ಕವಿತಾ ಟ್ರಸ್ಟ್ ಆನಿ ಆಶಾವಾದಿ ಪ್ರಕಾಶನಾ ಥಾವ್ನ್ ವಾಶಿಂತ್ ಕೊಂಕಣಿ ಕವಿತಾ ಸಾದರ್ ಸರ್ತ್
ಕವಿತಾ ಟ್ರಸ್ಟ್ ಆನಿ ಆಶಾವಾದಿ ಪ್ರಕಾಶನಾಚ್ಯಾ ಜೋಡ್ ಆಶ್ರಯಾಖಾಲ್, ಕೊಂಕಾಣ ನವಿಮುಂಬಯ್ ಸಂಘಟನಾಚ್ಯಾ ಸಹಯೋಗಾನ್ ಒಕ್ಟೊಬರ್ 28 ತಾರಿಕೆರ್ ಸಕಾಳಿಂ 11 ವೊರಾರ್ ಮಾತ್ರು‌ಮಿಲನ ಸೇವಾ ಕೇಂದ್ರ ಇಗರ್ಜೆಚ್ಯಾ ಹೊಲಾಂತ್, ಮುಂಬಯ್ ಪ್ರಾಥಮಿಕ್ ಹಂತಾಚಿ ಕೊಂಕಣಿ ಕವಿತಾ ಸಾದರ್ ಸರ್ತ್ ಮಾಂಡುನ್ ಹಾಡ್ಲಿ.
ಫಾ. ಮೋಸೆಸ್ ದಾಂತಸ್ ಮುಖೆಲ್ ಸಯ್ರೆ ಜಾವ್ನಾಸ್ಲೆ, ಹಾಂಣಿ ಕಾರ್ಯಾಚಿ ಸುರ್ವಾತ್ ಮಾಗ್ಣ್ಯಾನ್ ಕರ್‍ತಚ್ ಕೊಂಕಾಣ ಸಂಘಟನಾಚೊ ಅಧ್ಯಕ್ಶ್ ಮಾನೆಸ್ತ್ ರಿಚಾರ್ಡ್ ಡಿ’ಸೋಜಾನ್ ಸ್ವಾಗತ್ ಕೆಲೊ. ಮಾನೆಸ್ತ್ ವಲ್ಲಿ ಕ್ವಾಡ್ರಸಾನ್ ಕವಿತಾಸಾದರ್ ಸರ್ತೆಚ್ಯೊ ರೆಗ್ರೊ ಆನಿ ನೆಮಾಂವಿಶಿಂ ಸಮ್ಜೊಣಿ ದಿಲಿ.
ಬಾರಾ ಭುರ್ಗ್ಯಾಂನಿ ಹ್ಯೆ ಸರ್ತೆಂತ್ ಪಾತ್ರ್ ಘೆತ್‍ಲ್ಲೊ. ಸರ್ವ್ ಸ್ಪರ್ಧಿಕಾಂನಿ ಬೋವ್ ಆಪುರ್ಬಾಯೆನ್ ಆಪಾಪ್ಲ್ಯೊ ಕವಿತಾ ಸಾದರ್ ಕೆಲ್ಯೊ. ಹಾಂಚೆ ಪಯ್ಕಿ ಚೊವ್ಗಾಂಕ್, ನವೆಂಬರ್ 25 ತಾರಿಕೆರ್ ’ಆತ್ಮ ದರ್ಶನ’ ಂತ್ ಚಲುಂಕ್ ಆಸ್ಚ್ಯಾ ಮುಂಬಯ್ ಹಂತಾಚ್ಯಾ ಅಂತಿಮ್ ಸರ್ತೆಕ್ ವಿಂಚ್ಲೆಂ.
