ಕವಿತಾ:
ತರ್ನಿ ಪಿರಾಯ್
ವೊಂಟಾಂಚೆರ್ ಸರ್ಲಿ ಪಿಂಪ್ರಿ ಮಿಶಿ
ಕುಡಿ ಭಿತರ್ ಕಿತೆಂಗಿ ಧಾದೊಶಿ
ಆಶಾ ಚಲಜೆ, ಮ್ಹಜೀಚ್ ಖುಶಿ
ವ್ಹಯ್ ಹಿ ತರ್ನಿ ಪ್ರಾಯ್
ಹುನ್ ರಗತ್ ಭಿತರ್‍ಲ್ಯಾ ಶಿರಾಂನಿ
ಗಣ್ಣೆ ಕರ್‍ಚೆಂ ನ್ಹಯ್ ಸಾಂಗ್ಲಲೆಂ ಹೆರಾಂನಿ
ಶಿಸೆಂ ವೊತಲ್ಲೆಂ ತೆವಾಂ ಕಾನಾಂನಿ
ವ್ಹಯ್ ಹಿ ತರ್ನಿ ಪ್ರಾಯ್
ಸೊಭಿತ್ ಸಾಳಿಯೊ ದೊಳ್ಯಾಂಕ್ ಶೋಭಿತ್
ಹಾಸೊ ತಾಂಚೊ ಅಮೃತ್ ಶೋಭಿತ್
ಉಸಳ್ಚೊ ಉಬೆರ್ ಕೊಣ್ ತಾಂಡಿತ್
ವ್ಹಯ್ ಹಿ ತರ್ನಿ ಪ್ರಾಯ್
ಅಂತರ್ಮುಖಿ ಕಾಡ್ತಾ ಭಾತ್
ತೆಮೆಟ್ಯಾಂನಿ ರಾಕ್ತಾ ಕಾಳೀಜ್, ಮತ್
ಕಾಳೊಕಾಚಿ ಕಾಯಿಂಚ್ ನಾ ಭಿರಾಂತ್
ವ್ಹಯ್ ಹಿ ತರ್ನಿ ಪ್ರಾಯ್.
ಬಾಬಾಚ್ಯಾ ಉತ್ರಾಂಕ್ ಘಾಲ್ನ್ ಚಾರಾಣೆಂ
ಚಡಿತ್ ಉತ್ರಾಂಕ್ ಪಡ್ತಿತ್ ಧೆಂಕ್ಣೆಂ
ಮಾಂಯ್ಚೆಂ ಉಪದೆಸ್ ಕಾನಾಂಕ್ ನಿಮಾಣೆಂ
ವ್ಹಯ್ ಹಿ ತರ್ನಿ ಪ್ರಾಯ್!
ಜಾಂಟೊ ತರ್‍ನೊ ಹಾಂವ್, ನ್ಹಯ್ ಪರ್‍ನೊ
ವೊರವ್ನ್ ಪಳೆಯಾತ್ ಸರ್ವ್ ಮ್ಹಜೊ ಕರ್ನ್ಯೊ
ಜಿವಿತ್ ಹೆಂ ತರ್ನೆಂ, ಹಾ ಫಾಲ್ಯಾಂ ತೆಂ ಪರ್ನೆಂ
ವ್ಹಯ್ ಹಿ ತರ್ನಿ ಪ್ರಾಯ್
ವಾರ್‍ಯಾ ಕುಶಿನ್ ಸತ್ರಿ ಧರ್‍ತಾ
ಪೋಲ್ ಕಣ್ಶಾಂಕ್ ಆದೇವ್ಸ್ ಮಾಗ್ತಾ
ಘಮಂಡ್ ಝಾಡ್ ಕೊನ್ಶಾಕ್ ಮಾನ್ ಬಾಗಾಯ್ತ್
ಕಿತ್ಯಾಕ್ ಹಿ ಆಯ್ಚಿ ತರ್ನಿ, ಫಾಲ್ಯಾಚಿ ಪರ್ನಿ ಪ್ರಾಯ್!
- ನೆಲ್ಸನ್ ವಾಸ್