ಕವಿತಾ ಟ್ರಸ್ಟಾಚ್ಯಾ ಕವಿತಾ ವಾಚನ್ ಸರ್ತೆಂತ್ ಮಂಗ್ಳುರಾಂತ್ ಪನ್ನಾಸಾಂಕ್ ಮಿಕ್ವೊನ್ ಸ್ಫರ್ಧಿ

ಕವಿತಾ ಟ್ರಸ್ಟಾಚ್ಯಾ ಕವಿತಾ ವಾಚನ್ ಸರ್ತೆಂತ್ ಮಂಗ್ಳುರಾಂತ್ ಪನ್ನಾಸಾಂಕ್ ಮಿಕ್ವೊನ್ ಸ್ಫರ್ಧಿಕಾಂನಿ ಭಾಗ್ ಘೆತ್ಲೊ

ಕವಿತಾ ಟ್ರಸ್ಟಾನ್ ವರ್ಸಾನ್ ವರಸ್ ಚಲೊವ್ನ್ ವ್ಹರ್‍ಚಿ ಕವಿತಾ ವಾಚನ್ ಸರ್ತ್ ಹ್ಯಾಚ್ ಸಪ್ಟೆಂಬರ್ 7 ತಾರಿಕೆರ್ ಮಂಗ್ಳುರ್‍ಚ್ಯಾ ಡೊನ್ ಬೊಸ್ಕೊ ಹೊಲಾಂತ್ ಪ್ರಾರಂಭ್ ಜಾಲಿ. ಹ್ಯಾ ವರ್ಸಾಚೆ ಸರ್ತೆಂತ್ ಲ್ಹಾನಾಂಚ್ಯಾ ತಶೆಂ ವ್ಹಡಾಂಚ್ಯಾ ವಿಭಾಗಾಂನಿ 51 ಸ್ಪರ್ಧಿಕಾಂನಿ ಭಾಗ್ ಘೆತ್ಲೊ. ಮಂಗ್ಳುರ್‍ಚೊ ಹೊ ಪಾಂವ್ಡೊ ಕೊಂಕಣಿ ನಾಟಕ್ ಸಭೆಚ್ಯಾ ಜೋಡ್ ಆಶ್ರ್ಯಾಖಾಲ್ ಚಲ್ಲೊ.

"ಏಕ್ ಕವಿ ಆಪ್ಲೆ ಕವಿತೆ ಮಾರಿಫಾತ್ ಸಮಾಜೆಕ್ ಗರ್ಜೆಚೊ ವ್ಹರ್ತೊ ಸಂದೇಶ್ ದೀಂವ್ಕ್ ಸಕ್ತಾ ಆನಿ ತ್ಯಾ ಮಾರಿಫಾತ್ ಸಮಾಜಾಂತ್ ಜಾಗೃತಿ ಹಾಡುಂಕ್ ಸಕ್ತಾ. ಕವಿತೆಚಿ ಸಕತ್ ವಿಶೇಸ್' ಅಶೆಂ ಮ್ಹಣಾಲೊ ಕೊಂಕಣಿ ನಾಟಕ್ ಸಭೆಚೊ ಅಧ್ಯಕ್ಷ್, ಫಾ. ಸಿಪ್ರಿಯನ್ ಡಿಸೋಜಾ, ತಾಣೆ ಸುರ್‍ವೆರ್ ಹಾಜರ್ ಆಸಲ್ಲ್ಯಾ ಸರ್ವಾಂಕ್ ಯೆವ್ಕಾರ್ ದಿಲೊ. ಕವಿತಾ ಟ್ರಸ್ಟಾಚೊ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಸುರ್‍ವೆರ್ ಸರ್ತೆಚ್ಯಾ ನೆಮಾಂವಿಶಿಂ ಜಾಣ್ಕಾರಿ ದಿಲಿ ಆನಿ ಜನೆರ್ 11, 2015 ತಾರಿಕೆರ್ ಬಾರ್ಕೂರ್ ಚೌಳಿಕೆರೆಂತ್ ಚಲ್ಚ್ಯಾ ಕವಿತಾ ಫೆಸ್ತ್ ಸಂದರ್ಭಾರ್ ಹೆ ಸರ್ತೆಚೆಂ ಫೈನಲ್ಸ್ ಚಲ್ತಲೆಂ ಮ್ಹಣೊನ್ ಸಾಂಗ್ಲೆಂ.

