ಕವಿತಾ ವಾಚನ್ ಸರ್ತ್: ಬಂಟ್ವಾಳ್ ಥಾವ್ನ್ ಈಡನ್, ಶಾನ್ವಿಲ್, ರೆನ್ವಿಲ್ ಆನಿ ಮೆರಿಟಾ ಫೈನಲಾಕ್
ಕವಿತಾ ಟ್ರಸ್ಟ್ ಹಾಂಣಿ ವರ್ಸಾವಾರ್ ಮಾಂಡುನ್ ಹಾಡ್ಚೊ ರೋಹನ್ ಆನಿ ಲವೀಟಾ ಮೊಂತೇರೊ ಕೊಂಕಣಿ ಕವಿತಾ ವಾಚನ್ ಸರ್ತೆಚೊ ಬಂಟ್ವಾಳ್ ಮುಳಾವೊ ಪಾಂವ್ಡೊ ಹ್ಯಾಚ್ ಸಪ್ಟೆಂಬರ್ 14 ತಾರಿಕೆರ್ ಮೊಡಂಕಾಪ್ ಇಗರ್ಜೆಚ್ಯಾ ಸಭಾಸಾಲಾಂತ್ ಚಲ್ಲೊ. ICYM ಮೊಡಂಕಾಪ್ ಘಟಕಾಚ್ಯಾ ಸಹಕಾರಾನ್ ಆಯೋಜಿತ್ ಕೆಲ್ಲೆ ಹೆ ಸರ್ತೆಂತ್ ಪಂದ್ರಾ ವರ್ಸಾಂ ಸಕಯ್ಲ್ಯಾ ಭುರ್ಗ್ಯಾಂಚ್ಯಾ ವಿಭಾಗಾಂತ್ ಪಂದ್ರಾ ಭುರ್ಗ್ಯಾಂನಿ ಆನಿ ವ್ಹಡಾಂಚ್ಯಾ ವಿಭಾಗಾಂತ್ ಸ ಭುರ್ಗ್ಯಾಂನಿ ಭಾಗ್ ಘೆತಲ್ಲೊ.
ಲ್ಹಾನಾಂಚ್ಯಾ ವಿಭಾಗಾಂತ್ ಶಾನ್ವಿಲ್ ಶೊನ್ ಡಿಸೋಜಾ, ರೆನ್ವಿಲ್ ಡಿಸೋಜಾ ಆನಿ ಮೆರಿಟಾ ಡಿಸಿಲ್ವಾ ತಶೆಂ ವ್ಹಡಾಂಚ್ಯಾ ವಿಭಾಗಾಂತ್ ಈಡನ್ ಸಿಕ್ವೇರಾ ಹಾಂಕಾಂ ಜನೆರ್ 11 ತಾರಿಕೆರ್ ಬಾರ್ಕೂರ್ ಚೌಳಿಕೆರೆಂತ್ ಕವಿತಾ ಫೆಸ್ತ್ ಸಂದರ್ಭಾರ್ ಚಲ್ಚ್ಯಾ ಫೈನಲ್ಸಾಕ್ ವಿಂಚುನ್ ಕಾಡ್ಲೆಂ. ಲ್ಹಾನಾಂಚ್ಯಾ ವಿಭಾಗಾಂತ್ ಜೊಸ್ಲಿನ್ ಡಿಸೋಜಾಕ್ ರಿಸರ್ವ್ ಮ್ಹಣೊನ್ ವಿಂಚುನ್ ಕಾಡ್ಲಾಂ. ಲ್ಹಾನಾಂಚ್ಯಾ ವಿಭಾಗಾಂತ್ ಪಯ್ಲೆ ಕ್ಲಾಶಿಂತ್ಲ್ಯಾ ವಿಯೊನ್ ಪ್ರೆಸ್ಟನ್ ಲೋಬೊನ್ ಚಾಫ್ರಾ ದೆಕೊಸ್ತಾಚಿ ಆಡ್ಕುಲೊಗೊ ಬುಡ್ಕುಲೊ ಕವಿತಾ ತೊಂಡ್‌ಪಾಠ್ ಸಾಂಗೊನ್ ಸಗ್ಳ್ಯಾಂಕ್ ವಿಜ್ಮಿತ್ ಕೆಲೆಂ ಮಾತ್ರ್ ನ್ಹಯ್ ಆಯೋಜಕಾಂ ಥಾವ್ನ್ ಶಾಭಾಸ್ಕಿ ಆಪ್ಣಾಯ್ಲಿ.
ವೊರಯ್ಣಾರ್ ಮ್ಹಣೊನ್ ವಿಲಿಯಮ್ ಪಾಯ್ಸ್, ಎವ್ರೆಲ್ ರೊಡ್ರಿಗಸ್ ಆನಿ ಎಂಡ್ರ್ಯೂ ಎಲ್. ಡಿಕುನ್ಹಾ ಹಾಂಣಿ ಸಹಕಾರ್ ದಿಲ್ಲೊ.
