ಸಂಪಾದಕೀಯ್:
ಸಮಾಜಾಂತ್ಲ್ಯಾ ಹರ‍್ಯೆಕಾ ವರ್ಗಾಕ್ ಆಪಡ್ಚಿ ಆಪುರ್ಬಾಯೆಚಿ ಕವಿತಾ
ಮನ್ಶಾಂಕ್ ದುಡ್ವಾಕ್ ಸರಿ ಕರುನ್, ತಾಂಚ್ಯಾ ಮಧ್ಲ್ಯಾ ವರ್ಗಾಂಕ್ ಚಿಲ್ಲರ್ ಆನಿ ನೊಟಾಂಕ್ ಸರ್ ಕೆಲ್ಲಿ ಅದ್ಭುತ್ ಕವಿತಾ ಹಾಂಗಾಸರ್ ಆಸಾ. ಹಾಂಗಾಸರ್ ದುಬ್ಳೊ ಆನಿ ಗಿರೇಸ್ತ್ ವರ್ಗಾಚ್ಯಾ ಮನ್ಶಾಕ್, ಚಿಲ್ಲರ್ ನಾಣಿಂ ಆನಿ ಮಾವ್ನಿ ನೊಟಾಂಚ್ಯಾ ವೆವೆಗ್ಳ್ಯಾ ಖೆಳಾಂ ಮಾರಿಫಾತ್, ವಾಚ್ಪ್ಯಾಚ್ಯಾ ದೊಳ್ಯಾಂ ಮುಖಾರ್ ದವರಲ್ಲೊ ಉತ್ರಾಂಚೊ ಚಮತ್ಕಾರಿಕ್ ಖೆಳ್ ಆಸಾ.
ಹಿ ಕವಿತಾ ಸಮಾಜಾಂತ್ಲ್ಯಾ ಹರ‍್ಯೆಕಾ ವರ್ಗಾಚ್ಯಾ ಮನ್ಶಾಕ್ ಆಪುಡ್ತಾ ಆನಿ ತಾಂಕಾಂ ಸವಾಲಾಂ ಉಡಯ್ತಾ. ಹಾಂತುಂ ಕೊಂಟ್ರೆಕ್ಟರ್ ಯೆತಾ, ಮಣಿಯಾರಿ ಯೆತಾತ್, ಭೊಟ್ ಯೆತಾತ್, ದೇವ್ ಯೆತಾ, ಖೆಳ್-ಖೆಳ್ಗಾಡಿ ಯೆತಾತ್ ಆನಿ ಚಿಲ್ಲರ್ ತಶೆಂ ನೊಟಾಂಚಿ ಕಾಣಿ ಉಗ್ಡಾಪಿ ಜಾತಾಂ ಜಾತಾನಾ ವಿಣ್ಗೆ ಜಾತಾತ್.
ಕವಿ ವಿಲ್ಸನ್ ಕಟೀಲ್ ಹೆ ಕವಿತೆಂತ್ ಉತ್ರಾಂಚೊ ಖೆಳ್ ಆಪುರ್ಬಾಯೆನ್ ಖೆಳ್ಳಾ. ಹಾಂಗಾಸರ್ ನೋಟ್ ಆನಿ ನೋಟೆಡ್, ನಾಯ್ಸ್, ಚಿಲ್ಲರ್ ಆನಿ ಚೇಂಜ್ ಇತ್ಯಾದಿ ಸಬ್ದ್ ದೊಡ್ಯಾ ಅರ್ಥಾಂನಿ ಆಯಿಲ್ಲೆ ಝಳ್ಕತಾತ್. ಆಪುರ್ಬಾಯೆಚೆ ಪ್ರಾಸ್ ಸೈತ್ ಆಯಿಲ್ಲ್ಯಾನ್ ವಾಚ್ತಾನಾ ಸಂಗೀತ್ ಸಾದ್ತಾ.
ಜಾಯ್ತ್ಯಾ ತೆಂಪಾನ್ ಹಾಂವೆಂ ವಾಚಲ್ಲಿ ಉತ್ತೀಮ್ ಕವಿತಾ. ಸದಾಂಕಾಳ್ ಮತಿಂತ್ ಉರ‍್ಚೆ ತಸಲಿ ಕವಿತಾ.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಪ್ಲೀಸ್
‘ಕಟೀಲ್
संपादकीय:
समाजांतल्या हरयेका वर्गाक आपडची आपुरबायेची कविता
मनशांक दुडवाक सरी करून, तांच्या मधल्या वर्गांक चिल्लर आनी नोटांक सर केल्ली अदभूत कविता हांगासर आसा. हांगासर दुबळो आनी गिरेस्त वर्गाच्या मनशाक, चिल्लर नाणीं आनी मावनी नोटांच्या वेवेगळ्या खेळां मारिफात, वाचप्याच्या दोळ्यां मुखार दवरल्लो उत्रांचो चमत्कारीक खेळ आसा.
