ಕವಿತಾ ಟ್ರಸ್ಟ್ ಕೊಂಕಣಿ ಕವಿತಾ ವಾಚನ್ ಸರ್ತ್: ಮಡ್ಗಾವಾಂತ್ ಬಾರಾ ಜಣಾಂಕ್ ವಿಂಚ್ಲೆಂ.
ಕವಿತಾ ಟ್ರಸ್ಟಾನ್, ಕೊಂಕಣಿ ಭಾಷಾ ಮಂಡಳ್ ಗೊಂಯ್ ಹಾಂಚ್ಯಾ ಸಹಕಾರಾನ್ ಹ್ಯಾಚ್ ಸಪ್ಟೆಂಬರ್ 6 ತಾರಿಕೆರ್ ಮಡ್ಗಾಂವ್ಚ್ಯಾ ಕೊಂಕಣಿ ಭಾಷಾ ಮಂಡಳ್ ಶಾಳೆಚ್ಯಾ ಸಭಾಸಾಲಾಂತ್ ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತೆಚಿ ಮಡ್ಗಾಂವ್ ಫೆರಿ ಚಲೊವ್ನ್ ವೆಲಿ. ಹೆ ಸರ್ತೆಂತ್ ಪಂದ್ರಾ ಥಾವ್ನ್ ತೀಸ್ ವರ್ಸಾಂ ಭಿತರ‍್ಲ್ಯಾ 44 ಯುವಜಣಾಂನಿ ಭಾಗ್ ಘೆತಲ್ಲೊ.
ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಅಧ್ಯಕ್ಷ್ ಚೇತನ್ ಆಚಾರ್ಯಾನ್ ಸುರ‍್ವೆರ್ ಸರ್ವಾಂಕ್ ಯೆವ್ಕಾರ್ ಮಾಗ್ಲೊ. ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಕವಿತಾ ಟ್ರಸ್ಟಾಚೊ ಶೆವೊಟ್ ತಶೆಂ ಕಾರ್ಯಾಂಚಿ ವೊಳಕ್ ಕರುನ್ ದಿಲಿ.
ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಅಧ್ಯಕ್ಷ್ : ಚೇತನ್ ಆಚಾರ್ಯ
ಸರ್ತೆಂತ್ ಭಾಗ್ ಘೆತಲ್ಲಿಂ ಯುವಜಣಾಂ - ಮಡ್ಗಾಂವ್
ಸರ್ತೆಂತ್ ಭಾಗ್ ಘೆತಲ್ಲಿಂ ಯುವಜಣಾಂ - ಮಡ್ಗಾಂವ್
ಮಡ್ಗಾವಾಂತ್ ವಿಂಚುನ್ ಆಯಿಲ್ಲಿಂ ಯುವಜಣಾಂ
ಮಡ್ಗಾವಾಂತ್ ವಿಂಚುನ್ ಆಯಿಲ್ಲಿಂ ಯುವಜಣಾಂ ಕವಿತಾ ಟ್ರಸ್ಟ್ ಅನಿ ಕೊ.ಭಾ.ಮ ಕಾರ್ಭಾರ್‍ಯಾಂ ಸಂಗಿಂ
ಹ್ಯೆ ಸರ್ತೆಕ್ ವೊರಯ್ಣಾರ್ ಜಾವ್ನ್ ಮೆಲ್ವಿನ್ ರೊಡ್ರಿಗಸ್, ಕಿಶೂ ಬಾರ್ಕೂರ್ ತಶೆಂ ಎಂಡ್ರ್ಯೂ ಎಲ್ ಡಿಕುನ್ಹಾ ಆಸಲ್ಲೆ. ವಿತೊರಿ ಕಾರ್ಕೊಳಾನ್ ಹಿ ಸರ್ತ್ ಚಲೊವ್ನ್ ವೆಲಿ. ಎವ್ರೆಲ್ ರೊಡ್ರಿಗಸ್ ಆನಿ ವಿಲಿಯಮ್ ಪಾಯ್ಸ್ ಹಾಂಣಿ ಸಹಕಾರ್ ದಿಲ್ಲೊ.
ಹ್ಯಾ ಕಾರ್ಯಾಕ್ ಶಾಳೆಚೊ ಮುಕೆಲ್ ಮೆಸ್ತ್ರಿ ತಶೆಂ ಕವಿ-ಲೇಖಕ್ ಅನಂತ್ ಅಗ್ನಿ ಹಾಜರ್ ಆಸಲ್ಲೆ. ಜಾಯ್ತ್ಯಾ ಶಾಳಾಂಚಿ ಶಿಕ್ಷಕಾಂ ಸಭೆಂತ್ ಆಸಲ್ಲಿಂ.
