ವಿನ್ಸಿ ಪಿಂಟೊ ಅಧ್ಯಕ್ಷಪಣಾಚೆ ಪಾವ್ಸಾಡೆಚೆ ಕವಿಗೋಷ್ಟಿಂತ್ ಕವಿತೆಂಚೊ ಜಬರ್‌ದಸ್ತ್ ಪಾವ್ಸ್

ವಿನ್ಸಿ ಪಿಂಟೊ ಅಧ್ಯಕ್ಷಪಣಾಚೆ ಪಾವ್ಸಾಡೆಚೆ ಕವಿಗೋಷ್ಟಿಂತ್ ಕವಿತೆಂಚೊ ಜಬರ್‌ದಸ್ತ್ ಪಾವ್ಸ್

ಕವಿತಾ ಟ್ರಸ್ಟಾ ತರ್ಫೆನ್ ಹ್ಯಾ ವರ್ಸಾಚಿ ಪಾವ್ಸಾಡೆಚಿ ಕವಿಗೋಷ್ಟಿ ಟ್ರಸ್ಟಿ ವಿಲಿಯಮ್ ಪಾಯ್ಸಾಚ್ಯಾ ಘರಾ ಹ್ಯಾಚ್ ಆಗೋಸ್ತ್ ಮ್ಹಯ್ನ್ಯಾಚೆ 11 ತಾರಿಕೆರ್ ಚಲ್ಲಿ. ಕವಿ ವಿನ್ಸಿ ಪಿಂಟೊ, ಆಂಜೆಲೊರ್ ಹಾಣೆಂ ಅಧ್ಯಕ್ಷಪಣ್ ಘೆತಲ್ಲೆಂ.

ಆಪ್ಲ್ಯಾ ಉಲೊವ್ಪಾಂತ್ ಕವಿ ಆನಿ ಕವಿತಾ ಮಧ್ಲೊ ಸಂಬಂಧ್ ಕಸೊ ಆಸ್ತಾ ಮ್ಹಣೊನ್ ಉಲ್ಲೇಕ್ ಕೆಲ್ಲ್ಯಾ ವಿನ್ಸಿನ್, ಕವಿಂನಿ ಬರೊಂವ್ಕ್ ಜಾಯ್ನಾ ಮ್ಹಳ್ಳಿ ಆಳ್ಸಾಯ್ ಉಚಾರ್‍ಚೆಂ ಸದಾಂಚೆಂ ಜಾಲಾಂ ಮ್ಹಳ್ಳೊ ಅಪ್ವಾದ್ ಕವಿಂಚೆರ್ ಮಾಂಡ್ಲೊ. ಕವಿ ಅಶೋಕ್ ವಾಜಪೇಯಿನ್ ಆಯ್ಲೆವಾರ್ ಕವಿತಾ ಟ್ರಸ್ಟಾನ್ ಮಾಂಡುನ್ ಹಾಡಲ್ಲ್ಯಾ ಉಪನ್ಯಾಸಾ ಸಂದರ್ಭಿಂ `ಮನ್ಶಾಕ್ ಆಯ್ಚ್ಯಾ ಸಂಸಾರಾಂತ್ ಚಿಂತುಂಕ್ ಆವ್ಕಾಸ್‌ಚ್ ನಾ ಜಾಲಾ' ಮ್ಹಳ್ಳ್ಯಾ ಉತ್ರಾಂಕ್ ಆನಿ ಹೆ ಆಳ್ಸಾಯೆಕ್ ವಿನ್ಸಿ ಪಿಂಟೊ ಸಂಬಂಧ್ ಜೊಡುನ್ ಉಲಯ್ಲೊ.

ವಾಚ್ಪ್ಯಾಂಚೆ ಮತಿಂತ್ ಸದಾಂ ಉಡಾಸಾಂತ್ ಉರ್‍ಚೆ ತಸಲ್ಯೊ ಕವಿತಾ ಕವಿಂನಿ ಬರಯ್ಜಾಯ್ ಮ್ಹಣೊನ್ ಸಾಂಗಲ್ಲ್ಯಾ ವಿನ್ಸಿನ್ ಆಪ್ಲ್ಯಾ ಉಲೊವ್ಪಾ ಮಧೆಂ ಸ್ವತಾಚಿಂ ಜಾಯ್ತಿಂ ಚುಟ್ಕುಲಾಂ ಸಾಂಗ್ಲಿಂ.

