ಸಂಪಾದಕೀಯ್:
ಇಂಟರ್‌‍ನೆಟ್ಟಾಚೆರ್ ಭುರ್ಗಿಂ ವಿಕ್ತಿಂ ಮೆಳ್ತಾತ್
ಕಿತ್ಲ್ಯಾ ಸಲೀಸಾಯೆನ್ ಮನ್ಶಾಂಚೊ ವಿಕ್ರೊ ಜಾತಾ ಪಳೆಯಾ. ಬಾಜಾರಾಂತ್ ಕುಂಕಡ್ ವಿಕುನ್ ಗೆಲ್ಲ್ಯಾಬರಿ, ಆಯ್ಚ್ಯಾ ದಿಸಾ ಆಸ್ಪತ್ರೆಂ ಥಾವ್ನ್ ಸಲಿಸಾಯೆನ್ ಭುರ್ಗಿಂ ವಿಕುನ್ ವೆತಾತ್. ಘರ‍್ಚ್ಯಾ ದಾರಾರ್ ಪಾಸುನ್ ಹಾಡುನ್ ದಿತಾತ್ - ಕಸಲಿಚ್ ಭಿರಾಂತ್, ಫಿಕಿರ್ ನಾಸ್ತಾಂ.
ಆಯ್ಚ್ಯಾ ಕಾಳಾರ್ ಘಡೊನ್ ಆಸ್ಚ್ಯಾ ಮನ್ಶಾ-ವಿಕ್ರ್ಯಾಚೆಂ ಭಿರಾಂಕುಳ್ ಖರ್ಗ್ ಸಂಪೆ ರಿತಿನ್ ಸರ್ವಾಂಚೆ ದೊಳೆ ಉಗ್ತಾಂವ್ಚೆ ಪರಿಂ ಭಿಕಾಜಿ ಘಾಣೆಕಾರಾನ್ ಹೆ ಕವಿತೆದ್ವಾರಿಂ ಆಮ್ಚ್ಯಾ ದೊಳ್ಯಾಂ ಹುಜಿರ್ ದವರ‍್ಲಾಂ..
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಮ್ಹಾಕಾ ಭಾವ್ ಜಾಯ್
ಮಮ್ಮೀ ಮಮ್ಮೀ ಮ್ಹಾಕಾ
ಏಕ್ ಭಾವ್ ಜಾಯ್!
ನತಾಶಾಕ್ ಭಾವ್ ಆಸಾ
ತಲಾಶಾಕ್ ಭಾವ್ ಆಸಾ
ರವೀಶಾಕ್ ಭಾವ್ ಆಸಾ
ಮ್ಹಾಕಾಯ್ ಏಕ್ ಭಾವ್ ಜಾಯ್!
ತುಂ ಜಾಣಾ ಮಮ್ಮೀ
‘ಪಣ್ಜೆಚ್ಯಾ ಹೊಸ್ಪಿಟಲಾಂತ್
ಖೂಬ್ ಮ್ಹಾರಗ್ ವಿಕ್ತಾತ್
ಪುಣ್ ಬಾಂಬೊಳೆ ಸಾಮ್ಕೆ
ಸವಾಯ್ ಮೆಳ್ಟಾತ್ ಖಂಯ್!’
ಥಂಯ್ ವಚ್ಪಾಚಿ ಪಾಸುನ್
ಗರಜ್ ನಾ
ತೆ ಖಂಯ್ ಘರಾಚ್ ಕಡೆನ್
ಬಾಬೂಕ್ ಧಾಡುನ್ ದಿತಾತ್
ತುಂ ಫಕತ್ ‘ಲೊಗ್ ಒನ್ ಕರ್’
www.bam-gmc.com
-ಭಿಕಾಜಿ ಘಾಣೇಕಾರ್
संपादकीय:
इंटरनेट्टाचेर भुर्गीं विक्तीं मेळतात
कितल्या सलीसायेन मनशांचो विक्रो जाता पळेया. बाजारांत कुंकड विकून गेल्ल्याबरी, आयच्या दिसा आस्पत्रें थावन सलिसायेन भुर्गीं विकून वेतात. घर्च्या दारार पासून हाडून दितात - कसलीच भिरांत, फिकीर नासतां.
आयच्या काळार घडोन आसच्या मनशा-वीकऱ्याचें भिरांकूळ खर्ग संपे रितीन सर्वांचे दोळे उग्तांवचे परीं भिकाजी घाणेकारान हे कवितेद्वारीं आमच्या दोळ्यां हुजीर दवर्लां..
-मेलवीन रोड्रिगस
कविता:
म्हाका भाव जाय
मम्मी मम्मी म्हाका
एक भाव जाय!
नताशाक भाव आसा
तलाशाक भाव आसा
रवीशाक भाव आसा
म्हाकाय एक भाव जाय!
तूं जाणा मम्मी
‘पणजेच्या होस्पिटलांत
खूब म्हारग विक्तात
पूण बांबोळे सामके
सवाय मेळटात खंय!’
थंय वचपाची पासून
गरज ना
ते खंय घराच कडेन
बाबूक धाडून दितात
तूं फकत ‘लोग ओन कर’
www.bam-gmc.com
-भिकाजी घाणेकार