ಸಂಪಾದಕೀಯ್:
ಬಾಳ್ ಡಿಕ್ಷನರಿಂತ್ ರೇಪ್ ಮ್ಹಳ್ಳ್ಯಾ ಸಬ್ದಾಚೊ ಆಸ್ಪಾವ್
ಧುವೆಚೆಂ ಆನಿ ಆವಯ್ಚೆಂ ಏಕ್ ಸಂಭಾಶಣ್ ಹಾಂಗಾಸರ್ ಹೆ ಕವಿತೆಂತ್ ಆಸಾ. ಕಸಲಿ ನಿರ್ಭಾಗಿ ಆವಯ್ ಮ್ಹಣ್ಚೆಂ ಹಿಕಾ - ಆಪ್ಲೆ ಧುವೆಕ್ ರೇಪ್ ಮ್ಹಳ್ಯಾರ್ ಕಿತೆಂ ಮ್ಹಣೊನ್ ಸಾಂಗ್ಚೆ ದೀಸ್ ತಿಕಾ ಆಯ್ಲ್ಯಾತ್. ಆಯ್ಚ್ಯಾ ಭುರ್ಗೆಪಣಾಚ್ಯಾ ಸುಖಾಚ್ಯಾ ಅರ್ಥ್‍ಕೋಶಾಂತ್ ಆಜ್ ರೇಪ್ ಮ್ಹಳ್ಳ್ಯಾ ಸಬ್ದಾನ್ ಜಾಗೊ ಮೆಳಯ್ಲಾ.
ಥೊಡ್ಯಾ ತೆಂಪಾ ಆದಿಂ ಗೊಂಯಾಂತ್ ಇಸ್ಕೊಲಾಚ್ಯಾ ಕಾಕ್ಸಾಂತ್ ಲ್ಹಾನ್ ಭುರ್ಗ್ಯಾಚೆಂ ರೇಪ್ ಚಲ್ಲ್ಯಾ ಉಪ್ರಾಂತ್, ಶಾಳೆಚ್ಯಾ ಭುರ್ಗ್ಯಾಂಚಿಂ ನಿಸ್ಕಳ್ ನಿರ್ಮಳ್ ಮನಾಂ ಕದ್ವಳ್ಳ್ಯಾಂತ್. ಉದ್ಕಾಂತ್ ಸಾಳಕ್ ದಿಸನಾ. ಫಕತ್ ಉಬಿರ್ ದಿಸೊಂಕ್ ಲಾಗ್ಲಾ.
ಹಿ ಕವಿತಾ ಆಯ್ಚ್ಯಾ ದಿಸಾಚಿ ಏಕ್ ಹಕೀಗತ್ ಆನಿ ತಾಚ್ಯಾ ಪಾಟ್ಲ್ಯಾನ್ ಉಬಿಂ ರಾವಲ್ಲಿಂ ಶಿರ‍್ಶಿರೊ ಹಾಡಂವ್ಚಿಂ ಸವಾಲಾಂ ಘೆವ್ನ್ ಆಮ್ಚ್ಯಾ ಮುಕಾರ್ ಆಸಾ.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ರೇಪ್ ಮ್ಹಳ್ಯಾರ್ ಕಿತೆಂ?
ಮಮ್ಮಾ, ‘ರೇಪ್’ಮ್ಹಳ್ಯಾರ್ ಕಿತೆಂ-ಗೆ?
ಮ್ಹಾಕಾ ದಾಕಯ್‌ಮು-ಗೆ ರೇಪ್ !
ತಾಚೊ ರಂಗ್ ಕಸೊ ಆಸ್ತಾ "ರೆಡ್?"
ಆನಿ ತಾಚಿ ಕಶಿ ಆಸ್ತಾ ಶೇಪ್?
ತುಂ ಮ್ಹಾಕಾ ‘ಶಟ್ ಅಪ್’ ಕಿತ್ಯಾಕ್ ಮ್ಹಣ್ಟಾ?