 
Prithuma Monteiro, Austin D'Cunha

ವೀಸ್ ಭುರ್ಗ್ಯಾಂನಿ ವಾಂಟೊ ಘೆತಲ್ಲ್ಯಾ ಪಂದ್ರಾ ವರ್ಸಾಂ ಸಕಯ್ಲ್ಯಾ ಲ್ಹಾನಾಂಚ್ಯಾ ವಿಭಾಗಾಂತ್ ಪ್ರಿತುಮಾ ಮೊಂತೇರೊ, ಓಸ್ಟಿನ್ ಡಿಕುನ್ಹಾ, ಆನ್ನಾಲಿಸಾ ಡಿಸಿಲ್ವಾ ಆನಿ ವೆನ್ಸಿಟಾ ಡಾಯಸ್ ಹಾಂಕಾಂ ಫೈನಲಾ ಖಾತೀರ್ ವಿಂಚುನ್ ಕಾಡ್ಲಾಂ. ದುಬಾಯ್ಚ್ಯಾ ನೆಲ್ಸನ್ ರೊಡ್ರಿಕ್ಸ್ ಆನಿ ಕುಟ್ಮಾಚ್ಯಾ ನಾಂವಾರ್ ಚಲ್ಚ್ಯಾ ಚಾ. ಫ್ರಾ. ದೆಕೊಸ್ತಾ ಸ್ಮಾರಕ್ ಸರ್ತ್ ಹಿ ಜಾವ್ನಾಸೊನ್ ಭಾಗ್ ಘೆತಲ್ಯಾ ಸರ್ವಯ್ ಭುರ್ಗ್ಯಾಂನಿ ಕಂಠ್‌ಪಾಠ್ ಕವಿತಾ ಸಾದರ್ ಕೆಲ್ಲೆಂ ಏಕ್ ವಿಶೇಸ್ ಸಯ್. ಭುರ್ಗ್ಯಾಂನಿ ಲೊರೆನ್ಸ್ ಕಾಸ್ಸಿಯಾ, ಗ್ಲೇಡಿಸ್ ರೇಗೊ, ವಿಲ್ಫ್ರೆಡ್ ಲೋಬೊ ಪಡೀಲ್, ಡೆನಿಸ್ ಮೊಂತೇರೊ, ಜೆ.ಬಿ. ಮೊರಾಯಸ್, ಮೆಲ್ವಿನ್ ರೊಡ್ರಿಗಸ್, ವಿನ್ಸೆಂಟ್ ಮೆಂಡೊನ್ಸಾ, ವಿಕ್ಟರ್ ಲೋಬೊ, ಐರಿನ್ ರೆಬೆಲ್ಲೊ, ಎರಿಕ್ ಒಝೇರಿಯೊ, ಸ್ಟೇನಿ ಬೆಳಾ, ಜೊವಿನ್ ಸಿಕ್ವೇರಾ ಆನಿ ವಲ್ಲಿ ಕ್ವಾಡ್ರಸ್ ಹಾಂಚ್ಯೊ ಕವಿತಾ ಹೆ ಸರ್ತೆಖಾತೀರ್ ವಿಂಚಲ್ಲ್ಯೊ.

