ಕವಿತಾ ವಾಚನ್ ಸರ್ತ್: ಮೂಡಬಿದ್ರಿ ಥಾವ್ನ್ ಶಿವೋನ್ ಸೆರಾವೊ ಆನಿ ಗ್ರೇಶಲ್ ಕ್ವಾಡ್ರಸ್ ಫೈನಲಾಕ್
ಕವಿತಾ ಟ್ರಸ್ಟಾನ್ ಚಲೊವ್ನ್ ವ್ಹರ್‍ಚೊ ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ ಪ್ರಾಯೋಜಿತ್ ಚಾಫ್ರಾ ದೆಕೊಸ್ತಾ ಸ್ಮಾರಕ್ ಅಖಿಲ್ ಕರ್ನಾಟಕ ಭುರ್ಗ್ಯಾಂಚೆ ತಶೆಂ ರೋಹನ್ ಆನಿ ಲವೀಟಾ ಮೊಂತೇರೊ ಪ್ರಾಯೋಜಿತ್ ಅಖಿಲ್ ಭಾರತ್ ಯುವಜಣಾಂಚೆ ಕವಿತಾ ವಾಚನ್ ಸರ್ತೆಚೊ ಮೂಡಬಿದ್ರಿ ಪಾಂವ್ಡೊ ಹ್ಯಾಚ್ ಒಕ್ಟೋಬರ್ 25 ತಾರಿಕೆರ್ ಆಯ್ತಾರಾ ದೊನ್ಪಾರಾಂ ತೀನ್ ವೊರಾಂಚೆರ್ ಮೂಡಬಿದ್ರಿ ಕೊರ್ಪುಸ್ ಕ್ರಿಸ್ತಿ ಇಗರ್ಜೆಚ್ಯಾ ಸಾಲಾಂತ್ ಚಲ್ಲೊ.
Greshal Quadras and Sheavon Serrao
ಕವಿತಾ ಟ್ರಸ್ಟಾಚೊ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಟ್ರಸ್ಟಾಚಿಂ ಕಾಮಾಂ ತಶೆಂ ಸರ್ತೆಚಿಂ ನೆಮಾಂ ಹಾಜರ್ ಆಸಲ್ಲ್ಯಾಂಕ್ ವಿವರಾಯ್ಲಿಂ. ಟ್ರಸ್ಟಿ ವಿಲಿಯಮ್ ಪಾಯ್ಸ್, ಎಂಡ್ರ್ಯೂ ಎಲ್ ಡಿಕುನ್ಹಾ ತಶೆಂ ಎವ್ರೆಲ್ ರೊಡ್ರಿಗಸ್ ವೊರಯ್ಣಾರ್ ಜಾವ್ನ್ ಆಸಲ್ಲಿಂ ತರ್ ವಿತೊರಿ ಕಾರ್ಕೊಳಾನ್ ಸರ್ತ್ ಚಲೊವ್ನ್ ವ್ಹರ್‍ಚ್ಯಾಂತ್ ಮಜತ್ ಕೆಲಿ.
ಭುರ್ಗ್ಯಾಂಚ್ಯಾ ವಿಭಾಗಾಂತ್ ಮೂಡಬಿದ್ರಿಚೆಂ ಶೀವೊನ್ ಸೆರಾವೊ ಆನಿ ವ್ಹಡಾಂಚ್ಯಾ ವಿಭಾಗಾಂತ್ ಗುರುಪುರ್ ಕೈಕಂಬಾಚೆಂ ಗ್ರೇಶಲ್ ಕ್ವಾಡ್ರಸ್ ಫೈನಲಾ ಖಾತೀರ್ ವಿಂಚುನ್ ಆಯ್ಲ್ಯಾಂತ್. 2016 ಜನೆರಾಚೆ 10 ತಾರಿಕೆರ್ ಮಂಗ್ಳುರ್ ವಿಶ್ವ ಕೊಂಕಣಿ ಕೇಂದ್ರ್ ಹಾಂಗಾಸರ್ ಚಲ್ಚ್ಯಾ ಧಾವ್ಯಾ ಕವಿತಾ ಫೆಸ್ತ್ ಸಂದರ್ಭಾರ್ ಹೆ ಸರ್ತೆಚೆಂ ಫೈನಲ್ಸ್ ಚಲ್ತಲೆಂ.
कविता वाचन सर्त: मूडबिद्री थावन शिवॉन सेरावो आनी ग्रेशल क्वाड्रस फैनलाक
कविता ट्रस्टान चलोवन व्हरचो नेल्सन आनी लवीना रोड्रीक्स प्रायोजीत चाफ्रा देकोस्ता स्मारक अखिल कर्नाटक भुरग्यांचे तशें रोहन आनी लवीटा मोंतेरो प्रायोजीत अखिल भारत युवजणांचे कविता वाचन सर्तेचो मूडबिद्री पांवडो ह्याच ओक्टोबर 25 तारकेर आयतारा दोनपारां तीन वोरांचेर मूडबिद्री कोर्पूस क्रिस्ती इगर्जेच्या सालांत चल्लो.
कविता ट्रस्टाचो अध्यक्ष मेल्विन रोड्रीगसान ट्रस्टाचीं कामां तशें सर्तेचीं नेमां हाजर आसल्ल्यांक विवरायलीं. ट्रस्टी विलियम पायस, एंड्र्यू एल डिकून्हा, एवरेल रोड्रीगस वोरयणार जावन आसल्लीं तर वितोरी कार्कोळान सर्त चलोवन व्हरच्यांत मजत केली.
भुरग्यांच्या विभागांत मूडबिद्रीचें शिवॉन सेरावो आनी व्हडांच्या विभागांत गुरपूर कैकंबाचें ग्रेशल क्वाड्रस फैनला खातीर विंचून आयल्यांत. 2016 जनेराचे 10 तारकेर मंगळूर विश्व कोंकणी केंद्र हांगासर चलच्या धाव्या कविता फेस्त संदर्भार हे सर्तेचें फैनल्स चलतलें.