ಲ್ಹಾನಾಂಚೊ ವಿಭಾಗ್:
ಪಯ್ಲೆಂ ಸ್ಥಾನ್: ಲೆರಿಕ್ ಡಿಸೋಜ್ (ಕವಿತಾ: ಸುಣ್ಯಾಕ್ ಏಕ್ ಸೋನೆಟ್, ಕವಿ: ಬಾಬ್ ಆಂಟನಿ ಬಾರ್ಕುರ್)
ದುಸ್ರೆಂ ಸ್ಥಾನ್: ಕ್ಲೀವ್ ಡೆಸಾ (ಕವಿತಾ: ಮ್ಹಜಿ ಮಾಂತ್, ಕವಿ: ಬಾಬ್ ವಲ್ಲಿ ಕ್ವಾಡ್ರಸ್)
ತಿಸ್ರೆಂ ಸ್ಥಾನ್: ಒಲಿವರ್ ಪಾಯ್ಸ್ (ಕವಿತಾ: ಕೊಂಕ್ಣಿ ಮ್ಹಜಿ ಭಾಸ್, ಕವಿ: ಬಾಬ್ ವಲ್ಲಿ ಕ್ವಾಡ್ರಸ್)
ವ್ಹಡಾಂಚೊ ವಿಭಾಗ್:
ಪಯ್ಲೆಂ ಸ್ಥಾನ್: ಅನಿಶ್ ಡಿ’ಸಿಲ್ವಾ (ಕವಿತಾ: ಬಾಳ್‌ಪಣ್, ಕವಿ: ಮಾ|ಜೊ.ಸಿ.ಸಿದ್ದಕಟ್ಟೆ)
ಭಾಗ್ ಘೆತ್‌ಲ್ಲ್ಯಾ ಸಮೇಸ್ತಾಂಕ್ ಕೊಂಕಾಣ ತರ್ಫೆನ್ ಇನಾಮಾಂ ವಾಂಟ್ಲಿಂ. ಸಗ್ಳೆಂ ಕಾರ್ಯೆಂ ಬೋವ್ ಆಪುರ್ಬಾಯೆನ್ ಮಾನೆಸ್ತ್ ರಿಚಾರ್ಡ್ ಡಿಸೋಜ್ ಹಾಣೆ ಚಲವ್ನ್ ವೆಲೆಂ.
कविता ट्रस्ट आनी आशावादी प्रकाशना थावन वाशींत कोंकणी कविता सादर सर्त
कविता ट्रस्ट आनी आशावादी प्रकाशनाच्या जोड आश्रयाखाल, कोंकाण नवीमुंबय संघटनाच्या सहयोगान ओक्टोबर २८ तारकेर सकाळीं ११ वोरार मात्रूमिलन सेवा केंद्र इगर्जेच्या हॉलांत, मुंबय प्राथमीक हंताची कोंकणी कविता सादर सर्त मांडून हाडली.
फा. मोसेस दांतस मुखेल सयरे जावनासले, हांणी काऱ्याची सुर्वात मागण्यान करतच कोंकाण संघटनाचो अध्यक्ष मानेस्त रिचार्ड डीसोजान स्वागत केलो. मानेस्त वल्ली क्वाड्रसान कविता सादर सर्तेच्यो रेग्रो आनी नेमांविशीं समजोणी दिली.
बारा भुरग्यांनी ह्ये सर्तेंत पात्र घेतल्लो. सर्व स्पर्धिकांनी बोव आपुरबायेन आपापल्यो कविता सादर केल्यो. हांचे पयकी चोवगांक, नोवेंबर २५ तारकेर ’आत्म दर्शन’ ंत चलुंक आसच्या मुंबय हंताच्या अंतीम सर्तेक विंचलें.
ल्हानांचो विभाग:
पयलें स्थान: लेरीक डिसोज (कविता: सुण्याक एक सोनेट, कवी: बाब आंटनी बार्कूर)
दुसरें स्थान: क्लीव डेसा (कविता: म्हजी मांत, कवी: बाब वल्ली क्वाड्रस)
तिसरें स्थान: ओलिवर पायस (कविता: कोंकणी म्हजी भास, कवी: बाब वल्ली क्वाड्रस)
व्हडांचो विभाग:
पयलें स्थान: अनीश डीसिल्वा (कविता: बाळपण, कवी: मा| जो.सी.सिद्दकट्टे)
भाग घेतल्ल्या समेस्तांक कोंकाण तर्फेन इनामां वांटलीं. सगळें काऱ्यें बोव आपुरबायेन मानेस्त रिचार्ड डिसोज हाणे चलवन वेलें.