ಕವಿತಾ ಟ್ರಸ್ಟಾಚಿ ಕವಿತಾ ಸಾದರ್ ಸರ್ತ್: ಮಿರಾರೋಡ್ ಥಾವ್ನ್ ಚೊವ್ಗಾಂ ಫೈನಲಾಕ್
ಕವಿತಾ ಟ್ರಸ್ಟಾನ್ ಚಲೊಂವ್ಚ್ಯಾ ಕೊಂಕಣಿ ಕವಿತಾ ಸಾದರ್ ಸರ್ತೆಚೊ ಮುಂಬಯ್ - ಮಿರಾರೊಡ್ ಪಾಂವ್ಡೊ ಆಶಾವಾದಿ ಪ್ರಕಾಶನಾಚ್ಯಾ ಮುಖೇಲ್‌ಪಣಾಖಾಲ್, ಸೈಂಟ್ ಜೋನ್ಸ್ ಕೊಂಕಣಿ ಎಸೋಸಿಯೇಶನ್ ಮಿರಾರೋಡ್ ಅನಿ ವಸಯ್ ಕೊಂಕಣಿ ವೆಲ್‌ಫೇರ್ ಎಸೋಸಿಯೇಶನ್ ಹಾಂಚ್ಯಾ ಸಹಯೋಗಾಖಾಲ್ ಮಿರಾರೋಡ್ ಇಗರ್ಜೆಚ್ಯಾ ಸಭಾಸಾಲಾಂತ್ ಸಪ್ತೆಂಬರ್ 29 ತಾರಿಕೆಚ್ಯಾ ಆಯ್ತಾರಾ ದೊನ್ಪಾರಾಂ 3 ಥಾವ್ನ್ 5 ಪರ್‍ಯಾಂತ್ ಚಲ್ಲೊ.
ಸಂಘಟನಾಚೊ ಕಾರ್ಯದರ್ಶಿ ಜೆರಾಲ್ಡ್ ಡಿಸೋಜಾನ್ ಮಾಗ್ಣ್ಯಾಮುಖಾಂತ್ರ್ ಕೆಲ್ಲ್ಯೆ ಸುರ್ವಾತೆ ಉಪ್ರಾಂತ್ ಸಾಂಸ್ಕೃತಿಕ್ ಪ್ರತಿನಿಧಿ ಹಿಲರಿ ಡಿಸಿಲ್ವಾನ್ ಸರ್ವಾಂಕ್ ಯೆವ್ಕಾರ್ ಮಾಗುನ್ ಸರ್ತ್ ಚಲೊವ್ನ್ ವೆಲಿ.
ಭುರ್ಗ್ಯಾಂಚ್ಯಾ ವಿಭಾಗಾಂತ್ ಪಯ್ಲೆಂ ತೀನ್ ಸ್ಥಾನ್ ಆಪ್ಣಾಯಿಲ್ಲಿಂ;
ಪಯ್ಲೆಂ ಇನಾಮ್: ವೆಲೋರಾ ಕುಟಿನ್ಹೊ ಮಿರಾರೋಡ್
ದುಸ್ರೆಂ ಇನಾಮ್: ನವೋಮಿ ಮಾರ್ಟಿಸ್ ಕಾಂದಿವಲಿ
ತಿಸ್ರೆಂ ಇನಾಮ್: ಒಶಿನ್ ಮಸ್ಕರೇನ್ಹಸ್
ವ್ಹಡಾಂಚ್ಯಾ ವಿಭಾಗಾಂತ್
ಪಯ್ಲೆಂ ಇನಾಮ್: ರೇಚಲ್ ಡಿಸೋಜ್ ವಸಯ್
ದುಸ್ರೆಂ ಇನಾಮ್: ಜ್ಯೋತಿ ಆಲ್ವಾರಿಸ್ ನಾಯ್‌ಗಾಂವ್
ಪಯ್ಲೆಂ ತಶೆಂಚ್ ದುಸ್ರೆಂ ಇನಾಮ್ ಜೊಡ್ಲೆಲ್ಯಾಂಕ್ 2020 ಇಸ್ವೆಚ್ಯಾ ಜನೆರಾಂತ್ ಗೊಂಯಾಂತ್ ಚಲುಂಕ್ ಆಸ್ಚ್ಯಾ ಅಖಿಲ್ ಭಾರತ್ ಹಂತಾಚ್ಯಾ ಸ್ಪರ್ಧ್ಯಾಂತ್ ವಾಂಟೊ ಘೆಂವ್ಚಿ ಸಂಧಿ ಮೆಳ್ತಲಿ.
