ಕವಿತಾ ಟ್ರಸ್ಟ್, ಅಖಿಲ್ ಭಾರತ್ ಕವಿತಾ ವಾಚನ್ ಸರ್ತ್: ಪಣಜಿ ಫೆರಿಯೆಂತ್ ಆಟ್ ಜಣಾಂಕ್ ವಿಂಚ್ಲೆಂ

ಕವಿತಾ ಟ್ರಸ್ಟ್, ಅಖಿಲ್ ಭಾರತ್ ಕವಿತಾ ವಾಚನ್ ಸರ್ತ್: ಪಣಜಿ ಫೆರಿಯೆಂತ್ ಆಟ್ ಜಣಾಂಕ್ ವಿಂಚ್ಲೆಂ

ಕವಿತಾ ಟ್ರಸ್ಟ್ ಹಾಂಣಿ ಕೊಂಕಣಿ ಭಾಷಾ ಮಂಡಳ್ ಗೊಂಯ್ ಹಾಂಚ್ಯಾ ಸಹಯೋಗಾನ್ ಮಾಂಡುನ್ ಹಾಡಲ್ಲಿ ರೋಹನ್ ಆನಿ ಲವೀಟಾ ಮೊಂತೇರೊ, ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತೆಚೆ ಪಣಜಿ ವಿಂಚವ್ಣೆಚಿ ಫೆರಿ ಹ್ಯಾಚ್ ಸಪ್ಟೆಂಬರ್ 5 ತಾರಿಕೆರ್ ಪಣಜಿಂತ್ಲ್ಯಾ ಟಿ. ಬಿ. ಕೂನ್ಹಾ ಸಭಾಸಾಲಾಂತ್ ಸಕಾಳಿಂ ಚಲ್ಲಿ.

ಹೆ ಸರ್ತೆಂತ್ ಪಂದ್ರಾ ಥಾವ್ನ್ ತೀಸ್ ವರ್ಸಾಂ ಭಿತರ್‍ಲ್ಯಾ ಚೊವೀಸ್ ಯುವಜಣಾಂನಿ ಭಾಗ್ ಘೆತಲ್ಲೊ.

ಸುರ್‍ವೆರ್ ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಚೊ ಅಧ್ಯಕ್ಷ್ ಚೇತನ್ ಆಚಾರ್ಯ ಹಾಂಣಿ ಸ್ವಾಗತ್ ಕರುನ್, ಕವಿತಾ ಟ್ರಸ್ಟಾಚ್ಯಾ ಹ್ಯಾ ವಾವ್ರಾಂತ್ ಸಾಂಗಾತಾ ಮೆಳೊಂಕ್ ಕೊಂಕಣಿ ಭಾಷಾ ಮಂಡಳ್ ಖುಶಿ ಪಾವ್ತಾ ಮ್ಹಳೆಂ. ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಕವಿತಾ ಟ್ರಸ್ಟಾಚಿ ವೊಳಕ್ ಕರುನ್ ದಿಲಿ ಆನಿ ವಾವ್ರಾವಿಶಿಂ ವಿವರ್ ದಿಲೊ.  ಕವಿತಾ ವಾಚನ್ ಸರ್ತೆಚೆ ನೆಮಾವಳಿವಿಶಿಂ ಸವಿಸ್ತಾರ್ ಸಮ್ಜಣಿ ಹಾಜರ್ ಆಸಲ್ಲ್ಯಾಂಕ್ ತಾಣೆ ದಿಲಿ.

ವೊರಯ್ಣಾರ್ ಜಾವ್ನ್ ಕಿಶೂ ಬಾರ್ಕೂರ್, ಎವ್ರೆಲ್ ರೊಡ್ರಿಗಸ್ ತಶೆಂ ಎಂಡ್ರ್ಯೂ ಎಲ್ ಡಿಕುನ್ಹಾ ಬಸಲ್ಲೆ. ವಿಲಿಯಮ್ ಪಾಯ್ಸ್ ತಶೆಂ ವಿತೊರಿ ಕಾರ್ಕೊಳ್ ಹಾಂಣಿ ಸಹಕಾರ್ ದಿಲ್ಲೊ.

ಹ್ಯಾ ಸಂದರ್ಭಾರ್ ಕೊಂಕಣಿ ಭಾಷಾ ಮಂಡಳ್ ಗೊಂಯ್ ಹಾಂಚಿ ಕಾರ್ಯದರ್ಶಿ ಅನ್ವೇಶಾ ಸಿಂಗ್‌ಬಾಳ್ ತಶೆಂ ಕವಿ ಉದಯ್ ಮ್ಹಾಂಬ್ರೊ ಹಾಜರ್ ಆಸಲ್ಲಿಂ.
ಮಂಗ್ಳುರಾಂತ್ ಜನೆರಾಚೆ 12 ತಾರಿಕೆರ್ ಚಲ್ಚ್ಯಾ ಕವಿತಾ ವಾಚನ್ ಸರ್ತೆಚ್ಯಾ ಫೈನಲ್ಸಾಕ್ ವಿಂಚುನ್ ಆಯಿಲ್ಲ್ಯಾ ಆಟ್ ಜಣಾಂಚಿಂ ನಾಂವಾಂ ಹೆಪರಿಂ ಆಸಾತ್:

ಅಂಕಿತ್ರಾ ಆಡ್ಕೋನ್ಕಾರ್, ಮಿತೇಶ್ ಲೋಟ್ಲಿಕಾರ್, ಸುವೀನಾ ಪಾಲ್ಕರ್


ರೋಹಿತ್ ನಾಯ್ಕ್, ಅಂತರಾ ಭಿಡೆ, ಕೆಜೆತಾನ್ ಫೆರ್ನಾಂಡಿಸ್

ಯುಗಾ ಆಡಾರ್ಕಾರ್, ಸಾಯಿ ಮ್ಹಾಂಬ್ರೆ

ಅಂಕಿತ್ರಾ ಆಡ್ಕೋನ್ಕಾರ್, ಮಿತೇಶ್ ಲೋಟ್ಲಿಕಾರ್, ಸುವೀನಾ ಪಾಲ್ಕರ್, ರೋಹಿತ್ ನಾಯ್ಕ್, ಅಂತರಾ ಪಿ. ಭಿಡೆ, ಕೆಜೆತಾನ್ ಫೆರ್ನಾಂಡಿಸ್, ಯುಗಾ ಆಡಾರ್ಕಾರ್, ಸಾಯಿ ಮ್ಹಾಂಬ್ರೆ.