ಅಖಿಲ್ ಭಾರತ್ ಕವಿತಾ ವಾಚನ್ ಸರ್ತ್: ಪಣಜಿ ಥಾವ್ನ್ ಸಾತ್ ಯುವಜಣಾಂ ಫೈನಲಾಕ್

ಕವಿತಾ ವಾಚನ್ ಸರ್ತ್: ಪಣಜಿ ಥಾವ್ನ್ ಸಾತ್ ಯುವಜಣಾಂ ಫೈನಲಾಕ್

ಕವಿತಾ ಟ್ರಸ್ಟ್ ಹಾಂಣಿ ಮಾಂಡುನ್ ಹಾಡಲ್ಲ್ಯಾ ರೋಹನ್ ಆನಿ ಲವೀಟಾ ಮೊಂತೇರೊ ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತೆಚ್ಯಾ ಪಣಜಿ ಪಾಂವ್ಡ್ಯಾಂತ್ ಸಾತ್ ಜಣಾಂ ಯುವಜಣಾಂ ಫೈನಲಾಕ್ ವಿಂಚುನ್ ಆಯ್ಲ್ಯಾಂತ್.

ಹ್ಯಾಚ್ ಸಪ್ಟೆಂಬರ್ 16 ತಾರಿಕೆರ್ ಪಣಜಿ ಟಿ. ಬಿ. ಕೂನ್ಹಾ ಸಭಾಸಾಲಾಂತ್, ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಂಚ್ಯಾ ಸಹಕಾರಾನ್ ಹೊ ಸ್ಪರ್ಧೊ ಚಲ್ಲೊ. ವೆವೆಗ್ಳ್ಯಾ ಕೊಲೆಜಿಂಚ್ಯಾ ಬತ್ತೀಸ್ ಯುವಜಣಾಂನಿ ಹಾಂತುಂ ವಾಂಟೊ ಘೆತಲ್ಲೊ.

ಸುರ್‍ವೆರ್ ಕೊಂಕಣಿ ಭಾಷಾ ಮಂಡಳಾಚೊ ಅಧ್ಯಕ್ಷ್ ಚೇತನ್ ಆಚಾರ್ಯ ಹಾಣೆಂ ಸರ್ವಾಂಕ್ ಯೆವ್ಕಾರ್ ಮಾಗ್ಲೊ. ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಸರ್ತೆಚಿಂ ನೆಮಾಂ ಸಾಂಗ್ಲಿಂ. ಹಿ ಸರ್ತ್ ಸವ್ಯಾ ವರ್ಸಾಂತ್ ಆಸುನ್, ಸುರ್‍ವಿಲಿಂ ದೋನ್ ವರ್ಸಾಂ ಸೊಡ್ಲ್ಯಾರ್ ಉಪ್ರಾಂತ್ಲ್ಯಾ ಚ್ಯಾರ್ ವರ್ಸಾಂನಿ ಭಾಷಾ ಮಂಡಳಾನ್ ದಿಲ್ಲ್ಯಾ ಸಹಕಾರಾಕ್ ಮೆಲ್ವಿನಾನ್ ಉಪ್ಕಾರ್ ಮಾಂದ್ಲೊ.

ವಿಲಿಯಮ್ ಪಾಯ್ಸ್, ಅನ್ವೇಷಾ ಸಿಂಗ್‌ಬಾಳ್ ತಶೆಂ ಕಿಶೂ ಬಾರ್ಕೂರ್ ವೊರಯ್ಣಾರ್ ಜಾವ್ನ್ ಆಸಲ್ಲೆ. ಎವ್ರೆಲ್ ರೊಡ್ರಿಗಸಾನ್ ಸಹಕಾರ್ ದಿಲ್ಲೊ.

