ಸಂಪಾದಕೀಯ್:
ಜಾಪ್ ಮೆಳ್ತಾನಾ ಗೊಂದೊಳಾಂತ್ ಶಿರ್‍ಕಾಂವ್ಚ್ಯೊ ಕವಿತಾ
ಕಾಶೀನಾಥ್ ಶಾಂಬಾ ಲೊಲಿಯೆಂಕಾರಾಚ್ಯೊ ಚ್ಯಾರ್ ಕವಿತಾ ಹಾಂಗಾಸರ್ ದಿಲ್ಯಾತ್. ಕೊಂಕಣಿ ಮಾತ್ರ್ ನ್ಹಯ್ ಆಖ್ಖ್ಯಾ ಭಾರತಾಚ್ಯಾ ಕಾವ್ಯಶೆತಾಂತ್ ತಾಚೆ ಪ್ರಯೋಗ್ ನವೆ. ತಾಚ್ಯೊ ಕವಿತಾ ತುಕಾ ಗುಸ್ಪಾಗೊಂದೊಳಾಂತ್ ಶಿರ್‍ಕಾವ್ನ್, ಜಾಪಿ ಸೊಧುಂಕ್ ಲಾವ್ನ್, ಜಾಪಿ ಮೆಳನಾಸ್ತಾಂ ತುಕಾ ಅಸ್ವಸ್ಥ್ ಕರ್‍ತಾತ್. ಹಾಂಗಾಸರ್ ದಿಲ್ಲ್ಯೊ ಕವಿತಾಯ್ ತಶ್ಯೋಚ್. ಏಕ್ ಜಾಪ್ ಮೆಳ್ತಾನಾ, ಆನ್ಯೇಕಾ ಗೊಂದೊಳಾಂತ್ ತುಂ ಶಿರ್‍ಕತಾಯ್.
ಕಾಶೀನಾಥ್, ಕವಿತಾ ಟ್ರಸ್ಟಾಚೊ ಮಥಾಯಸ್ ಕುಟಮ್ ಕವಿತಾ ಪುರಸ್ಕಾರ್ ವಿಜೇತ್ ಕವಿ. ಸಾಹಿತ್ಯ ಅಕಾಡೆಮಿಚಿ ಪ್ರಶಸ್ತಿ ಸೈತ್ ತಾಕಾ ಲಾಭ್ಲ್ಯಾ. ಹ್ಯೊ ಕವಿತಾ ತುಮ್ಕಾಂ ನವ್ಯಾ ಸಂಸಾರಾಕ್ ಆಪೊವ್ನ್ ವ್ಹರುಂ. ನವ್ಯಾ, ಅಥ್ವ್ಯ ಅನ್ಭೋಗಾಂತ್ ತುಮ್ಕಾಂ ನ್ಹಾಣಂವ್.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಚ್ಯಾರ್ ಕವಿತಾ
1.
ಮ್ಹಜಿ ಬಾಯ್ಲ್ ಘೊವಾಕ್ ಭಿಂಯೆನಾ
ಫಕತ್ ಭಿಯೆತಾ ಮ್ಹಾಕಾ ಆನಿ ಜರ್‍ಲ್ಯಾಕ್
ಹಾಂವ್ ಜರ್‍ಲೊ ಕಾಂಯ್ ಕಿತೆಂ?
2.
