ಕವಿತಾ:
ನತಾಲಾಂಚಿ ಭೆಟ್
ಹಾಂವ್ ತಿತ್ಲೊ ಸಿರಿವಂತ್ ನ್ಹಯ್
ಭಾಂಗಾರ್ ಶಿಂಗಾರ್ ನೆಟಂವ್ಕ್
ಹಾಂವ್ ತಿತ್ಲೊ ಪುಣೆವಂತ್ ನ್ಹಯ್
ಧುಂಪಾ ಧುಂವರ್ ಪೆಟಂವ್ಕ್
ಹಾಂವ್ ತಿತ್ಲೊ ಭಾಗೆವಂತ್ ನ್ಹಯ್
ರಗ್ತಾಬಳಾಂ ಭೆಟಂವ್ಕ್
ಹಾಂವ್ ತಿತ್ಲೊ ಬುದ್‍ವಂತ್ ನ್ಹಯ್
ನೆಕೆತಾಂ ಮಾಳಾ ಆಟಂವ್ಕ್
ಹಾಂಗಾ ಆಮಿ ರುತಾ ಕೆಲ್ಯಾತ್
ಸೊಭಾಗೆಚ್ಯೊ ವೊಳಿ
ರಂಗಾರಂಗಾಳ್ ಗುಲೊಬಾಂಚ್ಯೊ
ತಾಂತುಂ ಸಾದಿ ಭೊಳಿ
ತರ್ನಿ ತಾಳಿ ತರ್ನೊ ಬೊಂಗೊ
ಮೆಳುನ್ ಕಾಂಟೆ ಪಾನಾಂ
ವರ್ಣಿನಾಸ್ತಾಂ ಮೊನ್ಯಾನ್ ಗುಂತುಂಕ್
ಉರ್ಬೆತಾತಿ ಮನಾಂ.
ಹಾಸ್ ಭಾಗಿ ನತ್ಲಾವೆಳಿಂ
ಕಾಯ್ದೊ ಮೊಗಾನ್ ಪಾಳುಂ
ಹಾಸ್, ಮೊಗಾ, ಕೊಂಕಣ್ ಬಾಳೆ
ತರ್ನೊ ಬೊಂಗೊ ಮಾಳುಂ
-ಚಾ.ಫ್ರಾ.ದೆಕೊಸ್ತಾ