ಸಂಪಾದಕೀಯ್:
ಶಾಂತೆಚೊ ಸಂದೇಶ್ ದಿಂವ್ಚಿ ಓಸ್ಟಿನಾಚಿ ಕವಿತಾ
ದೆವಾಧಿನ್ ಚಾರ್ಲ್ಸ್ ಆನಿ ತೆರೆಜಾ ರೊಡ್ರಿಗಸ್ ಸ್ಮಾರಕ್ ಸಾತ್ವ್ಯಾ ಅಖಿಲ್ ಭಾರತ್ ಕೊಂಕಣಿ ಕವಿತಾ ಬರೊಂವ್ಚೆ ಸರ್ತೆಂತ್ ದುಸ್ರೆಂ ಇನಾಮ್ ಜೊಡಲ್ಲಿ ಕವಿತಾ ಹಾಂಗಾಸರ್ ದಿಲ್ಯಾ. ಮಂಗ್ಳುರ್ ಬಿಜೈಚ್ಯಾ ಓಸ್ಟಿನ್ ಡಿಕುನ್ಹಾನ್ ಶಾಂತಿವಿಶಿಂ ಹಿ ಕವಿತಾ ಬರಯ್ಲ್ಯಾ.
ಪಯ್ಲೊ ಕಡ್ವೊ ಎಕ್ದಮ್ ಆಪುರ್ಬಾಯೆಚೊ. ಶಾಂತಿ ಆಸ್ಲ್ಯಾರ್ ಮಾತ್ರ್ ಉದ್ಕಾಂತ್ಲೆ ಮಾಸ್ಳೆಪರಿಂ ಆಮಿ ನಾಚೊನ್ ಉಡೊನ್ ಖೆಳ್ಯೆತ್ ಮ್ಹಣ್ಚೆಂ ಚಿಂತಪ್ ಸುಂದರ್. ಏಕ್ ಆಪುರ್ಬಾಯೆಚೆಂ ರೂಪಕ್ ಹಾಂಗಾ ಆಸಾ. ಮಾಸ್ಳ್ಯೊ ಸುಖಾನ್ ಜಿಯೆತಾತ್ ಮ್ಹಳ್ಳೆ ಚಿಂತಪಯ್ ಆಸಾ. ದುಸ್ರ್ಯಾ ಕಡ್ವ್ಯಾಂತ್ ಶಾಂತಿ ಆಪ್ಣಾಂವ್ಚೆ ಖಾತೀರ್ ಮನ್ಶಾನ್ ಗ್ರೇಸ್ತ್ ಜಾಯ್ಜಾಯ್ ಮ್ಹಣ್ ನಾ ಮ್ಹಳ್ಳೆಂ ಚಿಂತಪ್ ಆಸಾ ತರ್ ತಿಸ್ರ್ಯಾಂತ್, ಸ್ವತಾ ಆಪ್ಣೆಂ ಶಾಂತಿ ಕಶಿ ಹೊಗ್ಡಾಯ್ಲಿ ಮ್ಹಳ್ಳೆಂ ತೊ ಸಾಂಗ್ತಾ. ಚೊವ್ತ್ಯಾಂತ್, ಲ್ಹಾನ್ ಭುರ್ಗಿಂ ಶಾಂತಿಚೆಂ ಪ್ರತೀಕ್ ಮ್ಹಳ್ಳೆಂ ಸಾಂಗೊಂಕ್ ತೊ ಪಾಟಿಂ ಸರನಾ ತರ್, ನಿಮಾಣ್ಯಾಂತ್ ಶಾಂತಿ ಖಾತೀರ್ ತಾಣೆ ಹೆರಾಂಕ್ ದಿಂವ್ಚೊ ಸಂದೇಶ್ ಆಸಾ.
