ಕವಿತಾ:
ಆಮಿ ಹುಶಾರ್ ಜಾಲ್ಯಾಂತ್
ಆಜ್ ಆಮಿ ಖರ್ಯಾ ಅರ್ಥಾನ್
ಹುಶಾರ್ ಶೆ ಜಾಲ್ಯಾತ್
ಕಾರಣ್... ಥೊಡೆಂ ಭೋವ್ ರಾಜಕಾರಣ್
ಆಮ್ಕಾಂಯ್ ಜಮ್ಪಾಕ್ ಲಾಗ್ಲಾಂ...
ತತ್ವಜ್ಞಾನಾಂ ಹೆರಾಂಕ್ ಸಾಂಗ್ಪಾ ಇತ್ಲೆಂ
ಆಮಿ ಬುದ್ಧಿಮಾನ್ ಜಾಲ್ಯಾತ್
ಆಮ್ಚಿಂ ಸ್ವತಾಚಿಂ ತತ್ವಾಂ ಮಾತ್
ಖಂಯ್ ತರೀ ತೊಂಡ್ ಘೆವ್ನ್ ಗೆಲ್ಯಾಂತ್
ಸಭ್ಯತೆಚಿಂ ರುಪ್ಡಿಂ ಆಜ್
ಇತ್ಲಿಂ ಸವಾಯ್ ಜಾಲ್ಯಾಂತ್
ಕಾಳಿಂ ತೊಂಡಾಂ ತಾಂಚೆ ಫಾಟ್ಲ್ಯಾನ್
ಸೊಂಪೆಪಣಾನ್ ಧಾಂಪ್ಲ್ಯಾಂತ್
ಪ್ರಾಮಾಣಿಕ್ ಮನ್ಶಾಕ್ ಪಿಸೊ ಥಾರಾವ್ಪಾ ಇತ್ಲೆ
ಆಮಿ ಶಾಣೆ ಜಾಲ್ಯಾತ್
ಆಜ್ ಆಮಿ ಖರ್ಯಾ ಅರ್ಥಾನ್
ಹುಶಾರ್ ಶೆ ಜಾಲ್ಯಾತ್
ಮ್ಹೊಂವಾಳ್ ಕೊಣಾಲೆಂಚ್ ಹಾಂಶೆಂ
ಥಾರ್ತಾ ದುಖ್ಣೆ ಆಮ್ಚ್ಯಾ ಪೊಟಾಂತ್ಲೆಂ
ವಯ್ರ್ ಸರ್ತಲ್ಯಾಂಚೆ
ಪಾಂಯ್ ವೊಡ್ಲೆ ಬಗರ್
ಸಮಾಧಾನ್ ಜಾಯ್ನಾ ಆಮ್ಚೆಂ
ಸಮಾಜಾಂತ್ಲ್ಯಾ ದುಖಾಂಚೊ
ಹಾಂಗಾ ವೆಪಾರ್ ಜಾಂವ್ಕ್ ಲಾಗ್ಲಾ
ಪಯ್ಶಾಂ ಖಾತೀರ್, ನಾಂವಾಂ ಖಾತೀರ್
ಮನೀಸ್ ಮನ್ಶಾಂಕ್ ವಿಸರ್ಲಾ
ವ್ಹಾಂವ್ತ್ಯಾ ಹ್ಯಾ ಕಾಳಾ ವಾಂಗ್ಡಾ
ಆಮೀಯ್ ವ್ಹಾಂವತ್ ಚಲ್ಲ್ಯಾತ್
ಆಜ್ ಆಮಿ ಖರ್ಯಾ ಅರ್ಥಾನ್
ಹುಶಾರ್ ಶೆ ಜಾಲ್ಯಾತ್
ಕಾರಣ್.... ಥೊಡೆಂ ಭೋವ್ ರಾಜಕಾರಣ್
ಆಮ್ಕಾಂಯ್ ಜಮ್ಪಾಕ್ ಲಾಗ್ಲಾಂ
-ಪೂರ್ವ ಗುಡೆ
कविता
आमी हुशार जाल्यांत
आज आमी खर्या अर्थान
हुशार शे जाल्यात
कारण.. थोडें भोव राजकारण
आमकांय जमपाक लागलां
तत्वगिन्यान हेरांक सांगपा इतलें
आमी बुद्धीमान जाल्यात
आमची स्वताची तत्वां मात
खंय तरी तोंड घेवन गेल्यांत
सभ्यतेचीं रुपडीं आज
इतलीं सवाय जाल्यांत
काळीं तोंडां तांचे फाटल्यान
सोंपेपणान धांपल्यांत
प्रामणीक मनशाक पिसो थारावपा इतले
आमी शाणे जाल्यात
आज आमी खर्या अर्थान
हुशार शे जाल्यात
म्होंवाळ कोणालेंच हांशें
थारता दुखणे आमच्या पोटांतलें
वयर सरतल्यांचे
पांय ओडले बगर
समाधान जायना आमचें
समाजांतल्या दुखांचो
हांगा वेपार जांवक लागला
पयशां खातीर नांवां खातीर
मनीस मनशांक विसरला
व्हांवत्या ह्या काळा वांगडा
आमीय व्हांवत चल्ल्यात
आज आमी खर्या अर्थान
हुशार शे जाल्यात
कारण.. थोडें भोव राजकारण
आमकांय जमपाक लागलां.
-पुर्वा गुडे, गोंय