ಕವಿತಾ ಟ್ರಸ್ಟ್ ಕವಿತಾ ಸಾದರ್ ಸರ್ತ್: ಮಿರಾರೊಡಾಂತ್ ಪಾಂಚ್ ಜಣಾಂಚಿ ವಿಂಚವ್ಣ್
ಕವಿತಾ ಟ್ರಸ್ಟಾನ್ ಆಶಾವಾದಿ ಪ್ರಕಾಶನಾಚ್ಯಾ ಸಹಯೋಗಾನ್ ಮುಂಬಯ್ ಶೆರಾಂತ್ ಮಾಂಡುನ್ ಹಾಡ್ಚ್ಯಾ ಅಖಿಲ್ ಭಾರತ್ ಕೊಂಕ್ಣಿ ಕವಿತಾ ಸಾದರ್ ಸರ್ತೆಚೊ ಮಿರಾರೋಡ್ ಪಾಂವ್ಡೊ ಹ್ಯಾಚ್ ಸಪ್ತೆಂಬ್ರಾಚ್ಯೆ 17 ತಾರಿಕೆರ್ ಸಾಂಜೆರ್ 5:30 ವೊರಾಂಚೆರ್ ಮಿರಾರೋಡಾಂತ್ಲ್ಯಾ ಬಾಳೊಕ್ ಜೆಜು ಇಗರ್ಜೆಚ್ಯಾ ಸಾಲಾಂತ್ ಚಲ್ಲೊ. ಸಾಂ. ಜುಜೆ ಕೊಂಕ್ಣಿ ವೆಲ್‌ಫೇರ್ ಎಸೋಸಿಯೇಶನ್ ಹ್ಯೆ ಸರ್ತೆಚೆ ಮಿರಾರೋಡ್ ಸಂಯೋಜಕ್ ಜಾವ್ನಾಸಲ್ಲೆ.
ಮಾನೆಸ್ತ್ ಹಿಲರಿ ಡಿ’ಸಿಲ್ವಾಚ್ಯಾ ಮುಖೇಲ್‌ಪಣಾಖಾಲ್ ಮಾಗ್ಣ್ಯಾ ಮಾರಿಫಾತ್ ಸುರ್ವಾತ್ ಜಾಲ್ಲ್ಯಾ ಹ್ಯೆ ಸರ್ತೆವೆಳಾ ಅಧ್ಯಕ್ಷ್ ಮಾನೆಸ್ತ್ ದಾಯ್ಗೊ ರೊಡ್ರಿಗಸಾನ್ ಸಯ್ರ್ಯಾಂಕ್ ಸ್ವಾಗತ್ ಕರುನ್, ಸ್ಪರ್ಧಿಕಾಂಕ್ ಸರ್ವ್ ಬರೆಂ ಮಾಗ್ಲೆಂ.
ಭುರ್ಗಿಂ ತಶೆಂಚ್ ಯುವಜಣ್ ಮ್ಹಣುನ್ ದೋನ್ ಪಂಗ್ಡಾಂತ್ ಚಲ್‌ಲ್ಲ್ಯಾ ಕವಿತಾ ಸಾದರ್ ಸರ್ತೆಂತ್ ಪಾಂಚ್ ಸ್ಪರ್ಧಿಕಾಂನಿ ಭಾಗ್ ಘೆತ್ಲೊ ಆನಿ ಹಿಂ ಸಕಯ್ಲಿಂ, ಮುಂಬಯ್ ಮಟ್ಟಾಚ್ಯಾ ದುಸ್ರ್ಯಾ ಹಂತಾಕ್ ಪಾವ್ಲಿಂ;
ರೋಹನ್ ಆನಿ ಲವೀಟಾ ಮೊಂತೇರೊ ಕವಿತಾ ಸಾದರ್ ಸರ್ತ್ : ಯುವಜಣಾಂಚೊ ವಿಭಾಗ್ (ಪಂದ್ರಾ ಥಾವ್ನ್ ತೀಸ್ ವರ್ಸಾಂ ಪ್ರಾಯೆಚಿಂ):
ಪಯ್ಲೆಂ ಇನಾಮ್: ರಿಯೋಲಾ ಮಥಾಯಸ್ (ಕವಿತಾ: ಏಕ್ ಆವಯ್, ಕವಿ: ಮೆಲ್ವಿನ್ ಜೆ. ವಾಸ್ ಕೆಲರಾಯ್)
ದುಸ್ರೆಂ ಇನಾಮ್: ಕರಿಶ್ಮಾ ಮರಿಯಾ ಡಿ’ಸೋಜ್ (ಕವಿತಾ: ಭುಕ್ ಆನಿ ಸೊಧ್ನಾಂ, ಕವಿ: ಆಸ್ಟಿನ್ ಪ್ರಭು ನಂತೂರ್)
ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ ಚಾಫ್ರಾ ದೆಕೊಸ್ತಾ ಸ್ಮಾರಕ್ ಭುರ್ಗ್ಯಾಂಚಿ ಕವಿತಾ ಸಾದರ್ ಸರ್ತ್: (ಪಂದ್ರಾ ವರ್ಸಾ ಸಕಯ್ಲಿಂ)
ಪಯ್ಲೆಂ ಇನಾಮ್: ಕೆಲಿಸ್ಟಾ ನಜ್ರೆತ್ (ಕವಿತಾ: ಕೊಣಾಕೀ ಸಾಂಗಿನಾಕಾ, ಕವಿ; ವಲ್ಲಿ ಕ್ವಾಡ್ರಸ್)
ದುಸ್ರೆಂ ಇನಾಮ್: ಆಶ್ಲೀ ನೊರೊನ್ಹಾ (ಕವಿತಾ: ದಾನ್, ಕವಿ: ಎಚ್ಚೆಮ್)
ತಿಸ್ರೆಂ ಇನಾಮ್: ರಿಯಾನ್ ಡಿ’ಸೋಜ್ (ಕವಿತಾ: ವಿದಾಯ್, ಕವಿ: ಜೆರಿ ಡಿ’ಸೋಜ್)
