ಕವಿತಾ ಟ್ರಸ್ಟಾಚಿ ಕವಿತಾ ಸರ್ತ್: ಮಡ್ಗಾಂವ್ ಥಾವ್ನ್ ಸ ಜಣಾಂ ಫೈನಲಾಕ್
ಕವಿತಾ ಟ್ರಸ್ಟಾನ್ ಚಲೊವ್ನ್ ವ್ಹರ್‍ಚೆ ರೋಹನ್ ಆನಿ ಲವೀಟಾ ಮೊಂತೇರೊ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರ್ ಸರ್ತೆಚೊ ಮಡ್ಗಾಂವ್ ಪಾಂವ್ಡೊ ಹ್ಯಾಚ್ ಸಪ್ಟೆಂಬರ್ 17 ತಾರಿಕೆರ್ ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಂಚ್ಯಾ ಶಾಳೆಂತ್ ಚಲ್ಲೊ. ವೆವೆಗ್ಳ್ಯಾ ಕೊಲೆಜಿಂಚ್ಯಾ ಎಕುಣ್ವೀಸ್ ಯುವಜಣಾಂನಿ ಹಾಂತುಂ ಭಾಗ್ ಘೆತಲ್ಲೊ.
ಕೊಂಕಣಿ ಭಾಷಾ ಮಂಡಳಾಚ್ಯಾ ಸಹಯೋಗಾನ್ ಚಲೊವ್ನ್ ವೆಲ್ಲೆ ಹ್ಯೆ ಸರ್ತೆಂತ್ ದತ್ತರಾಜ್ ನಾಯ್ಕ್, ಕುರ್ಚೊರೆಂ; ವೃಕ್ಷ ಕರ್ಮಲಿ, ಪಾರ್ವತಿ ಬಾಯ್ ಚೌಗುಳೆ ಕೊಲೆಜ್; ರಿವಾ ದೆ ಒಲಿವೇರಾ, ಫಾ. ಆಗ್ನೆಲ್ ಕೊಲೆಜ್, ಪಿಲಾರ್; ಸುಶ್ಮಿತಾ ಪೈ ಕಾಣೆ, ಮಡ್ಗಾಂವ್; ನಿಕಿತಾ ಫೆರ್ನಾಂಡಿಸ್, ಫಾ ಆಗ್ನೆಲ್ ಕೊಲೆಜ್, ಪಿಲಾರ್ ಆನಿ ಜಾನಿಸ್ ಫೆರ್ನಾಂಡಿಸ್, ಫಾ ಆಗ್ನೆಲ್ ಕೊಲೆಜ್ ಪಿಲಾರ್ - ಹಿಂ ಫೈನಲಾಕ್ ವಿಂಚುನ್ ಆಯ್ಲಿಂ.
ಸುರ್‍ವೆರ್ ಭಾಷಾ ಮಂಡಳಾಚೊ ಅಧ್ಯಕ್ಷ್ ಚೇತನ್ ಆಚಾರ್ಯ ಹಾಣೆಂ ಸರ್ವಾಂಕ್ ಯೆವ್ಕಾರ್ ಮಾಗ್ಲೊ. ಕವಿತಾ ಟ್ರಸ್ಟಾಚೊ ಅಧ್ಯಕ್ಷ್ ಮೆಲ್ವಿನ್ ರೊಡ್ರಿಗಸಾನ್ ಭಾಷಾ ಮಂಡಳಾಚೊ ಉಪ್ಕಾರ್ ಮಾಂದ್ಲೊ ಆನಿ ಸರ್ತೆಚಿಂ ನೆಮಾಂ ಸಾಂಗ್ಲಿಂ. ಕಿಶೂ ಬಾರ್ಕೂರ್, ವಿಲಿಯಮ್ ಪಾಯ್ಸ್ ಆನಿ ಚೇತನ್ ಆಚಾರ್ಯ ವೊರಯ್ಣಾರ್ ಜಾವ್ನ್ ಆಸಲ್ಲೆ ತರ್ ಎವ್ರೆಲ್ ರೊಡ್ರಿಗಸಾನ್ ಸರ್ತ್ ಚಲೊವ್ನ್ ವ್ಹರ್‍ಚ್ಯಾಂತ್ ಮಜತ್ ಕೆಲಿ.
ಭಾಗ್ ಘೆತಲ್ಲ್ಯಾ ಸರ್ವಾಂಕ್ ಪ್ರಮಾಣ್ ಪತ್ರಾಂ ತಶೆಂ ವಲ್ಲಿ ವಗ್ಗಾಚೆಂ ಪುಸ್ತಕ್ 'ನೆಕೆತ್ರಾಂ' ವಾಂಟ್ಲಿಂ. ಹ್ಯಾ ಸಂದರ್ಭಾರ್ ಕೊಂಕಣಿ ಭಾಷಾ ಮಂಡಳಾಚೊ ಮುಕೆಲ್ ಅಧ್ಯಾಪಕ್ ಅನಂತ್ ಅಗ್ನಿ ಹಾಜರ್ ಆಸಲ್ಲೊ.
ಹ್ಯೆ ಸರ್ತೆಚೊ ಅಂತಿಮ್ ಪಾಂವ್ಡೊ ನವೆಂಬರ್ 6 ತಾರಿಕೆರ್ ವಿಶ್ವ ಕೊಂಕಣಿ ಕೇಂದ್ರಾಂತ್ ಚಲ್ತಲೊ.
कविता ट्रस्टाची कविता सर्त: मडगांव थावन स जणां फैनलाक
कविता ट्रस्टान चलोवन व्हरचे रोहन आनी लवीटा मोंतेरो अखिल भारत कोंकणी कविता सादर सर्तेचो मडगांव पांवडो ह्याच सप्टेंबर १७ तारकेर कोंककणी भाषा मंडळ, गोंय हांच्या शाळेंत चल्लो. वेवेगळ्या कॉलेजिंच्या एकुणवीस युवजणांनी हांतूं भाग घेतल्लो.
कोंकणी भाषा मंडळाच्या सहयोगान चलोवन वेल्ले ह्ये सर्तेंत दत्तराज नायक, कुर्चोरें; वृक्ष कर्मली, पार्वती बाय चौगुळे कॉलेज; रिवा दे ओलिवेरा, फा. आग्नेल कॉलेज, पिलार; सुश्मिता पै काणे, मडगांव; निकिता फेर्नांडीस, फा आग्नेल कॉलेज, पिलार आनी जानीस फेर्नांडीस, फा आग्नेल कॉलेज पिलार - हीं फैनलाक विंचून आयलीं.
सुरवेर भाषा मंडळाचो अध्यक्ष चेतन आचाऱ्या हाणें सर्वांक येवकार मागलो. कविता ट्रस्टाचो अध्यक्ष मेल्विन रोड्रिगसान भाषा मंडळाचो उपकार मांदलो आनी सर्तेचीं नेमां सांगलीं. किशू बार्कूर, विलियम पायस आनी चेतन आचाऱ्या वोरयणार जावन आसल्ले तर एवरेल रोड्रिगसान सर्त चलोवन व्हरच्यांत मजत केली.
भाग घेतल्ल्या सर्वांक प्रमाण पत्रां तशें वल्ली वग्गाचें पुस्तक 'नेकेत्रां' वांटलीं. ह्या संदर्भार कोंकणी भाषा मंडळाचो मुकेल अध्यापक अनंत अग्नी हाजर आसल्लो.
ह्ये सर्तेचो अंतीम पांवडो नवेंबर ६ तारकेर विश्व कोंकणी केंद्रांत चलतलो.