ಕವಿತಾ ಟ್ರಸ್ಟ್ ಆನಿ ಆಶಾವಾದಿ ಪ್ರಕಾಶನಾ ಥಾವ್ನ್ ಮಿರಾರೊಡಾಂತ್ ಕವಿತಾ ವಾಚನ್ ಸರ್ತ್
ಕವಿತಾ ಟ್ರಸ್ಟ್ ಆನಿ ಆಶಾವಾದಿ ಪ್ರಕಾಶನಾಚ್ಯಾ ಜೋಡ್ ಆಶ್ರಯಾಖಾಲ್, ಸಾಂ. ಜುಜೆ ಕೊಂಕಣಿ ವೆಲ್ಫೇರ್ ಎಸೋಶಿಯೇಶನ್ ಮಿರಾರೋಡ್ ಹಾಂಣಿ ಒಕ್ಟೊಬರ್ 21 ತಾರಿಕೆರ್ ಆಯ್ತಾರಾ ಸಾಂಜೆರ್ 4:30 ವೊರಾರ್ ಇಗರ್ಜೆಚ್ಯಾ ಇನ್ಫೆಂಟ್ ಜೀಸಸ್ ಹೊಲಾಂತ್, ಅಖಿಲ್ ಭಾರತೀಯ್ ಕೊಂಕಣಿ ಕವಿತಾ ವಾಚನ್ ಸರ್ತ್ ಮಾಂಡುನ್ ಹಾಡ್ಲಿ.
ಫಿರ್ಗಜೆಚೆ ಸಹಾಯಕ್ ವಿಗಾರ್ ಮಾನಾಧಿಕ್ ಬಾಪ್ ನೆಲ್ಸನ್ ಕಾರ್ಡೊಜಾ ಹಾಂಚ್ಯಾ ಆಶೀರ್ವಾದಾಂ ದ್ವಾರಿಂ ಕಾರ್ಯಾಚಿ ಸುರ್ವಾತ್ ಜಾಲಿ. ಸಂಘಟನಾಚೊ ಅಧ್ಯಕ್ಶ್ ಮಾನೆಸ್ತ್ ಡಾಯ್ಗೊ ರೊಡ್ರಿಗಸಾನ್ ಸ್ಪರ್ಧಿಕಾಂಕ್ ಸ್ವಾಗತ್ ಕೆಲೊ. ಆಶಾವಾದಿ ಪ್ರಕಾಶನಾಚ್ಯಾ ಮಾನೆಸ್ತ್ ವಲ್ಲಿ ಕ್ವಾಡ್ರಸಾನ್ ಕವಿತಾ ವಾಚನ್ ರೆಗ್ರೊ ಆನಿ ನೆಮಾವಿಶಿಂ ಸಮ್ಜಣಿ ದಿಲಿ.
ಜ್ಯೂನಿಯರ್ ವಿಭಾಗಾಂತ್ ಧಾ ಭುರ್ಗ್ಯಾಂನಿ ಪಾತ್ರ್ ಘೆತ್‌ಲ್ಲೊ. ಸರ್ವ್ ಸ್ಪರ್ಧಿಕಾಂನಿ ಬೋವ್ ಆಪುರ್ಬಾಯೆನ್ ಆಪಾಪ್ಲ್ಯೊ ಕವಿತಾ ಸಾದರ್ ಕೆಲ್ಯೊ. ಹಾಂತುಂ ತೀನ್ ಜಣಾಂ ಮುಂಬಯ್ ಹಂತಾಚ್ಯಾ ಅಂತಿಮ್ ಸರ್ತೆಕ್ ವಿಂಚುನ್ ಆಯ್ಲಿಂ.