ಕವಿಗೋಶ್ಟಿಚೆ ಸುರ್‍ವೆರ್ ಘರ್‍ಚೊ ಯೆಜ್ಮಾನಿ ತಶೆಂ ಟ್ರಸ್ಟಿ ವಿಲಿಯಮ್ ಪಾಯ್ಸಾನ್ ಸರ್‍ವಾಂಕ್ ಯೆವ್ಕಾರ್ ದಿಲೊ ಜಾಲ್ಯಾರ್, ಟ್ರಸ್ಟಾಚೊ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಕವಿತಾ ಟ್ರಸ್ಟಾಚಿಂ ಕಾಮಾಂ ವಿವರುನ್ ಸಾಂಗ್ಲಿಂ. ಹೆ ಕವಿಗೋಷ್ಟಿಕ್ ಸಾವ್ದಿ ಅರೇಬಿಯಾ ಥಾವ್ನ್ ಪಾವಲ್ಲ್ಯಾ ಅರುಣ್ ಪಲಿಮಾರ್ ಆನಿ ಜಾಯ್ತಿಂ ವರ್ಸಾಂ ವಿದೇಶಾಂತ್ ಆಸೊನ್ ಆತಾಂ ಗಾಂವಾಂತ್ ಆಸ್ಚ್ಯಾ ಆಂಜೆಲೊರ್‍ಚ್ಯಾ ಜಯಂತ್ ಹಾಕಾ ಮೆಲ್ವಿನಾನ್ ಬರೆಂ ಮಾಗ್ಲೆಂ. ಆಕಾರ್ ಸಂಸ್ಥ್ಯಾಚೊ ದಯಾ ವಿಕ್ಟರ್ ಲೋಬೊ, ಟ್ರಸ್ಟಿ ಎವ್ರೆಲ್ ರೊಡ್ರಿಗಸ್ ಹಾಜರ್ ಆಸಲ್ಲಿಂ.

ಮನು ಬಾಹ್ರೇನಾನ್ ಪ್ರಕೃತಿಕ್ ಸಂಬಂಧ್ ಜಾಲ್ಲ್ಯೊ `ಸಾತೆನ್ಯಾಚ್ಯಾ ರುಕಾಚೆಂ ರಡ್ಣೆಂ' ಆನಿ `ವನಮಹೋತ್ಸವ್' ಕವಿತಾ ವಾಚ್ಲ್ಯೊ ಜಾಲ್ಯಾರ್, ಎಂಡ್ರ್ಯೂ ಎಲ್ ಡಿಕುನ್ಹಾನ್ ಮನ್ಶಾಂ ಆನಿ ಮೊನ್ಜಾತಿಂ ಮಧ್ಲೊ ಸಂವಾದ್ ಕಸೊ ಆಸಲ್ಲಿ `ವಡಾ ರುಕಾಮುಳಾಂತ್' ಆನಿ `ಚೊವ್ದಾವೆ ಮಾಳಿಯೆರ್ ರಿಗಲ್ಲೆಂ ಸುಕ್ಣೆಂ' ಕವಿತಾ ವಾಚ್ಲ್ಯೊ. ಗ್ಲೇಡಿಸ್ ರೇಗೊನ್ `ಹಾಂವ್ ಶಿಖರಾಚಿ ತುದಿ ಜಾಲಿಂ' ಆನಿ `ಸುತಾ ಪೊಂತ್' ಕವಿತಾ ವಾಚ್ಲ್ಯೊ ತರ್, ಎಡ್ಡಿ ಸಿಕೆರಿನ್ `ಮೋಗ್ ಮ್ಹಳ್ಯಾರ್ ಕಿತೆಂ?' ಆನಿ `ಸಿಗ್ರೆಟಿ' ಕವಿತಾ ಸಾದರ್ ಕೆಲ್ಯೊ. ವಿಲ್ಸನ್ ಕಟೀಲಾನ್ `ಪ್ಲೀಜ್ ನೋಟ್ ದಿಸ್' ಕವಿತೆಂತ್ ಚಿಲ್ಲರ್ ಕಾಮೆಲಿ ಆನಿ ನೋಟ್ ಧನಿಯಾಂ ಮಧ್ಲೆಂ ಖಂದಕ್ ದೊಳ್ಯಾಂ ಮುಕಾರ್ ಹಾಡ್ಲೆಂ ತರ್, ಮೆಲ್ವಿನ್ ರೊಡ್ರಿಗಸಾನ್ `ಪಾಖೊ ಆನಿ ಈಂದ್' ಪ್ರಕೃತಿಚ್ಯಾ ವಿಕೋಪಾಕ್ ಸಂಬಂಧ್ ಜಾಲ್ಲಿ ಕವಿತಾ ತಶೆಂ ಮೊಗಾಚಿ `ತುಂ ಆಸ್ಲ್ಯಾರ್ ಕಾಂಯಿಂಚ್ ಕಳನಾ' ಕವಿತಾ ವಾಚ್ಲ್ಯೊ ಆನಿ ಆಯ್ಲೆವಾರ್‍ಚಿ `ಸೂಂಬೆ' ಕವಿತಾ ಪೇಶ್ ಕೆಲಿ. ಎಚ್ಚೆಮ್ ಪೆರ್ನಾಳಾನ್ ಹೆ ಸೂಂಬೆ ಕವಿತೆಚೊ ಮುಕ್ಲೊ ಭಾಗ್ ಜಾವ್ನಾಸ್ಚಿ ಸುಂದರ್ ಕವಿತಾ ವಾಚ್ಲಿ ಜಾಲ್ಯಾರ್ ವಿನ್ಸಿ ಪಿಂಟೊನ್ `ಭಾಂಗಾರ್ ಬಾಯ್ಲ್' ಕವಿತಾ ವಾಚುನ್ ಸಾಂಗ್ಲಿ.