ಮಿರಾರೋಡ್ ಫಿರ್ಗಜೆಚೊ ಫಾ. ವಾಲ್ಟರ್ ಡಿಸೋಜಾನ್ ಸಮೇಸ್ತ್ ಸ್ಪರ್ಧಿಕಾಂಕ್ ಬರೆಂ ಮಾಗ್ಲೆಂ ತಶೆಂಚ್ ಜಿಕ್ಲಲ್ಯಾಂಕ್ ಇನಾಮಾಂ ವಾಂಟ್ಲಿಂ. ವೆದಿಚೆರ್ ಸಂಘಟನಾಚೊ ಅಧ್ಯಕ್ಶ್ ಜೋನ್ ಕ್ರಾಸ್ತಾ, ಕಾರ್ಯದರ್ಶಿ ಜೆರಾಲ್ಡ್ ಡಿಸೋಜ್, ಖಜಾಂಚಿ ವಿಕ್ಟರ್ ಮಸ್ಕರೇನ್ಹಸ್ ತಶೆಂಚ್ ಹೆರ್ ರಿಚರ್ಡ್ ಮಥಾಯಸ್, ಫ್ಲೋರಿನ್ ಮಥಾಯಸ್ ಆನಿ ಹೆರಾಂ ಹಾಜರ್ ಆಸ್ಲಿಂ.
कविता ट्रस्टाची कविता सादर सर्त: मिरारोड थावन चोवगां फैनलाक
कविता ट्रस्टान चलोंवच्या कोंकणी कविता सादर सर्तेचो मुंबय - मिरारोड पांवडो आशावादी प्रकाशनाच्या मुखेलपणाखाल, सैंट जॉन्स कोंकणी एसोसियेशन मिरारोड अनी वसय कोंकणी वेल्फेर एसोसियेशन हांच्या सहयोगाखाल मिरारोड इगर्जेच्या सभासालांत सप्तेंबर २९ तारकेच्या आयतारा दोनपारां ३ थावन ५ परयांत चल्लो.
संघटनाचो काऱ्यदर्शी जेराल्ड डिसोजान मागण्या मुखांत्र केल्ल्ये सुर्वाते उपरांत सांस्कृतीक प्रतिनिधी हिलरी डिसिल्वान सर्वांक येवकार मागून सर्त चलोवन वेली.
भुरग्यांच्या विभागांत पयलीं तीन इनामां आपणायिल्लीं;
पयलें इनाम: वेलोरा कुटिन्हो मिरारोड
दुसरें इनाम: नवोमी मार्टीस कांदिवली
तिसरें इनाम: ओशीन मस्करेन्हस
व्हडांच्या विभागांत
पयलें इनाम: रेचल डिसोज वसय
दुसरें इनाम: ज्योती आल्वारीस नायगांव
पयलें तशेंच दुसरें इनाम जोडलेल्यांक २०२० इस्वेच्या जानेरांत गोंयांत चलुंक आसच्या अखील भारत हंताच्या स्पर्ध्यांत वांटो घेंवची संधी मेळतली.
मिरारोड फिर्गजेचो फा. वाल्टर डिसोजान समेस्त स्पर्धिकांक बरें मागलें तशेंच जिकलल्यांक इनामां वांटलीं. वेदिचेर संघटनाचो अध्यक्ष जॉन क्रास्ता, काऱ्यदर्शी जेराल्ड डिसोज, खजांची विक्टर मस्करेन्हस तशेंच हेर रिचर्ड मथायस, फ्लोरीन मथायस आनी हेरां हाजर आसलीं.