2014,
ಜನೆರ್ 12 ತಾರಿಕೆರ್ ಮಂಗ್ಳುರಾಂತ್ ಚಲ್ಚ್ಯಾ ರೋಹನ್ ಆನಿ ಲವೀಟಾ ಮೊಂತೇರೊ ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತೆಚ್ಯಾ ಫೈನಲ್ಸಾಕ್ ಬಾರಾ ಜಣಾಂಕ್ ಮಡ್ಗಾಂವ್ ಥಾವ್ನ್ ವಿಂಚುನ್ ಕಾಡ್ಲೆಂ.
ಹ್ಯಾ ಆದಿಂ ಮಂಗ್ಳುರ್ ಥಾವ್ನ್ ನೋವ್, ಪಣಜಿ ಥಾವ್ನ್ ಆಟ್ ಜಣಾಂಕ್ ಹ್ಯಾ ಫೈನಲ್ಸಾ ಖಾತೀರ್ ವಿಂಚುನ್ ಕಾಡ್ಲಾಂ.
ವಿಂಚುನ್ ಆಯಿಲ್ಲ್ಯಾ ಬಾರಾ ಜಣಾಂಚಿ ನಾಂವಾಂ ಹ್ಯಾಪರಿಂ ಆಸಾತ್:
ಕನ್ಯಾ ಪಾವ್ಸೆ, ಸುಶ್ಮಿತಾ ಪೈ ಕಾನೆ, ಅಂಜನಿ ನಾಯ್ಕ್, ತನ್ವಿ ಕೆ. ಜಂಭಾಲೆ, ಸಾಯಿದತ್ತಾ ಕಾಮತ್, ವಸುಧಾ ವೈಂಗನ್ಕಾರ್, ಸಿದ್ಧಿ ಶೇಟ್ ರಾಯ್ಕರ್, ವಿಶ್ವ ಪ್ರತಾಪ್ ಪವಾರ್, ಮಂಗೇಶ್ ಹರಿಜನ್, ಹಾಯ್ಸಿಂತ್ ಮೊಂತೇರೊ, ಶ್ರೇಯಾ ಭರ್ನೆ, ಪ್ರನಿತಾ ಪಿ. ಪೈ.
कविता ट्रस्ट कोंकणी कविता वाचन सर्त: मडगावांत बारा जणांक विंचलें.
कविता ट्रस्टान, कोंकणी भाषा मंडळ गोंय हांच्या सहकारान ह्याच सपटेंबर ६ तारिकेर मडगांवच्या कोंकणी भाषा मंडळ शाळेच्या सभासालांत अखिल भारत कोंकणी कविता वाचन सर्तेची मडगांव फेरी चलोवन वेली. हे सर्तेंत पंद्रा थावन तीस वर्सां भितर्ल्या ४४ युवजणांनी भाग घेतल्लो.
कोंकणी भाषा मंडळ, गोंय अध्यक्ष चेतन आचार्यान सुरवेर सर्वांक येवकार मागलो. कविता ट्रस्ट अध्यक्ष मेल्विन रोड्रिगसान कविता ट्रस्टाचो शेवोट तशें कार्याची वोळक करून दिली.
ಕವಿತಾ ಟ್ರಸ್ಟಾಚೆ ಟ್ರಸ್ಟಿ ಚೇತನ್ ಆಚಾರ್ಯ ಆನಿ ಅನಂತ್ ಅಗ್ನಿ ಸಾಂಗಾತಾ
ಕವಿತಾ ಟ್ರಸ್ಟಾಚೆ ಟ್ರಸ್ಟಿ ಚೇತನ್ ಆಚಾರ್ಯ ಆನಿ ಅನಂತ್ ಅಗ್ನಿ ಸಾಂಗಾತಾ
ह्ये सर्तेक वोरयणार जावन मेल्विन रोड्रिगस, किशू बार्कूर तशें एंडऱ्यू एल डिकुन्हा आसल्ले. वितोरी कार्कोळान ही सर्त चलोवन वेली. एवरेल रोड्रिगस आनी विलियम पायस हांणी सहकार दिल्लो.
ह्या कार्याक शाळेचो मुकेल मेस्त्री तशें कवी-लेखक अनंत अग्नी हाजर आसल्ले. जायत्या शाळांची शिक्षकां सभेंत आसल्लीं.
२०१४, जनेर १२ तारिकेर मंगळुरांत चलच्या रोहन आनी लवीटा मोंतेरो अखिल भारत कोंकणी कविता वाचन सर्तेच्या फैनल्साक बारा जणांक मडगांव थावन विंचून काडलें.
ह्या आदीं मंगळूर थावन नोव, पणजी थावन आट जणांक ह्या फैनल्सा खातीर विंचून काडलां.
विंचून आयिल्ल्या बारा जणांची नांवां ह्यापरीं आसात:
कन्या पावसे, सुश्मिता पै काने, अंजनी नायक, तनवी के. जंभाले, सायदत्ता कामत, वसुधा वैंगणकार, सिद्धी शेट रायकार, विश्व प्रताप पवार, मंगेश पी. हरीजन, हायसींत मोंतेरो, श्रेया भरने, प्रनीता पी पै.