ಕವಿತಾ ವಾಚನ್ ಸರ್ತ್: ಬಂಟ್ವಾಳಾಂತ್ ನೋವ್ ಭುರ್ಗಿಂ ತಶೆಂ ದೊಗಾಂ ಯುವಜಣಾಂ ಫೈನಲ್ಸಾಕ್
ಕವಿತಾ ಟ್ರಸ್ಟ್ ಹಾಂಣಿ ಬಂಟ್ವಾಳ್ಚ್ಯಾ ಮೊಡಂಕಾಪ್ ಇಗರ್ಜೆಚ್ಯಾ ಸಭಾಸಾಲಾಂತ್ ಚಲೊವ್ನ್ ವೆಲ್ಲ್ಯಾ ಭುರ್ಗ್ಯಾಂಚ್ಯಾ ತಶೆಂ ವ್ಹಡಾಂಚ್ಯಾ ಕವಿತಾ ವಾಚನ್ ಸರ್ತೆಂತ್ ನೋವ್ ಭುರ್ಗ್ಯಾಂಕ್ ತಶೆಂ ದೊಗಾಂ ಯುವಜಣಾಂಕ್, ಜನೆರಾಂತ್ ಚಲ್ಚ್ಯಾ ಫೈನಲ್ಸಾಕ್ ವಿಂಚುನ್ ಕಾಡ್ಲ್ಯಾಂತ್. ICYM ಮೊಡಂಕಾಪ್ ಘಟಕ್ ಹಾಂಚ್ಯಾ ಜೋಡ್ ಪಾಲ್ವಾನ್ ಹ್ಯಾಚ್ ಸಪ್ಟೆಂಬರ್ 20 ತಾರಿಕೆರ್ ಚಲಲ್ಲ್ಯಾ ಹ್ಯೆ ಸರ್ತೆಂತ್ 42 ಭುರ್ಗ್ಯಾಂನಿ ತಶೆಂ ಸ ಯುವಜಣಾಂನಿ ವಾಂಟೊ ಘೆತಲ್ಲೊ.
ಸುರ್‍ವೆರ್ ಮೊಡಂಕಾಪ್ ಯುವ ಸಂಚಾಲನಾಚೊ ಸಚೇತಕ್ ಸುನಿಲ್ ಲುವಿಸಾನ್ ಯೆವ್ಕಾರ್ ಮಾಗ್ಲೊ. ಕವಿತಾ ಟ್ರಸ್ಟ್ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಸರ್ತೆಚಿಂ ನೆಮಾಂ ಸಾಂಗ್ಲಿಂ ಆನಿ ಹೆ ಸರ್ತೆಕ್ ಮಜತ್ ದಿಲ್ಲ್ಯಾ ಯುವ ಸಂಚಾಲನಾಚೊ ಆನಿ ಪ್ರತ್ಯೇಕ್ ಥರಾನ್ ವಿಲ್ಮಾ ಬಂಟ್ವಾಳ್, ರಿಚರ್ಡ್ ಪಾಸ್ಕಲ್ ತಶೆಂ ಫಿರ್ಗಜೆಚೊ ಉಪಾಧ್ಯಕ್ಷ್ ಫ್ರಾನ್ಸಿಸ್ ಸಲ್ಡಾನ್ಹಾ ಹಾಂಚೊ ತಾಣೆ ಉಪ್ಕಾರ್ ಭಾವುಡ್ಲೊ.
ವೊರಯ್ಣಾರ್ ಜಾವ್ನ್ ಟ್ರಸ್ಟಿ ಎವ್ರೆಲ್ ರೊಡ್ರಿಗಸ್, ಎಂಡ್ರ್ಯೂ ಎಲ್. ಡಿಕುನ್ಹಾ ಆನಿ ವಿಲಿಯಮ್ ಪಾಯ್ಸ್ ಆಸಲ್ಲೆ. ವಿಲ್ಮಾ ಬಂಟ್ವಾಳ್ ಹಿಣೆ ಸಹಕಾರ್ ದಿಲ್ಲೊ.
ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ ಪ್ರಾಯೋಜಕ್ಪಣಾಖಾಲ್ ಚಲ್ಚ್ಯಾ ಚಾ. ಫ್ರಾ. ದೆಕೊಸ್ತಾ ಸ್ಮಾರಕ್ ಅಖಿಲ್ ಕರ್ನಾಟಕ ಭುರ್ಗ್ಯಾಂಚ್ಯಾ ಕವಿತಾ ವಾಚನ್ ಸರ್ತೆಚೊ ಹೊ ಪ್ರಾಥಮಿಕ್ ಪಾಂವ್ಡೊ ಜಾವ್ನಾಸುನ್ ಯೆದೊಳಚ್ ಮಂಗ್ಳುರಾಂತ್ ಹಿ ಸರ್ತ್ ಚಲ್ಲ್ಚ್ಯಾ. ಒಕ್ಟೋಬರ್ 11 ತಾರಿಕೆರ್ ಉಡುಪಿಂತ್ ತಶೆಂ ಒಕ್ಟೋಬರ್ 25 ತಾರಿಕೆರ್ ಮೂಡಬಿದ್ರಿಂತ್ ಹಿ ಸರ್ತ್ ಚಲ್ಚಿ ಆಸಾ.
ರೋಹನ್ ಆನಿ ಲವೀಟಾ ಮೊಂತೇರೊ ಪ್ರಾಯೋಜಕ್ಪಣಾಖಾಲ್ ಚಲ್ಚ್ಯಾ ಅಖಿಲ್ ಭಾರತ್ ಕೊಂಕಣಿ ಕವಿತಾ ವಾಚನ್ ಸರ್ತೆಚೆ ಪ್ರಾಥಮಿಕ್ ಪಾಂವ್ಡೆ ಯೆದೊಳಚ್ ಪಣಜಿ, ಮಡ್ಗಾಂವ್ ಆನಿ ಮಂಗ್ಳುರಾಂತ್ ಚಲಲ್ಲೆ ಆಸುನ್ ಫುಡಾರಾಂತ್ ಉಡುಪಿ ಆನಿ ಮೂಡಬಿದ್ರಿಂತ್ ಚಲ್ತಲೆ.
ಹ್ಯಾ ಸಂದರ್ಭಾರ್ ಕವಿ ವಲ್ಲಿ ಕ್ವಾಡ್ರಸ್ ಆನಿ ಜಿಯೋ ಆಗ್ರಾ ಹಾಜರ್ ಆಸಲ್ಲೆ. ತಾಂಣಿ ಕವಿ ಪಂಚು ಬಂಟ್ವಾಳ್ ಆನಿ ವಿಲ್ಮಾ ಬಂಟ್ವಾಳಾ ಸಾಂಗಾತಾ ವಾಂಟೊ ಘೆತಲ್ಲ್ಯಾ ಸರ್ವಯ್ ಸ್ಪರ್ಧಿಕಾಂಕ್ ಪ್ರಮಾಣ್ ಪತ್ರಾಂ ವಾಂಟ್ಲಿಂ.
