ಕವಿತಾ ವಾಚನ್ ಸರ್ತ್: ಕಾರ್ಕಳ್ ಥಾವ್ನ್ ಹರ್ಶಿನಿ ಡಿಸೋಜಾ ಆನಿ ಇಶಾ ಪಾಯ್ಸ್ ಫೈನಲಾಕ್
ಹ್ಯಾಚ್ ಸಪ್ಟೆಂಬರ್ 28 ತಾರಿಕೆರ್ ಕಾರ್ಕಳ್ ಜೆಜು ರಾಯಾಚೆ ಇಗರ್ಜೆಚ್ಯಾ ಸಭಾಸಾಲಾಂತ್ ಚಲಲ್ಲ್ಯಾ, ಕವಿತಾ ಟ್ರಸ್ಟ್ ಹಾಂಣಿ ಮಾಂಡುನ್ ಹಾಡಲ್ಲ್ಯಾ ಕವಿತಾ ವಾಚನ್ ಸರ್ತೆಚ್ಯಾ ಮುಳಾವ್ಯಾ ವಿಂಚವ್ಣೆ ಪಾಂವ್ಡ್ಯಾಂತ್ ಹರ್ಶಿನಿ ಡಿಸೋಜಾ ತಶೆಂ ಇಶಾ ವಿ. ಪಾಯ್ಸ್ ಹಾಂಕಾಂ ಫೈನಲಾ ಖಾತೀರ್ ವಿಂಚುನ್ ಕಾಡ್ಲಾಂ. ಹಿಂ ದೊಗಾಂಯ್ ಜನೆರ್ 11 ತಾರಿಕೆರ್ ಆಯ್ತಾರಾ ಬಾರ್ಕೂರ್, ಚೌಳಿಕೆರೆಂತ್ ಚಲ್ಚ್ಯಾ ನೊವ್ಯಾ ಕವಿತಾ ಫೆಸ್ತ್ ಸಂದರ್ಭಾರ್ ಫೈನಲಾಂತ್ ಭಾಗ್ ಘೆತಲಿಂ. ಹಿ ಸರ್ತ್ ಉಜ್ವಾಡ್ ಕೊಂಕಣಿ ನೆಮಾಳ್ಯಾಚ್ಯಾ ಸಹಕಾರಾನ್ ಘಡೊವ್ನ್ ಹಾಡಲ್ಲಿ.
ಟ್ರೀನಲ್ ಪಿಂಟೊ ಆನಿ ವೀನಲ್ ಶೈನಿ ಡೆಸಾ - ಹಾಂಕಾಂ ಭುರ್ಗ್ಯಾಂಚ್ಯಾ ವಿಭಾಗಾಂತ್ ರಿಸರ್ವ್ ಮ್ಹಣೊನ್ ವಿಂಚುನ್ ಕಾಡ್ಲಾಂ. ಫೈನಲಾಕ್ ವಿಂಚುನ್ ಆಯಿಲ್ಲಿಂ ಕೊಣಯ್ ಭಾಗ್ ಘೆನಾತಲ್ಲ್ಯಾ ಸಂದರ್ಭಾರ್ ತಾಂಕಾಂ ಆವ್ಕಾಸ್ ಲಾಭ್ತಲೊ.
ರೋಹನ್ ಆನಿ ಲವೀಟಾ ಮೊಂತೇರೊ ಅಖಿಲ್ ಭಾರತ್ ಕವಿತಾ ವಾಚನ್ ಸರ್ತೆಚಿ ತಶೆಂ ಚಾಫ್ರಾ ದೆಕೊಸ್ತಾ ಸ್ಮಾರಕ್ ಪಯ್ಲ್ಯಾ ಕವಿತಾ ವಾಚನ್ ಸರ್ತೆಚಿ ಮುಳಾವಿ ವಿಂಚವ್ಣಿ ಕಾರ್ಕಳಾಂತ್ ಚಲಲ್ಲೆ ಸರ್ತೆ ಸಾಂಗಾತಾ ಸಂಪ್ಲಿ.
