ಕವಿತಾ ಟ್ರಸ್ಟಾಚಿ ಕವಿತಾ ಸಾದರ್ ಸರ್ತ್: ಉಡುಪಿ ಥಾವ್ನ್ ತೆಗಾಂ ಫೈನಲಾಕ್

ಕವಿತಾ ಟ್ರಸ್ಟಾನ್ ಮಾಂಡುನ್ ಹಾಡಲ್ಲ್ಯಾ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರ್ ಸರ್ತೆಚೊ ಉಡುಪಿ ಪ್ರಾಥಮಿಕ್ ಪಾಂವ್ಡೊ ಹ್ಯಾಚ್ ಜುಲಾಯ್ 28, 2019 ತಾರಿಕೆರ್ ಕಲ್ಯಾಣ್‌ಪುರ್ ಮೌಂಟ್ ರೋಜರಿ ಇಗರ್ಜೆಚ್ಯಾ ಸಭಾಸಾಲಾಂತ್ ಚಲ್ಲೊ. ಸುರ್‍ವೆರ್ ಅಧ್ಯಕ್ಷ್ ಕಿಶೋರ್ ಗೊನ್ಸಾಲ್ವಿಸಾನ್ ಹಾಜರ್ ಆಸಲ್ಲ್ಯಾಂಕ್ ತಶೆಂಚ್ ಕವಿತಾ ಟ್ರಸ್ಟಾಚ್ಯಾ ವಾಂಗ್ಡಿಂಕ್ ಯೆವ್ಕಾರ್ ಮಾಗ್ತಚ್ ಟ್ರಸ್ಟಾಚೊ ಸ್ಥಾಪಕ್ ಮೆಲ್ವಿನ್ ರೊಡ್ರಿಗಸಾನ್ ಕವಿತಾ ಟ್ರಸ್ಟಾಚ್ಯಾ ಮಿಸಾಂವ್ ವಾವ್ರಾವಿಶಿಂ ಝಳಕ್ ದಿಲಿ ಆನಿ ಸರ್ತೆಚ್ಯಾ ನೆಮಾಂವಿಶಿಂ ಮ್ಹಾಯೆತ್ ದಿಲಿ.

ಐ.ಸಿ.ವೈ.ಎಮ್. ಬಾರ್ಕೂರ್ ಘಟಕಾಚ್ಯಾ ಸಹಕಾರಾನ್ ಕವಿತಾ ಟ್ರಸ್ಟಾನ್ ಹಿ ಸರ್ತ್ ಘಡೊವ್ನ್ ಹಾಡಲ್ಲಿ.

ವಿಲಿಯಮ್ ಪಾಯ್ಸ್, ಎಂಡ್ರ್ಯೂ ಡಿಕುನ್ಹಾ ಆನಿ ಕಿಶೋರ್ ಗೊನ್ಸಾಲ್ವಿಸ್ ಹ್ಯೆ ಸರ್ತೆಕ್ ವೊರಯ್ಣಾರ್ ಜಾವ್ನ್ ಬಸಲ್ಲೆ. ಎವ್ರೆಲ್ ರೊಡ್ರಿಗಸ್ ಆನಿ ಸ್ಟೇನಿ ಬೆಳಾ ಹಾಂಣಿ ಸಹಕಾರ್ ದಿಲೊ. ಸರ್ತೆ ಉಪ್ರಾಂತ್ ಫಿರ್ಗಜೆಚೊ ವಿಗಾರ್ ಫಾ. ಲೆಸ್ಲಿ ಕ್ಲಿಫರ್ಡ್ ಡಿಸೋಜಾನ್ ಭಾಗ್ ಘೆತಲ್ಲ್ಯಾಂಕ್ ಉಲ್ಲಾಸಾಚ್ಯಾ ಉತ್ರಾಂನಿ ಹುಮೆದ್ ಭರ್‍ಲಿ.

ಗ್ಲೆನ್ ಫುರ್ತಾಡೊ, ಅಧ್ಯಕ್ಷ್, ಆಯ್. ಸಿ. ವೈ. ಎಮ್. ಬಾರ್ಕೂರ್ ಘಟಕ್ ಆನಿ ವೆನ್ರೊಲ್ಡ್ ಲುವಿಸ್, ಅಧ್ಯಕ್ಷ್, ಆಯ್.ಸಿ.ವೈ.ಎಮ್. ಕಲ್ಯಾಣ್‌ಪುರ್ ವಾರಾಡೊ ಹಾಜರ್ ಆಸುನ್ ಮೆಲ್ವಿನ್ ರೊಡ್ರಿಗಸಾನ್ ತಾಂಚೊ ಉಪ್ಕಾರ್ ಭಾವುಡ್ಲೊ ಆನಿ ಭೆಟ್‌ವಸ್ತು ದಿಲ್ಯೊ.