ಏಕ್ ಕವಿತಾ ಕಶಿ ರಚ್ಯೆತ್, ಪಾಂವ್ಡ್ಯಾಂ ಪಾಂವ್ಡ್ಯಾಂತ್ ಕಶಿ ವಾಗೊವ್ನ್ ವ್ಹರ‍್ಯೆತ್ ಮ್ಹಳ್ಳ್ಯಾಕ್ ಸವೆಂತ್ ಶಿಕ್ಚ್ಯಾ ಓಸ್ಟಿನಾಚಿ ಹಿ ಕವಿತಾ ಗೊವಾಯ್.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಶಾಂತಿ
ಶಾಂತಿ ದಿತಾ ಆಮ್ಕಾಂ ಸಂತೊಸ್ ಉಲ್ಲಾಸ್
ದರ್ಯಾಚ್ಯಾ ಶಾಂತ್ ಲ್ಹಾರಾಂಪರಿಂ
ನಾಚೊನ್ ಉಡೊನ್ ಖೆಳ್ಯೆತ್ ಆಮಿ
ಉದ್ಕಾಂತ್ ಖೆಳ್ಚೆ ಮಾಸ್ಳೆಪರಿಂ
ಗ್ರೇಸ್ತ್ ಮನೀಸ್ ನಿದನಾ ರಾತಿಂ
ನಾ ತರ್ ಸಮಾಧಾನ್ ಮತಿಂ
ಪಾಂಗ್ರುಂಕ್ ನಾತ್ಲ್ಯಾರಿ ಲ್ಹಾನ್ ಲುಗಟ್
ದುಬ್ಳ್ಯಾಕ್ ಪಡ್ತಾ ನೀದ್ ಆಪುಟ್
ಸದಾಂ ಆಮಿ ವಾಚ್ತಾಂವ್ ಖಬರ್
ಸಗ್ಳ್ಯಾಂನಿ ಝುಜ್ ಆನಿ ನಷ್ಟ್
ಹಾಂವಯ್ ಜಾಲೊಂ ಥೊಡೊ ರಾಗಾರ್
ಪಯ್ಸ್ ಗೆಲೆ ಮ್ಹಜೆ ಈಷ್ಟ್
ಝಗಡ್ತಾ ಮನೀಸ್ ಪುಜಾಂವ್ಕ್ ಆಸ್ತ್
ಭಲಾಯ್ಕಿ ಭಿಗ್ಡೊನ್ ಜಾತಾ ಅಸ್ವಸ್ಥ್
ಭುರ್ಗ್ಯಾಂಕ್ ಝಗ್ಡೊಂಕ್ ನಾಕಾ ಕಾರಣ್
ರಾಜಿ ಆಮಿ ಎಕೆಚ್ ಘಡ್ಯೆನ್
ಮೊಗಾಳ್ ಇಷ್ಟಾ ದವರ್ ಮತಿಂ
ಜಿಯೆಂವ್ಕ್ ಜಾಯ್ ಆಮ್ಕಾಂ ಶಾಂತಿ
ಜಿಕ್ತಲ್ಯಾಂವ್ ಆಮಿ ನವೆ ಈಷ್ಟ್
ಸಾಂಗಾತ್ ದೀಂವ್ಕ್ ಯೆತಾನಾ ಕಷ್ಟ್
-ಓಸ್ಟಿನ್ ಡಿಕುನ್ಹಾ, ಸವಿ ಕ್ಲಾಸ್
ಲೂರ್ಡ್ಸ್ ಸೆಂಟ್ರಲ್ ಸ್ಕೂಲ್, ಇಜಯ್
संपादकीय:
शांतेचो संदेश दिंवची ऑस्टीनाची कविता
देवाधीन चारल्स आनी तेरेजा रोड्रिगस स्मारक सातव्या अखिल भारत कोंकणी कविता बरोंवचे सर्तेंत दुसरें इनाम जोडल्ली कविता हांगासर दिल्या. मंगळूर बिजैच्या ऑस्टीन डिकुन्हान शांतिविशीं ही कविता बरयल्या.
पयलो कडवो एकदम आपुरबायेचो. शांती आसल्यार मात्र उदकांतले मासळेपरीं आमी नाचोन उडोन खेळ्येत म्हणचें चिंतप सुंदर. एक आपुरबायेचें रूपक हांगा आसा. मासळ्यो सुखान जियेतात म्हळ्ळे चिंतपय आसा. दूसऱ्या कडव्यांत शांती आपणांवचे खातीर मनशान ग्रेस्त जायजाय म्हण ना म्हळ्ळें चिंतप आसा तर तिसरयांत, स्वता आपणें शांती कशी होगडायली म्हळ्ळें तो सांगता. चोवत्यांत, ल्हान भुर्गीं शांतिचें प्रतीक म्हळ्ळें सांगोंक तो पाटीं सरना तर, निमाण्यांत शांती खातीर ताणे हेरांक दिंवचो संदेश आसा.
एक कविता कशी रच्येत, पांवड्यां पांवड्यांत कशी वागोवन व्हर्येत म्हळ्ळ्याक सवेंत शिकच्या ऑस्टिनाची ही कविता गोवाय.
-मेल्विन रोड्रीगस
कविता:
शांती
शांती दिता आमकां संतोस उल्लास
दर्याच्या शांत ल्हारांपरीं
नाचोन उडोन खेळ्येत आमी
उदकांत खेळचे मासळेपरीं
ग्रेस्त मनीस निदना रातीं
ना तर समाधान मतीं
पांगरूंक नातल्यारी ल्हान लुगट
दुबळ्याक पडता नीद आपूट
सदां आमी वाचतांव खबर
सगळ्यांनी झूज आनी नष्ट
हांवय जालों थोडो रागार
पयस गेले म्हजे ईष्ट
झगडता मनीस पुजावंक आस्त
भलायकी भिगडोन जाता अस्वस्थ
भुरग्यांक झगडोंक नाका कारण
राजी आमी एकेच घड्येन
मोगाळ इष्टा दवर मतीं
जियेवंक जाय आमकां शांती
जिकतल्यांव आमी नवे ईष्ट
सांगात दीवंक येताना कष्ट
-ऑस्टीन डिकुन्हा, सवी क्लास
लूर्ड्स सेंट्रल स्कूल, इजय