ಸಂಪಾದಕೀಯ್:
ಆಪ್ಣಾಚೆಂ ಜಿವಿತ್ ಹೆರಾಂಚೆ ಮುಟಿಂತ್
ಜಿವಿತಾಚೊ ಶೆವೊಟ್ ಕಶೆಂ ಕಶೆಂ ಕೆಲ್ಯಾರಿ ಪಾವೊಂಕ್ ಸಕನಾತಲ್ಲ್ಯಾಚೆ ಕಳ್ವಳೆ ಆನಿ ತ್ಯಾ ಕಳ್ವಳ್ಯಾಂಚ್ಯಾ ಪೊಂತಾರ್ ಆಪ್ಣಾಕಚ್ ಸಮಾಧಾನ್ ಕರ್‍ನ್ ಘೆಂವ್ಚೆಂ ಉದಾರಿ ಕಾಳೀಜ್ ಹೆ ಕವಿತೆಂತ್ ಉಟೊನ್ ದಿಸ್ತಾ.
ಮ್ಹಜೆ ಜಿವಿತ್ ಮ್ಹಜೆ ಮುಟಿಂತ್ ನಾಸ್ತಾನಾ ಹೆರಾಂಚ್ಯಾ ಹಾತಾಂತ್ ಖೆಳ್ತಾ ಜಾಲ್ಯಾರ್ ಹಾಕಾ ಕಿತೆಂ ಮ್ಹಣ್ಚೆಂ?
-ಮೆಲ್ವಿನ್ ರೊಡ್ರಿಗಸ್
ಗುಲೊಬ್
ಖೂಬ್ ಆಶೆತಾಂ ಆನಿ ಲಾಲೆತಾಂ
ಜಿಯೆವ್ನ್ ಸೊಭೊಂಕ್
ಪುಣ್ ಪುಜಾರಿನ್ ಬಲಿ ಜಾವ್ನ್
ಮ್ಹಾಕಾಚ್ ರಚ್ಲಲ್ಯಾ ದೆವಾಕ್ ದಿಲೊ!
ಜಾಯ್ ಮ್ಹಾಕಾ ನಾಚುಂಕ್, ಗಾಂವ್ಕ್
ಹಾಲೊಂಕ್, ಧಲೊಂಕ್
ಪುಣ್ ಸ್ವಾರ್ಥಿ ಚೇಲಾಂನಿ
ಮುಖೆಲಿಚ್ಯಾ ಗಳ್ಯಾಕ್ ಬಾಂದ್ಲೊ!
ಮ್ಹಜ್ಯಾ ಫುಲಾಂಚ್ಯಾ ಸಂಸಾರಾಂತ್
ರಾಜ್ ಕರುಂಕ್ ಚಡ್ಪಡ್ತಾಂ
ಪುಣ್ ಪ್ರೇಮಿಕಾಂ
ಹುಮ್ಟುನ್ ವಾಂಟ್ತಾತ್!
ಕಾಂಟ್ಯಾಂನಿ ಕುಡಿಕ್ ಬಾಂದುನ್
ರಾಕೊಂಕ್ ಚಿಂತ್ತಾಂ
ಪುಣ್ ಸ್ವಾರ್ಥಿ ಲೋಕ್
ಬುಕ್ಕೊ ಸಜಯ್ತಾತ್!
ಮ್ಹಜಿ ಜಿಣಿ ಜಿಯೆವ್ನ್ ಹೆರಾಂಕ್
ಬಲಿದಾನ್ ಕರ್‍ತಾಂ
ಮ್ಹಾಕಾಚ್ ಹೆರಾಂನಿ ನ್ಹೆಸ್ಚೆಂ ಪಳೆವ್ನ್
ದೆವಾಕ್ ಅರ್ಗಾಂ ದಿತಾಂ!
-ಉಬ್ಬ ಮೂಡಬಿದ್ರಿ
संपादकीय:
आपणाचें जिवित हेरांचे मुटींत
जिविताचो शेवोट कशें कशें केल्यारी पावोंक सकनातल्ल्याचे कळवळे आनी त्या कळवळ्यांच्या पोंतार आपणाकच समाधान कर्न घेंवचें उदारी काळीज हे कवितेंत उटोन दिस्ता.
म्हजे जिवित म्हजे मुटींत नासताना हेरांच्या हातांत खेळता जाल्यार हाका कितें म्हणचें?
-मेल्विन रोड्रीगस
गुलोब
खूब आशेतां आनी लालेतां
जियेवन सोभोंक
पुण पुजारीन बली जावन
म्हाकाच रचलल्या देवाक
जाय म्हाका नाचूंक, गावंक
हालोंक, धलोंक
पुण स्वार्थी चेलांनी
मुखेलिच्या गळ्याक
म्हज्या फुलांच्या संसारांत
राज करूंक चडपडतां
पुण प्रेमिकां
हुमटून वांटतात.
कांट्यांनी कुडीक बांदून
राकोंक चिंततां
पुण स्वार्थी लोक
बुक्को सजयतात.
म्हजी जिणी जियेवन हेरांक
बलिदान करतां
म्हाकाच हेरांनी न्हेसचें पळेवन
देवाक अर्गां
-उब्ब मूडबिद्री