ಕವಿತಾ ಟ್ರಸ್ಟಾಚಿ ಕೊಂಕಣಿ ಕವಿತಾ ಸಾದರ್ ಸರ್ತ್: ಮಡ್ಗಾಂವ್ ಥಾವ್ನ್ ಧಾ ಯುವಜಣಾಂ ಫೈನಲಾಕ್
ಕವಿತಾ ಟ್ರಸ್ಟಾನ್ ಮಾಂಡುನ್ ಹಾಡ್ಚೊ ರೋಹನ್ ಆನಿ ಲವೀಟಾ ಮೊಂತೇರೊ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರ್ ಸರ್ತೆಚೊ ಮಡ್ಗಾಂವ್ ಪಾಂವ್ಡೊ ಹ್ಯಾಚ್ ಸಪ್ಟೆಂಬರ್ 12 ತಾರಿಕೆರ್ ಕೊಂಕಣಿ ಭಾಷಾ ಮಂಡಳಾಚ್ಯಾ ಶಾಳೆಚ್ಯಾ ಉಗ್ತ್ಯಾ ಆಂಗ್ಣಾಂತ್ ಚಲ್ಲೊ. ಗೊಂಯಾಂತ್ ಪಣಜಿ ಆನಿ ಮಡ್ಗಾಂವ್ ಶೆರಾಂನಿ ಚಲ್ಚ್ಯೆ ಹ್ಯೆ ಫೆರಿಯೆಖಾತೀರ್ ಕೊಂಕಣಿ ಭಾಷಾ ಮಂಡಳ್ ಪಾಟ್ಲ್ಯಾ ಸ ವರ್ಸಾಂ ಥಾವ್ನ್ ಸಹಕಾರ್ ದಿತಾ.
ಮಡ್ಗಾಂವ್ ಫೆರಿಯೆಂತ್ 52 ಯುವಜಣಾಂನಿ ಭಾಗ್ ಘೆತಲ್ಲೊ ಆಸುನ್ ಹ್ಯಾ ಪಯ್ಕಿ ಧಾ ಜಣಾಂಕ್ 2018 ಜನೆರ್ ದುಸ್ರ್ಯಾ ಆಯ್ತಾರಾ ಚಲ್ಚ್ಯಾ ಫೈನಲ್ಸಾಕ್ ವಿಂಚುನ್ ಕಾಡ್ಲೆಂ.
ಕವಿತಾ ಟ್ರಸ್ಟ್ ಸ್ಥಾಪಕ್ ಮೆಲ್ವಿನ್ ರೊಡ್ರಿಗ್ಸಾನ್ ಸುರ್‍ವೆರ್ ಯೆವ್ಕಾರ್ ದಿಲೊ. ವೊರಯ್ಣಾರ್ ಜಾವ್ನ್ ಕವಿತಾ ಟ್ರಸ್ಟ್ ಅಧ್ಯಕ್ಷ್ ಕಿಶೋರ್ ಗೊನ್ಸಾಲ್ವಿಸ್, ಕಾರ್ಯದರ್ಶಿ ಎವ್ರೆಲ್ ರೊಡ್ರಿಗಸ್ ತಶೆಂಚ್ ಟ್ರಸ್ಟಿ ವಿಲಿಯಮ್ ಪಾಯ್ಸ್ ಆಸಲ್ಲೆ. ವಿತೊರಿ ಕಾರ್ಕಳ್ ಹಾಣೆ ಸಹಕಾರ್ ದಿಲೊ. ಹ್ಯಾ ಸಂದರ್ಭಾರ್ ಶಾಳೆಚೊ ಮುಕೆಲ್ ಶಿಕ್ಷಕ್ ತಶೆಂಚ್ ಕೊಂಕಣಿ ಲೇಖಕ್ ಅನಂತ್ ಅಗ್ನಿ ಹಾಜರ್ ಆಸುನ್ ಯುವಜಣಾಂಕ್ ಉದ್ದೇಸುನ್ ತೆ ಉಲಯ್ಲೆ. ಕವಿತಾ ಟ್ರಸ್ಟಾಚ್ಯಾ ವಾವ್ರಾಚಿ ತಾಂಣಿ ವಾಖಣ್ಣಿ ಕೆಲಿ.
ಭಾಗ್ ಘೆತಲ್ಲ್ಯಾ ಸರ್ವಾಂಕ್ ಪ್ರಮಾಣ್ ಪತ್ರಾಂ ತಶೆಂ ಎಮ್. ಪಿ. ರೊಡ್ರಿಗಸ್ ಹಾಂಚೆಂ ಕವಿತಾ ಪುಸ್ತಕ್ 'ರುಮ್ಡಿ ಫುಲಾಂ' ದಿಲೆಂ. ಲೇಖಕ್ ತಶೆಂಚ್ ಶಿಕ್ಷಕ್ ನಿತ್ಯಾನಂದ ನಾಯ್ಕ್ ಹಾಜರ್ ಆಸಲ್ಲೆ.
