ಉಡುಪಿ ಥಾವ್ನ್ ಚೊವ್ಗಾಂ ಜಣಾಂ ಕವಿತಾ ವಾಚನ್ ಸರ್ತೆಚ್ಯಾ ಫೈನಲಾಕ್
ಕವಿತಾ ಟ್ರಸ್ಟ್ ಹಾಂಣಿ ಚಲೊಂವ್ಚೆ ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ - ಚಾಫ್ರಾ ದೆಕೊಸ್ತಾ ಸ್ಮಾರಕ್ ಕೊಂಕಣಿ ಕವಿತಾ ವಾಚನ್ ಸರ್ತೆಚೊ ಉಡುಪಿ ಪಾಂವ್ಡೊ ಹ್ಯಾಚ್ ಸಪ್ಟೆಂಬರ್ 11 ತಾರಿಕೆರ್ ಸಕಾಳಿಂ ಉಡುಪಿ ದುಖಿ ಸಾಯ್ಬಿಣಿಚ್ಯೆ ಇಗರ್ಜೆಚ್ಯಾ ಸಾಲಾಂತ್ ಚಲ್ಲೊ.
'ಉಜ್ವಾಡ್' ಕೊಂಕಣಿ ನೆಮಾಳ್ಯಾಚ್ಯಾ ಸಹಕಾರಾನ್ ಚಲಲ್ಲ್ಯಾ ಹ್ಯೆ ಸರ್ತೆಚ್ಯೆ ಸುರ್‍ವೆರ್ ಕವಿತಾ ಟ್ರಸ್ಟಾಚೊ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಸರ್ವಾಂಕ್ ಸ್ವಾಗತ್ ಕೆಲೊ ಆನಿ ಸರ್ತೆಚಿಂ ನೆಮಾಂ ಸಾಂಗ್ಲಿಂ.
ಆಂಡ್ರ್ಯೂ ಎಲ್ ಡಿಕುನ್ಹಾ, ವಿಲಿಯಮ್ ಪಾಯ್ಸ್ ಆನಿ ಕಿಶೋರ್ ಗೊನ್ಸಾಲ್ವಿಸ್ - ವೊರಯ್ಣಾರ್ ಜಾವ್ನ್ ಆಸಲ್ಲೆ. ಎವ್ರೆಲ್ ರೊಡ್ರಿಗಸಾನ್ ಸಹಕಾರ್ ದಿಲ್ಲೊ.
ಹ್ಯೆ ಸರ್ತೆ ಸಾಂಗಾತಾ ರೋಹನ್ ಆನಿ ಲವೀಟಾ ಮೊಂತೇರೊ - ಅಖಿಲ್ ಭಾರತ್ ಕೊಂಕಣಿ ವಾಚನ್ ಸರ್ತೆಚೊ ಉಡುಪಿ ಪಾಂವ್ಡೋಯ್ ಮಾಂಡುನ್ ಹಾಡಲ್ಲೊ.
ಕವಿ ಎಂಟನಿ ಬಾರ್ಕೂರಾನ್ ವಾಂಟೊ ಘೆತಲ್ಲ್ಯಾ ಸರ್ವಾಂಕ್ ಪ್ರಮಾಣ್ ಪತ್ರಾಂ ಆನಿ ವಲ್ಲಿ ವಗ್ಗಾಚ್ಯಾ ಕವಿತಾಂಚೆಂ ಪುಸ್ತಕ್ 'ನೆಕೆತ್ರಾಂ" ವಾಂಟ್ಲಿಂ.
ನವೆಂಬರ್ 6 ತಾರಿಕೆರ್ ಚಲ್ಚ್ಯಾ ಫೈನಲ್ಸಾಂತ್ ವಾಂಟೊ ಘೆಂವ್ಚೆ ಖಾತೀರ್ ಭುರ್ಗ್ಯಾಂ ಮಧೆಂ ತೆಗಾಂ ಆನಿ ಯುವಜಣಾಂ ಮಧೆಂ ಎಕ್ಲ್ಯಾಕ್ ಹ್ಯಾ ಸಂದರ್ಭಾರ್ ವಿಂಚ್ಲೆಂ. ತಾಂಚಿಂ ನಾಂವಾಂ ಹ್ಯೆಪರಿಂ ಆಸಾತ್:
ಲ್ಹಾನಾಂಚೊ ವಿಭಾಗ್:
1. ಅಲ್ಕಾ ಪವಿತ್ರ ಲುವಿಸ್, ಬ್ರಹ್ಮಾವರ್
2. ರೇವೊನ್ ಡಾಯಸ್, ಉಡುಪಿ
3. ರೋಶನಿ ಆಳ್ವ, ಕುಂಟಾಲ್‍ನಗರ್
ಯುವಜಣಾಂಚೊ ವಿಭಾಗ್:
1. ಸಾರಾ ಡಿಸೋಜಾ, ಮೂಡುಬೆಳ್ಳೆ
उडुपी थावन चोवगां जणां कविता वाचन सर्तच्या फैनलाक
कविता ट्रस्ट हांणी चलोंवचे नेल्सन आनी लवीना रोड्रिक्स - चाफ्रा देकोस्ता स्मारक कोंकणी कविता वाचन सर्तेचो उडुपी पांवडो ह्याच सप्टेंबर ११ तारिकेर सकाळीं उडुपी दुखी सायबिणिच्ये इगर्जेच्या सालांत चल्लो.
'उजवाड' कोंकणी नेमाळ्याच्या सहकारान चलल्ल्या ह्ये सर्तेच्ये सुरवेर कविता ट्रस्टाचो अध्यक्ष मेल्विन रोड्रीगसान सर्वांक स्वागत केलो आनी सर्तेचीं नेमां सांगलीं.
आंडऱ्यू एल डिकुन्हा, विलियम पायस आनी किशोर गोन्साल्वीस - वोरयणार जावन आसल्ले. एवरेल रोड्रिगसान सहकार दिल्लो.
ह्ये सर्ते सांगाता रोहन आनी लवीटा मोंतेरो - अखिल भारत कोंकणी वाचन सर्तेचो उडुपी पांवडोय मांडून हाडल्लो.
कवी एंटनी बार्कूरान वांटो घेतल्ल्या सर्वांक प्रमाण पत्रां आनी वल्ली वग्गाच्या कवितांचें पुस्तक 'नेकेत्रां" वांटलीं.
नवेंबर ६ तारिकेर चलच्या फैनल्सांत वांटो घेंवचे खातीर भुरग्यां मधें तेगां आनी युवजणां मधें एकल्याक ह्या संदर्भार विंचलें. तांचीं नांवां ह्येपरीं आसात:
ल्हानांचो विभाग:
१. अल्का पवित्रा लुवीस, ब्रह्मावर
२. रेवोन डायस, उडुपी
३. रोशनी आळवा, कुंटालनगर
युवजणांचो विभाग:
१. सारा डिसोजा, मूडुबेळ्ळे