ಫೈನಲಾಕ್ ವಿಂಚುನ್ ಆಯಿಲ್ಲ್ಯಾಂಚಿಂ ನಾಂವಾಂ ಹ್ಯೆಪರಿಂ ಆಸಾತ್:

1. ಪ್ರಾದ್ನ್ಯಾ ತಾರಿ, ವೊಳ್ವೊಯ್, ಪೊಂಡಾ
2. ಸುಪ್ರಿಯಾ ಕಾಣ್ಕೋಣ್ಕಾರ್, ಕೆಪೆಂ
3. ನಿಕಿತಾ ಲೋಟ್ಲಿಕಾರ್, ಫಾ. ಆಗ್ನೆಲ್ ಕೊಲೆಜ್, ಪಿಲಾರ್
4. ಸನೀಲಾ ಸಾಳ್ಗಾಂವ್ಕಾರ್, ಸೈಂಟ್ ಕ್ಸೇವಿಯರ್‍ಸ್, ಮಾಪುಸಾ
5. ಸುನೇತ್ರಾ ಕಾಮತ್, ಗೋವಾ ಕೊಲೆಜ್ ಒಫ್ ಫಾರ್ಮಸಿ, ಪಣಜಿ
6. ಸಾಯ್ಲಿ ಮಾಂದ್ರೆಕಾರ್, ಬಾರ್ದೆಜ್, ಪಣಜಿ
7. ಆನಿಶ್ಕಾ ವೆರ್ಣೆಕಾರ್, ಫಾ. ಆಗ್ನೆಲ್ ಕೊಲೆಜ್, ಪಿಲಾರ್

कविता वाचन सर्त: पणजी थावन सात युवजणां फैनलाक

कविता ट्रस्ट हांणी मांडून हाडल्ल्या रोहन आनी लवीटा मोंतेरो अखिल भारत कोंकणी कविता वाचन सर्तेच्या पणजी पांवड्यांत सात जणां युवजणां फैनलाक विंचून आयल्यांत.

ह्याच सप्टेंबर १६ तारिकेर पणजी टी. बी. कून्हा सभासालांत, कोंकणी भाषा मंडळ, गोंय हांच्या सहकारान हो स्पर्धो चल्लो. वेवेगळ्या कॉलेजिंच्या बत्तीस युवजणांनी हांतूं वांटो घेतल्लो.

सुरवेर कोंकणी भाषा मंडळाचो अध्यक्ष चेतन आचाऱ्या हाणें सर्वांक येवकार मागलो. कविता ट्रस्ट अध्यक्ष मेल्विन रोड्रिगसान सर्तेचीं नेमां सांगलीं. ही सर्त सव्या वर्सांत आसून, सुरविलीं दोन वर्सां सोडल्यार उपरांतल्या च्यार वर्सांनी भाषा मंडळान दिल्ल्या सहकाराक मेल्विनान उपकार मांदलो.

विलियम पायस, अन्वेषा सिंगबाळ तशें किशू बार्कूर वोरयणार जावन आसल्ले. एवरेल रोड्रिगसान सहकार दिल्लो.

फैनलाक विंचून आयिल्ल्यांचीं नांवां ह्येपरीं आसात:

१. प्रादन्या तारी, वोळवोय, पोंडा
२. सुप्रिया काणकोणकार, केपें
३. निकिता लोटलीकर, फा. आग्नेल कॉलेज, पिलार
४. सनीला साळगांवकार, सैंट क्सेवियर्स, मापुसा
५. सुनेत्रा कामत, गोवा कॉलेज ऑफ फार्मसी, पणजी
६. सायली मांद्रेकार, बार्देज, पणजी
७. आनिश्का वेर्णेकार, फा. आग्नेल कॉलेज, पिलार

• ಉಡುಪಿ ಥಾವ್ನ್ ಚೊವ್ಗಾಂ ಜಣಾಂ ಕವಿತಾ ಟ್ರಸ್ಟ್ ಹಾಂಚ್ಯೆ ಕವಿತಾ ವಾಚನ್ ಸರ್ತೆಚ್ಯಾ ಫೈನಲಾಕ್
  उडुपी थावन चोवगां जाणां कविता ट्रस्ट हांच्ये कविता वाचन सर्तेच्या फैनलाक
  
• ಕವಿತಾ ಟ್ರಸ್ಟಾಚಿ ಕವಿತಾ ವಾಚನ್ ಸರ್ತ್: ಮಂಗ್ಳುರ್ ಥಾವ್ನ್ ಬಾರಾ ಜಣಾಂ ಫೈನಲಾಕ್
  कविता ट्रस्टाची कविता वाचन सर्त: मंगळूर थावन बारा जाणां फैनलाक