ಸಂಪಾದಕೀಯ್:
ಸುರ್ಯಾಭಾಶೆನ್ ಜಿವಿತ್ ಜಾಂವ್ಕ್ ಜಾಯ್
ಮನೀಸ್ ಚುಕಿ ಸಗ್ಳ್ಯೊ ಆಪುಣ್ ಕರ್‍ತಾ ಆನಿ ದೋಷ್ ಆನ್ಯೆಕ್ಲ್ಯಾಚೆರ್ ಥಾಪ್ತಾ. ಗಿರಾಣ್ ಲಾಗ್ಲ್ಯಾರ್, ವೊತ್ ಕಠಿಣ್ ಪಡ್ಲ್ಯಾರ್, ಧರ್ತಿ ತಾಪ್ಲ್ಯಾರ್ ಮನ್ಶಾನ್ ಸುರ್ಯಾಚೆರ್ ಬೋಟ್ ಜೊಕ್ಚೆಂ ಸೊಡ್ಲ್ಯಾರ್ ಆಪ್ಣಾಚಿಂ ಅಣ್ವಿಂ ಕಾಮಾಂ ತೊ ಧಾಂಪುನ್ ಧರ್‍ತಾ. ಪುಣ್ ಕಿತ್ಲೆಂ ದೂಶಣ್ ದಿಲ್ಯಾರಿ ಸುರ್ಯಾ ಬಾವ್ಡೊ ತ್ಯಾಚ್ ಜಾಗ್ಯಾರ್ ಆಜೂನಯ್ ಬಸೊನ್ ಆಪ್ಣಾಚೆಂ ಕಾಮ್ ಕರೀತ್ ಆಸಾ.
ತಸಲ್ಯಾ ಸುರ್ಯಾ ಭಾಶೆನ್ ನಿಷ್ಕಳಂಕ್, ಸೊಸ್ಣಿಕಾಯೆಚೊ ಮುದೊ ಆಪ್ಣೆಂ ಜಾಂವ್ಕ್ ಜಾಯ್ ಮ್ಹಳ್ಳಿ ಏಕ್ ಖತ್ಕತಿ ಆಶಾ ಹೆ ಕವಿತೆಂತ್ ರೂಪಾಲಿನ್ ಉಗ್ತಾಯ್ಲ್ಯಾ.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಜಿವಿತ್ ಅಶೆಂ
ಸಕಾಳ್ ಜಾಲ್ಯಾರ್ ಮ್ಹಣ್ಟಾತ್
ಸೂರ್ಯ್ ಉದೆಲಾ, ಉಜ್ವಾಡ್ ಫಾಂಕ್ಲಾ
ರಾತ್ ಜಾಲ್ಯಾರ್ ಮ್ಹಣ್ಟಾತ್
ಸೂರ್ಯಾಸ್ತ್ ಜಾಲಾ, ಕಾಳೊಖ್ ಪಾತಾಳ್ಳಾ
ಚಂದ್ರೀಮ್ ಮಧಿಂ ಆಯ್ಲ್ಯಾರ್
ಮ್ಹಣ್ಟಾತ್ ಗಿರಾಣ್ ಲಾಗ್ಲಾಂ
ಝಾಡಾಂ ತುಮಿ ಕಾಪ್ತಾತ್
ಪ್ರದೂಶಣ್ ವಾಡಯ್ತಾತ್
ಮ್ಹಣ್ಟಾತ್ ವೊತ್ ಖರ್ ಜಾಲಾಂ, ಧರ್ತರಿ ತಾಪ್ಲ್ಯಾ
ತೊ ಸೂರ್ಯ್ ಬಾಬ್ಡೊ
ಬಸ್ಲಾ ಎಕಾಚ್ ಜಾಗ್ಯಾರ್
ಉಜ್ಯಾಚೊ ಗುಳೊ
ಪೃಥ್ವಿಚ್ಯಾ ಮಾಥ್ಯಾರ್
ಭೊಂವ್ರ್ಯಾವರಿ ಪೃಥ್ವಿ
ತಾಚೆ ಭೊಂವ್ತಣಿ ಘುಂವ್ತಾ
ಕೆನ್ನಾ ಹಾಕಾ, ಕೆನ್ನಾ ತಾಕಾ
ತಾಚೊ ಉಜ್ವಾಡ್ ಮೆಳತ್ ರಾವ್ತಾ
ದಿಸ್ತಾ ಮ್ಹಾಕಾ ಜಿವಿತ್ ಮ್ಹಜೆಂ
ಸುರ್ಯಾವರಿ ಜಾಂವ್ಚೆಂ
ಕಾಳಖಾಂತ್ ಲೆಗೀತ್ ಚಾನ್ನ್ಯಾ ರುಪಾನ್
ಉಜ್ವಾಡ್ ದೀತ್ ರಾಂವ್ಚೆಂ
-ರೂಪಾಲಿ ಕೀರ್ತನಿ
कविता:
जिवीत अशें
सकाळ जाल्यार म्हणटात
सूर्य उदेला, उजवाड फांकला
रात जाल्यार म्हणटात
सुर्यास्त जाला, काळोख पातळ्ळा
चंद्रीम मदीं आयल्यार
म्हणटात गिराण लागला
झाडां तुमी कापतात
प्रदुशण वाडयतात
म्हणटात वोत खर जालां, धर्तरी तापल्या
तो सूर्य बाबडो
बसला एकाच जाग्यार
उज्याचो गुळो
प्रथ्वीच्या माथ्यार
भोंवऱ्यावरी प्रथ्वी
ताचे भोंवतणी घुंवता
केन्ना हाका, केन्ना ताका
ताचो उजवाड मेळत रावता
दिसता म्हाका जिवीत म्हजें
सुर्यावरी जावचें
काळखांत लेगीत चान्न्या रुपान
उजवाड दीत रावचें
- रूपाली कीर्तनी