ಭಾಗ್ ಘೆತಲ್ಲ್ಯಾ ಸರ್ವಾಂಕ್ ಕವಿತಾ ಟ್ರಸ್ಟಾಥಾವ್ನ್ ಪುಸ್ತಕಾಂ ತಶೆಂಚ್ ಪ್ರಮಾಣ್ ಪತ್ರಾಂ ವಾಂಟ್ಲಿಂ.

ಜನೆರ್ 12, 2020 ತಾರಿಕೆರ್ ಗೊಂಯ್ಚ್ಯಾ ಮಡ್ಗಾವಾಂತ್ ಚಲ್ಚ್ಯಾ ಫೈನಲಾಕ್ ವಿಂಚುನ್ ಆಯಿಲ್ಲಿಂ ಹ್ಯೆಪರಿಂ ಆಸಾತ್:

ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ ಚಾಫ್ರಾ ದೆಕೊಸ್ತಾ ಸ್ಮಾರಕ್ ಭುರ್ಗ್ಯಾಂಚಿ ಕವಿತಾ ಸಾದರ್ ಸರ್ತ್ :

ಜಾನ್ಸಿಟಾ ಕ್ವಾಡ್ರಸ್
ಆರಲ್ ಪಿಕಾರ್ಡೊ

ರೋಹನ್ ಆನಿ ಲವೀಟಾ ಮೊಂತೇರೊ, ಯುವಜಣಾಂಚೊ ಕವಿತಾ ಸಾದರ್ ಸ್ಪರ್ಧೊ:

ಎಲ್‌ಸ್ಟನ್ ಡಿಸೋಜಾ

ತಸ್ವೀರ್ ಕುರ್ಪಾ: ಸ್ಟೇನಿ ಬೆಳಾ

कविता ट्रस्टाची कविता सादर सर्त: उडुपी थावन तेगां फैनलाक

कविता ट्रस्टान मांडून हाडल्ल्या अखिल भारत कोंकणी कविता सादर सर्तेचो उडुपी प्राथमीक पांवडो ह्याच जुलाय २८, २०१९ तारकेर कल्याण‌पूर मौंट रोजरी इगर्जेच्या सभासालांत चल्लो. सुर‍वेर अध्यक्ष किशोर गोन्साल्विसान हाजर आसल्ल्यांक तशेंच कविता ट्रस्टाच्या वांगडींक येवकार मागतच ट्रस्टाचो स्थापक मेल्विन रोड्रीगसान कविता ट्रस्टाच्या मिसांव वावराविशीं झळक दिली आनी सर्तेच्या नेमांविशीं म्हायेत दिली.

आय.सी.वै.एम. बारकूर घटकाच्या सहकारान कविता ट्रस्टान ही सर्त घडोवन हाडल्ली.

विलियम पायस, एंडऱ्यू डिकुन्हा आनी किशोर गोन्साल्वीस ह्ये सर्तेक वोरयणार जावन बसल्ले. एवरेल रोड्रीगस आनी स्टेनी बेळा हांणी सहकार दिलो. सर्ते उपरांत फिर्गजेचो विगार फा. लेसली क्लिफर्ड डिसोजान भाग घेतल्ल्यांक उल्लासाच्या उतरांनी हुमेद भर‍ली.

ग्लेन फुर्ताडो, अध्यक्ष, आय. सी. वै. एम्. बारकूर घटक आनी वेनरोल्ड लुवीस, अध्यक्ष, आय, सी. वै. एम्. कल्याणपुर वाराडो हाजर आसून मेल्विन रोड्रीगसान तांचो उपकार भावुडलो आनी भेटवस्तू दिल्यो.

भाग घेतल्ल्या सर्वांक कविता ट्रस्टाथावन पुस्तकां तशेंच प्रमाण पत्रां वांटलीं.

जानेर १२, २०२० तारकेर गोंयच्या मडगावांत चलच्या फैनलाक विंचून आयल्लीं ह्येपरीं आसात:

नेल्सन आनी लवीना रोड्रिक्स चाफ्रा देकोस्ता स्मारक भुरग्यांची कविता सादर सर्त:

जान्सिटा क्वाड्रस
आरल पिकार्डो

रोहन आनी लवीटा मोंतेरो, युवजणांचो कविता सादर स्पर्धो:

एल‌स्टन डिसोजा

तस्वीर कुर्पा: स्टेनी बेळा