ही कविता समाजांतल्या हरयेका वर्गाच्या मनशाक आपुडता आनी तांकां सवालां उडयता. हांतूं कोंट्रेकटर येता, मणियारी येतात, भोट येतात, देव येता, खेळ-खेळगाडी येतात आनी चिल्लर तशें नोटांची काणी उगडापी जातां जाताना विणगे जातात.
कवी विल्सन कटील हे कवितेंत उत्रांचो खेळ आपुरबायेन खेळ्ळा. हांगासर नोट आनी नोटेड, नायस, चिल्लर आनी चेंज इत्यादी सब्द दोड्या अर्थांनी आयिल्ले झळकतात. आपुरबायेचे प्रास सैत आयिल्ल्यान वाचताना संगीत सादता.
जायत्या तेंपान हांवें वाचल्ली उत्तीम कविता. सदांकाळ मतींत उरचे तसली कविता.
-मेल्विन रोड्रीगस
कविता:
प्लीस ‘नोट’ दिस!
ही-
चिल्लर नाणीं
आनी
नोटांची काणी
*
चिल्लर नाणीं
आवाजतात विपरीत-
रेतीर्यो, मोंत्रां, मागणीं
थोडीं फितिस्पणीं
थोड्यांक पात्येणी
पूण नोट मावनी
इज्मोल, आंगोण म्हण
चिल्लर नाणीं होगडावन वेतात
हुंडियेंनी, वाटलेंनी
पूण नोट गपचूप
तांची भास मोनी
हांतुंनी
गिरेस्त जांवचें मात्र
नाणीं आरांवच्या बोटांनी
मणियार्यांनी, भोटांनी!
*
नोट कागदाचो, जडाय उणीं
बोल्साकी सुशेग
नाणीं लोंकडाचीं, देकून जड
आनी लेकान चड
बोल्स भर्ल्यार-
दादल्यांकी आर्टिफिशियल थानां
बोल्साच्या सुतांकी धगदवणी!
पूण
नोट मुटिंतच धर्येत
देकून बायलां नोटांक रुणीं
*
नाण्यांक वयर उसळायल्यार
पांयामुळिंच पडचें तांणी
देकून क्रिकेट खेळापयलें
‘टोस’ घालुंक नाणीं
पूण-
खेळगाड्यांनी खेळचें मात्र
फिक्सिंगाच्या नोटांनी
*
नोट हात चुकल्यार
उबोन वेतात
जशें वार्यार घोणी
नाणीं चुकोन सकला पडल्यार
रोदाबरीं इल्लें धांवोन
धर्णीर आड पडतात पुरासाणी
शीदा सांगचें तर-
बेजार पावनाकात कोणी
रसत्यावयल्या कामेल्यांची जिणी-
नाणीं!
पूण नोट धनी
‘नायस’ कोंट्रेकटर खेणी!
*
नाणीं-
कशींय वापर्येत
खेळोंकी दिव्येत भुर्ग्यां हातांनी
पिंजून वचनांत तीं
पूण नोट वापरिजे जाग्रूतपणीं-
दिंवचो आसल्यार कोणी दानी
कार्कोळचो लोरेसयी घेत
दोनी हातांनी!
पूण चिल्लर नाणीं
उडयल्यारी जाता-
दाकलो आसा- तळें पुश्करुणी
जायतीं उडयतात नाणीं-
भक्तिपणीं, निश्करुणीं!
*
आतां आक्रेक संपवणी
प्लीस ‘नोट’ दीस
आयकात म्हजी वाणी
व्हड नोटांनो-
तुमकां कोणेंय ‘चिल्लर’ कर्चे आदीं
प्लीस ‘चेंज’ युवर सेलफ
आनी दुबळ्या नाण्यांनो-
तुमी केन्नांय रावल्यार एकवटपणीं
तुमकांय ‘नोट’ करीत कोणी!!
वा...
वाड मेजतेल्यां विरोध, लोंच माग्तेल्यां विरोध
आवाज उटया म्हजेबरी,
तेन्ना तुमचीं मोलां
‘नोट’ जायनातल्यारी
‘नोटेड’ पुणी जातेलीं निमाणीं!
-विल्सन, कटील