ಪಯ್ಲೆಂ ಸ್ಥಾನ್ - ಕು. ಜೊಯೆಲ್ಲಾ ಮಥಾಯಸ್
ದುಸ್ರೆಂ ಸ್ಥಾನ್ - ಕು. ಎಂಜೆಲ್ ಪಿಂಟೊ
ತಿಸ್ರೆಂ ಸ್ಥಾನ್ - ಕು. ಲಿನೆಲ್ ಸೆರಾವೊ
ಹಾಂಕಾಂ ಫಾವೊ ಜಾಲೆಂ.
ಹ್ಯೆ ಸರ್ತೆಕ್ ಮಾನೆಸ್ತ್ ವಲ್ಲಿ ಕ್ವಾಡ್ರಸ್ ಆನಿ ಮಾನೆಸ್ತ್ ಹಿಲರಿ ಡಿ ಸಿಲ್ವ ವೊರಯ್ಣಾರ್ ಜಾವ್ನ್ ಆಸ್‌ಲ್ಲೆ. ಸಂಘಟನಾಚೆ ಸಾಂದೆ ಆನಿ ಕಾರ್ಯಕರ್ತ್ ಹಾಜರ್ ಆಸ್‌ಲ್ಲೆ. ಸಾಂದೊ ಮಾನೆಸ್ತ್ ಹೆನ್ರಿ ಸಲ್ಡಾನ್ಹಾ ಹಾಣೆ ಕೊಂಕ್ಣಿ ಪದ್ ಗಾವ್ನ್ ಹಾಜರ್ ಆಸ್‌ಲ್ಲ್ಯಾಂಕ್ ಮನೊರಂಜನ್ ದಿಲೆಂ.
ಸಗ್ಳೆಂ ಕಾರ್ಯೆಂ ಬೋವ್ ಆಪುರ್ಬಾಯೆನ್ ಮಾನೆಸ್ತ್ ಜೆರಿ ಡಿಸೊಜಾ ಹಾಣೆ ಚಲೊವ್ನ್ ವೆಲೆಂ.
कविता ट्रस्ट आनी आशावादी प्रकाशना थावन मिरारोडांत कविता वाचन सर्त
कविता ट्रस्ट आनी आशावादी प्रकाशनाच्या जोड आश्रयाखाल, सां. जुजे कोंकणी वेल्फेर एसोशियेशन मिरारोड हांणी ओक्टोबर २१ तारकेर आयतारा सांजेर ४:३० वोरार इगर्जेच्या इनफेंट जीसस हॉलांत, अखिल भारत कोंकणी कविता वाचन सर्त मांडून हाडली.
फिर्गजेचे सहायक विगार मानाधीक बाप नेल्सन कार्डोजा हांच्या आशीर्वादां द्वारीं काऱ्याची सुर्वात जाली. संघटनाचो अध्यक्ष मानेस्त डायगो रोड्रिगसान स्पर्धिकांक स्वागत केलो. आशावादी प्रकाशनाच्या मानेस्त वल्ली क्वाड्रसान कविता वाचन सर्तेच्यो रेग्रो आनी नेमाविशीं समजणी दिली.
ज्यूनियर विभागांत धा भुरग्यांनी पात्र घेतल्लो. सर्व स्पर्धिकांनी बोव आपुरबायेन आपापल्यो कविता सादर केल्यो. हांतूं तीन जणां मुंबय हंताच्या अंतीम सर्तेक विंचून आयलीं.
पयलें स्थान - कू. जोयेल्ला मथायस
दुसरें स्थान - कू. एंजेल पिंटो
तिसरें स्थान - कू. लिनेल सेरावो
हांकां फावो जालें.
ह्ये सर्तेक मानेस्त वल्ली क्वाड्रस आनी मानेस्त हिलरी डीसिल्व वोरयणार जावन आसल्ले. संघटनाचे सांदे आनी काऱ्यकर्त हाजर आसल्ले. सांदो मानेस्त हेनरी सलडान्हा हाणे कोंकणी पद गावन हाजर आसल्ल्यांक मनोरंजन दिलें.
सगळें काऱ्यें बोव आपुरबायेन मानेस्त जेरी डिसोजा हाणे चलोवन वेलें.