ಮ್ಹಜೊ ಬಾಪುಯ್ ಕಿಂಗ್ ಆಸ್ಲೊ
ಮ್ಹಜೆ ಜಿಣ್ಯೆಂತ್
ಬಾಪಾಯ್ ಉಪ್ರಾಂತ್ ಕ್ವೀನ್ ಜಾಲಿ
ಮ್ಹಜಿ ಬಾಯ್ಲ್
ಮ್ಹಜೆ ಜಿಣ್ಯೆಂತ್
ಕಿಂಗ್ ಆನಿ ಕ್ವೀನ್
ಹಾಂಚೆಂ ಲಗ್ನ್ ಲಾವ್ನ್ ದೀವ್ನ್
ಹಾಂವ್ ಪಳಯ್ತಾಂ ಸುವಾಳೊ
ತಾಂಚ್ಯಾ ಹನಿಮೂನಾಚೊ
ಹಾಂವ್ ಪರತ್ ಜಲ್ಮ್ ಘೆಂವ್ಕ್ ಸೊದ್ತಾಂ
ಮ್ಹಜೆಚ್ ಬಾಯ್ಲೆಚ್ಯಾ ಪೊಟಾಂತ್
3.
ತುಂ ಮ್ಹಜಿ ಬಾಯ್ಲ್
ಆನಿ
ತುಂಚ್ ಮ್ಹಜಿ ಆವಯ್
ಪುಣ್ ಮ್ಹಜಿ ಬಾಯ್ಲ್ ಮ್ಹಣ್ತಾ:
ಹಾಂವ್ ತುಜಿ ಆವಯ್ ನ್ಹಯ್
ಹಾಂವ್ ಆವಯ್
ಮ್ಹಜ್ಯಾ ಭುರ್ಗ್ಯಾಂಚಿ
4.
ಹ್ಯಾ ಜಗಾಂತ್ ಮ್ಹಜೊ ಕೊಣ್ ನಾ
ಆಸಾ ತಿ ಫಕತ್ ಮ್ಹಜಿ ಆವಯ್
ಮ್ಹಾಕಾ ಪೊಟಾಂತ್ ಘೆವ್ಪಿ
ಪರತ್ ಎಕ್ದಾಂ
-ಕಾಶಿನಾಥ್ ಶಾಂಬಾ ಲೊಲಿಯೆಂಕಾರ್
संपादकीय:
जाप मेळताना गोंदोळांत शिरकांवच्यो कविता
काशीनाथ शांबा लोलियेंकाराच्यो च्यार कविता हांगासर दिल्यात. कोंकणी मात्र न्हय आख्ख्या भारताच्या काव्यशेतांत ताचे प्रयोग नवे. ताच्यो कविता तुका गुस्पागोंदोळांत शिरकावन, जापी सोधुंक लावन, जापी मेळनासतां तुका अस्वस्थ करतात. हांगासर दिल्ल्यो कविताय तश्योच. एक जाप मेळताना, आन्येका गोंदोळांत तूं शिरकताय.
काशीनाथ, कविता ट्रस्टाचो मथायस कुटम कविता पुरस्कार विजेत कवी. साहित्य अकाडेमिची प्रशस्ती सैत ताका लाभल्या. ह्यो कविता तुमकां नव्या संसाराक आपोवन व्हरूं. नव्या, अथव्या अनभोगांत तुमकां न्हाणंव.
-मेल्विन रोड्रीगस
कविता:
चार कविता
1.
म्हजी बायल् घोवाक भियेना
फकत भियेता म्हाका आनी जल्ल्याक
हांव जल्लो काय कितें?
2.
म्हजो बापूय किंग आसलो
म्हजे जिणेंत
बापाय उपरांत क्वीन जाली
म्हजी बायल
म्हजे जिणेंत
किंग आनी क्वीन
हेंचें लग्न लावन दिवन
हांव पळयतां सुवाळो
तेंच्या हनिमुनाचो
हांव परत जल्म घेवंक सोदतां
म्हजेच बायलेच्या पोटांत
3.
तूं म्हजी बायल
आनी
तूंच म्हजी आवय
पूण म्हजी बायल म्हणटा
हांव तुजी आवय न्हूं
हांव आवय
म्हज्या भुरग्यांची
4.
ह्या जगांत म्हजो कोण ना
आसा ती फकत म्हजी आवय
म्हाका पोटांत घेवपी
परत एकदां.
-काशीनाथ शांबा लोलयेंकार