ಕವಿತಾವಾಚನ್ ಸರ್ತೆಂತ್ ವಾಂಟೆಲಿ ಜಾಲ್ಲ್ಯಾ ಸರ್ವಾಂಕ್ ಇನಾಮಾಂ ವಾಂಟ್ಲಿಂ.
-ಭಾತ್ಮಿ
कविता ट्रस्ट कविता सादर सर्त: मिरारोडांत पांच जणांची विंचवण
कविता ट्रस्टान आशावादी प्रकाशनाच्या सहयोगान मुंबय शेरांत मांडून हाडच्या अखिल भारत कोंकणी कविता सादर सर्तेचो मिरारोड पांवडो ह्याच सप्तेंबराच्ये १७ तारकेर सांजेर ५:३० वोरांचेर मिरारोडांतल्या बाळोक जेजू इगर्जेच्या सालांत चल्लो. सां. जुजे कोंकणी वेल्फेर एसोसियेशन ह्ये सर्तेचे मिरारोड संयोजक जावनासल्ले.
मानेस्त हिलरी डी’सिल्वाच्या मुखेलपणाखाल मागण्या मारीफात सुर्वात जाल्ल्या ह्ये सर्तेवेळा अध्यक्ष मानेस्त दायगो रोड्रिगसान सोयऱ्यांक स्वागत करून, स्पर्धिकांक सर्व बरें मागलें.
भुर्गीं तशेंच युवजण म्हणून दोन पंगडांत चलल्ल्या कविता सादर सर्तेंत पांच स्पर्धिकांनी भाग घेतलो आनी हीं सकयलीं, मुंबय मट्टाच्या दुसऱ्या हंताक पावलीं;
रोहन आनी लवीटा मोंतेरो कविता सादर सर्त : युवजणांचो विभाग (पंद्रा थावन तीस वर्सां प्रायेचीं):
पयलें इनाम: रियोला मथायस (कविता: एक आवय, कवी: मेल्विन जे. वास केलराय)
दुसरें इनाम: करिश्मा मरिया डी’सोज (कविता: भुक आनी सोधनां, कवी: ऑस्टीन प्रभू नंतूर)
नेल्सन आनी लवीना रोड्रिक्स चाफ्रा देकोस्ता स्मारक भुरग्यांची कविता सादर सर्त: (पंद्रा वर्सा सकयलीं)
पयलें इनाम: कॅलिस्टा नज्रेत (कविता: कोणाकी सांगिनाका, कवी; वल्ली क्वाड्रस)
दुसरें इनाम: आशली नोरोन्हा (कविता: दान, कवी: एच्चेम)
तिसरें इनाम: रियान डी’सोज (कविता: विदाय, कवी: जेरी डी’सोज)
कवितावाचन सर्तेंत वांटेली जाल्ल्या सर्वांक इनामां वांटलीं.
-भात्मी