ಆಮ್ಚ್ಯಾ ಸ್ಕುಲಾಂತ್‌ಮು-ಗೆ ತ್ಯೋಚ್ ಗಜಾಲಿ ಚಲ್ತಾ.
ಆನಿ ಆಮ್ಕಾಂ ಟೀಚೆರಿ ಸಾಂಗ್ತಾ
ಕೊಣೇಂಯ್ ಚೊಕ್ಲೆಟಿ ದಿಲ್ಯಾರ್ ಖಾಂವ್ ನಾಕಾ.
ಮಮ್ಮಾ, ಚೊಕ್ಲೆಟಿಂನಿ ರೇಪ್ ಆಸ್ತಾ-ಗೆ?
ತುಂ ಮ್ಹಾಕಾ ಆತ್ತಾಂಚ್ ಸಾಂಗ್
ನಾಜಾಲ್ಯಾರ್ ಡ್ಯಾಡಿಕ್ ವಿಚಾರುಂ?
ಕಾಂಯ್ ಭಯ್ಯಾಕ್ ವಿಚಾರುಂ?
ಆವಯ್ಸ್ ಮಮ್ಮಾ, ತುಂ ರಡುಂ ನಾಕಾ
ಹಾಂವ್ ಕೆನ್ನಾಂಚ್ ಚೊಕ್ಲೆಟಿ ಖಾಂವ್ಚೆಂ ನಾ
ತುಮಿ ಹಾಡ್ಲ್ಯಾರ್ ಪಾಸುನ್ ಖಾಂವ್ಚೆಂನಾ
ಖರ‍್ಯಾನಿಂಚ್ ಮಮ್ಮಾ..
I promise........
-ನೂತನ್ ಸಾಖರ್‌ದಾಂಡೆ
संपादकीय:
बाळ डिक्षनरिंत रेप म्हळ्ळ्या सब्दाचो आस्पाव
धुवेचें आनी आवयचें एक संभाशण हांगासर हे कवितेंत आसा. कसली निर्भागी आवय म्हणचें हिका - आपले धुवेक रेप म्हळ्यार कितें म्हणोन सांगचे दीस तिका आयल्यात. आयच्या भुर्गेपणाच्या सुखाच्या अर्थकोशांत आज रेप म्हळ्ळ्या सब्दान जागो मेळयला.
थोड्या तेंपा आदीं गोंयांत इसकोलाच्या काक्सांत ल्हान भुर्ग्याचें रेप चल्ल्या उपरांत, शाळेच्या भुर्ग्यांचीं निसकळ निर्मळ मनां कद्वळ्ळ्यांत. उदकांत साळक दिसना. फकत उबीर दिसोंक लागला.
ही कविता आयच्या दिसाची एक हकीगत आनी ताच्या पाटल्यान उबीं रावल्लीं शीर्शिरो हाडंवचीं सवालां घेवन आमच्या मुकार आसा.
-मेलवीन रोड्रिगस
कविता:
रेप म्हळ्यार कितें?
मम्मा, ‘रेप’म्हळ्यार कितें-गे?
म्हाका दाकयमू-गे रेप !
ताचो रंग कसो आसता "रेड?"
आनी ताची कशी आसता शेप?
तूं म्हाका ‘शट अप’ कित्याक म्हणटा?
आमच्या स्कुलांतमू-गे त्योच गजाली चल्ता.
आनी आमकां टीचेरी सांग्ता
कोणेंय चोकलेटी दिल्यार खांव नाका.
मम्मा, चोकलेटिंनी रेप आसता-गे?
तूं म्हाका आत्तांच सांग
नाजाल्यार ड्याडीक विचारूं?
कांय भय्याक विचारूं?
आवयस मम्मा, तूं रडूं नाका
हांव केन्नांच चोकलेटी खांवचें ना
तुमी हाडल्यार पासून खांवचेंना
खर्यानिंच मम्मा..
I promise........
-नूतन साखरदांडे