ಕವಿತಾ:
ತೆಂ ದೂಕ್ ಏಕ್ ಥೆಂಬೊ
ನಾ ಶಾಸ್ತ್ರ್, ನಾ ರಿವಾಜ್ ನಾ, ಕಸಲೊಚ್ ಆವಾಜ್
ನಾ ಆವಯ್, ನಾ ಬಾಪಯ್, ನಾ ಕೊಣ್‌ಚ್ ಗವಾಯ್
ತರ್ ತೆಂ ಕಶೆಂ ಜಲ್ಮಲೆಂ?
ಸಂಸಾರಾಕ್ ಸಾಕ್ಸ್ ದಿಂವ್ಚೆ ಆದಿಂ
ಪೊಲ್ಯಾರ್‌ಚ್ ಕಶೆಂ ತೆಂ ಮಾಜ್ವಾಲೆಂ?
ತೆಂ ದೂಕ್ ಏಕ್ ಥೆಂಬೊ,
ಥೆಂಬೊ,
ಥೆಂಬೊ ಥೆಂಬೊ,
ಥೆಂಬೊ,
ಥೆಂಬೊ ಥೆಂಬೊ
ದೊಳ್ಯಾಂ ಖಾಂಚಿಂನಿ ಫುಟೊನ್ ಪರತ್ ಜಲ್ಮಲೆಂ
ತೆಚ್ ವಾಟೆರ್ ಫುಡೆಂ ಪರ್‍ತ್ಯಾನ್ ಉದೆತಲೆಂ
ಕೊಣ್‌ಚ್ ನೆಣಾ ಯೆಣೆಂ ಕೆದ್ನಾ, ತೆಂ ಕೊಣಾಗೆಲೆಂ
ಆಯ್ಲೆ ಆಯ್ಲೆ ಆಯ್ಲೆ ಆಯ್ಲೆ ಆಪ್ಲೆಂ ಚಿಂತುನ್ ಮುಕ್ಲೆಂ ಫಾಲೆಂ
ತೆಂ ದೂಕ್ ಏಕ್ ಥೆಂಬೊ,
ಥೆಂಬೊ,
ಥೆಂಬೊ ಥೆಂಬೊ,
ಥೆಂಬೊ,
ಥೆಂಬೊ ಥೆಂಬೊ
ಆಧಾರ್ ನಾಸ್ತಾಂ ಜಾಲಿಂ ಅನಾಥ್‌ಪಣಿ
ಉಪಾವ್ ನಾಸ್ತಾಂ ರಾವ್ಲಿಂ ಮೌನ್‌ಪಣಿ
ಸಾಂಗೊಂಕ್ ಕಳ್ಳೆಂನಾ ಥೊಡ್ಯಾಂಕ್ ಆಪ್ಲಿ ಜಿಣಿ
ಥೊಡ್ಯಾಂಚಿ ಜಿಣಿ ಏಕ್ ನೀಜ್ ಕಾಣಿ
ದೂಕ್-ದುಕಾಂನಿ ಸೊಭಿತ್ ದೊಳ್ಯಾಂನಿ
ವೊಂಪ್ತಾಲಿಂ ತಿಂ ಜಾಯ್ತ್ಯಾ ನಮುನ್ಯಾಂನಿ
ಸಂಸಾರಾಕ್ ಸಾಕ್ಸ್ ದಿಂವ್ಚೆ ಆದಿಂ
ಪೊಲ್ಯಾರ್‌ಚ್ ಕಿತ್ಯಾಕ್ ತಿಂ ಮಾಜ್ವಾಲಿಂ?
ತಿಂ ದುಕಾಂ ಥೆಂಬೆ,
ಥೆಂಬೆ,
ಥೆಂಬೆ ಥೆಂಬೆ,
ಥೆಂಬೆ,
ಥೆಂಬೆ ಥೆಂಬೆ,
ಪೆಲ್ಯಾಚೆಂ ದೂಕ್ ತುಜ್ಯಾ ಮನಾಂತ್ ಜಿರಯ್
ಕಿರ್ಲೊನ್ ಭಿಂ ವಾಡೊಂ, ವಾರೆಂ ಮೊಗಾಚೆಂ ವ್ಹಾಳಯ್
ತೆದ್ನಾಂ ಹಾಸ್ತಲಿಂ ದುಕಾಂ ಲಾಬೊನ್ ದಾಧೊಸ್ಕಾಯ್
ಜೆದ್ನಾಂ ಜಾತಾನಾ ತುಂ
ಪರ್ಕ್ಯಾ ದುಕಾಂಚಿ ಪೊಸ್ಕಿ ಆವಯ್ ಯಾ ಬಾಪಯ್
ತೆಂ ದೂಕ್ ಏಕ್ ಥೆಂಬೊ,
ಥೆಂಬೊ,
ಥೆಂಬೊ ಥೆಂಬೊ,
ಥೆಂಬೊ,
ಥೆಂಬೊ ಥೆಂಬೊ
-ಆರ್ಥರ್ ಪಿರೇರಾ, ಒಮ್ಜೂರ್
(ಸಪ್ಟೆಂಬರ್ 30, 2005 ತಾರಿಕೆರ್ ದುಬಾಯಿಂತ್ ಕವಿತಾ ಟ್ರಸ್ಟಾನ್ ಚಲಯಿಲ್ಲ್ಯಾ ಕವಿತಾ ಗೋಷ್ಟಿಂತ್ ಧಿರಾಮ್ ದೊನ್ಶಿಂ ಇನಾಮ್ ಜೊಡ್‌ಲ್ಲಿ ಕವಿತಾ)