ಶ್ರಾದ್ಧ್

ಹಾಂಗಾಸರ್ ಮೊಗಾಳಿ ಆವಯ್ಚೆಂ ಮರಣ್ ಜಾಲ್ಲ್ಯಾ ತೀನ್ ಮ್ಹಯ್ನ್ಯಾಂ ಉಪ್ರಾಂತ್ ಸರಲ್ಲ್ಯಾಚ್ಯಾ ನಾತ್ವಾನ್ ಆಪ್ಲ್ಯಾ ಬಾಪಾಯ್ ಲಾಗಿಂ ವಿಚಾರಚೆಂ ಸವಾಲ್ ಆಸಾ. ‘ಆವಯ್ ಸರ‍್ತಾನಾ ತುಜ್ಯಾ ದೊಳ್ಯಾಂತ್ ದುಕಾಂ ಕಿತ್ಯಾಕ್ ಯೇನಿ?’. ಮಾರ್ಮಿಕ್ ಸವಾಲ್. ಎಕಾ ಮರ್ಣಾ ಪಾಟ್ಲ್ಯಾನ್ ಕರುಂಕ್ ಆಸ್ಚ್ಯಾ ಕ್ರಿಯಾಕರ್ಮಾಂಚ್ಯಾ ಕಾಮಾ ಮಧೆಂ ಸರಲ್ಲ್ಯಾಕ್ ವಿಸ್ರೊನ್ ಸೊಡ್ಲಾಂ ಆಸ್ಯೆತ್ ಮ್ಹಳ್ಳ್ಯಾ ಚಿಂತ್ಪಾಕ್ ಈಟ್ ದಿಂವ್ಚೆಂ ಸವಾಲ್.

ಘರಾಂತ್ ಎಕೆ ವ್ಯಕ್ತಿಚೆಂ ಮರಣ್ ಘಡೊನ್ ಗೆಲ್ಯಾರ್ ಸಂಪೊಂವ್ಕ್ ಆಸ್ಚ್ಯಾ ಕಾಮಾಚಿ ವಳೆರಿ ಇತ್ಲಿ ಲಾಂಬ್ ಆಸ್ತಾ, ತಿ ಕರ‍್ತಾಂ ಸಂಪಯ್ತಾನಾ, ಆಪುಣ್ ಹೆಂ ಸಗ್ಳೆಂ ಕೊಣಾ ಖಾತೀರ್, ಕಿತ್ಯಾ ಖಾತೀರ್ ಕರುನ್ ಆಸಾಂ ಮ್ಹಳ್ಳೆಂ ವಿಸ್ರೊನ್ ವಚೊನ್ ಮನ್ಶಾ ಸೈಂಭಾಚ್ಯಾ ದುಖಾಂಕ್ ಸೈತ್ ಖೊಡ್ಯಾಂನಿ ಖಾಡುಂ ಘಾಲ್ಚೆಂ ಚಿತ್ರಣ್ ದೊಳ್ಯಾಂ ಸಾಮ್ಕಾರ್ ಉದೆತಾ.

ಹ್ಯಾ ಕಾಮಾಂಚ್ಯಾ ಭೊರ‍್ಯಾ ಮುಕಾರ್, ತಾಂಚ್ಯಾ ಖರ್ಚಾ ಮುಕಾರ್ ದುಖಾಂಯ್ ವಿಕಜಾಯ್ ಜಾಲ್ಲಿ ಪರಿಸ್ಠಿತಿ ಹಾಂಗಾಚಿ!

-ಮೆಲ್ವಿನ್ ರೊಡ್ರಿಗಸ್

ಕವಿತಾ:

ಶ್ರಾದ್ಧ್

ಮ್ಹಜಿ ಆವಯ್ ಸರ್ಲಿ
ಹಾಂವ್ ಲಾಗಲೊಂ....
ಫೊನಾಚೆ
ದಾಕ್ತೆರಾಚೆ
ಎಂಬುಲೆನ್ಸಾಚೆ
ಮೊರ್ಚರಿಚೆ
ಭಟಾಚೆ
ಫುಲಾಂಚೆ
ಮಸಣಾಚೆ
ರಾಕಡಾಚೆ
ಲೊಕಾಂಚೆ
ಫಾಟೀಕ್.....

