ಕವಿತಾ ವಾಚನ್ ಸರ್ತ್: ಪಣಜಿಥಾವ್ನ್ ಯುಗಾ, ತನ್ವಿ ಆನಿ ನಿಕಿತಾ ಫೈನಲಾಕ್
ಕವಿತಾ ಟ್ರಸ್ಟಾನ್ ಮಾಂಡುನ್ ಹಾಡಲ್ಲ್ಯಾ ರೋಹನ್ ಆನಿ ಲವೀಟಾ ಮೊಂತೇರೊ ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತೆಚೊ ಪಣಜೆಂತ್ಲೊ ಮುಳಾವೊ ಪಾಂವ್ಡೊ ಹ್ಯಾಚ್ ಸಪ್ಟೆಂಬರ್ 11 ತಾರಿಕೆರ್ ಪಣಜಿ ಆಜಾದ್ ಮೈದಾನ್ ಲಾಗ್ಸಾರ್‍ಚ್ಯಾ ಟಿ. ಬಿ. ಕೂನ್ಹಾ ಸಭಾಸಾಲಾಂತ್ ಚಲ್ಲೊ. ಗೊಂಯ್ ಕೊಂಕಣಿ ಭಾಷಾ ಮಂಡಳಾಚ್ಯಾ ಆಶ್ರಯಾಖಾಲ್ ಚಲಲ್ಲೆ ಹೆ ಸರ್ತೆಂತ್ ವೀಸ್ ಸ್ಪರ್ಧಿಕಾಂನಿ ಭಾಗ್ ಘೆತಲ್ಲೊ ಆಸೊನ್ ವಿ. ಎಮ್. ಸಾಲ್ಗಾಂವ್ಕಾರ್ ಕೊಲೆಜಿಚ್ಯಾ ಯುಗಾ ಆಡಾರ್ಕಾರ್, ಆಲ್ಡೋನಾಚ್ಯಾ ನಿಕಿತಾ ಭೋಂಸ್ಲೆ ಆನಿ ಪೋಂಡಾ ಜಿ.ವಿ. ಎಮ್. ಕೊಲೆಜಿಚ್ಯಾ ತನ್ವಿ ಜಾಂಬ್ಳೆ ಹಾಂಕಾಂ ಜನೆರ್ 11 ತಾರಿಕೆರ್ ಬಾರ್ಕೂರ್ ಚೌಳಿಕೆರೆಂತ್ ಕವಿತಾ ಫೆಸ್ತ್ ಸಂದರ್ಭಾರ್ ಚಲ್ಚ್ಯಾ ಫೈನಲ್ಸಾ ಖಾತೀರ್ ವಿಂಚುನ್ ಕಾಡ್ಲಾಂ.
ಸರ್ತೆಚೆ ಸುರ್‍ವೆರ್ ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಚೊ ಅಧ್ಯಕ್ಷ್ ಚೇತನ್ ಆಚಾರ್ಯ ಹಾಣೆ ಸರ್‍ವಾಂಕ್ ಯೆವ್ಕಾರ್ ಮಾಗ್ತಚ್, ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸ್ ಹಾಣೆ ಟ್ರಸ್ಟಾಚೊ ಶೆವೊಟ್ ಆನಿ ಚಟುವಟಿಕೊ ಸಾಂಗ್ತಚ್ ಸರ್ತೆಚ್ಯಾ ನೆಮಾಂವಿಶಿಂ ಮ್ಹಾಯೆತ್ ದಿಲಿ. ಪಾಟ್ಲ್ಯಾ ತೀನ್ ವರ್ಸಾಂ ಥಾವ್ನ್ ಹಿ ಏಕ್ ಸರ್ತ್ ಗೊಂಯಾಂತ್ ಚಲೊಂವ್ಕ್ ಮಜತ್ ದಿಂವ್ಚ್ಯಾ ಕೊಂಕಣಿ ಭಾಷಾ ಮಂಡಳಾಚಿ ತಾಣೆ ಬರ್ಪೂರ್ ತೋಖ್ಣಾಯ್ ಕೆಲಿ.
