ಕವಿತಾ:
ಆಶಾ
ಅಶೆನಾಕಾ ಕಾಳ್ಜಾಕ್ ಮೊಗಾ, ಮೊಗಾಕ್ ಗಿರಾಯ್ಕ್ ಆಸತ್
ಖರ್ಶೆನಾಕಾ ಫಾಂತ್ಯಾಪಾರಾರ್, ದಿಸಾಕ್ ಕಾಳೊಕ್ ದಿಸತ್
ಆಶೆನಾಕಾ ರಾಯ್‍ದಿವ್ಯಾಕ್, ಪಣ್ತ್ಯೊ ಲ್ಹಾನ್ ಆಸತ್
ಖರ್ಶೆನಾಕಾ ತೆಲಾಂ ವೊತ್ತಾಂ ಹಾತ್ ಮೊವಾಳ್ ಲಾಸತ್
ಆಶೆನಾಕಾ ಚಂದ್ರಾಕ್ ಮೊಗಾ, ನವ್ರೆ ಸಬಾರ್ ಆಸಾತ್
ಖರ್ಶೆನಾಕಾ ಸುರ್ವಾತ್ ಕರ್ತಾಂ ಶೆವ್ಟಿಂ ಆಶಾ ಬಸತ್
ಆಶೆನಾಕಾ ಸಾಗರಾಕ್ ಮೊಗಾ, ವ್ಹಾಳ್ ಲಾಗಿಂ ಆಸತ್
ಖರ್ಶೆನಾಕಾ ಖಾರ್ಯಾ ಲ್ಹಾರಾರ್ ಆಶಾ ವೆಗಿಂ ಪುಸತ್
ಆಶೆನಾಕಾ ಮೊತ್ಯಾಂಕ್ ಮೊಗಾ, ಕರ್ಲಾಂ ಸಬಾರ್ ಆಸಾತ್
ಖರ್ಶೆನಾಕಾ ದರ್ಯಾಥಳಾಂತ್ ದರ್ಯಾತೊಂಡ್ ಉಸತ್
ಆಶೆನಾಕಾ ಕಾಳ್ಜಾಕ್ ಮೊಗಾ, ವೋಂಟ್ ವೊಗೊ ಲಾಸತ್
ಖರ್ಶೆನಾಕಾ ಖಾಡ್ಕೆಖಾಲಾ ಕಾಳೀಜ್ ಲೆಗುನ್ ಭೆಂಸತ್
-ಚಾ.ಫ್ರಾ. ದೆಕೊಸ್ತಾ