Annalisa D'Silva, Wencita Dias

31 ಯುವಜಣಾಂನಿ ಭಾಗ್ ಘೆತಲ್ಲ್ಯಾ ಪಂದ್ರಾಥಾವ್ನ್ ತೀಸ್ ವರ್ಸಾಂ ಭಿತರ್‍ಲ್ಯಾಂಚ್ಯಾ ವಿಭಾಗಾಂತ್ ಆಮೋರಾ ಮೊಂತೇರೊ, ಜೇಸನ್ ಸಿಕ್ವೇರಾ, ನಿಲಿಶಾ ಡಿಸೋಜಾ ಆನಿ ರೋಶನ್ ಕ್ರಾಸ್ತಾ ಫೈನಲ್ಸಾ ಖಾತೀರ್ ವಿಂಚುನ್ ಆಯ್ಲ್ಯಾಂತ್. ರೋಹನ್ ಆನಿ ಲವೀಟಾ ಮೊಂತೇರೊ ಅಖಿಲ್ ಭಾರತ್ ಮಟ್ಟಾರ್ ಚಲ್ಚೊ ಹೊ ಸ್ಪರ್ಧೊ ಹ್ಯಾ ವರ್ಸಾ ಚವ್ತೆ ಪಾವ್ಟಿಂ ಚಲೊನ್ ಆಸಾ. ಯುವಜಣಾಂನಿ ಲೊರೆನ್ಸ್ ಕಾಸ್ಸಿಯಾ, ಐರಿನ್ ರೆಬೆಲ್ಲೊ, ಜ್ಯೂಲಿಯೆಟ್ ಕುಟಿನ್ಹಾ, ವಿಲ್ಸನ್ ಕಟೀಲ್, ಅವಿನಾಶ್ ಡಿಸೋಜಾ, ವೊಲ್ಟರ್ ಆಲ್ಬುಕೆರ್ಕ್, ಮೆಲ್ವಿನ್ ರೊಡ್ರಿಗಸ್, ಶಕುಂತಲಾ ಕಿಣಿ, ಸ್ಮಿತಾ ಶೆಣೈ, ಅನಿಲ್ ಬೈಂದೂರ್, ಬಾ. ಸಿಪ್ರಿಯನ್ ಲುವಿಸ್, ಅರುಣ್ ಸಾಖರ್‌ದಾಂಡೆ, ದಿವ್ಯಾ ಡೆಸಾ, ಬಿ ಸುರೇಶ್ ಬಾಳಿಗಾ, ಗುರು ಬಾಳಿಗಾ, ಬಾಕಿಬಾಬ್ ಬೋರ್ಕರ್, ಜೇಸನ್ ಸಿಕ್ವೇರಾ, ಚಾಫ್ರಾ ದೆಕೊಸ್ತಾ, ಎಂಡ್ರ್ಯೂ ಡಿಕುನ್ಹಾ ಆನಿ ರೋಹನ್ ಆಡ್ಕಬಾರೆ - ಹಾಂಚ್ಯೊ ಕವಿತಾ ಹೆ ಸರ್ತೆಖಾತೀರ್ ವಿಂಚಲ್ಲ್ಯೊ.

Amora Monteiro, Jaison Sequeira, Nilisha D'Souza, Roshan Crasta

ಎಡ್ಡಿ ಸಿಕ್ವೇರಾ, ಎವ್ರೆಲ್ ರೊಡ್ರಿಗಸ್ ಆನಿ ವಿಲಿಯಮ್ ಪಾಯ್ಸ್ ಹಾಂಣಿ ವೊರಯ್ಣಾರ್ ಜಾವ್ನ್ ಸಹಕಾರ್ ದಿಲ್ಲೊ ತರ್, ವಿತೊರಿ ಕಾರ್ಕೊಳ್ ಹಾಣೆ ವೇದಿ ವಯ್ಲಿ ವೇಳ್ ಸಾಂಬಾಳ್ಚಿ ಜವಾಬ್ದಾರಿ ಘೆತಲ್ಲಿ. ಎಂಡ್ರ್ಯೂ ಡಿಕುನ್ಹಾ, ಬೊನಿಫಾಸ್ ಪಿಂಟೊ, ನೊಬ್ಬಿ ಪಾಯ್ಸ್ ಹಾಂಣಿ ಸಹಕಾರ್ ದಿಲ್ಲೊ.

ಭಾಗ್ ಘೆತಲ್ಲ್ಯಾ ಸರ್ವಾಂಕ್ ಕವಿತಾ ಟ್ರಸ್ಟಾ ತರ್ಫೆನ್ ಪ್ರಮಾಣ್ ಪತ್ರಾಂ ತಶೆಂ ಕವಿತೆಚಿಂ ಪುಸ್ತಕಾಂ ಫಾ. ಸಿಪ್ರಿಯನಾನ್ ವಾಂಟ್ಲಿಂ. ಕೊಂಕಣಿ ನಾಟಕ್ ಸಭೆಚೊ ಕಾರ್ಯದರ್ಶಿ ಸುನೀಲ್ ಮಿನೇಜಸ್ ಹಾಣೆ ಉಪ್ಕಾರ್ ಆಟಯ್ಲೆ. ಹ್ಯಾ ಕಾರ್ಯಾಕ್ ಕೊಂಕಣಿ ನಾಟಕ್ ಸಭೆಚೊ ಉಪಾಧ್ಯಕ್ಷ್ ಡೊಲ್ಫಿ ಸಲ್ಡಾನ್ಹಾ ಆನಿ ಹೆರ್ ಸಾಂದೆ ಹಾಜರ್ ಆಸಲ್ಲೆ.

