ಕವಿತಾ ಟ್ರಸ್ಟಾಚಿ ಕವಿತಾ ಸಾದರ್ ಸರ್ತ್: ಮಡ್ಗಾಂವ್ ಥಾವ್ನ್ ಪಾಂಚ್ ಜಣಾಂಚಿ ಫೈನಲಾಕ್ ನಿವಡ್
ಕೊಂಕಣಿ ಕವಿತೆಚ್ಯಾ ಸಮಗ್ರ್ ವಾಡಾವಳಿ ಖಾತೀರ್ ವಾವುರ್‍ಚ್ಯಾ ಕವಿತಾ ಟ್ರಸ್ಟಾನ್ ಹ್ಯಾಚ್ ನವೆಂಬರ್ 29, 2018 ತಾರಿಕೆರ್ ಮಡ್ಗಾಂವ್ಚ್ಯಾ ರವೀಂದ್ರ ಕೆಳೇಕಾರ್ ಜ್ಞಾನ್‍ಮಂದಿರಾಂತ್ ರೋಹನ್ ಆನಿ ಲವೀಟಾ ಮೊಂತೇರೊ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸರ್ತೆಚೊ ಮಡ್ಗಾಂವ್ ಪಾಂವ್ಡೊ ಚಲೊವ್ನ್ ವೆಲೊ. ಗೊಂಯ್ಚ್ಯಾ ಕೊಂಕಣಿ ಭಾಷಾ ಮಂಡಳಾನ್ ಹಿ ಸರ್ತ್ ಚಲೊವ್ನ್ ವರುಂಕ್ ಸಹಯೋಗ್ ದಿಲ್ಲೊ.
ಕೊಂಕಣಿ ಭಾಷಾ ಮಂಡಳಾಚೊ ಅಧ್ಯಕ್ಷ್ ಚೇತನ್ ಆಚಾರ್ಯ ಹಾಣೆ ಸುರ್‍ವಾತೆರ್ ಸರ್‍ವಾಂಕ್ ಯೆವ್ಕಾರ್ ಕರ್‍ತಚ್ ಕವಿತಾ ಟ್ರಸ್ಟಾಚೊ ಸ್ಥಾಪಕ್ ಮೆಲ್ವಿನ್ ರೊಡ್ರಿಗಸ್ ಹಾಣೆ ಕೊಂಕಣಿ ಭಾಷಾ ಮಂಡಳಾಚ್ಯಾ ಸಹಯೊಗಾ ಖಾತೀರ್ ತಾಂಚೊ ಉಪ್ಕಾರ್ ಭಾವುಡ್ಲೊ. ತಶೆಂಚ್ ಕವಿತಾ ಸರ್ತೆಚಿಂ ನೆಮಾಂ ಸಾಂಗ್ಲಿಂ.
ಕಿಶೂ ಬಾರ್ಕೂರ್, ವಿಲಿಯಮ್ ಪಾಯ್ಸ್ ಆನಿ ಎವ್ರೆಲ್ ರೊಡ್ರಿಗಸ್ ಸರ್ತೆಚಿಂ ವೊರಯ್ಣಾರ್ ಜಾವ್ನ್ ಆಸಲ್ಲಿಂ.
ಜನೆರ್ 13, 2019 ತಾರಿಕೆರ್ ಮಂಗ್ಳುರಾಂತ್ ಚಲ್ಚ್ಯಾ ಫೈನಲಾ ಖಾತೀರ್ ವಿಂಚುನ್ ಆಯಿಲ್ಲ್ಯಾಂಚಿಂ ನಾಂವಾಂ ಹ್ಯೆಪರಿಂ ಆಸಾತ್:
ದತ್ತರಾಜ್ ನಾಯ್ಕ್
ವೃಕ್ಷ ಕರ್ಮಲಿ
ಅನಿಕೇತ್ ನಾಯ್ಕ್ (ರಿಸರ್ವ್)
ನಿಕಿತಾ ಲೋಟ್ಲಿಕಾರ್ (ರಿಸರ್ವ್)
ಶಾಂತನೂ ಐಯಾ (ರಿಸರ್ವ್)
ಹ್ಯಾ ಸಂದರ್ಭಾರ್ ಕವಿತಾ ಟ್ರಸ್ಟಾಚೊ ಮಥಾಯಸ್ ಕುಟಮ್ ಪುರಸ್ಕಾರ್ ಜೊಡ್ಪಿ ಕವಿ ವಲ್ಲಿ ಕ್ವಾಡ್ರಸ್ ಹಾಜರ್ ಆಸೊನ್ ಭಾಗ್ ಘೆತಲ್ಲ್ಯಾಂಕ್ ಪ್ರಮಾಣ್ ಪತ್ರಾಂ ವಾಂಟ್ಲಿಂ.
कविता ट्रस्टाची कविता सादर सर्त: मडगांव थावन पांच जाणांची फैनलाक निवड
कोंकणी कवितेच्या समग्र वाडावळी खातीर वावुरच्या कविता ट्रस्टान ह्याच न्होवेंबर २९, २०१८ तारकेर मडगांवच्या रवींद्र केळेकार ज्ञानमंदिरांत रोहन आनी लवीटा मोंतेरो अखिल भारत कोंकणी कविता सर्तेचो मडगांव पांवडो चलोवन वेलो. गोंयच्या कोंकणी भाषा मंडळान ही सर्त चलोवन वरुंक सहयोग दिल्लो.
कोंकणी भाषा मंडळाचो अध्यक्ष चेतन आचाऱ्य हाणे सुरवातेर सरवांक येवकार करतच कविता ट्रस्टाचो स्थापक मेल्विन रोड्रीगस हाणे कोंकणी भाषा मंडळाच्या सहयोगा खातीर तांचो उपकार भावुडलो. तशेंच कविता सर्तेचीं नेमां सांगलीं.
किशू बार्कूर, विलियम पायस आनी एवरेल रोड्रीगस सर्तेचीं वोरयणार जावन आसल्लीं.
जानेर १३, २०१९ तारकेर मंगळुरांत चलच्या फैनला खातीर विंचून आयल्ल्यांचीं नांवां ह्येपरीं आसात:
दत्तराज नायक
वृक्ष कर्मली
अनिकेत नायक (रिसर्व)
निकिता लोटलीकार (रिसर्व)
शांतनू ऐया (रिसर्व)
ह्या संदर्भार कविता ट्रस्टाचो मथायस कुटम पुरस्कार जोडपी कवी वल्ली क्वाड्रस हाजर आसोन भाग घेतल्ल्यांक प्रमाण पत्रां वांटलीं.