ಮಡ್ಗಾಂವ್ ಥಾವ್ನ್ ವಿಂಚುನ್ ಆಯಿಲ್ಲ್ಯಾಂಚಿಂ ನಾಂವಾಂ ಹ್ಯೆಪರಿಂ ಆಸಾತ್:
1. ಜಾನಿಸ್ ಫೆರ್ನಾಂಡಿಸ್, ಫಾ. ಆಗ್ನೆಲ್ ಕೊಲೆಜ್, ಪಿಲಾರ್
2. ಅನಿಶಾ ಕವ್ಳೆಕಾರ್, ಫಾ. ಆಗ್ನೆಲ್ ಕೊಲೆಜ್, ಪಿಲಾರ್
3. ನಿಕಿತಾ ಲೋಟ್ಲಿಕಾರ್, ಫಾ. ಆಗ್ನೆಲ್ ಕೊಲೆಜ್, ಪಿಲಾರ್
4. ವಿನಿತಾ ಮಿನೇಜಸ್, ಡಿಸ್ಟ್ರಿಕ್ಟ್ ಇನ್‍ಸ್ಟಿಟ್ಯೂಟ್ ಒಫ್ ಎಡ್ಯುಕೇಶನ್ ಎಂಡ್ ಟ್ರೇಯ್ನಿಂಗ್
5. ಮೃಗಾ ನಾಯ್ಕ್, ಶ್ರೀ ದಾಮೋದರ್ ಕೊಲೆಜ್ ಒಫ್ ಕೊಮರ್ಸ್ ಎಂಡ್ ಎಕೊನೊಮಿಕ್ಸ್
6. ಶ್ರೀಪಾದ್ ಎ. ಪ್ರಭು ದೇಸಾಯಿ, ಗವರ್ನ್‌ಮೆಂಟ್ ಕೊಲೆಜ್, ಕೆಪೆಂ
7. ಶಾಂತನು ಅಯ್ಯ, ಗವರ್ನ್‌ಮೆಂಟ್ ಕೊಲೆಜ್, ಕೆಪೆಂ
8. ಜೊಸ್ಮಿಟಾ ಫೆರ್ನಾಂಡಿಸ್, ಬಲ್ಲಿ, ಕೆಪೆಂ
9. ದತ್ತರಾಜ್ ನಾಯ್ಕ್, ಗೊಂಯ್ ವಿಶ್ವವಿದ್ಯಾಲಯ್
10.ವೃಕ್ಷ ಕರ್ಮಲಿ, ಪಾರ್ವತಿಬಾಯ್ ಚೌಗುಳೆ ಕೊಲೆಜ್
कविता ट्रस्टाची कोंकणी कविता सादर सर्त: मडगांव थावन धा युवजणां फैनलाक
कविता ट्रस्टान मांडून हाडचो रोहन आनी लवीटा मोंतेरो अखिल भारत कोंकणी कविता सादर सर्तेचो मडगांव पांवडो ह्याच सप्टेंबर १२ तारकेर कोंकणी भाषा मंडळ शाळेच्या उगत्या आंगणांत चल्लो. गोंयांत पणजी आनी मडगांव शेरांनी चलचे ह्ये फेरयेखातीर कोंकणी भाषा मंडळ फाटल्या स वरसां थावन सहकार दिता.
मडगांव फेरयेंत ५२ युवजणांनी भाग घेतल्लो आसून ह्या पयकी धा जणांक २०१८ जानेर दुसऱ्या आयतारा चलच्या फैनल्साक विंचून काडलें.
कविता ट्रस्ट स्थापक मेल्विन रोड्रिगसान सुरवेर येवकार दिलो. वोरयणार जावन कविता ट्रस्ट अध्यक्ष किशोर गोन्साल्वीस, काऱ्यदर्शी एवरेल रोड्रिगस तशेंच ट्रस्टी विलियम पायस आसल्ले. वितोरी कार्कळ हाणे सहकार दिलो. ह्या संदर्भार शाळेचो मुकेल शिक्षक तशेंच कोंकणी लेखक अनंत अग्नी हाजर आसून युवजणांक उद्देसून ते उलयले. कविता ट्रस्टाच्या वावराची तांणी तोखणाय केली.
भाग घेतल्ल्या सर्वांक प्रमाण पत्रां तशें एम. पी. रोड्रिगस हांचें कविता पुस्तक 'रुमडी फुलां' दिलें. लेखक तशेंच शिक्षक नित्यानंद नायक हाजर आसल्ले.
मडगांव थावन विंचून आयिल्ल्यांचीं नांवां ह्येपरीं आसात:
१. जानीस फेर्नांडीस, फा. आग्नेल कॉलेज, पिलार
२. अनिशा कवळेकार, फा. आग्नेल कॉलेज, पिलार
३. निकिता लोटलीकार, फा. आग्नेल कॉलेज, पिलार
४. विनिता मिनेजस, डिस्ट्रिक्ट इनस्टिट्यूट ऑफ एड्युकेशन एंड ट्रेयनिंग
५. मृगा नायक, श्री दामोदर कॉलेज ऑफ कोमर्स एंड एकोनोमिक्स
६. श्रीपाद ए. प्रभू देसाय, गवर्नमेंट कॉलेज, केपें
७. शांतनू अय्य, गवर्नमेंट कोलेज, केपें
८. जोस्मिटा फेर्नांडीस, बल्ली, केपें
९. दत्तराज नायक, गोंय विश्वविद्यालय
१०.वृक्ष कर्मली, पार्वतीबाय चौगुळे कॉलेज