ಹಿ ಸರ್ತ್ ಸಪ್ಟೆಂಬರ್ 11 ತಾರಿಕೆರ್ ಪಣಜಿಂತ್, ಸಪ್ಟೆಂಬರ್ 12 ತಾರಿಕೆರ್ ಮಡ್ಗಾವಾಂತ್, ಸಪ್ಟೆಂಬರ್ 14 ತಾರಿಕೆರ್ ಬಂಟ್ವಾಳಾಂತ್, 21 ತಾರಿಕೆರ್ ಉಡುಪಿಂತ್ ಆನಿ 28 ತಾರಿಕೆರ್ ಕಾರ್ಕೊಳಾಂತ್ ಚಲ್ತಲಿ.

ಮಂಗ್ಳುರ್‍ಚೊ ಹೊ ಪಾಂವ್ಡೊ ಕೊಂಕಣಿ ನಾಟಕ್ ಸಭೆಚ್ಯಾ ಕವಿತಾ ಸ್ಪರ್ಧ್ಯಾ ಸಾಂಗಾತಾ ಮಾಂಡುನ್ ಹಾಡಲ್ಲೊ ಜಾಲ್ಲ್ಯಾನ್ ಹ್ಯಾ ಸಕಯ್ಲ್ಯಾಂಕ್ ಸಪ್ಟೆಂಬರ್ 27 ತಾರಿಕೆರ್ ಡೊನ್ ಬೊಸ್ಕೊ ಹೊಲಾಂತ್ ಚಲ್ಚ್ಯಾ ಕೊಂಕಣಿ ನಾಟಕ್ ಸಭೆಚ್ಯಾ ವಾರ್ಷಿಕೋತ್ಸವಾ ಸಂದರ್ಭಾರ್ ಇನಾಮಾಂ ಲಾಭ್ತಲಿಂ.

ಲ್ಹಾನಾಂಚೊ ವಿಭಾಗ್:
ಪಯ್ಲೆಂ: ಪ್ರಿತುಮಾ ಮೊಂತೇರೊ
ದುಸ್ರೆಂ: ಓಸ್ಟಿನ್ ಡಿಕುನ್ಹಾ
ತಿಸ್ರೆಂ: ಆನ್ನಾಲಿಸಾ ಡಿಸಿಲ್ವಾ

ವ್ಹಡಾಂಚೊ ವಿಭಾಗ್:

ಪಯ್ಲೆಂ (ದೊಗಾಂಕ್): ಆಮೋರಾ ಮೊಂತೇರೊ ಆನಿ ಜೇಸನ್ ಸಿಕ್ವೇರಾ
ದುಸ್ರೆಂ: ನಿಲೀಶಾ ಡಿಸೋಜಾ
ತಿಸ್ರೆಂ: ರೋಶನ್ ಕ್ರಾಸ್ತಾ.

कविता ट्रस्टाच्या कविता वाचन सरतेंत मंगळुरांत पन्नासांक मिकवोन स्पर्धिकांनी भाग घेतलो

कविता ट्रस्टान वर्सान वरस चलोवन व्हरची कविता वाचन सर्त ह्याच सपटेंबर ७ तारिकेर मंगळुरच्या डोन बोसको होलांत प्रारंभ जाली. ह्या वर्साचे सरतेंत ल्हानांच्या तशें व्हडांच्या विभागांनी ५१ स्परधिकांनी भाग घेतलो. मंगळुरचो हो पांवडो कोंकणी नाटक सभेच्या जोड आशऱ्याखाल चल्लो.

"एक कवी आपले कविते मारिफात समाजेक गरजेचो व्हरतो संदेश दीवंक सकता आनी त्या मारिफात समाजांत जागृती हाडूंक सकता. कवितेची सकत विशेस अशें म्हणालो कोंकणी नाटक सभेचो अध्यक्ष, फा. सिप्रीयन डिसोजा, ताणे सुर्वेर हाजर आसल्ल्या सरवांक येवकार दिलो. कविता ट्रस्टाचो अध्यक्ष मेल्विन रोड्रीगसान सुर्वेर सरतेच्या नेमांविशीं जाणकारी दिली आनी जनेर ११, २०१५ तारिकेर बारकूर चौळिकेरेंत चलच्या कविता फेस्त संदरभार हे सरतेचें फैनल्स चलतलें म्हणोन सांगलें.

