ಪಣ್ಜೆ ಥಾವ್ನ್ ಕೊಂಕಣಿ ಸಾದರ್ ಸರ್ತೆಚ್ಯಾ ಫೈನಲಾಕ್ ಪಾಂಚ್ ಜಣಾಂಚಿ ನಿವಡ್
ಕವಿತಾ ಟ್ರಸ್ಟ್ ಹಾಂಣಿ ಗೊಂಯ್ ಕೊಂಕಣಿ ಭಾಷಾ ಮಂಡಳ್ ಹಾಂಚ್ಯಾ ಸಹಯೋಗಾನ್ ಹ್ಯಾಚ್ ನವೆಂಬರ್ 28, 2018 ತಾರಿಕೆರ್ ಪಣ್ಜೆಂತ್ಲ್ಯಾ ಟಿ. ಬಿ. ಕುನ್ಹಾ ಸಭಾಸಾಲಾಂತ್ ಆಪ್ಲಿ ಕವಿತಾ ಸಾದರ್ ಸರ್ತ್ ಘಡೊವ್ನ್ ಹಾಡ್ಲಿ. ರೋಹನ್ ಆನಿ ಲವೀಟಾ ಮೊಂತೇರೊ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರ್ ಸರ್ತೆಚ್ಯೆ ಸುರ್‍ವೆರ್ ಕೊಂಕಣಿ ಭಾಷಾ ಮಂಡಳ್ ಹಾಂಚೊ ಅಧ್ಯಕ್ಷ್ ಚೇತನ್ ಆಚಾರ್ಯ ಹಾಂಣಿ ಯೆವ್ಕಾರ್ ಮಾಗ್ಲೊ. ಮೆಲ್ವಿನ್ ರೊಡ್ರಿಗಸ್ ಹಾಂಣಿ ಕೊಂಕಣಿ ಭಾಷಾ ಮಂಡಳ್ ಸಾಂಗಾತಾ ಪಾಟ್ಲ್ಯಾ ಸ ವರ್ಸಾಂನಿ ಹಿ ಸರ್ತ್ ಪಣ್ಜೆಂತ್ ಚಲ್ತಾ, ಹಾಕಾ ಕಾರಣ್ ಕೊಂಕಣಿ ಭಾಷಾ ಮಂಡಳಾಚೊ ಉರ್ಬೆವಂತ್ ಅಧ್ಯಕ್ಷ್ ಚೇತನ್ ಆಚಾರ್ಯ ಮ್ಹಣ್ ಸಾಂಗುನ್ ತಾಚೊ ಆನಿ ಸಮೇಸ್ತ್ ವಾಂಗ್ಡ್ಯಾಂಚೊ ಉಪ್ಕಾರ್ ಭಾವುಡ್ಲೊ. ತಶೆಂಚ್ ಸರ್ತೆಚಿಂ ನೆಮಾಂ ತಾಣೆಂ ಸಾಂಗ್ಲಿಂ.
ಹ್ಯಾ ಸಂದರ್ಭಾರ್ ನಾಮ್ಣೆಚೆ ಲೇಖಕ್ ತಶೆಂ ಕವಿ ಪ್ರಕಾಶ್ ವಝ್ರಿಕಾರ್, ಅನ್ವೇಷಾ ಸಿಂಗ್‌ಬಾಳ್, ಶೋಭಾ ಫುಲ್ಕಾರ್, ಸುನೀತಾ ಕಾಣೇಕಾರ್, ವಲ್ಲಿ ಕ್ವಾಡ್ರಸ್ ಹಾಜರ್ ಆಸಲ್ಲೆ.
ಪ್ರಕಾಶ್ ವಝ್ರಿಕಾರ್ ಹಾಂಣಿ ಭಾಗ್ ಘೆತಲ್ಲ್ಯಾ ಸಮೇಸ್ತಾಂಕ್ ಪ್ರಮಾಣ್ ಪತ್ರಾಂ ವಾಂಟ್ಲಿಂ.
ಎವ್ರೆಲ್ ರೊಡ್ರಿಗಸ್, ವಿಲಿಯಮ್ ಪಾಯ್ಸ್ ಆನಿ ಕಿಶೋರ್ ಗೊನ್ಸಾಲ್ವಿಸ್ ವೊರಯ್ಣಾರ್ ಜಾವ್ನ್ ಆಸಲ್ಲೆ.
ಫೈನಲಾಕ್ ಜಿಕುನ್ ಆಯಿಲ್ಲ್ಯಾಂಚಿಂ ನಾಂವಾಂ ಹ್ಯೆಪರಿಂ ಆಸಾತ್:
ಗೌತಮ್ ಗಾವ್ಡೆ, ಜಾನಿಸ್ ಫೆರ್ನಾಂಡಿಸ್ ಆನಿ ಪ್ರೀತಿ ಮಾರ್ತಾ ಡಿಸೋಜಾ
ಜಯೇಶ್ ಗಾಂವ್ಕಾರ್ ಆನಿ ನಿಕಿತಾ ಭೋಂಸ್ಲೆ ಹಾಂಕಾಂ ರಿಸರ್ವ್ ಮ್ಹಣುನ್ ವಿಂಚುನ್ ಕಾಡ್ಲೆಂ.
पणजे थावन कोंकणी सादर सर्तेच्या फैनलाक पांच जाणांची निवड
कविता ट्रस्ट हांणी गोंय कोंकणी भाषा मंडळ हांच्या सहयोगान ह्याच न्होवेंबर २८, २०१८ तारकेर पणजेंतल्या टी. बी. कुन्हा सभासालांत आपली कविता सादर सर्त घडोवन हाडली. रोहन आनी लवीटा मोंतेरो अखिल भारत कोंकणी कविता सादर सर्तेच्ये सुरवेर कोंकणी भाषा मंडळ हांचो अध्यक्ष चेतन आचाऱ्य हांणी येवकार मागलो. मेल्विन रोड्रीगस हांणी कोंकणी भाषा मंडळ सांगाता फाटल्या स वर्सांनी ही सर्त पणजेंत चलता, हाका कारण कोंकणी भाषा मंडळाचो उरबेवंत अध्यक्ष चेतन आचाऱ्य म्हण सांगून ताचो आनी समेस्त वांगड्यांचो उपकार भावुडलो. तशेंच सर्तेचीं नेमां ताणें सांगलीं.
ह्या संदर्भार नामणेचे लेखक तशें कवी प्रकाश वझ्रिकार, अन्वेषा सिंगबाळ, शोभा फुल्कार, सुनीता काणेकार, वल्ली क्वाड्रस हाजर आसल्ले.
प्रकाश वझ्रिकार हांणी भाग घेतल्ल्या समेस्तांक प्रमाण पत्रां वांटलीं.
एवरेल रोड्रीगस, विलियम पायस आनी किशोर गोन्साल्वीस वोरयणार जावन आसल्ले.
फैनलाक जिकून आयल्ल्यांचीं नांवां ह्येपरीं आसात:
गौतम गावडे, जानीस फेर्नांडीस आनी प्रीती मार्ता डिसोजा
जयेश गांवकार आनी निकिता भोंसले हांकां रिसर्व म्हणून विंचून काडलें.