡ್ಕ; ಸ್ಟೇನಿ ಲೋಬೊ ಕೊಲ್ಲಂಗಾಣ, ಜೊರ್ಜ್ ಡಿಸೋಜಾ, ಪೆರ್ಮುದೆ; ವಿನೋದ್ ಕ್ರಾಸ್ತಾ, ಬೆಳಾ; ಜೊರ್ಜ್ ಕ್ರಾಸ್ತಾ ಕಯ್ಯಾರ್ ಹಾಜರ್ ಆಸಲ್ಲಿಂ.
ವೊರಯ್ಣಾರ್ ಜಾವ್ನ್ ವೆಂಕಟೇಶ ನಾಯಕ್, ಎವ್ರೆಲ್ ರೊಡ್ರಿಗಸ್ ಆನಿ ಎಂಟನಿ ಬಾರ್ಕೂರ್ ಹಾಂಣಿ ಸಹಕಾರ್ ದಿಲ್ಲೊ.
ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ ಚಾಫ್ರಾದೆಕೊಸ್ತಾ ಸ್ಮಾರಕ್ ಭುರ್ಗ್ಯಾಂಚಿ ಕವಿತಾ ಸಾದರ್ ಸರ್ತ್:
ಭಾಗೆಲಿ ಭುರ್ಗಿಂ: 21
ಪಯ್ಲೆಂ: ಡ್ಯಾನಿಕಾ ಪಹಲ್ ಆರ್., ಪೆರ್ಮುದೆ
ದುಸ್ರೆಂ: ರಿಶಾ ವೀನಲ್ ಮಾರ್ಟಿಸ್, ಬೆಳಾ
ತಿಸ್ರೆಂ: ರಿಶೋನಾ ಕ್ರಾಸ್ತಾ, ಬೆಳಾ
ಚೊವ್ತೆಂ (ದೊಗಾಂಕ್): ಹರ್ಶಿತಾ ಎಫ್. ಲೋಬೊ, ಬೆಳಾ ಆನಿ ಪ್ರಿಯಾಲ್ ಕ್ರಾಸ್ತಾ, ಬೆಳಾ
ರೋಹನ್ ಆನಿ ಲವೀಟಾ ಮೊಂತೇರೊ ಯುವಜಣಾಂಚಿ ಕವಿತಾ ಸಾದರ್ ಸರ್ತ್:
ಭಾಗೆಲಿ ಯುವಜಣಾಂ: 5
ಫೈನಲಾಕ್ ವಿಂಚವ್ಣ್: ಸ್ಯಾಂಡ್ರಾ ಪ್ರೀಮಲ್ ಮಾರ್ಟಿಸ್, ಕಯ್ಯಾರ್
ರಿಸರ್ವ್: ಮೆಲಿಶಾ ಕ್ರಾಸ್ತಾ, ಬೆಳಾ
कविता ट्रस्टाची कोंकणी कविता सादर सर्त : केरळ थावन स जणां फैनलाक
कविता ट्रस्ट हांणी मांडून हाडच्या अखिल भारत कोंकणी कविता सादर सर्तेचो केरळ पांवडो ह्याच ऑक्टोबर ६, २०१९ तारिकेर आयतारा दोनपारांच्या साडे तीन वोरांचेर केरळ, बेळांतल्या सैंट बार्तोलोमेव कोन्वेंट इस्कोलाच्या सभासालांत चल्लो. ही सर्त कासरगोड वाराड्याचें पत्र ’महिमा’ हाच्या सहकारान चल्ली. ह्ये सर्तेक बेळा, कय्यार, पेर्मुदे, नारंपाडी वठारांतल्या भुरग्यांनी तशें युवजणांनी वांटो घेतल्लो.
कविता ट्रस्ट स्थापक मेल्विन रोड्रिगसान कविता ट्रस्टाविशीं तशें सर्तेच्या नेमांविशीं म्हायेत दिली. राजू स्टीवनान वेदिवयलें सुंकाण धरलें. सर्ते उपरांत भाग घेतल्ल्या सर्वय भुरग्यांक प्रमाण पत्रां तशेंच कविता ट्रस्टाचीं पुस्तकां वांटलीं. ह्या संदर्भार वेदिचेर सी. निवेदिता, मुकेल शिक्षकी, ’महिमा’ पत्राचो संपादक राजू उक्किनडका; स्टेनी लोबो कोल्लंगाण, जोर्ज डिसोजा, पेर्मुदे; विनोद क्रास्ता, बेळा; जोर्ज क्रास्ता कय्यार हाजर आसल्लीं.
वोरयणार जावन वेंकटेश नायक, एवरेल रोड्रिगस आनी एंटनी बार्कूर हांणी सहकार दिल्लो.
नेल्सन आनी लवीना रोड्रिक्स चाफ्रा देकोस्ता स्मारक भुरग्यांची कविता सादर सर्त:
भागेली भुरगीं: २१
पयलें: डॅनिका पहाल आर., पेर्मुदे
दुसरें : रिशा वीनल मार्टीस, बेळा
तिसरें : रिशोना क्रास्ता, बेळा
चोवतें (दोगांक): हर्शिता एफ. लोबो, बेळा आनी प्रियाल क्रास्ता, बेळा
रोहन आनी लवीटा मोंतेरो युवजणांची कविता सादर सर्त:
भागेली युवजणां: ५
फैनलाक विंचवण: सॅंड्रा प्रीमल मार्टीस, कय्यार
रिसर्व: मेलिशा क्रास्ता, बेळा