वीस भुरग्यांनी वांटो घेतल्ल्या पंद्रा वर्सां सकयल्या ल्हानांच्या विभागांत प्रितुमा मोंतेरो, ऑस्टीन डिकुन्हा, आनालिसा डिसिलवा आनी वेन्सिटा डायस हांकां फैनला खातीर विंचून काडलां. दुबायच्या नेल्सन रोडरिक्स आनी कुटमाच्या नांवार चलच्या चा. फ्रा. देकोस्ता स्मारक सर्त ही जावनासोन भाग घेतल्या सर्वय भुरग्यांनी कंठपाठ कविता सादर केल्लें एक विशेस सय. भुरग्यांनी लोरेन्स कास्सीया, ग्लेडिस रेगो, विलफ्रेड लोबो पडील, डेनीस मोंतेरो, जे.बी. मोरायस, मेल्विन रोड्रीगस, विन्सेंट मेंडोन्सा, विकटर लोबो, ऐरीन रेबेल्लो, एरीक ओझेरियो, स्टेनी बेळा, जोविन सिकवेरा आनी वल्ली क्वाड्रस हांच्यो कविता हे सरतेखातीर विंचल्ल्यो.

३१ युवजणांनी भाग घेतल्ल्या पंद्राथावन तीस वर्सां भितरल्यांच्या विभागांत आमोरा मोंतेरो, जेसन सिकवेरा, निलिशा डिसोजा आनी रोशन क्रास्ता फैनल्सा खातीर विंचून आयल्यांत. रोहन आनी लवीटा मोंतेरो अखील भारत मट्टार चलचो हो स्परधो ह्या वर्सा चवते पावटीं चलोन आसा. युवजणांनी लोरेन्स कास्सीया, ऐरीन रेबेल्लो, ज्यूलियेट कुटिन्हा, विल्सन कटील, अविनाश डिसोजा, वोल्टर आलबुकेर्क, मेल्विन रोड्रीगस, शकुंतला किणी, स्मिता शेणै, अनील बैंदूर, बा. सिप्रीयन लुविस, अरूण साखरदांडे, दिव्या डेसा, बी सुरेश बाळिगा, गुरू बाळिगा, बाकिबाब बोरकर, जेसन सिकवेरा, चाफ्रा देकोस्ता, एंडऱ्यू डिकुन्हा आनी रोहन आडकबारे - हांच्यो कविता हे सरतेखातीर विंचल्ल्यो.

एड्डी सिकवेरा, एवरेल रोड्रीगस आनी विलियम पायस हांणी वोरयणार जावन सहकार दिल्लो तर, वितोरी कारकोळ हाणे वेदी वयली वेळ सांबाळची जवाबदारी घेतल्ली. एंडऱ्यू डिकुन्हा, बोनिफास पिंटो, नोबबी पायस हांणी सहकार दिल्लो.

भाग घेतल्ल्या सरवांक कविता ट्रस्टा तर्फेन प्रमाण पत्रां तशें कवितेचीं पुस्तकां फा. सिप्रीयनान वांटलीं. कोंकणी नाटक सभेचो कार्यदर्शी सुनील मिनेजस हाणे उपकार आटयले. ह्या कार्याक कोंकणी नाटक सभेचो उपाध्यक्ष डोलफी सलडान्हा आनी हेर सांदे हाजर आसल्ले.

ही सर्त सप्टेंबर ११ तारिकेर पणजींत, १२ तारिकेर मडगावांत, १४ तारिकेर बंटवाळांत, २१ तारिकेर उडुपींत आनी २८ तारिकेर कारकोळांत चलतली.

मंगळुर्चो हो पांवडो कोंकणी नाटक सभेच्या कविता स्परध्या सांगाता मांडून हाडल्लो जाल्ल्यान ह्या सकयल्यांक सप्टेंबर २७ तारिकेर डोन बोस्को होलांत चलच्या कोंकणी नाटक सभेच्या वार्षीकोत्सवा संदर्भार इनामां लाभतलीं.

ल्हानांचो विभाग:
पयलें: प्रितुमा मोंतेरो
दुसरें: ऑस्टिन डिकुन्हा
तिसरें: आनालिसा डिसिलवा

व्हडांचो विभाग:

पयलें (दोगांक): आमोरा मोंतेरो आनी जेसन सिकवेरा
दुसरें: निलीशा डिसोजा
तिसरें: रोशन क्रास्ता.