ಹೆ ಸರ್ತೆಕ್ ಟ್ರಸ್ಟಿ ವಿಲಿಯಮ್ ಪಾಯ್ಸ್, ಕಿಶೂ ಬಾರ್ಕೂರ್ ಆನಿ ಎಂಡ್ರ್ಯು ಎಲ್. ಡಿಕುನ್ಹಾ ಹೆ ವೊರಯ್ಣಾರ್ ಜಾವ್ನ್ ಬಸಲ್ಲೆ ತರ್ ಖಜಾನಿ ಟ್ರಸ್ಟಿ ಎವ್ರೆಲ್ ರೊಡ್ರಿಗಸಾನ್ ಕಾರ್ಯಕ್ರಮಾಚೆಂ ಸುತ್ ಸಾಂಬಾಳ್ಳೆಂ.
ಹೆ ಸರ್ತೆಚೊ ಮುಳಾವೊ ಪಾಂವ್ಡೊ ಯೆದೊಳಚ್ ಮಂಗ್ಳುರಾಂತ್ ಚಲ್ಲಾ ಆಸೊನ್ ಪಣ್ಜೆ ಉಪ್ರಾಂತ್, ಮಡ್ಗಾಂವ್, ಬಂಟ್ವಾಳ್, ಉಡುಪಿ ಆನಿ ಕಾರ್ಕೊಳಾಂತ್ ಚಲ್ಚ್ಯಾರ್ ಆಸಾತ್. ಹಿ ಸರ್ತ್ ಪಂದ್ರಾ ಥಾವ್ನ್ ತೀಸ್ ವರ್ಸಾಂ ಭಿತರ್‍ಲ್ಯಾ ಯುವಜಣಾಂ ಖಾತೀರ್ ಪಾಟ್ಲ್ಯಾ ಚಾರ್ ವರ್ಸಾಂ ಥಾವ್ನ್ ಚಲೊನ್ ಆಸಾ.
कविता वाचन सर्त: पणजिथावन युगा, तनवी आनी निकिता फैनलाक
कविता ट्रस्टान् मांडून हाडल्ल्या रोहन आनी लवीटा मोंतेरो अखिल भारत कोंकणी कविता वाचन सर्तेचो पणजेंतलो मुळावो पांवडो ह्याच सप्टेंबर 11 तारिकेर पणजी आजाद मैदान लागसारच्या टी. बी. कून्हा सभासालांत चल्लो. गोंय कोंकणी भाषा मंडळाच्या आश्रयाखाल चलल्ले हे सर्तेंत वीस स्पर्धिकांनी भाग घेतल्लो आसोन वी. एम. सालगांवकार कॉलेजाच्या युगा आडारकार, आलडोनाच्या निकिता भोंसले आनी पोंडा जी.वी. एम. कॉलेजाच्या तनवी जांबळे हांकां जनेर 11 तारिकेर बारकूर चौळिकेरेंत कविता फेस्त संदर्भार चलच्या फैनल्सा खातीर विंचून काडलां.
Nikita Bhonsle, Tanvi Jambhle, Yuga Adarkar
सरतेचे सुर्वेर कोंकणी भाषा मंडळ, गोंय हाचो अध्यक्ष चेतन आचार्य हाणे सरवांक येवकार मागतच, कविता ट्रस्ट अध्यक्ष मेलविन रोडरिगस हाणे ट्रसटाचो शेवोट आनी चटुवटिको सांगतच सरतेच्या नेमांविशीं म्हायेत दिली. पाटल्या तीन वर्सां थावन ही एक सर्त गोंयांत चलोवंक मजत दिंवच्या कोंकणी भाषा मंडळाची ताणे बरपूर तोखणाय केली.
हे सरतेक ट्रसटी विलियम पायस, किशू बारकूर आनी एंडऱ्यु एल. डिकुन्हा हे वोरयणार जावन बसल्ले तर खजानी ट्रसटी एवरेल रोडरिगसान कार्यक्रमाचें सूत सांबाळ्ळें.
हे सरतेचो मुळावो पांवडो येदोळच मंगळुरांत चल्ला आसोन पणजे उपरांत, मडगांव, बंटवाळ, उडुपी आनी कारकोळांत चलच्यार आसात. ही सर्त पंद्रा थावन तीस वर्सां भितरल्या युवजणां खातीर पाटल्या चार वर्सां थावन चलोन आसा.