ಇಶಾ ವಿ. ಪಾಯ್ಸ್, ಹರ್ಶಿನಿ ಡಿಸೋಜಾ
ಹೆ ಸರ್ತೆಕ್ ವೊರಯ್ಣಾರ್ ಜಾವ್ನ್ ವಿತೊರಿ ಕಾರ್ಕಳ್, ವಿಲಿಯಮ್ ಪಾಯ್ಸ್ ಆನಿ ಎಂಡ್ರ್ಯೂ ಎಲ್. ಡಿಕುನ್ಹಾ ಆಸಲ್ಲೆ.
ಸುರ್‍ವೆರ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಸರ್ವಾಂಕ್ ಯೆವ್ಕಾರ್ ಕರುನ್ ಕವಿತಾ ಟ್ರಸ್ಟಾಚ್ಯಾ ವಾವ್ರಾಚಿ ವೊಳಕ್ ಕರುನ್ ದಿಲಿ. ಸರ್ತೆಚಿಂ ನೆಮಾಂ ತಾಣೆ ಸರ್ವಾಂಕ್ ಸಾಂಗ್ಲಿಂ.
ಮೆಸ್ತ್ರಿ ನಕ್ರೆಚ್ಯಾ ಜೊರ್ಜ್ ಕಾಸ್ತೆಲಿನೊನ್ ಭಾಗ್ ಘೆತಲ್ಲ್ಯಾ ಸರ್ವಾಂಕ್ ಪ್ರಮಾಣ್ ಪತ್ರಾಂ ತಶೆಂ ಕವಿತೆಚಿಂ ಪುಸ್ತಕಾಂ ವಾಂಟ್ಲಿಂ. ಮೆಲ್ವಿನ್ ರೊಡ್ರಿಗಸಾನ್ ತೀನ್ ಕವಿತಾ ವಾಚನ್ ಕರುನ್, ವಾಚನ್ ಕರ್‍ಚೆ ರಿತಿಚಿ ಏಕ್ ಝಳಕ್ ದಿಲಿ. ಭುರ್ಗ್ಯಾಂಕ್ ಪ್ರೋತ್ಸಾವ್ ದೀವ್ನ್ ಸರ್ತೆಕ್ ಧಾಡಲ್ಲ್ಯಾ ಆವಯ್-ಬಾಪಾಂಯ್ಚೊ ತಾಣೆ ಆಭಾರ್ ಮಾಂದ್ಲೊ.
कविता वाचन सर्त: कारकळ थावन हरशिनी डिसोजा आनी इशा पायस फैनलाक
ह्याच सपटेंबर २८ तारिकेर कारकळ जेजू रायाचे इगर्जेच्या सभासालांत चलल्ल्या, कविता ट्रस्ट हांणी मांडून हाडल्ल्या कविता वाचन सरतेच्या मुळाव्या विंचवणे पांवड्यांत हरशिनी डिसोजा तशें इशा वी. पायस हांकां फैनला खातीर विंचून काडलां. हीं दोगांय जनेर ११ तारिकेर आयतारा बारकूर, चौळिकेरेंत चलच्या नोवया कविता फेस्त संदरभार फैनलांत भाग घेतलीं. ही सर्त उजवाड कोंकणी नेमाळ्याच्या सहकारान घडोवन हाडल्ली
रोहन आनी लवीटा मोंतेरो अखील भारत कविता वाचन सरतेची तशें चाफ्रा देकोसता स्मारक पयल्या कविता वाचन सरतेची मुळावी विंचवणी कारकळांत चलल्ले सरते सांगाता संपली.
हे सरतेक वोरयणार जावन वितोरी कारकळ, विलियम पायस आनी एंडऱ्यू एल. डिकुन्हा आसल्ले.
सुर्वेर अध्यक्ष मेलविन रोडरिगसान सरवांक येवकार करून कविता ट्रसटाच्या वावराची वोळक करून दिली. सरतेचीं नेमां ताणे सरवांक सांगलीं.
मेस्त्री नकरेच्या जोर्ज कास्तेलिनोन भाग घेतल्ल्या सरवांक प्रमाण पत्रां तशें कवितेचीं पुस्तकां वांटलीं. मेलविन रोडरिगसान तीन कविता वाचन करून, वाचन करचे रितिची एक झळक दिली. भुरग्यांक प्रोत्साव दीवन सरतेक धाडल्ल्या आवय-बापांयचो ताणे आभार मांदलो.