ಭುರ್ಗ್ಯಾಂಚ್ಯಾ ವಿಭಾಗಾಂತ್ ವಿಂಚುನ್ ಆಯಿಲ್ಲ್ಯಾಂಚಿಂ ನಾಂವಾಂ ಹೆಪರಿಂ ಆಸಾತ್:
-
ವಿಯೊನ್ ಪ್ರೆಸ್ಟನ್ ಲೋಬೊ
-
ಸಲೋಮಿ ಡಿಸೋಜಾ
-
ರೋಹನ್ ಪಿಂಟೊ
-
ನಿಶಿಕಾ ಕಾರ್ಲೊ
-
ಶಾನ್ವಿಲ್ ಡಿಸೋಜಾ
-
ಜೆನಿಕಾ ಡಿಸೋಜಾ
-
ಸುಶ್ಮಿತಾ ಡಿಸೋಜಾ
-
ಜೆಸ್ಸಿಕಾ ಡಿಸೋಜಾ
-
ಫಿಯೊನಾ ಪಿರೇರಾ
ವ್ಹಡಾಂಚ್ಯಾ ವಿಭಾಗಾಂತ್ ವಿಂಚುನ್ ಆಯಿಲ್ಲ್ಯಾಂಚಿಂ ನಾಂವಾಂ ಹೆಪರಿಂ ಆಸಾತ್:
-
ಗ್ರೀಶ್ಮಾ ಶಲ್ಮಾ ವೇಗಸ್
-
ರೀಮಾ ಮಿಶಾಲ್ ಲೋಬೊ
कविता वाचन सर्त: बंटवाळांत नोव भुरगीं तशें दोगां युवजणां फैनल्साक
कविता ट्रस्ट हांणी बंटवाळच्या मोडंकाप इगर्जेच्या सभासालांत चलोवन वेल्ल्या भुरग्यांच्या तशें व्हडांच्या कविता वाचन सर्तेंत नोव भुरग्यांक तशें दोगां युवजणांक, जानेरांत चलच्या फैनल्साक विंचून काडल्यांत. ICYM मोडंकाप घटक हांच्या जोड पालवान ह्याच सप्टेंबर वीस तारकेर चलल्ल्या हे सर्तेंत 42 भुरग्यांनी तशें स युवजणांनी वांटो घेतल्लो.
सुरवेर मोडंकाप युव संचालनाचो सचेतक सुनील लुविसान येवकार मागलो. कविता ट्रस्ट अध्यक्ष मेल्विन रोड्रीगसान सर्तेचीं नेमां सांगलीं आनी हे सर्तेक मजत दिल्ल्या युव संचालनाचो आनी प्रत्येक थरान विल्मा बंटवाळ, रिचर्ड पास्कल तशें फिर्गजेचो उपाध्यक्ष फ्रान्सीस सल्डान्हा हांचो ताणे उपकार भावुडलो.
वोरयणार जावन ट्रस्टी एवरेल रोड्रीगस, एंड्र्यू एल. डिकून्हा आनी विलियम पायस आसल्ले. विल्मा बंटवाळ हिणे सहकार दिल्लो.
नेल्सन आनी लवीना रोड्रीक्स प्रायोजकपणाखाल चलच्या चा. फ्रा. देकोस्ता स्मारक अखिल कर्नाटक भुरग्यांच्या कोंकणी कविता वाचन सर्तेचो हो प्राथमीक पांवडो जावनासून येदोळच मंगळूरांत ही सर्त् चल्ल्या. ओक्टोबर 11 तारकेर उडुपींत तशें ओक्टोबर 25 तारकेर मूदबिद्रींत ही सर्त चलची आसा.
रोहन आनी लवीटा मोंतेरो प्रायोजकपणाखाल चलच्या अखिल भारत कोंकणी कविता वाचन सर्तेचे प्राथमीक पांवडे येदोळच पणजी, मडगांव आनी मंगळूरांत चलल्ले आसून फुडारांत उडुपी आनी मूडबिद्रींत चलतले.
ह्या संदर्भार कवी वल्ली क्वाड्रस आनी जियो अग्रार हाजर आसल्ले. तांणी कवी पंचू बंटवाळ आनी विल्मा बंट्वाळा सांगाता वांटो घेतल्ल्या सर्वय स्पर्धीकांक प्रमाण पत्रां वांटलीं.
भुरग्यांच्या विभागांत विंचून आयल्ल्यांचीं नांवां हेपरीं आसात:
-
वियोन प्रेस्टन लोबो
-
सलोमी डिसोजा
-
रोहन पिंटो
-
निशिका कार्लो
-
शानविल डिसोजा
-
जेनिका डिसोजा
-
सुश्मिता डिसोजा
-
जेस्सीका डिसोजा
-
फियोना पिरेरा
व्हडांच्या विभागांत विंचून आयल्ल्यांचीं नांवां हेपरीं आसात:
-
ग्रीश्मा शल्मा वेगस
-
रीमा मिशाल लोबो