ರೂಕ್ ಆನಿ ಕಾಟೆಂ

ಎಕಾ ರುಕಾಚೆಂ ಸ್ವಗತ್ ಹ್ಯೆ ಕವಿತೆಂತ್ ಆಸಾ. ರುಕಾಕ್ ಮನ್ಶಾರೂಪ್ ದೀವ್ನ್ ಸ್ವತಾ ಕವಿ ಹಾಂಗಾಸರ್ ಉಲಯ್ತಾ. ರೂಕ್ ಸತ್ರಿ ಕಶೆಂ ಮನ್ಶಾಕ್ ವೊತಾ ಥಾವ್ನ್ ಸಾವ್ಳಿ ದಿತಾ ಮ್ಹಣೊನ್ ಸಾಂಗ್ತಾನಾ, ಮನ್ಶಾಚ್ಯಾ ದಿಸ್ಪಡ್ತ್ಯಾ ಜಿವಿತಾಂತ್ ಕಾಂಯ್ ಕಿತೆಂಚ್ ಉಲಯ್ನಾಸ್ತಾಂ ರೂಕ್ ಕಸೊ ಮಜತ್ ಕರ‍್ತಾ ಮ್ಹಳ್ಳೆವಿಶಿಂ ಹಿ ಕವಿತಾ ಉಲಯ್ತಾ.

ನವೀನ್ ಕುಲ್ಶೇಕರಾನ್ ಪಯ್ಲೆ ಪಾವ್ಟಿಂ ಕವಿತಾ ಕುಳಾರಾಕ್ ಪ್ರವೇಶ್ ಘೆಂವ್ಚೊ. ಕೊಂಕಣಿಚ್ಯಾ ಹರ‍್ಯೆಕ್ ಕಾರ್ಯಾಂನಿ ವ್ಹರ್ತೆ ಹುಮೆದಿನ್ ಭಾಗ್ ಘೆಂವ್ಚೊ ನವೀನ್, ಮಟ್ವ್ಯಾ ಕಾಣಿಯೊಂ, ತಶೆಂ ಲಾಂಬ್ ದೀಗ್ ಕಥಾ ಬರೊಂವ್ಚ್ಯಾಂತ್ ಚಡಿತ್ ಧ್ಯಾನ್ ದೀವ್ನ್ ಆಸಾ.

-ಮೆಲ್ವಿನ್ ರೊಡ್ರಿಗಸ್

ಕವಿತಾ:

ರೂಕ್ ಆನಿ ಕಾಟೆಂ

ರಾಜ್ ರಸ್ತ್ಯಾಚ್ಯೆ ದೆಗೆರ್ ಆಸಾ
ಏಕ್ ವ್ಹಡ್ ಕಾಟೆಂ ಸೊಭಿತ್
ತ್ಯಾ ಕಾಟ್ಯಾಚ್ಯಾ ಮದ್ಗಾತ್ ಭಾವಾ
ಹಾಂವ್ ಆಸಾಂ ಉಬೊ.

ಚವ್ಕಟ್ ಕಾಟೆಂ ಬರೆಂ ಸಜಯ್ಲಾಂ
ಶಿಮೆಟಿಚ್ಯೆ ಸಾರೊಣೆನ್
ಪಾಚ್ವ್ಯಾ ರಂಗಾನ್ ನೆಟಯ್ಲಾಂ
ಹೆಂ ಪಳೆವ್ನ್ ಹಾಂವ್ ದಾಧೊಶಿ ಜಾಲಾಂ

ಹಾಂವ್ ಜಾವ್ನಾಸಾಂ ಏಕ್ ರೂಕ್
ಪೆಂಕಾಡ್ ಮ್ಹಜೆಂ ದಾಟೆಂ ಮೊಟೆಂ
ಫಾಂಟೆ, ತಾಳಿಯೊ, ಖೊಲೆ, ಸತ್ರಿ ಕಶೆಂ
ಹಜಾರೊಂ ಪ್ರವಾಸಿಂಕ್ ಸಾವ್ಳೆ ಆಸ್ರೊ ಜಾಲಾಂ.

ಮ್ಹಜ್ಯಾ ಮುಕ್ಲ್ಯಾ ರಸ್ತ್ಯಾರ್
ಧಾಂವ್ತಾತ್ ಲ್ಹಾನ್ ವ್ಹಡ್ ವಾಹನಾಂ
ಮ್ಹಜ್ಯಾ ಕಾಟ್ಯಾಲಾಗಿಂ ರಾವ್ತಾತ್
ಲೊಕಾಕ್ ವ್ಹರ್ಚಿಂ ಸಿಟಿ ಬಸ್ಸಾಂ

ಜ್ಯೋರ್ ಪಾವ್ಸಾಕ್ ಹಾಂವ್ ಜಾತಾಂ ಸತ್ರಿ
ಕಠಿಣ್ ವೊತಾಕ್ ದಿತಾಂ ಸಾವ್ಳಿ
ಏಕ್ ಘಡಿ ತರೀ ತುಂ ಬಸ್ಶಿ
ಖಂಡಿತ್ ಪುರಾಸಾಣ್ ತುಜಿ ಪಯ್ಸ್ ಜಾತಲಿ.

-ನವೀನ್ ಕುಲ್ಶೇಕರ್

संपादकीय:

एका रुकाचें स्वगत ह्ये कवितेंत आसा. रुकाक मनशारूप दीवन स्वता कवी हांगासर उलयता. रूक सत्री कशें मनशाक वोता थावन सावळी दिता म्हणोन सांगताना, मनशाच्या दिसपडत्या जिवितांत कांय कितेंच उलयनासतां रूक कसो मजत करता म्हळ्ळेविशीं ही कविता उलयता.

नवीन कुलशेकरान पयले पावटीं कविता कुळाराक प्रवेश घेंवचो. कोंकणीच्या हरयेक कार्यांनी व्हरते हुमेदीन भाग घेंवचो नवीन, मटव्यो काणियों, तशें लांब दीग कथा बरोंवच्यांत चडीत ध्यान दीवन आसा.

-मेल्विन रोड्रीगस

कविता:

राज रसत्याच्ये देगेर आसा
एक व्हड काटें सोभीत
त्या काट्याच्या मदगात भावा
हांव आसां उबो.

हांव जावनासां एक रूक
पेंकाड म्हजें दाटें मोटें
फांटे, ताळियो, खोले, सत्री कशें
हजारों प्रवासींक सावळे आसरो जालां.

ज्योर पावसाक हांव जातां सत्री
कठीण वोताक दितां सावळी
एक घडी तरी तूं बसशी
खंडीत पुरासाण तुजी पयस जातली.

-नवीन कुलशेकर