ಸಂಪಾದಕೀಯ್:
ಧಾಂಪಲ್ಲಿಂ ದಾರಾಂ ಆಸೊಂ ಯಾ ಉಗ್ತಿಂ ದಾರಾಂ, ದಾರ‍್ವೊಂತ್ ಉತರ‍್ಲ್ಯಾರ್ ಕಿತೆಂ ಘಡ್ತಾ?
ದೇವ್ ಗಣೇಶ, ಅನ್ವಾರಾಂಚ್ಯೊ ಸಾಂಕ್ಳಿ ತುಟಂವ್ಚೊ ರಾಕ್ಣೊ. ಆವಯ್ ಪಾರ್ವತಿ ನ್ಹಾಣಿಯೆಂತ್ ನ್ಹಾತಾನಾ ತಿಚಿ ಆಬ್ರೂ ರಾಕೊಂಕ್ ದಾರಾ ಭಾಯ್ರ್ ರಾಕೊನ್ ರಾವ್ತಾಲೊ. ಶಿವಲಾಗ್ಚ್ಯಾ ಝುಜಾಂತ್ ತಾಣೆಂ ತಾಚಿ ಮನ್ಶಾತಕ್ಲಿ ಹೊಗ್ಡಾಂವ್ಚಿ ಪಡ್ಲಿ..
ಗಣೇಶ ಮ್ಹಳ್ಯಾರ್ ಗಣಾಂಚೊ ಜಮೊ. ತಾಂತ್ಲೆಂ ಏಕ್ ಗಣ, ಆಯ್ಚೆಂ ಹಿಂದು ಜಾಗರಣ್ ವೇದಿಕೆ ಕೊಣ್ಣಾ. ತಾಂಕಾಂಯ್ ಸಮಾಜಾಚೆರ್ ಅನ್ವಾರಾಂ ಯೆತಾನಾ, ಹಸ್ತಿನ್ ಕೆಳಿಗಡಾಯಾಂಚ್ಯಾ ತೊಟಾಂತ್ ಜೊಳೂ ರಿಗಯಿಲ್ಲೆಬರಿ, ಸೊಂಡ್ ಘಾಲ್ಚಿ ಸವಯ್. ಸಂಸ್ಕೃತಿಚೆ ರಾಕ್ಣೆ ಮ್ಹಣೊನ್ ತಾಂಣಿ ತಾಂಕಾಂಚ್ ಕುರ‍್ವಾರ್ ಕೆಲಾಂ.
ಪುಣ್ ಸಂಸ್ಕೃತೆಚ್ಯಾ ಸಂಸಾರಾಕುಶಿಂ ಚೊಯ್ತಲ್ಯಾಂಕ್, ಮಧೆಂ ಏಕ್ ದಾರ್ ಆಸಾ ಮ್ಹಳ್ಳಿ ಖಬರ್ ನಾ. ಥೊಡ್ಯಾಂಕ್ ತ್ಯಾ ದಾರಾಭಿತರ್ ಕಿತೆಂ ಮಹತ್ವಾಚೆಂ ಯಾ ನಿಸ್ಕಳ್, ಸುಗುಣಿ ಆಸಾ ಮ್ಹಳ್ಳಿ ಸಮ್ಜಣಿ ಆಸನಾ. ತ್ಯಾ ದೆಕುನ್ ತೆ ಶೀದಾ ರಿಗ್ತಾತ್! ಮಾಗೀರ್ ಆಬ್ರೂ ರಾಕೊನ್ ವ್ಹರ‍್ಚಿ ಜಾಕೆಟ್ ಸೈತ್ ತಾಂಚ್ಯಾ ಆಂಗಾರ್ ಯೆತಾ!