ಹ್ಯಾ ನಂತರ್ 2012 ವರ್ಸಾ ಕವಿತಾ ಟ್ರಸ್ಟಾನ್ ಮಾಂಡುನ್ ಹಾಡಲ್ಲ್ಯಾ ಉಪನ್ಯಾಸಾ ಸಂದರ್ಭಾರ್ ಕವಿ ಗುಲ್ಝಾರಾನ್ ಉಲಯಿಲ್ಲೆಂ ಉಲೊವ್ಪ್ ಸರ್ವಾಂನಿ ವೀಡಿಯೊದ್ವಾರಿಂ ಆಯ್ಕಾಲೆಂ.

ಮೆಲ್ವಿನ್ ರೊಡ್ರಿಗಸಾನ್ ಧನ್ಯವಾದ್ ದಿಲೆ.

-ತಸ್ವೀರ್ ಕುರ್ಪಾ: ಎಡ್ಡಿ ಸಿಕೇರ್

विन्सी पिंटो अध्यक्षपणाचे पावसाडेचे कविगोषटिंत कवितेंचो जबर‌दसत पावस

आपल्या उलोवपांत कवी आनी कविता मधलो संबंध कसो आसता म्हणोन उल्लेक केल्ल्या विन्सीन, कविंनी बरोवंक जायना म्हळ्ळी आळसाय उचार‍चें सदांचें जालां म्हळ्ळो अपवाद कविंचेर मांडलो. कवी अशोक वाजपेयीन आयलेवार कविता ट्रसटान मांडून हाडल्ल्या उपन्यासा संदर्भीं `मनशाक आयच्या संसारांत चिंतुंक आवकास‌च ना जाला' म्हळ्ळ्या उत्रांक आनी हे आळसायेक विन्सी पिंटो संबंध जोडून उलयलो.

मनू बाह्रेनान प्रकृतीक संबंध जाल्ल्यो `सातेन्याच्या रुकाचें रडणें' आनी `वनमहोत्सव' कविता वाचल्यो जाल्यार, एंडऱ्यू एल डिकुन्हान मनशां आनी मोनजातीं मधलो संवाद कसो आसल्ली `वडा रुकामुळांत' आनी `चोवदावे माळियेर रिगल्लें सुकणें' कविता वाचल्यो. ग्लेडीस रेगोन `हांव शिखराची तुदी जालीं' आनी `सुता पोंत' कविता वाचल्यो तर, एड्डी सिकेरीन `मोग म्हळ्यार कितें?' आनी `सिग्रेटी' कविता सादर केल्यो. विल्सन कटीलान `प्लीज नोट दीस' कवितेंत चिल्लर कामेली आनी नोट धनियां मधलें खंदक दोळ्यां मुकार हाडलें तर, मेलवीन रोड्रिगसान `पाखो आनी ईंद' प्रकृतिच्या विकोपाक संबंध जाल्ली कविता तशें मोगाची `तूं आसल्यार कांयिंच कळना' कविता वाचल्यो आनी आयलेवार‍ची `सूंबे' कविता पेश केली. एच्चेम पेर्नाळान हे सूंबे कवितेचो मुकलो भाग जावनासची सुंदर कविता वाचली जाल्यार विन्सी पिंटोन `भांगार बायल' कविता वाचून सांगली.