ಮಾಗೀರ್..
ಕ್ರಿಯಾಕರ್ಮಾಂಚೊ ಧ್ಯಾಸ್
ಖೊರಾ ಆಂಗವಲೆಂ
ಶೆಂಡಿ ಸೊಡಿಲ್ಲೆಂ ಲ್ಹಾನ್ ಬೋಡ್..
ನೇತ್ರಾವತಿಚೆಂ ಶೆಳೆಂ ನ್ಹಾಣ್
ಸವ್ಯ ಅಪಸವ್ಯ....
ಪ್ರೇತ ಕರ್ಮ..
ಪಿಂಡ ಪ್ರಧಾನ...
ದಶದಾನ, ಬ್ರಾಹ್ಮಣ ಸಂತರ್ಪಣ
ಆನಿ
ವೈಕುಂಠ ಸಮಾರಾಧನಾ....

ತೀನ್ ಮ್ಹಯ್ನೆ ಜಾಲೆ
ಕಾಲ್ ಮ್ಹಜ್ಯಾ ಸಾತ್ ವರಸಾಂಚ್ಯಾ
ಪುತಾನ್ ಮ್ಹಾಕಾ ವಿಚಾರಲೆಂ....
‘ಆನಾ, ಕಿತ್ಯಾಕ್ ತ್ಯಾ ದಿಸಾ
ಬಾಪಮಾನ್ ಮರತಾನಾ
ತುಗೆಲೆ ದೊಳ್ಯಾಂತ್
ಉದಕ್ ಯೇನಿ?’

-ಗುರು ಬಾಳಿಗಾ

संपादकीय:

आवय सर‍्ताना भिजनातल्ले दोळे

हांगासर मोगाळी आवयचें मरण जाल्ल्या तीन म्हयन्यां उपरांत सरल्ल्याच्या नात्वान आपल्या बापाय लागीं विचारचें सवाल आसा. ‘आवय सर‍्ताना तुज्या दोळ्यांत दुकां कित्याक येनी?’. मार्मीक सवाल. एका मर्णा पाटल्यान करुंक आसच्या क्रियाकर्मांच्या कामा मधें सरल्ल्याक विस्रोन सोडलां आस्येत म्हळ्ळ्या चिंत्पाक ईट दिवंचें सवाल.

घरांत एके व्यक्तिचें मरण घडोन गेल्यार संपोवंक आसच्या कामाची वळेरी इतली लांब आसता, ती कर‍्तां संपयताना, आपूण हें सगळें कोणा खातीर, कित्या खातीर करून आसां म्हळ्ळें विस्रोन वचोन मनशा सैंभाच्या दुखांक सैत खोड्यांनी खाडूं घाल्चें चित्रण दोळ्यां सामकार उदेता.

ह्या कामांच्या भोर‍्या मुकार, तांच्या खर्चा मुकार दुखांय विकजाय जाल्ली परिसठिती हांगाची!

-मेलवीन रोड्रिगस

कविता:

श्राद्ध

म्हजी आवय सरली
हावं लागलों....
फोनाचे
दाक्तेराचे
एंबुलेन्साचे
मोर्चरिचे
भटाचे
फुलांचे
मसणाचे
राकडाचे
लोकांचे
फाटीक.....

मागीर..
क्रियाकर्मांचो ध्यास
खोरा आंगवलें
शेंडी सोडिल्लें ल्हान बोड..
नेत्रावतिचें शेळें न्हाण
सव्य अपसव्य....
प्रेत कर्म..
पिंड प्रधान...
दशदान, ब्राह्मण संतर्पण
आनी
वैकुंठ समाराधना....

तीन म्हयने जाले
काल म्हज्या सात वरसांच्या
पुतान म्हाका विचारलें....
‘आना, कित्याक त्या दिसा
बापमान मरताना
तुगेले दोळ्यांत
उदक येनी?’

-गुरू बाळिगा