ಎಚ್ಚೆಮ್ ಪೆರ್ನಾಳಾನ್ ಹೆ ಕವಿತೆದ್ವಾರಿಂ ಪ್ರತಿಮಾಂಚಿ ರಾಸ್ ಆಮ್ಚ್ಯಾ ದೊಳ್ಯಾಂ ಹುಜಿರ್ ದವರ‍್ಲ್ಯಾ. ಚಿಂತ್ನಾಂಚೆ ಗಾಂಚ್ ಆಮ್ಚೆ ಹುಜಿರ್ ಸೊಡವ್ನ್ ಘಾಲ್ಯಾತ್. ಹೆ ಗಾಂಚ್ ಆಮ್ಕಾಂ ಜಾಯ್ ಜಾಲ್ಲೆಬರಿ ವಿಣುನ್ ಮನಾಕ್ ದಾಧೊಸ್ಕಾಯ್ ದಿಂವ್ಚ್ಯೊ ಕಿತ್ಲ್ಯೋಯ್ ಸರ್ಪಳ್ಯೊ ಆಮ್ಕಾಂ ರಚುಂಯೆತಾ.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಗಣೇಶ v/s ಗಣೇಶ
ಆವಯ್ಮ್ಹಜಿಭಿತರ್ನ್ಹಾತಾ
ಆಂಗಾಧುಳಿನ್ತಿಚ್ಯಾರಚ್ಲಾಂಮ್ಹಾಕಾ
ಆವಯ್ಚಿಮ್ಹಜ್ಯಾಆಬ್ರೂರಾಕೊಂಕ್
ಹಾಂವ್ಉಬೊಪಾರೊದಾರಾರ್
ಆವಯ್ಮ್ಹಜಿಹಿಂದುಸಂಸ್ಕೃತಿ
ಕೇಸರಿಗೊಬ್ರಾನ್ರಚ್ಲಾಂಮ್ಹಾಕಾ
ಭಾವಾಭಯ್ಣ್ಯಾಂಚಿರಾಕೊಂಕ್ಆಬ್ರೂ
ಫಿರ್‌ತಾಂಹಾಂವ್ಗಾಂವಾನ್ಗಾಂವ್
ಮೊಡಿನಾಕೆದಿಂಚ್ದಿಲ್ಲೆಂಉತರ್
ಆವಯ್ಚ್ಯಾಘೊವಾಕೀಸೊಡಿನಾಭಿತರ್
ಆಬ್ರೂರಾಕ್ಚೆಂಮ್ಹಜೆಂಕರ್ತವ್ಯ್
ಪರ್ವಾನಾಗೆಲ್ಯಾರೀಮ್ಹಜೊಜೀವ್
ಅರೇಭಾವಾ ,
ಉತರ್ಪಾಳ್ನ್ತುಕಾಮೆಳ್ಳೆಂಕಿತೆಂ ?
ಶಿಸ್‌ಚ್ತುಜೆಂಕಾಪುನ್ಉಡಯ್ಲೆಂ
ಹಸ್ತಿಪಿಲಾಚೆಂತುಕಾಕಟ್ಟೆಂಬಸಯ್ಲೆಂ
ಚಂದ್ರೆಮ್ಸಯ್ತ್ತುಜಿಂನಕ್ಲಾಂಕರ್ತಾ
ಕಾಣಿಗಾತುಜಿಬಾತ್ರುಮಾಚಿ
ಮ್ಹಜಿಕಾಣಿಸ್ಟೇಹೋಮಾಚಿ
ದೊಗಾಂಯ್ಕೀಆಮ್ಕಾಂಆದಾಳ್ಳಿಂಬಾಗ್ಲಾಂ
ತುಕಾಉಗ್ತಿಂ,ಮ್ಹಾಕಾಧಾಂಪ್‌ಲ್ಲಿಂ.
ಆತಾಂಸಾಂಗ್‌ಗಾಮ್ಹಾಕಾತುಂ -
ದೆವಾಕ್ತರೀತುಜ್ಯಾನಾಣ್ಯೆಕ್ರಿಗ್ಚಿ
ತಿತ್ಲೀಯ್ಕಿತ್ಯಾಕ್ತುರ್ತ್ಆಸ್ಲಿ ?
ಹಾಂವೆಂಚೊರ್ಲೆಲಿಜಾಕೆಟ್ಘಾಲಿ
ಸಗ್ಳ್ಯಾಂಕ್ಕಿತ್ಯಾಕ್ಚೂಕ್ದಿಸ್ಲಿ ?
- ಎಚ್ಚೆಮ್ಪೆರ್ನಾಳ್
गणेश v/s गणेश
आवय म्हजी भितर न्हाता
आंगाधुळीन तिच्या रचलां म्हाका
आवयची म्हज्या आब्रू राकूंक
हांव उबो पारो दारार
आवय म्हजी हिंदू संस्कृती
केसरी गोब्रान रचलां म्हाका
भावा भयण्यांची राकूंक आब्रू
फिरतां हांव गांवान गांव
मोडीना केदींच दिल्लें उतर
आवयाच्या घोवाकी सोडीना भितर
आब्रू राकचें म्हजें कर्तव्य
पर्वा ना गेल्यारी म्हजो जीव
अरे भावा,
उतर पाळन तुका मेळ्ळें कितें?
शिसच तुजें कापून उडयलें
हस्ती पिलाचें तुका कट्टें बसयलें
चंद्रेम सयत तुजीं नकलां करता
काणीगा तुजी बात रुमाची
म्हजी काणी स्टे होमाची
दोगांयकी आमकां आदाळ्ळीं बागलां
तुका उगतीं, म्हाका धांपल्लीं.
आतां सांगगा म्हाका तुं -
देवाक तरी तुजे न्हाणयेक रिगची
तितलीय कित्याक तुर्त आसली?
हांवें चोरलेली जाकेट घाली
सगळ्यांक कित्याक चूक दिसली?
- एच्चेम पेर्नाळ