ಸುರ್‍ವೆರ್ ಕವಯಿತ್ರಿ ವಿಲ್ಮಾ ಬಂಟ್ವಾಳ್ ಹಿಣೆ ಯೆವ್ಕಾರ್ ಮಾಗ್ತಚ್, ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ICYM ಮೊಡಂಕಾಪ್ ಘಟಕಾಚೊ, ಪ್ರತ್ಯೇಕ್ ಕರುನ್ ವಿಲ್ಮಾ ಬಂಟ್ವಾಳ್, ತಶೆಂ ಫಿರ್ಗಜ್ ಸಲ್ಹಾ ಮಂಡಳಿಚೊ ಉಪಾಧ್ಯಕ್ಷ್ ಫ್ರಾನ್ಸಿಸ್ ಸಲ್ಡಾನ್ಹಾ, ಲೇಖಕ್ ಪಾಸ್ಕಲ್ ರಿಚ್ಚರ್ಡ್ ಆನಿ ಹೆರಾಂಚೊ ಉಪ್ಕಾರ್ ಭಾವುಡ್ಲೊ. ಹ್ಯಾಚ್ ಸಂದರ್ಭಾರ್ ಕವಿತಾ ಟ್ರಸ್ಟಾಚೊ ವಾವ್ರ್ ಆನಿ ಸರ್ತೆಚ್ಯಾ ನೆಮಾಂವಿಶಿಂ ತಾಣೆ ಮ್ಹಾಯೆತ್ ದಿಲಿ.
ಭಾಗ್ ಘೆತಲ್ಲ್ಯಾ ಸರ್ವಾಂಕ್ ಟೊನಿ ಇಜಯ್ ಹಾಚ್ಯಾ ಭಕ್ತಿಕ್ ಗಿತಾಂಚಿ ಕೊವ್ಳಿ ತಶೆಂ ಕವಿತೆಚಿಂ ಪುಸ್ತಕಾಂ ಆನಿ ಪ್ರಮಾಣ್ ಪತ್ರಾಂ ವಾಂಟ್ಲಿಂ.
कविता वाचन सर्त: बंटवाळ थावन ईडन, शानवील, रेनवील आनी मेरिटा फैनलाक
कविता ट्रस्ट हांणी वर्सावार मांडून हाडचो रोहन आनी लवीटा मोंतेरो कोंकणी कविता वाचन सरतेचो बंटवाळ मुळावो पांवडो ह्याच सपटेंबर १४ तारिकेर मोडंकाप इगर्जेच्या सभासालांत चल्लो. ईछैं मोडंकाप घटकाच्या सहकारान आयोजीत केल्ले हे सरतेंत पंद्रा वर्सां सकयल्या भुरग्यांच्या विभागांत पंद्रा भुरग्यांनी आनी व्हडांच्या विभागांत स भुरग्यांनी भाग घेतल्लो.
Eden Sequeira
Merita DSilva, Shanwil DSouza, Renwil DSouza, Joslin D'Souza
ल्हानांच्या विभागांत शानवील शोन डिसोजा, रेनवील डिसोजा आनी मेरिटा डिसिलवा तशें व्हडांच्या विभागांत ईडन सिकवेरा हांकां जनेर ११ तारिकेर बारकूर चौळिकेरेंत कविता फेस्त संदरभार चलच्या फैनलसाक विंचून काडलें. ल्हानांच्या विभागांत जोसलीन डिसोजाक रिसर्व् म्हणोन विंचून काडलां. ल्हानांच्या विभागांत पयले क्लाशिंतल्या वियोन प्रेस्टन लोबोन चाफ्रा देकोस्ताची आडकुलोगो बुडकुलो कविता कंठपाठ सांगोन सगळ्यांक् विजमीत केलें मात्र् न्हय्, आयोजकां थावन शाभास्की आपणायली.
वोरयणार म्हणोन विलियम पायस, एवरेल रोडरिगस आनी एंडऱ्यू एल. डिकुन्हा हांणी सहकार दिल्लो.
सुर्वेर कवयित्री विल्मा बंटवाळ हिणे येवकार मागतच, कविता ट्रस्ट अध्यक्ष मेलविन रोडरिगसान ईछैं मोडंकाप घटकाचो, प्रत्येक करून विल्मा बंटवाळ, तशें फिरगज सल्हा मंडळिचो उपाध्यक्ष फ्रान्सिस सलडान्हा, लेखक पासकल रिच्चर्ड आनी हेरांचो उपकार भावुडलो. ह्याच संदरभार कविता ट्रसटाचो वावर आनी सरतेच्या नेमांविशीं ताणे म्हायेत दिली.
भाग घेतल्ल्या सरवांक टोनी इजय हाच्या भक्तीक गितांची कोवळी तशें कवितेचीं पुस्तकां आनी प्रमाण पत्रां वांटलीं.